Kulti i tij, që shumë shpejt fitoi epërsi ndaj perëndeshës së Tokës, u krijua në Greqi rreth mijëvjeçarit të dytë para Krishtit.

I quajtur “grumbulluesi i reve”, Zeusi ishte perëndia i qiejve, i shiut, vetëtimave dhe bubullimave. Për të reflektuar këto fuqi, simbolet e Zeusit ishin rrufetë, që ia përgatisnin atij Ciklopët dhe mund të përdoreshin si armë të fuqishme, si dhe shqiponja, më e madhërishmja mes shpendëve.

Përveçse Perëndia i qiejve, Zeusi ishte dhe një perëndi e rëndësishme për njerëzit, duke garantuar që qytetet të qeveriseshin me ligje dhe shtëpitë e banorëve të tyre të ishin të sigurta.

Sipas Hesiodit, Zeusi mori fillimisht për grua perëndeshën Titane të brezit të dytë, Metisin (që do të thotë Mençuri).

Sipas legjendës, pas një farë kohe, Zeusi pati një dhimbje koke të tmerrshme dhe kur Hefaistosi, Zoti i farkëtimit, ia hapi kokën me një sëpatë për t’i larguar dhimbjen, prej aty doli perëndesha Athina, krejtësisht e rritur dhe e armatosur deri në dhëmbë.

Athinaja nuk ishte fëmija e fundit e Zeusit, pasi ai ishte i famshëm për aventurat e tij, gjë që nxiste shpesh tërbimin e motrës dhe gruas së tij të dytë, Herës. Në fakt, në varësi të burimeve që u referohemi, ai pati të paktën 100 fëmijë, disa me perëndesha dhe disa me gra vdekatare.

Për shembull, Persefoni, që do të bëhej perëndesha e Hadit, ishte bijë e Zeusit, që e kish lindur me motrën e tij, Demetrën. Zeusi la me barrë perëndeshën titane Leton, me të cilën lindi Apollonin dhe Artemisën. Semele, një grua vdekatare ishte mamaja e Dionisit. Hermesi, perëndia mesazher ishte biri i tij me Majën, një Titane e brezit të dytë.

Fëmijët “legjitimë” që Zeusi pati me Herën ishin Aresi, perëndia i luftës si dhe Hebe (e rinisë) dhe Eileitia, (perëndeshë e lindjeve).

Fëmijë të tjerë të Zeusit ishin Akili, heroi i famshëm dhe Herakliu, nëna e të cilit ishte Alkmena, mbesa e Zeusit.

The post Kush ishte Zeusi? appeared first on Albeu.com.

Kryemadhi theksoi se ajo që është ndryshe Paketa e Furnekës, nuk zgjidh dot hallet e shqiptarëve dhe se qytetarët që prej pandemisë e tërmetit janë kthyer në ‘skllevër të lëmoshës’ prej kësaj qeverie.

Sipas shefes së LSI, duhet që qeveria t’u kërkojë ndjesë qytetarëve e të mos vijojë me mashtrimet.

“Të gjitha këto duhet t’ja dimë për nder lartmadhënisë tonë, Zeusit. Është shumë korrekte kur lemë një kohë të limituar për paketën e furnellës së rezistencës. Por nuk mund të zgjidhë dot hallet e shqiptarëve. Produktet e shportës janë rritur me 30%, buka me 20 lekë. Kemi krijuar një bord për naftën, i qan lartmadhënia bordet.

Realisht mbi 40%e popullsisë jeton në minimumin jetik. Një nga koleget më parë përmendi çështjen e pandemisë, tërmetit, por ajo që po kuptojmë sot jo vetëm që nuk kanë pasur asnjë efekt te qytetarë, por janë kthyer në një pastrim parash të jashtëzakonshme,sidomos  rindërtimi.

Do të dëshiroja të flisnin pafundësisht se pak më parë më erdhi një video nga Dubai që ishte vizita e qeverisë sonë të famshme. Nuk shikoja dhimbjen e luftës së Ukrainës apo të çmimeve. Shikoja një ekzaltim të jashtëzakonshëm. Shumë mirë se s’ka gjë të keqe, por për moral politik do të ishte më e ndershme të mos tallemi me qytetarët.

Jam e bindur se qytetarët e kuptojmë shumë mirë kur u themi kemi bërë gabim dhe na falni sesa ti mashtrojmë dhe të vazhdojmë të gënjejmë”, deklaroi Kryemadhi./albeu.com/

The post Kryemadhi: Jemi vendi më i pasur në botës falë Zeusit dhe Paketës së Furnelës appeared first on Albeu.com.