Mbi 7 mijë produkte farmaceutike të padeklaruara janë zbuluar nga Dogana e Kosovës në Jarinjë.

Sipas njoftimit, zbulimi është bërë gjatë kontrolleve rutinë në Pikën e Kalimit Kufitar Jarinjë, kur zyrtarët doganorë ndaluan për verifikim një autobus të linjës së rregullt ndërkombëtare.

Në kontrollin e bagazheve të udhëtarëve, është gjetur një valixhe me një sasi të madhe barnash dhe produktesh farmaceutike, të cilat nuk ishin deklaruar te autoritetet doganore dhe nuk kishin dokumentacionin përkatës.

Dogana bën të ditur se nga kontrolli janë konstatuar gjithsej 7,168 produkte farmaceutike. Prej tyre, 7,100 ishin kapsula, ndërsa 68 të tjera ishin në forma të ndryshme farmaceutike, përfshirë shurupe, sprej dhe xhel.

Meqenëse asnjëri nga pasagjerët nuk e ka pranuar pronësinë mbi bagazhin, në përputhje me dispozitat e Ligjit Nr. 08/L-247 – Kodi Doganor dhe i Akcizave, procedura kundërvajtëse është iniciuar ndaj kompanisë transportuese, si subjekt përgjegjës për transportin e mallrave dhe bagazheve në rastet kur nuk identifikohet pronari i tyre. Mallrat e padeklaruara janë ndaluar dhe janë ndërmarrë veprimet e mëtejshme procedurale sipas kompetencave të Doganës së Kosovës”, njofton Dogana.

The post Në Jarinjë zbulohen më shumë se 7 mijë produkte farmaceutike të padeklaruara appeared first on Albeu.com.

Krerët e këtij grupi dyshohet se janë vëllezërit Artur dhe Luçiano Koçeku, të cilët drejtonin trafikun e drogës.

Në pranga ka rënë biznesmeni Orest Sota, ndërsa në ‘arrest shtëpie’ është Edmond Jaupi.

Në kërkim janë shpallur biznesmenët Artur Shehu e Ilir Shtufi.

Ky i fundit del edhe në dosjen e Belinda Ballukut, ku është favorizuar në tenderat e rrugëve.

Artur Shehu, është një nga pronarët që posedon pjesën më dërrmuese të tokës në Zvërnec, ku është planifikuar ndërtimi i një resorti luksoz. Ai ndodhet prej vitesh në SHBA ku ka fituar azil politik. Në kërkim gjithashtu është dhe Orges Birçaj.

EMRAT

1-Ardian Zykaj

2-Alfredo Hamzai

3-Adrian Rama

4-Erjon Rama

5-Orgest Bircaj

6-Orest Sota

7-Elton Memeti

8-Artur Shehu

9-Leonard Bishaj

10-Arben Ismaili

11-Edmond Jaupi

12-Besnik Myftari

13-Dritan Aga

14-Luciano Koceku alias Artur Koceku

15-Dino alias Abedin Koceku

16-Ervin Koceku

17-Astrit Vladi

18-Kastriot Vladi

19-Gezim Islami

20-Ilir Shtufi

The post Megaoperacioni i SPAK/ Zbulohen emrat e 20 të akuzuarve që ishin pjesë e grupit të trafikut të lëndëve narkotike dhe pastrimit të parave appeared first on Albeu.com.

“Panorama Sport” mëson se në tribunë do të jenë sot Klisman Cake dhe Adrion Pajaziti.

Kjo për shkak se UEFA lejon vetëm 23 lojtarë të jenë të gatshëm për sfidën dhe në total Silvinjo ka 25 lojtarë në dispozicion.

Sonte pritet një duel i zjarrtë ku kuqezinjtë kërkojnë vetëm fitoren dhe shpresojnë që Anglia të mposhtë Serbinë në “Wembley”.

The post Sfida Shqipëri-Andorra/ Zbulohen zgjedhjet e Silvinjos, ja cilët janë dy lojtarët që do jenë në tribunë appeared first on Albeu.com.

Lideri i PD-së Sali Berisha bëri transparente për gazetarët skemën e funksionimit dhe terrorin kriminal të ushtruar ndaj, dhe nga administrata publike, për dhunimin e votes; strukturën, mjetet dixhitale dhe pasojat ligjore të këtij sistemi.

