Pas më shumë se dy vjetësh e gjysmë, Drita ka zyrtarizuar ndarjen me kryetrajnerin Zekirija Ramadani, duke mbyllur një periudhë të shoqëruar me suksese të shumta.

Në njoftimin e publikuar për media, klubi nga Gjilani e cilësoi të jashtëzakonshëm bashkëpunimin me Ramadanin dhe shprehu mirënjohje të thellë për angazhimin dhe kontributin e tij.

Drita bëri të ditur se rezultatet e arritura së bashku do të mbeten përgjithmonë pjesë e historisë së klubit. Sipas komunikatës, titujt kampion dhe paraqitjet e jashtëzakonshme në arenën ndërkombëtare dëshmojnë punën kolosale të realizuar gjatë kësaj periudhe.

Në përmbyllje të njoftimit, FC Drita e falënderoi Zekën për gjithçka që i ka dhënë klubit, ndërsa shprehu besimin se rrugët e ndërtuara së bashku mund t’i bashkojnë sërish palët në një moment tjetër.

“Suksese dhe paç fat, Zeko!”, ishte mesazhi përfundimtar i klubit.

The post Drita i jep fund bashkëpunimit me Zekirija Ramadanin appeared first on Albeu.com.

Zekirija Ramadani është larguar nga drejtimi i Dritës, pasi trajneri shkupjan konfirmoi se bashkëpunimi me kampionen e Kosovës ka marrë fund.

Në një prononcim për Telegrafin, Ramadani bëri të ditur se ai dhe klubi gjilanas kanë vendosur të ndjekin rrugë të ndara, por nuk zbuloi arsyet që çuan në këtë vendim.

“Po është e vërtetë se kemi ndarë rrugët me klubin, detajet do t’i mësoni më vonë”, deklaroi shkurt Ramadani për Telegrafin.

Trajneri shkupjan e mori drejtimin e Dritës në vitin 2024. Gjatë kësaj periudhe, ai krijoi një ekip konkurrues dhe e riktheu klubin nga Gjilani në nivelet më të larta të futbollit kosovar.

Ramadani shënoi arritje të rëndësishme në stolin e Dritës, duke e udhëhequr skuadrën drejt sukseseve të mëdha dhe fitimit të dy titujve radhazi të kampionit të Kosovës.

Puna e tij u vlerësua për stabilitetin dhe organizimin që solli në ekip, ndërkohë që Drita ruajti statusin e saj si një prej klubeve kryesore të futbollit kosovar.

Deri më tani, as trajneri dhe as klubi gjilanas nuk kanë bërë publike shkaqet e përfundimit të bashkëpunimit.

Tashmë pritet të mësohet se kush do ta zëvendësojë Ramadanin në pankinën e Dritës dhe si do të vazhdojë kampionia e Kosovës rrugëtimin në sezonin e ri.

The post Përfundon bashkëpunimi mes Zekirija Ramadanit dhe Dritës appeared first on Albeu.com.

Skuadra nga Gjilani do të zbresë në fushën e stadiumit “Fadil Vokrri” të martën mbrëma në orën 20:00, me synimin e qartë për të siguruar një biletë në rrethin e dytë eliminues të Ligës së Kampionëve. Takimi i parë në Lituani u mbyll në barazim 1-1, duke lënë gjithçka të hapur për sfidën e kthimit në kryeqytetin kosovar.

Në konferencën për shtyp, trajneri Zekirija Ramadani pranoi se ekipi i tij konsiderohet favorit, por këmbënguli se asgjë nuk është e fituar që më parë kundër kampionëve lituanezë dhe se përqendrimi total është i panegociueshëm. “Ndeshja e nesërme është e hapur, me mundësi 50-50. Avantazhi ynë i vetëm është terreni vendas dhe shpresoj që edhe kushtet atmosferike të jenë në anën tonë, pasi atje klima ishte krejt ndryshe. Shpresojmë të dalim fitimtarë. Skuadra nuk ka probleme fizike dhe kemi punuar për të ndrequr pasaktësitë. Synimi ynë nuk është spektakli, por një lojë e mbushur me duele dhe shpirt luftarak. Ajo që na intereson është avancimi në fazën pasuese,” deklaroi tekniku nga Shkupi.

Ramadani më tej shtjelloi nevojën për një qasje më të guximshme nga ana e lojtarëve të tij, duke u ndalur tek nevoja për të qenë më iniciativë në repartin ofensiv. “Duhet të tregojmë më tepër guxim sesa në përballjen e parë. Synimi është të sulmojmë portën e rivalit dhe ta mbajmë atë larg zonës sonë të rrezikut. Ndeshja mund të vendoset nga hollësitë, momentet apo goditjet nga pozicionet standarde. Por ne jemi përgatitur për të gjitha alternativat,” shtoi ai. Për më tepër, trajneri theksoi se skuadra është gati edhe për një skenar me kohë shtesë, por shprehu besimin se triumfi do të arrihet pa pasur nevojë për ekzekutimin e penalltive. “Jemi gati edhe për vazhdimet, por nuk kemi menduar për penalltitë sepse besoj se do ta fitojmë takimin brenda lojës, qoftë edhe pas minutave shtesë.”

