Sipas Berishës, zgjedhësit votojnë disa herë dhe se manipulimi ishte i pakufishëm.

Berisha: Natyrisht të gjitha këto kanë një rezultante: farsën elektorale të 11 Majit.

Ndaj dhe unë sot kam zgjedhur për t’iu rikthyer denoncimeve, dy votime në dy qendra votimi tipike, të cilat tregojnë se votimet ishin një farsë.

Ka kjo zonja voton njëherë… prisni tani.

Voton edhe njëherë tjetër tani…

Prapë përsëri, nuk mjaftoi e para.

Tani është një qendër votimi, voton kjo zonja dhe del.

Komisioneri shkon pas tyre për arsyet e tij. Shikoni çfarë veprimesh bën patronazhisti në komision. Ka për avokat Altin Troplinin.

Shikoni, për dy minuta sa doli ai, e bëri fletën gati, e lë aty, prit…
Dy fletë votimi kjo. Fleta e parë, dy fletë.

Ja pra, votim…
Farsa elektorale ishte e pakufishme në narkodiktaturën autoritare të Edi Ramës.

Zall bastar – Qv 1674

Ka një rast që ky djali voton për zonjën, pastaj zonja voton përsëri për vete ndërkohë që fleta e votimit ka hyrë në kuti

Pastaj djali voton per vete

(3 fleta votimi per 2 persona)

Që të gjitha i çojmë online, i shpërndajmë në të gjitha drejtimet, përfshirë vëzhguesit ndërkombëtar, pa përjashtim të gjitha.

Raporti është në përfundim…

… E para është në Zallbastar në Tiranë.

Sigurisht janë me dhjetëra. Këto që sjell këtu janë vetëm përfaqësuese të dhjetëra, dhjetëra qendra votimi. Pa asnjë diskutim që kanë ndikuar ndjeshëm në rezultat.

Unë nuk mund të bie këtu të gjithë zinxhirin sepse duhen orë të tëra. Unë sjellë ato më tipiket që përfaqësojnë se çfarë ishin zgjedhjet. Kjo e dyta është në Elbasan.

The post Zgjedhjet e 11 majit/ Berisha publikon pamje të reja: Zgjedhësit votojnë disa herë, të gjitha shkeljet i dërgojmë tek ndërkombëtarët appeared first on Albeu.com.

Në fund të rinumërimit, diferenca mes tij dhe kandidatit Përparim Spahiu, të renditur para tij në listën preferenciale të PD-së u ngushtua nga 120 vota në 54 vota, duke vërtetuar pretendimet e tij dhe pse në finale nuk e ndryshon renditjen.

Këto janë të dhënat e para nga një proces i gjatë rinumërimi që sapo ka nisur, ku do të përfshijë disa qarqe pas vendimeve të marra nga Komisionit i Ankimimeve dhe Sanksioneve, KAS, për të rihapur kutitë.

Rezultatet paraprake të zgjedhjeve parlamentare të 11 majit që i dhanë Partisë Socialiste edhe një mandat tjetër qeverisës me 83 deputetë, një shumicë shumë më e lartë se tre mandatet pararendëse, po kundërshtohen gjërësisht nga koalicioni kryesor opozitar, Partia Demokratike-Aleanca për Shqipërinë Madhështore, parti të tjera të vogla dhe kandidatët e listave të hapura.

Ankesat e depozitura në KQZ, ngrenë pretendime për parregullsi në procesin e votimit dhe të numërimit të votave.

Deri më tani, KAS marrë vendim për rinumërimin e të gjitha kutive në qarkun Tiranë dhe Fier, në disa qendra votimi në Durrës si dhe votat preferenciale të kandidatëve në Dibër.

Në Tiranë, koalicioni PD-ASHM shpreson të marrë mandatin e 14-të deputetit, një garë që bëhet mes kandidatit demokrat, Ilir Alimehmeti dhe kandidatit të dytë në listë të partisë Mundësia. , Erald Kapri, i cili rezulton fitues.