Në zgjedhjet e 11 majit, Fieri u shfaq si një nga rastet tipike të kontrollit elektoral nga Partia shtet, përmes abuzimit me administratën publike dhe mbledhjes së paligjshme të të dhënave personale

Bëhet fjalë për një rrjet patronazhimi të strukturuar, ku punonjës civilë të administratës publike me role partiake

Për çdo Qendër Votimi (QV) në Fier: PS caktoi përgjegjës Drejtues ne administraten publike, shumica e të cilëve mbanin pozicione të larta në institucione, nga bashkia tek qeveria.

Në dokumentin e publikuar nga PD janë emrat e 58 koordinatorëve të patronazhistëve të rajonit 2 të Fierit. Për çdo QV janë caktuar nga dy koordinatorë kryesorë – në Rajonin NR. 2.

Ata janë drejtorë në Bashki apo degët e institucioneve qendrore në Fier, mjekë, infermerë, mësues, punonjës të OSHEE-së etj.

Si funksionon sistemi i patronazhimit– Qarku Fier

Të dhënat e zbuluara nga laptopi i zv/kryeministres Belinda Balluku zbulon se në krye të procesit të patronazhimit: Belinda Balluku, Zv. Kryeministre, Koordinatore Politike e PS në Qarkun Fier.

Më pas vinin Kryetarët e Bashkive në Qarkun Fier, Ministra, Zëvendësministra, funksionarë të lartë në administratën publike.

Një pjesë e tyre bënë dorëheqje fiktive nga postet e tyre, për të bërë fushatë active në Qarkun Fier apo në Diasporë nën urdhërat e Ballukut. Ndërkohë që vijonin e drejtonin punën në drejtoritë e tyre.

Drejtuesit e drejtorive të pushtetit vendor dhe qendror si dhe të agjensive publike

Kush ishte roli i patronazhistëve?

Secili prej patronazhistëve të punësuar nga shteti kishte për detyrë mbledhjen dhe raportimin e të dhënave personale të detajuara për punonjësit civilë brenda institucionit të tyre ose nën-rajonit gjeografik (p.sh., Rajoni 1 ose 2 – Fier).

Të dhënat e mbledhura përfshinin për cdo punonjës të drejtorisë / sektorit që drejtonin, qendren e votimit, kontaktet familjare dhe personale, deri tek data e fillimit të punësimit.

Ku mblidheshin të dhënat?

Të dhënat mblidheshin dhe centralizoheshin në mënyrë sistematike (çdo ditë) në databaza të koduara.
Më psa një patronazhist kthehej në një ‘agjent monitories’ për gjithë kohëzgjatjen e fushatës. Ose ata kontrollonin familjarët, kushurinjtë, fqinjët e të njohurit e tjerë

Në të tërë Fierin janë evidentuar 430 punonjës. Në pjesën më të madhe ata mbështesin ose janë anëtarë të PS.

Ka institucione si IEVP Fier me 100% punonjës me bindje politike për PS, apo Qendrat shëndetësore apo spitali rajonal ku 80-90% mbështesin/votojnë PS

The post Zbulohen EMRAT e 58 koordinatorëve patronazhistë të rajonit nr 2 në Fier/ Drejtorë, mësues dhe mjekë, kush punoi nën urdhrat e Ballukut appeared first on Albeu.com.

Kjo u zbulua ekskluzivisht në studion e Fan Club.

Gerti ka një histori konflikti me Laert Vasilin, por theksoi se kjo i përket së shkuarës dhe janë miq.

“Nuk do të hy me projekt, me plan, por do të jetë shumë më ndryshe aty, se sa këtu që po flasim, s’kam asnjë plan”, tha Igli.

“Do të hy i vetmuar, më pëlqen të jem vetëm”, tha Gerti.

The post Zbulohen dy banorët e rinj të “Big Brother VIP 4” appeared first on Albeu.com.

Ngjarja ndodhi rreth orës 23:00 mbrëmjes së djeshme në kryeqytet.

52-vjeçari Eduart Reçi, sapo ishte dalë nga banesa e tij dhe në sheshpushimin e pallatit u qëllua me një plumb në kokë.

Ai u dërgua me urgjencë në Spitalin e Traumës dhe ndërroi jetë për shkak të gjendjes së rënduar, shkruan A2 CNN. 52-vjeçari me origjinë nga Dibra dhe prej shumë vitesh jetonte në Tiranë, nuk është person me precedent penalë.

