Meta tha se pukjanët më 14 maj do votojnë që Puka të mos shuhet.

“Pjesëmarrje dhe vetëm pjesëmarrje më 14 maj. Të tjerët kanë dhënë jetën për ta gëzuar të drejtën e votës dhe kurrë nuk e patën mundësinë për të votuat. Vota është gjithçka e juaja, e ardhmja e fëmijëve tuaj.
Disa nga pikat e programit të Rrok Dedaj janë për rinjtë, për shkollimin, për t’iu lehtësuar kushtet që të mos largohen nga Puka dhe ta shohin të ardhmen këtu. jam këtu jo vetëm për të mbështetur kandidatin fitues Rrok Dodaj por edhe Hil Currin. Majën e parë që do ngjisim pas 14 majit është maja e Munellës dhe atje do vendosim flamurin e koalicioni Bashkë Fitojmë”, deklaroi Meta.

Ai iu bëri thirrje të rinjve të votojnë koalicionin Bashkë Fitojmë dhe kandidatët për këshilltarë.

“Ne i duam të rinjtë në vendimmarrje, të jenë lokomotiva e ndryshimit. Ne nuk i duam të rinjtë për gomone siç i do ai tjetri. Më 14 maj ne ekzekutojmë jo vetëm komunizmin absolut, korrupsionin absolut. Skandalet e këtij kryebashkiaku këtu kanë marrë dhenë në gjithë Shqipërinë, si sillet me qytetarët, si krijon incidente, vjedhjet. Njësoj si Edi Rama, ky model është kudo dhe këtë model e rrëzojmë me votën tuaj më 14 maj. Ju ftoj të gjithëve kudo ku i kemi njerëzit tanë në Pukë, Fushë-Arrëz, Shkodër, Tiranë, Durrës, në Kamëz kudo që janë t’u kërkojmë të votojnë jo vetëm për ndryshimin se këtu bëhet fjalë për të ndaluar shpopullimin e vendit një projekt të planifikuar”, tha Meta më tej.

The post Meta në Pukë: Votoni Rrok Dedajn, më 14 maj ekzekutojmë komunizmin dhe korrupsionin appeared first on Albeu.com.

The post Meta bën parashikimin: Fitore 5-0 në qarkun Shkodër appeared first on Albeu.com.

Jepni pëlqimin tuaj: Kush fiton në Tiranë?

Në këtë sondazh do të kenë mundësi që lexuesit të japin pëlqimin e tyre për kandidatin e preferuar.

FUTU KËTU TE FAQJA KRYESORE E SONDAZHIT

Secili prej lexuesve do të ketë mundësi të votojë vetëm një herë në sondazh gjatë një javë.

Sondazhi do të mbyllet në fund të javës dhe rezultatet do të bëhen publike të dielën, për t’u rihapur sërish të henën e javës pasardhëse. /albeu.com

The post SONDAZH/ Java e fundit, kush e fiton Tiranën? appeared first on Albeu.com.

Sipas Berishës, vota e tyre do të jetë kundër monizmit dhe për të vendosur pluralizimin politik në vend.

“Të dashur qytetare e qytetarë, zonja e zotërinj, vëllezër e motra, banorë të Paskuqanit, të pranishëm në këtë takim të fitores së madhe, të fitores së pluralizmit në Paskuqan, Kamzë, por edhe në mbarë Shqipërinë.

Dje unë pata një tur dhe kudo që shkova, frynte flladi i fitores.

Është nder i madh që vij sot tek ju, për të paraqitur kandidatin e koalicionit ‘Bashkë Fitojmë’, kandidatin e votës tuaj të lirë, e besimit tuaj, Arjan Hoxhën, i cili është njëkohësisht jo vetëm kandidat i koalicionit ‘Bashkë Fitojmë’, por është kandidat i 24 partive opozitare të cilat janë bashkuar në këtë betejë për rivendosjen e pluralizmit politik në Shqipërinë, përmbysjen e monizmit në qeverisjen vendore dhe ecjen e sigurtë drejt zgjedhjeve të përgjithshme, për përmbysjen e tij dhe në qeverinë qendrore.

Shqipëria përbën një nga dramat më të mëdha të një shoqërie dhe të një vendi. Kudo nga mëngjesi gjer në darkë, gjer natën vonë në bisedat tona, gjithnjë qarkullojmë vetëm shpopullimin, largimin e njerëzve, largimin e të rinjve nga ky vend, sikur të ishte një vend i mallkuar.

Si asnjëherë tjetër në historinë e Shqipërisë, vendi sot është një diktaturë reale. Po pse e them unë është një diktaturë? Është një diktaturë sepse të gjitha pushtetet janë të përqendruara në një dorë.

Sot në Shqipëri çdo pushtet, qendror dhe vendor, çdo pushtet i drejtësisë, i medieve, parlamenti, të gjitha janë në duart e një njeriu dhe kjo përbën kuptimin e vërtetë të fjalës, pushtetin më abuziv, më të rrezikshëm për vendin dhe qytetarët e këtij vendi.

Kjo përbën një diktaturë jo të bazuar në ideologji, as në besime të tjera, as në junta ushtarake, por të bazuar në një bandë, në një organizatë kriminale që qeveris vendin duke vjedhur nga mëngjesi deri në darkë. Që qeveris vendin duke i plaçkitur dhe grabitur pasuritë e tij, më shumë se çdo pushtues tjetër në çdo kohë. Që qeveris vendin duke përdorur, drogën, krimin dhe çdo mjet të paligjshëm.

Diktatura e bandës, apo diktatura e organizatave kriminale është forma më e rrezikshme më e shëmtuar e të gjitha diktaturave.

