Ushtruesja e detyrës së Presidentes së Kosovës, Albulena Haxhiu, ka njoftuar se bashkë me Kryeministrin Albin Kurti ka firmosur vendimin për vazhdimin e mandatit të Agon Bytyqit në pozitën e zëvendësdrejtorit të Agjencisë së Kosovës për Inteligjencë (AKI).

Sipas njoftimit të saj, Bytyqi do ta mbajë këtë post edhe për një mandat tjetër pesëvjeçar.

Haxhiu ka vlerësuar se përvoja e tij, njohja e institucionit dhe përgjegjësia e treguar gjatë mandatit të parë kanë qenë elemente të rëndësishme për ruajtjen e vazhdimësisë dhe profesionalizmit në punën e AKI-së për mbrojtjen e sigurisë së vendit.

Ajo gjithashtu bëri të ditur se Bytyqi është falënderuar për angazhimin e deritanishëm dhe i janë përcjellë urime për suksese në mandatin e ri.

Agjencia e Kosovës për Inteligjencë është institucioni që ka përgjegjësinë për grumbullimin dhe analizimin e informacioneve me rëndësi për sigurinë e vendit.

The post Agon Bytyqit i zgjatet edhe për pesë vjet mandati si zëvendësdrejtor i AKI-së appeared first on Albeu.com.