Për të identifikuar autorët, policia sekuestroi një sërë kamerash sigurie në vendin e ngjarjes dhe në zonën përreth. Por për shkak të errësirës, nuk vërehet asnjë lëvizje personash.

Në pamje dëgjohet një e shtënë dhe menjëherë 52-vjeçari bie përdhe pasi plumbi e kap në kokë. Kamerat e sigurisë nuk kanë mundur të shquajnë as lëvizjet e autorit, ç`ka dyshohet që Reçi mund të jetë qëlluar nga lartësia.

Eduart Reçi, prej disa vitesh merrej me firmën e tij të ndërtimit, ndërkohë që më herët ka qenë drejtor në institucionin e SHISH. Policia ka ende të paqartë se nga kanë qëlluar autorët, pasi edhe në vendngjarje nuk është gjetur asnjë gëzhojë.

Grupi hetimor u rikthye sërish sot në mëngjes në vendngjarje, për të siguruar ndonjë provë të vlefshme.

Si pistë për zbardhjen e vrasjes së biznesmenit Eduart Reçi, policia i ka përqendruar hetimet në dy raste.

E para në atë të ndonjë konflikti të mundshëm për çështje pronësie, dhe pista e dytë ajo e ndonjë konflikti në biznes.

The post Atentati në Tiranë/ Zbulohen dy pistat e hetimit për vrasjen e biznesmenit Eduart Reçit appeared first on Albeu.com.

Sipas burimeve të policisë, eliminimi i Bejtjas ishte një vrasje e porositur dhe ekzekutorët janë identifikuar si vrasës me pagesë.

Më herët ditën e sotme Policia ka identifikuar një nga autorët e dyshuar të vrasjes së Gentjan Bejtjas.

Mësohet se bëhet fjalë për Florian Plakun nga Vlora, i cili dyshohet se është një nga ekzekutorët, i cili është shpallur në kërkim ndërkombëtar.

Plaku është pjesë e grupeve në Vlorë.

Ngjarja ndodhi në datën 15 mars të këtij viti brenda rrethimit të oborrit të banesë së tij, në fshatin Larushkë të Krujës.

The post Zbulohen detaje nga vrasja e Gentjan Bejtjas, ekzekutorët ishin vrasës me pagesë appeared first on Albeu.com.

Në kërkesën për divorc që konfirmon fundin e një martesë 26-vjeçare, Ilir Meta thotë se politika është ajo që e ndau me Monika Kryemadhin.

Padia për zgjidhje martese e firmosur prej tij dhe e dorëzuar në krye sekretarinë e Gjykatës civile, Meta shprehet se ka patur marrëdhënie normale dhe me problematika si çdo martesë.

Por Meta nuk e lë jashtë martesës edhe bashkëjetesën politike që patën të dy, pasi ata u njohën gjatë aktivizimit të forumit eurosocialist.

“Me të paditurën kemi qenë dhe jemi aktive ne jetën politike të vendit shkak për të cilin kemi ushtruar dhe ushtrojmë funksione të rëndësishme në organet shtetërore, organet përfaqësuese të popullit dhe subjekte politike”.

Ilir Meta aktualisht kryetar i Partisë së Lirisë, i thotë gjykatës se vitet e fundit ka konstatuar fillimisht mosdmosdakordësi dhe kontradikta që kanë ardhur duke u shuar fillimisht, për shkak të qëndrimeve dhe pikëpamjeve të ndryshme në lidhje me zhvillimet ne aspektin politiko përfaqësues dhe vendimmarrës.

Me kalimin e kohës kjo ndarje këndvështrimesh sipas Ilir Metës, i cili në padi ka vendosur adresën e Partisë së Lirisë, u bënë prezente edhe në raportin bashkëshortor deri sa kohet e fundit, këto mospërputhje qëndrimesh e mendimesh edhe ndaj njëri-tjetrit, kane sjelle si pasojë ‘grindje të herëpashershme duke tronditur thellë marrëdhënien tonë bashkëshortore’.

Aktualisht, prej disa muajsh marrëdhënia bashkëshortore është ndërprerë edhe në kuptimin e bashkëjetesës, duke sjellë si pasojë humbjen e qëllimit të kësaj martese në të gjitha drejtimet.

