zemer e forte Archives - Albeu.com

Doni zemër të fortë? Këto 5 ushqime s’duhet të mungojnë në pjatën tuaj

E B — Wed, 26 Apr 2023 07:09:36 +0000

Dihet që shëndeti i zemrës kalon edhe nga pjata. Ushqime të tilla si perimet me gjethe jeshile, drithërat, peshku, arrat, vajrat vegjetale, frutat e plota, mishi pa dhjamë, fasulet dhe bishtajore janë disa bomba ushqimore të domosdoshme për shëndetin tonë natyral kardiovaskular të përfshira në dietat si dieta mesdhetare. E megjithatë, “shumë nuk janë të vetëdijshëm për rëndësinë e dietës së tyre derisa shfaqen simptoma kardiovaskulare”, thekson Dr. Khaled Dajani, Kardiolog në Qendrën Mjekësore Universitare Loyola në Çikago dhe shton se adoptimi i një diete që mbron zemrën gjatë viteve është çelësi për të pasur një jetëgjatësi me shëndet të plotë.

Këtu janë pesë ushqime që mund t’ju ndihmojnë!

1. Vaj ulliri

Vaji i ullirit përmban përqendrimin më të lartë të acideve yndyrore të pangopura, aleatë të zemrës suaj që ndihmojnë në uljen e kolesterolit të keq ndërsa rrisin kolesterolin e mirë. Nuk duhet shumë. Gjysmë lugë në ditë bën mrekulli!

2. Kuinoa

Kuinoa nga kategoria e pseudo drithërave, fara me lëndë ushqyese të ngjashme me drithërat, ofron pasuri fibrash dhe antioksidantësh, si dhe nëntë aminoacide thelbësore. Fibrat mund të ulin nivelet e kolesterolit dhe presionit të gjakut, ndërsa antioksidantët dhe aminoacidet ndihmojnë në mbrojtjen dhe riparimin e qelizave duke ulur rrezikun e sëmundjeve të ndryshme.

3. Fasule të zeza

Fasulet e zeza janë të pasura me fibra që ndihmojnë në mbajtjen e kolesterolit në nivele të shëndetshme dhe zvogëlojnë rrezikun e sëmundjeve të zemrës, sipas Qendrave të SHBA për Kontrollin dhe Parandalimin e Sëmundjeve (CDC).

4. Arra

Arrat janë të pasura me acid α-linolenik, i cili shndërrohet në disa lloje të acideve yndyrore omega-3 në trup. Acidet yndyrore omega-3 mbrojnë zemrën në shumë mënyra, si për shembull duke ulur trigliceridet në trupin tuaj. Sipas një studimi të botuar së fundmi në gazetën e Kolegjit Amerikan të Kardiologjisë, konsumimi i rregullt i arrave për dy vjet reduktoi inflamacionin e lidhur me sëmundjen koronare të zemrës. Por kini kujdes! Meqë janë të pasura me kalori, duhet ta kufizoni porcionin në më pak se një filxhan në javë.

5. Salmoni

Përveç mbrojtësve të zemrës, acideve yndyrore omega-3, salmoni përmban edhe shumë vitaminë B6, e cila ndihmon në ruajtjen e ekuilibrit të homocisteinës, një aminoacid që në nivele të ngritura shkakton sindromën akute koronare, sëmundjet koronare të zemrës dhe ato tromboembolike.

The post Doni zemër të fortë? Këto 5 ushqime s’duhet të mungojnë në pjatën tuaj appeared first on Albeu.com.

Doni zemër të fortë? Hani këto dy ushqime!

E B — Sat, 19 Nov 2022 21:24:55 +0000

Të pasurit një zemër të fortë, është një sfidë e madhe për të gjithë njerëzit.

Shumë nga ne nuk e hanë mishin e kuq, apo djathin, pasi meqenëse ato janë të tejmbushura me kalori, dhe yndyra, mendojmë se, do na rrisë nivelin e kolesterolit në gjak.

Por sipas një studimi të fundit, rezulton se, ngrënia e mishit ndihmon dhe forcon zemrën tuaj.

Sigurisht, nëse ju hani mish të kuq dhe djathë të përpunuar, rreziku për të vdekur nga zemra është i ulët.

Nëse ju hani një sasi të konsiderueshme mishi dhe djathi çdo ditë, kjo mund të reduktojë edhe shanset për të vdekur parakohe.

The post Doni zemër të fortë? Hani këto dy ushqime! appeared first on Albeu.com.

Konsumojeni në mëngjes, ky është kombinimi më i shëndetshëm për një zemër të fortë

E B — Mon, 03 Jan 2022 08:16:45 +0000

Zemra, organi që siguron oksigjen dhe gjak për çdo sistem të trupit tuaj, është motori që e bën tërë trupin tuaj të punojë! Veç trashëgimisë gjenetike, dieta juaj është një nga faktorët kryesorë që promovon shëndetin e zemrës, apo nxit problemet kardiovaskulare. Sot do t’ju tregojmë një recetë edhe më të thjeshtë: vetëm dy përbërës që bëjnë kombinimin më të shëndetëshëm për një zemër të fortë.

Mollë jeshile dhe tërshërë: Mund t’ju interesojë gjithashtu: Përse molla është fruti që duhet të hani çdo ditë, ja vlerat ushqyese të saj.

Mollët mund të ndihmojnë në parandalimin e veshjes së mureve të zemrës , një nga shkaqet e zakonshme të sëmundjeve kardiovaskulare. Sipas Best Health, molla “parandalon kolesterolin të vishet e të ngurtësojë muret e arteries”. Kombinimi i acidit ursolic, pektinës dhe acidit D-glucaric në mollë ndihmon në uljen e rrezikut të sëmundjeve koronare të zemrës.

1 mollë jeshile

1 filxhan ujë

3 lugë gjelle tërshërë e shtypur

Opsionale: limon, kanelle, mjaltë.

Përgatitjet:

Zhytini tre lugët e tërshërës në një gotë me ujë dhe lëreni gjatë gjithë natës. Në mëngjes shtoni mollën e prerë në feta dhe shtoni pak mjaltë për t’i shtuar shije. Përziejeni derisa të përfitoni një masë homogjene dhe është gati për t’u konsumuar./albeu.com

The post Konsumojeni në mëngjes, ky është kombinimi më i shëndetshëm për një zemër të fortë appeared first on Albeu.com.