Mbrëmjen e djeshme Rama dhe bashkëshortja e tij Linda Rama ishin të ftuar në darkën mbretërore gala organizuar nga Mbreti Felipe VI i Spanjës dhe Mbretëresha Letizia në Pallatin Mbretëror të Madridit, ku pjesë ishin edhe kryetarët e qeverive dhe të shteteve anëtare të NATO-s.

Këtë të mërkurë, Rama, së bashku me pjesëmarrësit e tjerë në Samit  do të mirëpriten nga Sekretari i Përgjithshëm i NATO-s  Jens Stoltenberg dhe Presidenti i qeverisë së Mbretërisë së Spanjës Pedro Sanchez.

Në vijim, do të ndjekë seancën plenare të Samitit, ku të pranishëm do të jenë edhe ministrja për Evropën dhe Punët e Jashtme Olta Xhaçka dhe ministri i Mbrojtjes Niko Peleshi.

Fjala e hapjes së Samitit do të mbahet nga Sekretari i Përgjithshëm i NATO-s  z. Jens Stoltenberg, ndërsa Presidenti i qeverisë së Mbretërisë së Spanjës Pedro Sanchez, do të mbajë një fjalë përshëndetëse.

Samitin do t’i adresohet online edhe Presidenti i Ukrainës Volodymyr Zelensky.

Pas përfundimit të seancës plenare, kryetarët e shteteve dhe të qeverive, pjesëmarrës në Samit do të vizitojnë  ekspozitën e teknologjisë së NATO-s.

Pasditen e së mërkurës, kryeministri Rama dhe bashkëshortja e tij Linda Rama do të vizitojnë Muzeun Kombëtar Prado, në Madrid, e më pas kryeministri Rama do të marrë pjesë në darkën e shtruar nga Presidenti i qeverisë së Mbretërisë së Spanjës Pedro Sanchez.

Samiti i NATO-s do të vijojë punimet të enjten, në ditën e dytë të tij, ku Kryeministri Edi Rama do të marrë pjesë, së bashku me ministren për Europën dhe Punët e Jashtme Olta Xhaçka dhe Ministrin e Mbrojtjes Niko Peleshi.

Në këtë seancë, Samitit do t’i drejtohet edhe Presidenti i Asamblesë Parlamentare të NATO-s Gerald Connolly.

Në ditën e dytë të punimeve të Samitit, Kryeministri Rama do të zhvillojë një takim bilateral me Kryeministren e Suedisë Magdalena Andersson.

Në përfundim, Kryeministri Rama do të marrë pjesë në ceremoninë e nënshkrimit të marrëveshjes me Enagás, e cila është një kompani spanjolle energjetike dhe operator evropian i sistemit të transmetimit, i cili zotëron dhe operon rrjetin e gazit të Spanjës.

The post Rama pjesë e samitit të NATO-s në Madrid, kjo është agjenda appeared first on Albeu.com.

Kryetari i PD-së, Sali Berisha tha se në këtë mbledhje do të diskutohet për protestat e ardhshme dhe rolin që do të kenë krerët lokalë në organizimin e aksionit opozitar.

“Mbledhja me kryetarët është shumë e rëndësishme, e para e kësaj natyre, në të cilën ata do të marrin detyrat për drejtimet e punës së PD-së në periudhën që vjen. Nuk mund të ketë dyshim që protesta do të jetë temë diskutimi shumë e rëndësishme. PD duhet të bëjë gjithçka për të shpëtuar Shqipërinë nga sistemi monist dhe vetëm shqiptarët mund ta bëjnë atë”, u shpreh kreu i PD-së.

The post Berisha thërret mbledhjen me krerët e degëve në rrethe, zbulohet agjenda e takimit appeared first on Albeu.com.

Qëllim i Samitit janë bisedimet rreth thellimit të bashkëpunimit me vendet e rajonit dhe partnerët ndërkombëtarë për të garantuar paqe, siguri, stabilitet, zhvillim ekonomik, politik e shoqëror në rajon.