Ne këto kushte i kërkoj gjykatës, caktimin e një dite gjykimi dhe marrjen e vendimit për zgjidhjen e martesës me të paditurën, thotë Ilir Meta i cili ka shtuar si prova certifikatën familjare dhe atë të martesës.

The post Zbulohen shkaqet që çuan në divorc çiftin Meta-Kryemadhi appeared first on Albeu.com.

Sipas mediave, dy shqiptarët e arrestuar janë Përparim Rakip, 39-vjeç dhe Erion Tola 42-vjeç, ndërkohë që shtetasi italian është Luigi Maggio 31-vjeç.

Gjatë një shërbimi vëzhgimi specifik të organizuar, oficeret e policisë panë një makinë me 31-vjeçarin Luigi Maggios në bord duke dalë nga garazhi i ndërtesës Lainate, e cila pasi arriti në Varese, ndaloi në Piazzale Kennedy, në zonën e përdorur për parkimin e autobusëve të ardhur nga Shqipëria.

Oficerët panë dy burra, 39-vjeçarin Përparim Rakip dhe 42-vjeçarin shqiptar Erion Tola, të cilët nga një autobus i kaluan shtetasit italian dy zarfe të mëdhenj të bardhë, i cili i vendosi në ndarjen e rrotave rezervë të bagazhit të makinës së tij. dhe pastaj u largua.

Policët, duke dyshuar, e ndoqën burrin në Cerro Maggiore, ku ai ndaloi në semafor të kuq. Në atë moment është ndaluar dhe iu nënshtrua kontrolleve.

Brenda makinës së tij, në ndarjen e rrotave rezervë, kishte një fund të rremë ku oficerët gjetën 20 blloqe që përmbanin afërsisht 23 kg kokainë dhe 6 blloqe heroinë me peshë afërsisht 3.5 kg.

Sipas asaj që u rikonstruktua nga agjentët e Komisariatit të Venecias Garibaldi, lënda narkotike e sekuestruar ishte e destinuar për tregun milanez në zonat Loreto, Crescenzago, Lambrate dhe Forlanini, siç rezultoi nga hetimet për lëvizjet e shtetasit italian dhe nga indikacionet gjetur në celularin e tij.

31-vjeçari italian është dërguar në burgun Busto Arsizio (VA), ndërsa dy shtetasit shqiptarë në burgun e Vareses.

The post Dyshohet se trafikuan me autobus nga Shqipëria 25 kg kokainë dhe 3.5 kg heroinë, zbulohen emrat e shqiptarëve appeared first on Albeu.com.

Gazetari Erald Harlicaj, i ftuar në “Breaking”, ka zbuluar se është bërë e mundur këqyrja e telefonit të Erdgys Arrazit, bashkëshorti i Almës dhe babai i tre fëmijëve, i arrestuar si shkaktar i vetëvrasjes, për shkak të dhunës.

Sipas tij, në telefon janë gjetur biseda me tone kërcënuese nga ana e Ergsysit, kundrejt Almës dhe është vërtetuar se ka pasur një lidhje jashtëmartesore, të cilën e kishte prezantuar me fëmijët.

“Është bërë këqyrja e telefonit të Erdgys Arrazit. Janë zbuluar mesazhet e fundit që ka shkëmbyer me zonjën e ndjerë. Është kuptuar që marrëdhënia e tyre ka qenë krejt e krisur, sepse në bisedat me njëri-tjetrin ka qenë shumë e ftohtë. Madje ka pasur edhe tone kërcënuese nga ana e Erdgysit.

Janë vërtetuar edhe dyshimet që ka pasur një lidhje jashtëmartesore, nga këqyrja e telefonit, sepse janë zbuluar biseda, video dhe foto me të dashurën e tij të re, ku është kuptuar se kishte një jetë të dyfishtë”, tregon Harlicaj.

Sipas familjarëve, gazetari thotë, një ndër arsyet që e shtyu Alma Arrazi të kryejë aktin e vetëvrasjes, është sepse Erdgysi e ka prezantuar të dashurën e tij të re me fëmijët.

“Kohët e fundit Erdgysi kishte bërë prezantimin e të dashurës së re me fëmijët, madje kishte edhe foto në telefon që i mbante me djalin 3-vjeçar apo vajzën e vogël”, thotë ai.

The post Zbulohen mesazhet që Erdgysi i niste Alma Arrazit, hapet telefoni, në foto e dashura me fëmijët appeared first on Albeu.com.