Gjithsesi, nga rinumërimi mund të rezultojnë skenarë të tjerë që lidhen me votën preferenciale brenda mazhorancës, ku Blerina Gjylameti, humbi mandatin për një grusht votash përballë Olta Xhaçkës, por u tërhoq nga kontestimi pas “tërheqjes së veshit” nga kryeministri Edi Rama.

Në Fier, shpresat për të fituar një mandat i ka Lëvizja Shqipëria Bëhet dhe betejën e ka me Partinë Socialiste.

Në qarkun e Durrësit, është kandidati i ASHM-së, Aulon Kalaja i cili ashtu si Gjunkshi ka ngritur pretendime për manipulim të votave preferenciale brenda llojit.

Ndërkohë që rinumërimet mund të sjellin ndryshim të papërfillshëm të rezultateve finale, ekspertët paralajmërojnë se ky proces do të jetë një matës për integritetin e administrimit zgjedhor, që mund të sjellë pasoja penale për komisionerët dhe ekipet e numërimit nëse konstatohen parregullsi, dhe të nxisë një reformë të re zgjedhore.

Erida Skëndaj, drejtore e Komitetit Shqiptar të Helsinkit, i tha BIRN se; “integriteti i zgjedhjeve cenohet nëse nga rinumërimi vërehen rezultate të ndryshme që janë substanciale në diferencat midis subjekteve zgjedhore apo kandidatëve, dhe që dukshëm kanë avantazhuar në rezultat njërën apo tjetrën palë, pra nuk janë thjeshtë gabime minimale njerëzore në rinumërim”.

Për rrjedhojë, shton ajo, “kjo do përforconte urgjencën më së pari në reformën e ardhshme zgjedhore, të depolitizimit të administratës zgjedhore në të gjitha nivelet, paralelisht me çështje të tjera thelbësore që janë objekt ankimi nga subjektet/kandidatët”.

Edhe drejtuesit e dy organizatave të tjera që monitorojnë procesin zgjedhore, Qendresa Qytetare dhe Instituti i Studimeve Politike, e shohin procesin e rinumërimit si një proces që do të nxjerr në pah nevojën për një reformë zgjedhore për një administrim apolitik të procesit.

Afrim Krasniqi nga Instituti i Studimeve Politike, nuk beson se do të ketë pasoja në ndarjen e mandateve nga ky proces, por do të ketë pasoja të tjera.

“Pritshmëritë janë të pakta, sepse u bënë disa procese zgjedhore që vota devijohet përpara votimit, jo në ditën e votimit apo në numërim,” i tha ai BIRN, ndërsa shton se “nëse ka devijim qoftë edhe një vote, individët përgjegjës duhet të përballen me pasojat e ligjit”.

Edhe Rigels Xhemollari, drejtor ekzekutiv i “Qëndresa Qytetare” beson se; “nëse hetimi i parregullsive që mund të konstatohen do të thellohet realisht, mund të çojë në pasoja penale për shumë komisionerë që kanë abuzuar me detyrën”.

“Po aq e rëndësishme është edhe krijimi i precedentëve të rrezikshëm si trafikimi i votës apo transferimi i saj, që mund të përdoren për të justifikuar kalimin drejt një procesi totalisht elektronik në vitin 2027 apo 2029”, shton ai.

Nga ana tjetër, Xhemollari mendon se fokusimi i opozitës tek kontestimi i rezultateve, “në vend që të forcojë kauzën për integritetin zgjedhor, rrezikon ta delegjitimojë betejën e opozitës dhe të kthejë farsën elektorale në një justifikim të brendshëm për të mos pranuar realitetin”.

“Në fund, ky debat i shërben vetëm qeverisë: për të kaluar ligje dhe akte abuzive pa zhurmë, pa debat dhe me konsensus në heshtje”, thekson Xhemollari.

Kodi Zgjedhor, i cili ka pësuar disa herë ndryshime ndër vite është formuluar në bazë të një administrimi bipartizan të gjithë procesit zgjedhor, që nga përbërja e Komisionit Qendror të Zgjedhjeve, Komisionet Zonale dhe deri tek grupet e numërimit të votave.

