Zelensky do të takohet me Trumpin për të kërkuar më shumë ndihmë ushtarake, në një kohë kur Kievi dhe Moska po e përshkallëzojnë luftën me sulme masive ndaj sistemeve energjetike, ndërkohë që NATO-ja po has vështirësi për t’iu përgjigjur një vale inkursionesh ajrore ruse.
Trump konfirmoi në një postim në rrjetin e tij social, Truth Social, se ishte duke folur me Putinin.

“Biseda është ende duke u zhvilluar, është e gjatë, dhe ne do të tregojmë për përmbajtjen e saj, ashtu siç do të bëjë edhe presidenti Putin, pas përfundimit të saj”, shkroi ai.
Ukraina po i kërkon raketat me rreze të gjatë veprimi, Tomahawk, nga SHBA-ja, të cilat do ta vendosnin Moskën dhe qytete të tjera të mëdha ruse brenda rrezes së sulmeve me raketa nga territori ukrainas.
Trumpi ka thënë se mund ta furnizojë Ukrainën me këto armë, nëse Putini nuk pranon të ulet në tryezën e bisedimeve.
Trumpi, i cili është zotuar ta përfundojë luftën, ka shprehur zemërim gjithnjë e më të madh ndaj Putinit për shkak të sulmeve të vazhdueshme.
Në valën më të fundit të sulmeve, Rusia lëshoi më shumë se 300 dronë dhe 37 raketa për të goditur infrastrukturën në gjithë Ukrainën gjatë natës të së enjtes, tha Zelensky.
Rusia ka vazhduar të sulmojë objektet energjetike dhe ato të furnizimit me energji elektrike të Ukrainës për disa dimra me radhë, teksa lufta po hyn në vitin e saj të katërt.

The post Para takimit me Zelenskyn, Trump bisedon me Putin, paralajmëron publikimin e përmbajtjes appeared first on Albeu.com.

Siç njofton korrespondentja e Zërit të Amerikës Anita Powell zhvillimet e fundit, posaçërisht pas debatit të ashpër në Shtëpinë e Bardhë javën e kaluar kanë tërhequr vëmendjen e kryeqyteteve të mëdha në pothuajse të gjitha anët e botës.

Në Evropë janë shtuar shqetësimet mbi Ukrainën, ndërsa bota merret me pasojat e takimit që u mbajt javën e kaluar në Shtëpinë e Bardhë.

Diskutimi i ashpër mes Presidentit Donald Trump dhe udhëheqësit ukrainas Volodomyr Zelensky bëri që të mos nënshkruhej marrëveshja mbi mineralet e rralla ukrainase.

Presidenti Trump thotë se marrëveshja është me rëndësi thelbësore për vazhdimin e mbështetjes së Shteteve të Bashkuara për Kievin.

Të hënën, presidenti tha se nëse Ukraina dëshiron të mbijetojë, Presidenti Zelensky duhet të jetë i gatshëm për paqe.

“Ne duhet të bëjmë një marrëveshje dhe ajo mund të bëhet shumë shpejt.

Unë besoj se Rusia dëshiron të bëjë një marrëveshje. Unë besoj se populli i Ukrainës dëshiron të bëjë një marrëveshje”, tha Presidenti Trump.

Presidenti Trump gjithashtu reagoi ashpër në rrjetin social ‘Truth’ kundër deklaratës së Presidentit Zelensky se lufta mund të vazhdojë shumë më gjatë. Rusia e filloi agresionin në Ukrainë më 2022.

Analistët thonë se ata nuk mund të parashikojnë lëvizjen e ardhshme të Presidentit Trump në lidhje me marrëveshjen që duket se është çelësi i kësaj situate.

Anna Borshchevskaya Instituti i Uashingtonit për Politikën e Lindjes së Afërt

“Është ende e paqartë se cili është në të vërtetë plani i zotit Trump.

Atë që kemi parë gjatë fundjavës, është se Evropa po bën më shumë për të penguar Rusinë”, thotë Anna Borshchevskaya nga Instituti i Uashingtonit për Politikën e Lindjes së Afërt.

