Preferencën personale mbi fitusin, dorëheqjen e Bashës dhe mendimin mbi kandidatin Agron Shehaj, Berisha zgjodhi të mos i bëjë publik duke theskuar se i vë vetes censurë të plotë në prag të zgjedhjeve në Partinë Demokratike.

Pjesë nga intervista:

PYETJA: Kush mendon se do fitojë më 13 qershor?

BERISHA: Asnjë përzierje në këtë garë, më vjen mirë që është garë. Nëse partia tjetër s’bën kurrë garë. Është në traditën më të konsoliduar të monizmit, kjo parti megjithë vërejtjet. Po jo të përsosura, por zgjedhje bën.

PYETJA: A duhet të ikte Basha?

BERISHA: Në prag të zgjedhjeve në parti i vë vetes censurë të plotë. Kur të vij herën tjetër do them të gjitha mendimet e mia. Nuk flas asnjë fjalë. Më datën 13 përfundon.

U çudita pse u vendos kaq shpejt. Por çudia ishte se ishte edhe këta që donin dorëheqjen e Bashës, edhe ata që ishin pro Bashës. Ranë në ujdi për datën 13 qershor. Unë mbeta i çuditur.

Unë po të doja me u pyet, nuk shkova në mbledhje. S’mund t’u thoja kujt pse nuk më pyete. Unë isha i ftuar për mbledhje. U bë mbledhja e Kryesisë dhe u morën vesh.

Të drejtë morale që të bëj oponencë nuk bëj.

PYETJA: Çfarë mendoni për Agron Shehajn, nuk thotë asnjë fjalë për shpalljen tuaj ‘non-grata’?

BERISHA: Respektoj mendimin e çdo njeriu. Edhe kur s’ka mendim, plotësisht. Njerëzit janë të lirë.

The post Kush do e marrë në dorë drejtimin e Partisë Demokratike, përgjigjet Berisha appeared first on Albeu.com.

Në mbledhjen e mbajtur dje nga Kryesia, u bë me dije se në garë janë kreu aktual i partisë, Lulzim Basha, Fatbardh Kadalli, Edit Harxhi dhe Agron Shehaj.

Sot pritet që Komisioni Zgjedhor i ngritur në PD të zyrtarizojë emrat e kandidatëve. Me mbylljen e procesit të dorëzimit të kandidaturave, kandidatët do të nisin takime në 61 degët e PD për të prezantuar platformat e tyre dhe kanë afat deri më 11 qershor.

ga gara është skualifikuar Ibsen Elezi, pasi nuk ka marrë pjesë në fushatën e zgjedhjeve të 25 prillit si dhe komentet e tij për demokratët janë cilësuar nga Kryesia si të papërshtatshme. Bashkë me Elezin, nga lista janë fshirë edhe emra që firmosën në moment të fundit, të cilët janë: Admir Mulaj, Edmond Vrapi, Sabri Hoxha dhe Mirjan Jashanllari.

Zgjedhjet do të zhvillohen më 13 qershor, më shumë se një muaj para afatit të parashikuar që ishte 22 korriku. Në krye të Komisionit për zgjedhjen e kryetarit të ri është Jemin Gjana, ndërsa anëtarësia përbëhet nga Albana Vokshi, Belind Këlliçi dhe Çlirim Gjata. Ndihmësat do të jenë Mimoza Hasekiu, Albert Avduli, Gjoke Vuksani, Ervin Minarolli dhe Lulzim Omuri.

The post Gara për kreun e partisë, nis sot fushata e kandidatëve demokratë appeared first on Albeu.com.