Pavarësisht rekomandimeve të përsëritura nga organizmat ndërkombëtarë, OSBE-ODIHR që monitorojnë proceset zgjedhore, për të krijuar një administrim zgjedhor apolitik, partitë kanë këmbëngulur të vijojnë të mbajnë kontrollin mbi procesin, duke treguar mosbesimin e tyre tek një administratë zgjedhore e paemëruar nga partitë.

Afrim Krasniqi fokusohet tek kjo problematikë, duke sjellë në vëmendje se Shqipëria është vendi i fundit në Europë që operon me këtë sistem administrimi politik të zgjedhjeve.

“Kemi të bëjmë me një proces në të cilin partitë vetë pranojnë se ka dështuar praktika e administrimit bipartiak të zgjedhjeve, PS duke urdhëruar kandidatet të tërheqin ankimimet dhe PD duke i lejuar ato”,– thotë ai, ndërsa sugjeron që gjetjen mekanizma të tjerë më të besueshëm dhe më efektivë.

Ai cek dhe një aspekt tjetër të procesit të rinumërimit të votave, duke sugjeruar që kostot financiare të tij të paguhen nga subjektet zgjedhore.

“Nuk ka sens që qytetarët të paguajnë miliona euro për komisionerët dhe numëruesit e partive dhe pastaj edhe për kontrollin e tyre, pra rinumërimin e votave të numëruesve partiakë”, përfundoi Krasniqi./ BIRN

The post Hapja e kutive mund të sjellë pasoja të reja për integritetin e procesit zgjedhor appeared first on Albeu.com.

Ky veprim, vjen si pjesë e shqyrtimit të ankesave të paraqitura nga opozita pas zgjedhjeve të 11 majit.

Vendimi vjen pas pretendimeve për parregullsi në numërimin fillestar dhe synon të sigurojë transparencë dhe besueshmëri në procesin zgjedhor.

Bëhet me dije se rinumërimi do të përqendrohet tek votat preferenciale të koalicionit PD-ASHM.

The post Hapen 42 kutitë në Dibër, rinumërohen votat preferenciale të PD-ASHM appeared first on Albeu.com.

Por jo vetëm kaq, në rezolutën e tyre ata shprehin shqetësim për korrupsionin, krimin, ndërhyrjet politike në drejtësi dhe mungesën e pavarësisë së medias.

Raportuesi për Shqipërinë, Andreas Schieder, tha se vendi ynë është pararojë në negociatat për anëtarësim, megjithatë ende nuk është arritur vija e finishit.

Më poshtë njoftimi zyrtar për miratimin e raportit:

Eurodeputetët theksojnë konsensusin e gjerë politik dhe mbështetjen e fortë publike që ekziston në Shqipëri për anëtarësimin në BE, së bashku me përputhjen e plotë me politikën e jashtme dhe të sigurisë të BE-së, në një raport të miratuar nga Komisioni për Punët e Jashtme me 57 vota pro, 11 kundër dhe 6 abstenime. Më pasi ai do të kalojë për votim në seancën më të afërt plenare të Parlamentit Europian.

Nevojë urgjente për thellimin e reformave

Duke përshëndetur synimin e Shqipërisë për të përfunduar negociatat e anëtarësimit deri në vitin 2027 dhe progresin e bërë deri tani, eurodeputetët theksojnë nevojën urgjente për intensifikimin e reformave. Prioritetet kryesore përfshijnë forcimin e pavarësisë së gjyqësorit, luftën kundër korrupsionit dhe krimit të organizuar, si dhe mbrojtjen e të drejtave themelore. Forcimi i pluralizmit dhe transparencës në media mbetet thelbësor për ndërtimin e besimit publik.

Dialogu politik dhe luftimi i ndërhyrjeve të huaja

Raporti vëren polarizimin e vazhdueshëm politik të shoqëruar me retorikë përçarëse dhe bën thirrje për një dialog politik më konstruktiv e gjithëpërfshirës. Eurodeputetët shprehin shqetësim serioz për ndikimin e huaj dashakeq, veçanërisht nga burime të lidhura me Kremlinin, që kërcënojnë institucionet demokratike të Shqipërisë dhe ambiciet për anëtarësim në BE. Ata kërkojnë më shumë qëndrueshmëri institucionale ndaj abuzimeve me financimin politik, manipulimit mediatik dhe kërcënimeve kibernetike.

