Kryeministri i Zelandës së Re, Chris Hipkins, tha se ndërtesa aktualisht nuk është e sigurt që policia të hyjë brenda, dhe autoriteteve mund t’iu duhet më shumë kohë për ta konfirmuar numrin e të vdekurve.

Ai tha se deri tani dihet se gjashtë persona kanë vdekur dhe numri i viktimave ka të ngjarë të rritet.

Policia tha se nuk kishte një numërim të saktë, megjithëse besonte se numri i të vdekurve është më pak se 10.

“Është një tragjedi absolute. Është një situatë e tmerrshme”, u tha kryeministri gazetarëve. “Sigurisht, do të ketë një sërë hetimesh se çfarë ka ndodhur dhe pse ka ndodhur. Por tani për tani, fokusi duhet të jetë në trajtimin e situatës”, shtoi ai.

Nick Pyatt, shefi i zjarrfikësve në Uellington, tha se 52 persona kishin dalë nga ndërtesa, por ata ende po përpiqeshin të kontaktonin me të tjerët që mund të jenë brenda.

Ai e quajti ngjarjen “makthin e tij më të keq”.

Bujtina, e quajtur Loafers Lodge ndodhet në një zonë industriale të kryeqytetit dhe është një lloj hoteli me çmim të përballueshëm, me me dhoma, sallone, kuzhina dhe ambiente tjera të të përbashkëta për njerëzit që rrinë aty.

Pyatt tha se zjarrfikësit u thirrën në bujtinë rreth orës 12:30 të mëngjesit.

Policia bëri të ditur se shkaku i zjarrit nuk dihet menjëherë.

Banorët u thanë gazetarëve se alarmet e zjarrit bien rregullisht në ndërtesë, ndoshta nga njerëz që pinë duhan ose monitorë tepër të ndjeshëm të tymit, kështu që shumë kishin menduar fillimisht se ishte një tjetër alarm i rremë.

Autoritetet shëndetësore thanë se dy persona që kishin qenë në ndërtesë po trajtoheshin në spitale dhe të dy ishin në gjendje të qëndrueshme. Tre të tjerë ishin trajtuar dhe liruar, ndërsa një pacient kishte zgjedhur të largohej përpara se të merrte trajtimin.

Zëdhënësi i Këshillit Bashkiak të Uellingtonit, Richard MacLean, tha se zyrtarët e qytetit dhe qeverisë po ndihmonin rreth 50 njerëz që i shpëtuan zjarrit.

Ai tha se një numër i të moshuarve kishin ikur nga ndërtesa vetëm me pizhamet që kishin veshur.

“Shumë janë të tronditur dhe të hutuar për atë që ndodhi”, tha ai.

Loafers Lodge është afër Spitalit Rajonal Uellington dhe ka 92 dhoma.

Bujtina ofronte një kombinim të qirave afatshkurtra dhe afatgjata, tha MacLean. Edhe pse tha se nuk i dinte të gjitha detajet, ai beson se bujtina ishte përdorur nga agjenci të ndryshme qeveritare për të ofruar akomodime të nevojshme.

Kryeministri i australian Anthony Albanese u tha gazetarëve se kishte folur me homologun e tij Hipkins dhe kishte ofruar ndihmë për shtetin fqinj.

“Kjo është një tragjedi e tmerrshme njerëzore,” tha Albanese. “Unë shpreha ngushëllimet e mia në emër të Australisë miqve tanë në Zelandën e Re në këtë kohë kaq të vështirë”./rel/

The post Gjashtë viktima nga zjarri në një bujtinë në Zelandë të Re appeared first on Albeu.com.

Toka e parë që preku Viti i Ri janë ishujt e vegjël Kiribati në Oqeanin Paqësor.

Ndërsa aktualisht Zelanda e Re është vendi i parë që e priti me festime madhështore, në urën e famshme Harbor Brixh të Okllendit. Banorët mund të shijojnë nga sheshet, spektaklin tradicional të fishekzjarreve, pas ndalimit vitin e kaluar të grumbullimeve si pasojë e pandemisë.

Spektakli do të vijojë në Sidnej të Australisë rreth dy orë më vonë si vendi i radhës që pret Vitin e Ri.

Qindra miliona njerëz mblidhen edhe në kryeqytetet europiane dhe ato aziatike për të parë në sheshet kryesore të qyteteve spektaklin që iu nënshtrua kufizimeve drastike gjatë dy viteve të kaluara të pandemisë.

The post Viti i Ri mbërrin në Zelandën e Re, spektakël fishekzjarresh (VIDEO) appeared first on Albeu.com.

Kështu, Vesa Luma dhe Big Basta që ndodhen në Zelandën e Re, kanë bashkuar të gjithë shqiptarët dhe kanë mbajtur një super koncert, ku kanë kënduar në shqip dhe e kanë ndezur atmosferën.

Në rrjete sociale, Vesa ndau super krenare pamjet nga organizimi i tyre, duke na i bërë zemrat mal të gjithëve.

“Nata e kaluar ishte e mrekullueshme! Faleminderit shqiptarët e mi, ia dolëm edhe në fund të botës! Nata e pare ever e cila i mbledhi te gjithe shqipfolsit ne Zelande! S’mund të isha më krenare.”- shkroi ajo krahas postimit.

 

View this post on Instagram

 

A post shared by Vesa Luma (@vesaluma)

The post Në fund të botës, Vesa Luma dhe Big Basta mbajnë super koncertin me shqiptarë (FOTO LAJM) appeared first on Albeu.com.