zgjat Archives - Albeu.com

SPAK zgjat me tre muaj hetimet për Belinda Ballukun, ish-zv.kryeministrja akuzohet për abuzim me tendera

V K — Thu, 23 Apr 2026 09:19:12 +0000

Prokuroria e Posaçme Anitkorrupsion (SPAK), ka zgjatur me 3 muaj hetimet për ish-ministren e Infrastrukturës dhe Energjisë dhe ish- zv.kryeministren Belinda Balluku.

Gazetarja Klodiana Lala, raporton se një hap i tillë është arsyetuar nga SPAK me nevojën për të pasur më shumë kohë në dispozicion për veprime të tjera hetimore.

Balluku është pezulluar nga detyrat e saj, duke mbajtur aktualisht vetëm postin e deputetes në Kuvendin e Shqipërisë.

Kujtojmë që kërkesa e dorëzuar më parë nga SPAK për heqjen e imunitetit dhe arrestimin e saj, u hodh poshtë nga mazhoranca me forcën e kartonit.

Ish-zv.kryeministrja përballet me akuzat për shkelje e barazisë së pjesëmarrësve në tendera apo ankande publike”, e kryer në bashkëpunim, në lidhje tenderin për ndërtimin e tunelit të Llogarasë dhe nën hetim për tendera në Unazën e Madhe.

The post SPAK zgjat me tre muaj hetimet për Belinda Ballukun, ish-zv.kryeministrja akuzohet për abuzim me tendera appeared first on Albeu.com.

Qeveria zgjat qëndrimin pa leje për ukrainasit deri në 2027, vlen dhe për shtetasit që hyjnë pa vizë në Shqipëri

V K — Fri, 10 Apr 2026 13:51:02 +0000

Këshilli i Ministrave, ka vendosur që shtetasit e Ukrainës të hyjnë pa vizë në Shqipëri dhe të qëndrojnë pa leje qëndrimi deri më 30 mars 2027.

Vendimi vlen si për ata që do të hyjnë në vend, ashtu edhe për ukrainasit që ndodhen aktualisht në Shqipëri.

Me këtë vendim shfuqizohet akti i mëparshëm i vitit 2022, duke zgjatur afatin e qëndrimit.

Vendimi hyn në fuqi pas botimit në Fletoren Zyrtare.

V E N D I M

PËR

PËRCAKTIMIN E AFATIT TË HYRJES E TË QËNDRIMIT TË SHTETASVE TË UKRAINËS NË REPUBLIKËN E SHQIPËRISË

Në mbështetje të nenit 100 të Kushtetutës dhe të pikës 2, të nenit 29, të ligjit nr.79/2021, “Për të huajt”, të ndryshuar, me propozimin e ministrit të Punëve të Brendshme dhe të ministrit për Evropën dhe Punët e Jashtme, Këshilli i Ministrave

V E N D O S I:

1. Shtetasit e Ukrainës lejohen të hyjnë pa vizë në territorin e Republikës së Shqipërisë dhe të qëndrojnë pa leje qëndrimi deri më 30.3.2027.

2. Shtetasit e Ukrainës, të cilët gjenden në territorin e Republikës së Shqipërisë, lejohen të qëndrojnë pa leje qëndrimi deri më 30.3.2027.

3. Vendimi nr.169, datë 18.3.2022, i Këshillit të Ministrave, “Për përcaktimin e afatit të hyrjes dhe qëndrimit të shtetasve të Ukrainës në Republikën e Shqipërisë”, i ndryshuar, shfuqizohet.

4. Ngarkohen Ministria e Punëve të Brendshme dhe Ministria për Evropën dhe Punët e Jashtme për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

EDI RAMA

The post Qeveria zgjat qëndrimin pa leje për ukrainasit deri në 2027, vlen dhe për shtetasit që hyjnë pa vizë në Shqipëri appeared first on Albeu.com.

SPAK zgjat afatet e hetimit edhe me 3 muaj për kryebashkiakun e Shkodrës, Benet Beci

V K — Wed, 23 Jul 2025 12:59:49 +0000

Prokuroria e Posaçme, ka zgjatur edhe me tre muaj të tjerë hetimet ndaj Benet Becit, kryetar i Bashkisë së Shkodrës.

Beci është i pandehur nga SPAK, për akuzën e shkeljes së barazisë në tendera bashkë me 7 vartës.

Më herët, Beci është marrë në pyetje nga prokurorët ku ka dhënë shpjegimet e tij për çështjen në hetim.

Benet Beci, ka mbajtur dhe detyrën e drejtorit të Fondit të Zhvillimit të Rajoneve. Për disa vite ai ka qenë edhe drejtor i KESH-it, detyrë nga e cila u largua në 2021, kur kandidoi për deputet të PS në Qarkun e Shkodrës.

Benet Beci, u zgjodh kryetar i Bashkisë së Shkodrës në zgjedhjet e 14 majit 2023, ku fitoi përballë Bardh Spahisë së PD.

The post SPAK zgjat afatet e hetimit edhe me 3 muaj për kryebashkiakun e Shkodrës, Benet Beci appeared first on Albeu.com.