Presidenti Zelensky u largua nga Shtëpia e Bardhë të premten dhe fluturoi përtej Atlantikut, për të marrë pjesë në një takim me aleatët kryesisht evropianë.

Kryeministri Keir Starmer e priti atë ngrohtësisht në Londër të hënën, duke përsëritur planin britanik për dërgimin e paqeruajtësve dhe duke ndarë 2 miliardë dollarë për 5000 raketa të mbrojtjes ajrore për Ukrainën.

“Është e vërtetë që Evropa duhet të bëjë më shumë për të mbështetur paqen në kontinentin tonë.

Megjithatë, për të pasur sukses, kjo përpjekje duhet të ketë edhe mbështetjen e fortë të Shteteve të Bashkuara”, tha kryeministri Starmer gjatë një fjalimi në Parlamentin britanik.

Megjithatë, udhëheqësit e dy vendeve në luftë përsëritën mesazhet e tyre, duke treguar se sa larg janë në këtë konflikt që ka bllokuar Evropën për tre vjet.

“Mendoj se mbështetja amerikane do të vazhdojë, sepse dështimi i Ukrainës nuk është vetëm sukses i Putinit, është dështim i Evropës, është dështim i Shteteve të Bashkuara të Amerikës.

Mendoj se të gjithë jemi të interesuar që të mos i japim Putinit një mundësi për të fituar”, tha Presidenti Zelensky.

“Ata duan që lufta të vazhdojë. Prandaj, në këtë situatë, natyrisht që përpjekjet e Uashingtonit dhe vetëm gatishmëria e Moskës nuk do të mjaftojnë, mungon një element vendimtar”, tha Dmitry Peskov, zëdhënës i presidencës ruse.

Ndërkaq, Pekini gjithashtu shprehu dëshirën për fundin e luftës.

“Kina nuk është palë e krizës në Ukrainë, por ne mbështesim të gjitha përpjekjet që ndihmojnë në arritjen e një zgjidhje paqësore.

Shpresojmë që të gjitha palët e interesuara të gjejnë një zgjidhje të qëndrueshme që trajton shqetësimet e njëri-tjetrit”, tha Lin Jian zëdhënës i ministrisë së jashtme kineze.

Shtëpia e Bardhë konfirmoi për Zërin e Amerikës se ka shtuar trysninë, duke thënë se administrata Trump “po ndalon dhe rishikon ndihmën tonë (për Ukrainën) për të siguruar që ajo po kontribuon për një zgjidhje”.

Presidenti Trump gjithashtu paralajmëroi për një njoftim të ardhshëm të rëndësishëm për Ukrainën.

“Do të mbaj një fjalim. Ju ndoshta keni dëgjuar për fjalimin e të martës,”, tha ai.

Presidenti Trump do të mbajë një fjalim para dy dhomave të Kongresit, të martën në mbrëmje, me orën e Uashingtonit./VOA

The post Trump: Zelensky të pranojë marrëveshjen për t’i dhënë fund konfliktit appeared first on Albeu.com.

Rama është takuar në Budapest me presidentin e Serbisë, Aleksandër Vuçiç, si dhe me kryeministrin e Maqedonisë së Veriut, Hristijan Mickoski.

Ata janë parë në një tryezë duke biseduar. Po ashtu, kreu i qeverisë është takuar dhe me presidentin e Francës, Emmanuel Macron, si dhe me presidentin e Ukrainës, Volodymyr Zelensky.

Burime për media bëjnë me dije se në qendër të këtij takimi, do të jetë luftën ndaj emigracionit të paligjshëm, teksa Hungaria mban presidencën e radhës së BE-së deri në fund të Dhjetorit.

Zgjedhja e Donald Trump për herë të dytë në presidencën e SHBA-së po ashtu pritet të monopolizojë takimin dyditor të liderëve europianë.