Mbështetje përmes nismave të BE-së

Eurodeputetët përshëndesin Mekanizmin e ri për Reforma dhe Zhvillim prej 922 milionë eurosh të dedikuar për Ballkanin Perëndimor, i cili do të mbështesë Agjendën e Reformave të Shqipërisë sapo të përmbushen kushtet. Hapja e zyrës së Parlamentit Europian në Tiranë shihet si një hap i rëndësishëm për forcimin e lidhjeve midis BE-së, institucioneve vendore dhe partnerëve të shoqërisë civile nga mbarë rajoni i Ballkanit Perëndimor.

Procesi zgjedhor dhe reformat në drejtësi

Raporti reflekton mbi zgjedhjet parlamentare të majit 2025, duke i përshkruar si konkurruese, por të zhvilluara në një ambient thellësisht të polarizuar, me shqetësime për përdorimin e burimeve administrative. Eurodeputetët u bëjnë thirrje partive politike shqiptare të angazhohen për reforma zgjedhore gjithëpërfshirëse, në përputhje me rekomandimet e OSBE/ODIHR dhe Komisionit të Venecias.

Përparimi i bërë në reformën në drejtësi dhe hetimet për korrupsion të nivelit të lartë përshëndeten, megjithëse ndërhyrjet politike mbeten sfidë. Eurodeputetët kërkojnë përpjekje të vazhdueshme për të mbrojtur pavarësinë e gjyqësorit dhe për të rritur llogaridhënien.

The post Raporti i PE “shuplakë” Edi Ramës: Jemi të alarmuar për zgjedhjet, korrupsionin dhe ndërhyrjet në drejtësi appeared first on Albeu.com.

Të gjithë u mundën nga kandidate gra, por jo me votë, por me kuotë gjinore.

Kodi zgjedhor parashikon se në çdo tre emra fitues, një duhet të jetë grua, edhe nëse ajo ka më pak vota se sa burrat në garë, informon ‘shqiptarja.com’.

Po të mos ishte ky korrigjim i kuotës gjinore, Xhemal Qefalia me 9950 vota, do të ishte në parlament. Ai ka vota më shumë se sa Anila Denaj dhe Olta Xhaçka që kanë fituar mandate.

Edhe Pandeli Majko me 6736 vota e Toni Gogu 6680 janë viktima të kuotës gjinore, e ata nuk do të jenë në parlamentin e ri.

Olta Xhaçka 6288 vota, më pak se sa Qefalia, Majko e Gogu, do të hyjë në Kuvend për shkak të gjinisë.

Ky fenomen nuk është i kufizuar vetëm në qarkun Tiranë.

Në Berat, Julian Zyla dhe Erdis Hyka, kanë marrë qindra vota më shumë se sa Hatixhe Konomi, por mundësia e tyre për të fituar një mandat, është djegur.

Edhe në qarkun Durrës, dy burra janë penalizuar prej gjinisë. Ilir Ndraxhi, ka dyfishin e votave të Etleva Budinit, por zonja rezulton fituese. Bashkë me Ndraxhin janë djegur dhe afro 6000 votat e Gentian Hillës.

Po të mos ishte kuota gjinore, deputeti i 6-të i Korçës do të ishte Arian Jaupllari dhe jo Besa Spaho.

Avantazhi i grave për shkak të gjinisë, është ndjerë mes zonjave socialiste, pasi demokratët fituan pak mandate dhe në asnjë qark nuk morën 3 mandate përtej listës së mbyllur që të aktivizohej mekanizmi i kuotës gjinore.

