Bardhi është shprehur se buxheti i 2025, ka zero rritje për pensionistët.

Gjithashtu, Gazmend Bardhi shtoi se statistikat tregojnë që kemi një ulje me 8 % për bonusin e funvitit të të moshuarëve.

Bardhi: “Nuk ka asnjë surprizë, erdhi këtu duartrokiti veten, nuk tha asgjë për shqiptarët. Ne kemi ngelur ashtu siç ka qenë në buxhetin e tij të parë. Buxheti i ardhshëm për pensionistët ka 0 lekë rritje. Madje nuk guxoi as të përmendte fjalën rritje. Rama kujtohet për pensionistët njëherë në katër vite. Mendon se do të mashtrojë pensionistët me atë që quhet bonus i fundvitit. Çdo vit në çdo rajon ka bonus fundvitit, kurse zotëria e bën një herë në katër vite.

Mendon se me këtë politikë do të gënjejë shtresën më në nevojë, shtresën e pensionistëve. Një kryeministër përgjegjshëm mjafton të bëjë atë që bën kryeministri i Malit të Zi, Serbisë, Bosnjë Hercegovinës. Absolutisht nuk po i bën asnjë vlerë pensionistëve, ua jep bonusin një herë në katër vite. Pensionistët presin të kenë pension mesatar si në rajon.

Ai tha se bonusi që do japim në fundvit sjell një rritje të pensioneve me 9%, por sot që flasim, statistikat tregojnë se kemi një ulje me 8 %. Pra, jo vetëm që nuk kanë përfituar, por marrin edhe më pak që kur ai zotëria është ulur në atë karrige. I ftoj qytetarët të arsyetojnë se çfarë duhet bërë me një kryeministër që në mandatin e tij të tretë nuk ju thoteë pensionistëve që do ju rris pensionin. Ai vjen këtu dhe tallet me prindërit e secilit prej nesh, me pensionistët e gjithë Shqipërisë”.

The post Gazment Bardhi: Buxheti i 2025 ka zero rritje për pensionistët, Rama kujtohet për ta vetëm në zgjedhje appeared first on Albeu.com.

Tabaku në videon e publikuar prej saj, tregon se bujqësia është në këtë gjendje si pasojë e këtyre politikave dhe një sistemi që takson punën dhe nuk e mbështet atë, ndërkohë që merret me tenderime dhe koncesione që nuk i japin jetë dhe zhvillim ekonomisë.

“Jemi në muajt e bujqësisë kur në fakt tani është koha për të korrur atë që është mbjellë. Po çfarë është duke korrur bujqësia shqiptare? Po korr eksporte zero.

Një rritje ekonomike 0 %, e pandryshuar në tre vitet e fundit, mungesën e fondeve të IPARD. Dhe reflekton një sistem (të korruptuar) që ekziston në çdo sektor.

Ajo që ndodhi me fondet e IPARD është pasqyra më e mirë e qeverisjes socialiste; korrupsion me fonde që në këtë rast janë dhe të BE, korrupsioni në tenderime, në koncesione.

Në ndarjen e të mirës publike të parasë publike. pastrimi i parave, favoritizmi, përqëndrimi në pak duar që është duke reflektuar në një rritje 0 në një nga sektorët më të rëndësishëm të ekonomisë”, shprehet Tabaku.

“Të një sektori që sot duhet të kapte qiejt dhe duhet të kishte prodhuar një rritje si pasojë e rritjes së turistëve në vend.

Por korrupsioni është duke e penguar këtë sektor që të zhvillohet dhe është duke penguar njerëzit e punës që derdhin djersën në fushë të kenë një shpërblim, të kenë të ardhura shtesë në xhepin e tyre.

Ky është shembulli më i mirë dhe reflektimi më i mirë se si jo vetëm politikat e gabuara; se si jo vetëm mbështetja e munguar por edhe korrupsioni e pengon një sektor kyç të zhvillohet.

Tashmë është koha ta ndryshojmë këtë sistem.

Ka ardhur koha që të kemi jo vetëm një shpërndarje të mirë të parasë publike por të kemi një luftë ndaj korrupsionit e cila që nuk e lejon të zhvillojë rritjen në sektorë kyç të ekonomisë”, përfundon Tabaku.

The post Bujqësia shqiptare ka një rritje zero, Tabaku: Koha për një shpërndarje të mirë të parasë publike dhe luftë ndaj korrupsionit appeared first on Albeu.com.