zana cela Archives - Albeu.com

Përkrah nuses së djalit, ky është urimi i bukur i Zana Çelës për vitin 2024

XH D — Tue, 02 Jan 2024 22:22:24 +0000

Artistja e madhe shqiptare Zana Çela ka bërë një urim ndryshe për të gjithë miqtë dhe ndjekësit e saj këtë vit të ri. Ajo zgjodhi që krahas një fotoje me nusen e djalit të shkruant fjalët më të bukura.

“Të dashur miq,gjatë kësaj periudhe magjike të vitit, e gjej veten duke reflektuar mbi bekimet e shumta në jetën time, që është familja ime dhe miqtë e shumtë.

Me Seidën nusen e djalit, vajzën time, ju uroj miq një vit të mbushur me dashuri, gëzim dhe mbarësi në të gjitha gjërat që kanë më shumë rëndësi për Ju dhe familjet Tuaja.
Gëzuar 2024”.

Duket se Zana Çela dhe nusja e saj kanë një raport shumë të mirë me njëra-tjetrën, saqë për artisten është jo vetëm nuse, por edhe vajza e saj.

The post Përkrah nuses së djalit, ky është urimi i bukur i Zana Çelës për vitin 2024 appeared first on Albeu.com.

Drejtuesi i ri i Teatrit Operas dhe Baletit, Zana Çela reagon për herë të parë pas shkarkimit

E S — Fri, 24 Jun 2022 13:07:19 +0000

Pas gjashtë vitesh në detyrën e drejtoreshës së Teatrit Kombëtar të Operas dhe Baletit dhe Ansamblit Popullor, Zana Çela nuk u rizgjodh për një mandat tjetër drejtues ndonëse konkurroi sërish duke paraqitur një platformë para komisionit të ngritur nga Ministria e Kulturës.

Mes 7 aplikantëve, për detyrën u përzgjodh, Abigeila Voshtina, violiniste dhe ish-drejtoreshë artistike në Opera, njëherësh ish-bashkëpunëtore e Çelës.

Mësohet se Zana Çela, tha se nuk ka marrë ende dokumentin e lirimit nga detyra.

“Në bazë të procedurave administrative, dokumenti quhet i marrë në administrim kur shkresa – vendimi vjen me protokoll, ky quhet dokumenti zyrtar që më jep të drejtën finale të informimit dhe zbatimit të vendimit. Me ta pasur këtë dokument do të shprehem plotësisht”.
Këshilli i Ministrave ka nxjerrë një vendim me 22 qershor, ku liron nga detyra Zana Çelën dhe emëron në detyrë Abigeila Voshtinën. VKM në fjalë, ka hyrë në fuqi pas botimit në Fletoren Zyrtare./BW

The post Drejtuesi i ri i Teatrit Operas dhe Baletit, Zana Çela reagon për herë të parë pas shkarkimit appeared first on Albeu.com.

Prokuroria zihet “mat”, artistja e TKOB kërkon hetim për ndarjen e roleve

admin — Mon, 22 Nov 2021 17:58:11 +0000

Një nga artistet e Teatrit Kombëtar të Operas dhe Baletit, solistja Shpresa Beka, ka paditur në Prokurorinë e Tiranës, drejtoreshën e institucionit, Zana Çelën dhe drejtoreshën artistike në po këtë institucion, Abigeila Voshtina.

Gjithë ankesa penale e solistes lidhet me kërkesen për të hetuar dëmtimin e karrierës së saj dhe mos vlerësimin e talentit të artistes dhe kurrikulumin. Sopranoja e njohur, sipas burimeve të TCH e ka dorëzuar kallzimin pranë prokurorisë së kryeqytetit nën dyshimet e shpërdorimit të detyrës.

Artistja që ka ngritur akuzën, sipas të njëjtave burime këmbëngul se shefet e saj promovojnë artistë të tjerë dhe jo atë, duke e vlerësuar me role minimale për kanto. Ndaj artistja i kërkon prokurorisë, duke i radhitur fakte e prova, që të hetojë dy zyrtarët./albeu.com/

The post Prokuroria zihet “mat”, artistja e TKOB kërkon hetim për ndarjen e roleve appeared first on Albeu.com.