Në lidhje me këtë, në artikujt e gazetave greke për sa i përket Samitit theksohet se ai do të zhvillohet si “kryeqytetin e Ballkanit”, duke cilësuar kështu Selanikun si epiqendrën e Ballkanit.

I njohur ndryshe si Samiti Ndërballkanik, një ndër temat që do të diskutohet dhe që është në interes të Shqipërisë është perspektiva evropiane e Shqipërisë dhe Maqedonisë së Veriut.

Axhenda e Samitit

Pasditen e sotme, kryeministri grek Kyriakos Mitsotakis do të kryesojë Samitin. Në punimet e Samitit do të marrë pjesë kryetari i Këshillit Evropian Charles Michel , ndërsa në darkën që do të vijojë do të marrë pjesë edhe kancelari gjerman Olaf Soltz . Në prani të dy zyrtarëve, do të tentohet të dërgohet një mesazh i qartë në favor të perspektivës evropiane për vendet ballkanike.

17.20 – Mbledhja e krerëve të delegacioneve në sallën ku zhvillohet samiti

17.35 – Foto familjare

17.40 – Zhvillimi i seancës plenare të samitit SEECP

Fjala e hapjes nga z. Kyriakos Mitsotakis, Kryeministër i Republikës së Greqisë

Fjalë e Kryeministrit dhe krerëve të delegacioneve të tjera

Shkëmbim i pikëpamjeve për bashkëpunimin rajonal – ndikimi aktual i zhvillimeve
ndërkombëtare në rajon

Miratimi i Raportit Vjetor të Këshillit të Bashkëpunimit Rajonal

Miratimi i Deklaratës së Samitit të SEECP të Selanikut

20.00 – Konferencë për shtyp e z. Kyriakos Mitsotakis, Kryeministër i Republikës së Greqisë

Çfarë do të përfshijë deklarata e Samitit

Sipas informacioneve, deklarata që do të miratohet dhe shpallet pas Samitit të liderëve, fokusohet në tetë tema.

Deklarata dënon qartë ” pushtimin e paligjshëm, të pajustifikuar dhe të paprovokuar të Ukrainës nga forcat e armatosura të Rusisë”.

Do ti jepet rëndësi e veçantë perspektivës evropiane të rajonit dhe për të ardhmen e tyre të përbashkët evropiane.
Pritet të theksohet nevoja për garantimin e sigurisë energjetike në rajon dhe diversifikimin e burimeve të energjisë, nëpërmjet stacioneve të karburantit LNG dhe ndërlidhjeve të tubacioneve.

Siguria dhe ekonomia

Deklarata pritet të fokusohet në çështjet e sigurisë dhe stabilitetit në rajon. Ky paragraf ka të bëjë me trajtimin e ndikimit të vendeve të treta (p.sh. Rusia, Kina), të cilat sipas Perëndimit veprojnë në mënyrë dashakeqe dhe destabilizuese. Së fundi deklarata e Samitit do t’i referohet rëndësisë së zhvillimit ekonomik të rajonit.

Cilat vende do të marrin pjesë

Samiti i krerëve të shteteve të Procesit të Bashkëpunimit të Evropës Juglindore (SEECP), ose ndryshe Samiti Ndërballkanik u themelua me iniciativë greke në vitin 1996.

Në Samit do të marrin pjesë Shqipëria, Maqedonia e Veriut, Bosnja dhe Hercegovina, Bullgaria, Kosova, Kroacia, Mali i Zi, Moldavia, Rumania, Rumania, Serbia. .

Presidentët e Serbisë, Sllovenisë, Moldavisë, Malit të Zi dhe Bosnjë e Hercegovinës ndodhen sot në Selanik.

Të pranishëm do të jenë kryeministrat e Shqipërisë, Maqedonisë së Veriut, Bullgarisë dhe Kroacisë, ndërsa Turqia do të përfaqësohet nga zëvendësministri i Jashtëm për Çështjet Evropiane.

The post “Selaniku kryeqyteti i Ballkanit”, zbulohet agjenda e samitit në Greqi ku i pranishëm do të jetë edhe Rama appeared first on Albeu.com.