Kryetari i Prishtinës, Përparim Rama, ka publikuar në Facebook pamjet e largimit të banderolës me mbishkrimin “Free Ukraine”, pas deklaratës së presidentit ukrainas, Volodymyr Zelensky, në Beograd.

Përmes një postimi në rrjetin social, Rama ka theksuar se shtetësia e Kosovës duhet të respektohet dhe se Prishtina do të reagojë në të njëjtën mënyrë sa herë që kjo shtetësi shpërfillet.

“Shteti i Kosovës duhet të respektohet. Sa herë që Kosova nuk respektohet, Kryeqyteti Prishtina do të përgjigjet gjithmonë njëjtë.

Ndjeshmëria dhe solidariteti ynë do të jenë përherë me popujt që përballen me luftë, dhunë dhe persekutim. Ne, më shumë se shumë të tjerë, e dimë se çfarë nënkupton lufta për liri, dinjitet dhe të drejtën për të ekzistuar si shtet.

Megjithatë, asnjë kauzë dhe asnjë politikë nuk mund të ngrihet duke përçmuar shtetësinë e Kosovës dhe sakrificën e popullit të saj”, ka shkruar Rama.

The post Kosova duhet respektuar”, Përparim Rama reagon pas deklaratës së Zelenskyt në Beograd appeared first on Albeu.com.

Përmes qëndrimit të saj, Tirana zyrtare rikonfirmoi njëkohësisht mbështetjen për sovranitetin dhe integritetin territorial të Ukrainës, si dhe për sovranitetin e pavarësinë e Kosovës.

Sipas Ministrisë së Jashtme, çdo krahasim ndërmjet Kosovës dhe zhvillimeve në Ukrainë është i pavend, oportunist dhe krijon një perceptim thellësisht mashtrues.

Institucioni shqiptar nënvizon se rasti i Kosovës mbështetet në rrethana të veçanta historike, politike dhe juridike.

Në argumentimin e saj, Shqipëria sjell në vëmendje opinionin këshillimor të Gjykatës Ndërkombëtare të Drejtësisë, e cila në vitin 2010 arriti në përfundimin se shpallja e pavarësisë së Kosovës nuk përbënte shkelje të së drejtës ndërkombëtare.

Në të kundërt, agresioni rus ndaj Ukrainës përkufizohet nga Ministria e Jashtme shqiptare si një çështje tërësisht tjetër dhe si shkelje e Kartës së Kombeve të Bashkuara dhe e së drejtës ndërkombëtare.

MEPJ vlerëson se ndërtimi i një Ballkani Perëndimor paqësor, të qëndrueshëm dhe evropian kërkon që të pranohet realiteti dhe karakteri i pakthyeshëm i pavarësisë së Kosovës.

Në deklaratë theksohet se shtetësia e Kosovës ka ndihmuar stabilitetin në rajon dhe përfaqëson pjesë të një të ardhmeje ku kufijtë nuk ndryshohen përmes forcës, ndërsa popujt dhe komunitetet kanë mundësi ta përcaktojnë rrugën e tyre në kushte paqeje dhe sigurie.

Shqipëria vë në dukje gjithashtu se Kosova dhe Serbia janë pjesë e së njëjtës perspektivë evropiane. Sipas saj, normalizimi i raporteve dypalëshe duhet të përfundojë me njohjen e ndërsjellë, një zhvillim që do t’u shërbente të dyja vendeve dhe të gjithë rajonit.

Tirana zyrtare argumenton se një marrëveshje e tillë nuk do ta dobësonte Serbinë. Përkundrazi, njohja e ndërsjellë do të mundësonte mbylljen e një prej kapitujve më të dhimbshëm të historisë së afërt të rajonit, duke krijuar kushtet për pajtim të mirëfilltë, fqinjësi të mirë dhe paqe afatgjatë.

The post Shqipëria i përgjigjet Zelenskyt për Kosovën: Krahasimi me Ukrainën është i gabuar appeared first on Albeu.com.