Ndaj dhe më 14 maj çdo qytetar i këtij vendi, duhet të votojë kundër monizmit, duhet të votojë që aty ku është, me votën e tij të kontribuojë që në pushtetin vendor të vendosim pluralizmin”, tha Berisha.

The post Berisha në Paskuqan: Më 14 maj, çdo qytetar duhet të votojë kundër monizmit, të vendosim pluralizmin appeared first on Albeu.com.

“Vendosëm që të shtyjmë fatin e kartave të identitetit që ka skaduar ose skado me 14 maj. Të gjithë shtetasit do të mund të votojnë dhe nëse mjeti i tyre i identitetit ka skaduar.  Kemi vendosur për t’i hapur rrugë zbatimit të struktures së re të policisë së shtetit. Struktura që është miratuar fillon zbatimin  dhe është një ndër reformat më të mëdha që ka bërë policia e shtetit në ristrukturimin tërësor të policisë kriminale, një ndër objektivat e ministrit për 2023”, ka thënë Çuçi.

Ministri është pyetur për fleksibilitetin që mund të ketë për qytetarët ndryshimi nga kompani private në publike për prodhimin e pasaportave dhe kartave të ID.

Çuçi u shpreh se me “IdentiTek” do mund të ketë fleksibilitete dhe shteti do mund të ndërhyjë më tepër për t’i ardhur në ndihmë qytetarëve. Kompania publike ndihmon gjithashtu për të lehtësuar barrierat e dikurshme për të bërë ndryshime efiçente për qytetarët.

“Nuk është e lidhur fare me çmimin, është marrëdhënie kontraktore me kompaninë që mbaron në korrik të këtij viti.

Do përfundojmë kontratën dhe do e marrim në dorëzim gjithë kompaninë e kartave.

Pastaj çështja e çmimit është një çështje që vendoset. Jemi më fleksibël për t’i ndryshuar çmimet. Jemi fleksibël por s’lidhet me ndryshimin e ligjit.”, tha Çuçi.

The post Zgjedhjet e 14 majit, Çuçi: Kujt i ka skaduar karta e identitetit do të lejohet të votojë appeared first on Albeu.com.

Këlliçi u shpreh se shërbimi i transportit publik falas, do të ofrohet edhe për zonat rurale.

“Sa lekë e keni biletën aty? 1 mijë lekë! Do ta bëjë zero unë pas 14 majit. Ma beso, më shiko këtu, do ta bëj. Për të mos ardhur me biçikletë, për kalamajtë. Kalamajtë, e keni problem e di”-tha Këlliçi.

Teksa takoi dhjetra sipërmarrës në këtë zonë, Belind Këlliçi shpërndau për biznesin e vogël programin e tij për taksat dhe tarifat vendore, disa prej të cilave do të zerohen, ndërsa të tjera do të ulen deri në 50%.

“Për hapësirën publike? Ne do ta përgjysmojmë. Kam folur pa fund për këtë punë dhe prandaj po them që do ta përgjysmojmë. Me taksat, me këto, u kanë bezdisur? Do t’i ulim, nuk e di nëse i ke parë. Taksën e infrastrukturës arsimore do ta heqim. Ti hapësirë publike nuk besoj se ke këtu, por një pjesë të taksave do t’i heqim”-u shpreh Këlliçi.

Gjatë bashkëbisedimit me qytetarë, disa prej tyre shprehën ankesa ndaj Inspektoratit Vendor të Mbrojtjes së Territorit. Belind Këlliçi ngriti akuza se kreu i këtij institucioni nuk u shërben më interesave të qytetarëve, pasi postin publik, e shfrytëzon për të marrë tendera nga institucionet që janë në varësi të bashkisë së Tiranës, ku vetë ai është nëpunës. Për të tillë zyrtarë, Belind Këlliçi premtoi llogaridhënie pas 14 majit.

“Po Mariglen Qato nuk vjen te ty se Mariglen Qato e ka mendjen me ndërtu, është biznesmen. Shoferi i kapet me kokainë, e di ti? Ka marrë nja 10 leje ndërtimi, ka hapur kompani, ka marrë tendera, merr tendera te UKT-ja. Se kanë më mendjen këta, se punonjësit e shtetit janë bërë ndërtuesa, prandaj nuk vjen. T’ia themi qytetarëve, prandaj nuk vjen Mariglen Qato, banditi. Do t’u japim drejtim të gjithëve, pas datës 14 maj të gjithë do të paguajnë një më një çfarë u kanë bërë njerëzve”-u shpreh Këlliçi.

Kandidati i opozitës për bashkinë e Tiranës, kërkoi nga qytetarët që të ftojnë miq e të afërm t`i bashkohen ndryshimit në 14 maj, duke votuar për numrin 5 në fletën e votimit për kryetar të bashkisë dhe numrin 1 në listën e kandidatëve për këshilltarë.

The post “Autobuz falas, ulje e taksave dhe tarifave”, Belind Këlliçi u prezanton banorëve të Njësisë 8 planin për ndryshimin e Tiranës appeared first on Albeu.com.

Deputetët e PS kanë zbuluar emrat e kandidatëve të bashkisë që do të garojnë në zgjedhjet e 14 majit për secilin qark.

Qarku Dibër 

Bashkia Bulqizë – Festime Mjeshtri

Bashkia Dibër – Rrahim Spahiu

Bashkia Klos – Valbona Kola

Bashkia Mat – Agron Malaj

Qarku Lezhë: 

Bashkia Kurbin – Majlinda Cara

Bashkia Lezhë – Pjerin Ndreu

Bashkia Mirditë – Nrec Deda

The post ZYRTARE/ Emrat e kandidatëve të PS në qarqet Dibër dhe Lezhë appeared first on Albeu.com.