Zenel Sulaj, 30 vjeç dhe Sali Kadria, 31 vjeç u kapën në një “shtëpi bari” duke u kujdesur për qindra bimë kanabisi, të cilat në se do të dilnin në treg kapnin vlerën e 700 mijë paundëve.

Sipas Wales Online, oficerët zbuluan tre dhoma ku kultivohej kanabisi. Dy nga dhomat përmbanin 169 bimë, ndërsa e treta përmbante 344 bimë në faza të ndryshme të vegjetacionit.

Kur policia hyri brenda,  dy të pandehurit u larguan nga vendi i ngjarjes përtej çatisë dhe në një ndërtesë fqinje. Ata bënë përpjekje për tu fshehur nën një shtrat, por u ndaluan dhe vunë në pranga.

Të mërkurën, Sulaj doli para Gjykatas ku tha se dëshironte të kthehej në Shqipëri për të qenë me prindërit e tij pasi kishte “humbur dy vite nga jeta”.

Ndërsa Kadria akuzohet edhe për sulm seksual ndaj një të miture në vitin 2020, për të cilin ishte dënuar me 6 muaj burg. Ai ka deklaruar se po punonte për të paguar kostot e ardhjes së tij në mënyrë ilegale në Angli.

Gjykatësi i çështjes i ka dënuar të dy shqiptarët, por pritet që ata të deportohen në Shqipëri. Kadria do të qëndrojë 14 muaj në qeli, ndërsa Sulaj 6.

The post “Humba dy vite nga jeta ime”, u kapën në “shtëpi bari”, dënohen shqiptarët në Britani appeared first on Albeu.com.