Në të njëjtën linjë, edhe gardiani Faton Maloku bëri thirrje për kujdes të shtuar ndaj kundërshtarit, duke respektuar forcën e tyre. “Kemi marrë një rezultat pozitiv në transfertë, por nuk jemi tërësisht të realizuar. Përballë kemi fituesit e titullit në Lituani, të cilët dinë të ndëshkojnë. Duhet të tregohemi të përqendruar dhe t’i hyjmë sfidës me seriozitetin maksimal. Fakti që luajmë në shtëpi dhe me mbështetjen e tifozëve na bën favoritë, dhe pikërisht me këtë përkrahje duam të ecim përpara,” theksoi portieri shtatlartë.

Ambicia e klubit verdhekaltër për këtë sezon është të arrijë fazën e plejofit në Ligën e Evropës. Megjithatë, dëshira është që të përsëritet ecuria mbresëlënëse e edicionit të kaluar në Ligën e Konferencës, ku Drita la një gjurmë të theksuar në arenën ndërkombëtare dhe i dha vetes një tjetër natë të paharrueshme evropiane.

The post Ramadani dhe Maloku paralajmërojnë vigjilencë maksimale përballë Zalgirisit appeared first on Albeu.com.

Drita e ka mbyllur përgatitjen për duelin e parë ndaj Kauno Žalgiris, i vlefshëm për raundin e parë kualifikues të Ligës së Kampionëve.

Në prag të ndeshjes, trajneri Zekirija Ramadani dhe kapiteni Besnik Krasniqi deklaruan në konferencë për shtyp se skuadra është përgatitur në maksimum dhe se objektivi është një rezultat pozitiv para takimit të kthimit në Kosovë.

Besnik Krasniqi veçoi gjendjen brenda grupit, duke thënë se atmosfera në ekip mbetet një prej armëve më të forta të Dritës.

“Atmosfera është shumë e mirë. Drita njihet gjithmonë për atmosferën që e ka dhe jemi munduar shumë ta ruajmë atë. Jemi mjaft të përgatitur dhe shumë të motivuar për ndeshjen e nesërme. Secili duhet ta japë maksimumin për të marrë një rezultat pozitiv. Nuk duhet të harrojmë se nuk është vetëm një ndeshje, por janë dy takime dhe duhet të jemi të kujdesshëm”, deklaroi Krasniqi.

Nga ana e tij, Zekirija Ramadani theksoi se skuadra është gati në planin psikologjik, fizik dhe taktik, ndërsa shprehu besimin se Drita mund të sigurojë një rezultat të mirë në transfertë.

“Unë e shoh ekipin tim të përgatitur në aspektin psikologjik, fizik dhe taktik. Shpresoj që do të nxjerrim një rezultat pozitiv nga ndeshja e nesërme. Pastaj kemi ndeshjen e kthimit, ku do ta kemi mbështetjen e tifozëve tanë dhe normalisht do të jemi shumë më të forte”.

“Do të doja të ktheheshim me një avantazh dhe besoj se kjo është reale dhe normale. Megjithatë, duhet të bëjmë maksimumin. Nesër kemi 90 minuta punë dhe vetëm pas tyre mund të bëjmë llogaritë për ndeshjen e kthimit, nëse duhet të jemi më agresivë, më ofensivë apo më defensivë. Gjithçka do të varet nga rezultati i ndeshjes së parë”, u shpreh Ramadani.

Ndeshja e parë mes Dritës dhe Kauno Žalgiris zhvillohet nesër (e martë), në kuadër të raundit të parë kualifikues të Ligës së Kampionëve, ku skuadra synon të ndërtojë një pozicion sa më të favorshëm para sfidës së kthimit para tifozëve të vet.

The post Ramadani dhe Krasniqi optimistë para përballjes me Kauno Žalgiris: Drita kërkon të kthehet me rezultat të favorshëm appeared first on Albeu.com.

T’i bëjmë pushimet siç duhet, të pushojë edhe truri i lojtarëve, pasi presioni i rezultateve ka ndikuar.

Dhamë maksimumin, kishim edhe pak fat. Uroj futbollistët për angazhimin dhe fitoren. Kisha frikë vetëm pankinën, pasi kishim pak alternativa dhe lodhja do ndikonte që të bënim ndërrime të tjera.

Linja mbrojtëse funksionoi jashtë mase mirë. Ishim afër njëri-tjetrit, do përmirësohej gabimi nga tjetri.

Na bëri të kishim njëfarë sigurie, pasi jemi ndëshkuar nga mos përqendrimi në ndeshjet e fundit. Trajneri i vitit 2021? Në Kosovë shpallet ai që del kampion”. / h.ll/albeu.com

The post Ramadani: Fitore qetësie, jo komoditeti! Kisha vetëm një frikë sot appeared first on Albeu.com.