TIRANË
Xhemal Qefalia 9950 (Humbës)

Anila Denaj 9257 (Fituese)

Pandeli Majko 46736 (Humbës)

Toni Gogu 6680 (Humbës)

Olta Xhaçka 6288 (Fituese)

BERAT

Julian Zyla 6002 (Humbës)

Erdis Hyka 5058 (Humbës)

Hatixhe Konomi 4467 (Fituese)

DURRËS

Ilir Ndraxhi 8244 (Humbës)

Gentian Hilla 5881 (Humbës)

Etleva Budini 4910 (Fituese)

KORÇË

Arian Jaupllari 8461 (Humbës)

Besa Spaho 7957 (Fituese) /

The post Zgjedhjet e 11 majit/ Kandidatët burra që u mundën nga gratë me kuotë gjinore dhe jo me votë appeared first on Albeu.com.

I pyetur nga gazetarët, Berisha nuk e komentoi direkt përmbajtjen e deklaratës, por sugjeroi të krahasohen qëndrimet e mëparshme të diplomacisë amerikane për zgjedhjet në Shqipëri dhe në vende të tjera.

“Ambasada përgëzoi popullin shqiptar. Tani, çfarë sugjerimi kam unë? Lexoni të gjitha deklaratat e mëparshme të asaj ambasade për zgjedhjet, për të kuptuar më mirë cili ishte thelbi i kësaj deklarate. Lexoni atë të vitit 2021. Lexoni pak disa nga deklaratat e sekretarit të shtetit Rubio për zgjedhjet në disa vende të botës dhe do ta kuptoni çfarë përfaqëson ajo deklaratë”, tha Berisha.

The post Reagimi i ambasadës së SHBA për zgjedhjet e 11 majit, Berisha: Ishte përgëzim për popullin shqiptar appeared first on Albeu.com.

Tabela Përmbledhëse e Rezultatit të votimit në qarkun Tiranë:

1. Koalicioni Partia Demokratike – Aleanca për Shqipërinë Madhështore ka marrë 164.316 vota

2. Lëvizja Bashkë ka marrë 13.381 vota

3. Lëvizja Atdheu ka marrë 836 vota

4. Partia Koalicioni Euroatlantik ka marrë 8.992 vota

5. Partia Socialiste e Shqipërisë ka marrë 230.157 vota

6. Koalicioni Nisma Shqipëria Bëhet ka marrë 16.520 vota

7. Partia Aleanca Kombëtare Shqiptare ka marrë 1.318 vota

8. Partia Aleanca Demokracia e Re ka marrë 570 vota

9. Koalicioni Djathtas për Zhvillim ka marrë 2.066 vota

10. Partia Mundësia ka marrë 23.650 vota

11. Partia Socialdemokrate ka marrë 14.781 vota

Tabela Përmbledhëse e Rezultatit të votimit në qarkun Durrës:

1. Koalicioni Partia Demokratike – Aleanca për Shqipërinë Madhështore ka marrë 58.978 vota

2. Lëvizja Bashkë ka marrë 1.995 vota

3. Lëvizja Atdheu ka marrë 342 vota

4. Partia Koalicioni Euroatlantik ka marrë 1.369 vota

5. Partia Socialiste e Shqipërisë ka marrë 84.028 vota

6. Koalicioni Nisma Shqipëria Bëhet ka marrë 4.652 vota

7. Partia Aleanca Kombëtare Shqiptare ka marrë 371 vota

8. Partia Aleanca Demokracia e Re ka marrë 59 vota

9. Koalicioni Djathtas për Zhvillim ka marrë 1.004 vota

10. Partia Mundësia ka marrë 4.100 vota

11. Partia Socialdemokrate ka marrë 414 vota

Tabela Përmbledhëse e Rezultatit të votimit në qarkun Elbasan:

1. Koalicioni Partia Demokratike – Aleanca për Shqipërinë Madhështore ka marrë 42.519 vota

2. Lëvizja Bashkë ka marrë 1.543 vota

3. Lëvizja Atdheu ka marrë 173 vota

4. Partia Koalicioni Euroatlantik ka marrë 2.436 vota

5. Partia Socialiste e Shqipërisë ka marrë 93.765 vota

6. Koalicioni Nisma Shqipëria Bëhet ka marrë 6.302 vota

7. Partia Aleanca Kombëtare Shqiptare ka marrë 359 vota

8. Partia Aleanca Demokracia e Re ka marrë 60 vota

9. Koalicioni Djathtas për Zhvillim ka marrë 417 vota

10. Partia Mundësia ka marrë 3.267 vota

11. Partia Socialdemokrate ka marrë 1.858 vota

The post Zgjedhjet e 11 majit/ KQZ miraton rezultatet në qarqet Tiranë, Durrës dhe Elbasan appeared first on Albeu.com.