The post Budapest/ Rama takohet me Macron dhe Zelenskyn, shfaqet në një tryezë me Aleksandër Vuçiç (FOTOT) appeared first on Albeu.com.

Presidenti Zelensky, nxori një dekret për shkarkimin e zotit Serhiy Rud. Nuk ka njoftime se kush do ta zëvendësojë atë.

Shërbimi i Sigurisë i Ukrainës (SBU), tha këtë javë se kishte ndaluar dy kolonelë të shërbimit të rojës shtetërore, nën akuzat për komplot për të vrarë zotin Zelenskiy dhe zyrtarë të tjerë të lartë.

SBU-ja tha se atentatet do të kishin qenë një “dhuratë” për Presidentin Vladimir Putin, ndërsa ai u betua të martën për një mandat të ri.

Agjencia ukrainase e sigurisë, tha se dy të ndaluarit ishin rekrutuar nga Shërbimi Federal i Sigurisë i Rusisë (FSB) dhe i kishin dhënë Moskës të dhëna sekrete.

Dy të arrestuarit, tha SBU-ja, ishin ngarkuar me detyrën për gjetur dikë në rojën presidenciale, i cili do ta merrte peng zotin Zelenskiy dhe më pas do ta vriste.

Nuk ka të dhëna se në cilën fazë ishte zbuluar komploti. Moska nuk ka komentuar lidhur me deklaratat e SBU-së.

Presidenti Zelensky, tha vitin e kaluar se shërbimet ukrainase të sigurisë kishin zbuluar dhe asgjësuar të paktën pesë komplote ruse për ta vrarë atë.

SBU-ja tha se grupi spiun planifikoi gjithashtu të vriste kreun e kësaj agjencie, Vasyl Maliuk dhe kreun e agjencisë së zbulimit ushtarak, Kyrylo Budanov./VOA

The post Zbulimi i planit për të vrarë Zelenskyn/ Ukraina shkarkon kreun e Gardës Shtetërore appeared first on Albeu.com.

Lideri i parë që është pritur nga Rama ka qenë Presidenti ukrainas Zelensky, me të cilin Rama ka zhvilluar një bisedë në tapetin e kuq.

Së bashku po presin edhe liderët e tjerë pjesëmarrës në samit.

The post Rama pret Zelenskyn para Pallatit të Kongreseve appeared first on Albeu.com.

Presidenti ukrainas Volodymyr Zelensky refuzoi të evakuohej nga Kievi edhe kur vrasësit rusë u përpoqën të hynin në ndërtesën ku ai po qëndronte, raporton Sky news.

Natën tjetër, pasi refuzoi të shkonte në një mjedis më të sigurt, që përfshin krijimin e një qeverie në mërgim, Zelenski doli në oborr dhe më pas regjistroi një video-mesazh të famshëm.

“E kuptova se duhet të sillem ashtu siç duhet të sillet kreu i shtetit”, tha Zelenski.

Ushtria ukrainase i tha Zelenskit se ushtarët rusë zbritën me parashutë në Kiev për ta vrarë ose kapur atë dhe familjen e tij.

Andrij Jermak , shefi i kabinetit të presidentit, tha se para asaj mbrëmjeje kishin parë gjëra të tilla vetëm në filma.

Këshilltari presidencial Oleksiy Arestovich pretendon se presidenti ishte ftuar të shkonte në një objekt të mbrojtur larg kryeqytetit, sepse këshilltarët e paralajmëruan atë se kompleksi ishte në rrezik nga zjarri snajper dhe granatat.

Zelenskit dhe bashkëpunëtorëve të tij iu dhanë jelek antiplumb dhe pushkë sulmi, por jo të gjithë dinin t’i përdornin ato.

Ishte një çmenduri absolute. Automatizimi për të gjithë. Vendi ishte i hapur. Nuk kemi pasur as blloqe betoni për të mbyllur rrugën – tha Arestovic. /albeu.com/

The post Rusët pothuajse e vranë Zelenskyn në fillim të luftës? appeared first on Albeu.com.