Ai theksoi vendimin e komunitetit ndërkombëtar të qendrës së djathtë, për të dënuar zgjedhjet 10 ditë përpara zhvillimit të tyre.

Sipas liderit të opozitës, ofrimi i 100 eurove për pensionistët para zgjedhjeve, është një provë flagrante e përpjekjeve të qeverisë për të manipuluar votën e lirë.

“Rezolutat ndërkombëtare kanë denoncuar publikisht shtetin e Ramës si sipërmarrje e përbashkët me krimin e organizuar.

Ato janë njohur me qindra fakte të pakundërshtueshme, kanë konkluduar se shteti aktual është sipërmarrje e përbashkët me krimin. Kjo është arsyeja pse komuniteti ndërkombëtar i qendrës së djathtë i dënoi me dënim kapital më 30 prill 2025 zgjedhjet që do të zhvilloheshin 10 ditë më vonë në Shqipëri.
Nuk di të ketë pasur më parë që një zgjedhje të dënohet 10 ditë para zhvillimit. E them sepse komuniteti ndërkombëtar nuk udhëhiqet nga paragjykimet, ose kur nuk ka siguri thotë ka dyshime. Këtu nuk ka thënë këtë gjë, ka deklaruar se Rama po blen vota me lekë. Kanë parë 100 euro që u dhanë për pensionistët. Kemi të bëjmë me një vdekje të paralajmëruar të procesit zgjedhor dhe paralajmërim të farsës zgjedhore”, u shpreh Berisha.

The post Berisha: Komuniteti ndërkombëtar paralajmëroi “vdekjen” e procesit zgjedhor 10 ditë para 11 majit, shteti aktual sipërmarrje e përbashkët me krimin appeared first on Albeu.com.

Sipas KQZ, 93 Komisionet Zonale të Administrimit Zgjedhor (KZAZ), numëruan dhe vlerësuan fletët e votimit për 5225 qendrat e votimit.

Një ditë më parë, kryekomisioneri Shtetëror i Zgjedhjeve, Ilirjan Celibashi, u bëri thirrje partive politike që të nxisin numëruesit dhe komisionerët në KZAZ-të, për përfundimin e procesit të numërimit të votave brenda afatit ligjor që ishte në mesnatë.

Sipas Celibashit, nuk ekzistonte asnjë arsye që ky proces të mos përmbyllej brenda këtij afati.

The post Zgjedhjet e 11 majit/ KQZ: Përfundon numërimi i votave preferenciale për kandidatët në 12 qarqe appeared first on Albeu.com.

Lista e hapur në qarkun e Tiranës që futi 7 deputetë, përveç 12 të sigurtëve kryesohet nga Blendi Gonxhe me mbi 21 mijë vota, i ndjekur nga Erion Braçe me mbi 20 mijë dhe Ervin Hoxha dhe Fatmir Xhafaj.

Tre vendet e fundit për parlamentin e ri, janë ato që kanë dhe përballjen më të fortë, kështu, Ornaldo Rakipi, ka lënë pas Xhemal Qefalinë për një grusht votash deri në këto momente, teksa ky i fundit ka më shumë se Anila Denaj dhe Blerina Gjylameti, të cilat nëse rezultati do të jetë i tillë do të jenë në parlament për shkak të kuotës gjinore.

Në garë është dhe Olta Xhaçka, e cila mund t’i rrëmbejë vendin Gjylametit, nëse e tejkalon me preferencat e votës së kryeqytetasve.

The post Garë e fortë mes “të preferuarve” të PS në Tiranë, ndryshon sërish renditja, kush mbetet jashtë? appeared first on Albeu.com.