Në një postim në rrjetet sociale, Mediu thekson se në fokus ishte situata në Europë, prespektiva Europiane e Shqipërisë, Maqedonisë së Veriut, Kërcënimet e Sigurisë, influenca e Rusisë dhe Kinës në rajon, lufta në Ukrainë dhe në lindjen e mesme, NATO dhe mardhënia Europë SHBA.

Postimi i plotë:
Forumi i IDU(Unioni Nderkombetar per Demokraci),i partive të djathta ku morën pjesë autoritete të larta Kryeministra, Ministra, ish Kryeministra, ish Presidentë, nga Kanadaja, Britania, Irlanda, Europa, Europarlamentarë, deputetë nga Gjermania Italia, Ukraina ballkani etj. Në këtë forum u diskutua për Situatën në Europë, prespektiva Europiane e Shqipërisë, Maqedonisë së Veriut, Kërcënimet e Sigurisë, influenca e Rusisë dhe Kinës në rajon, lufta në Ukrainë dhe në lindjen e mesme, NATO dhe mardhënia Europë SHBA.
Kënaqësi të takohesha dhe të shkëmbenim mendime me Ministrin e Jashtë të Kroacisë Gordan Grlić Radman, Ministrin e Jashtëm të Maqedonisë së Verout Timcho Muchunski, Kryetarin e Komsijonit të Jashtëm të parlamentir Kroat Ando Kristulovic, Përfaqësuesim e IRI, Institutit Republikan për rajonin Pauë Prososki ish Ministrin e Mbrojtjes së Britanis Michael Fallon etj

The post Forumi i IDU në Zagreb, Mediu: Në fokus integrimi në BE i Shqipërisë dhe influenca ruse në rajon appeared first on Albeu.com.

Më tej, ai deklaroi se klanet e drogës kanë arritur të marrin nën kontroll të gjithë internetin e Shqipërisë dhe të dhënat e qytetarëve. Duke folur për situatën në vend, lideri demokrat, akuzoi kryeministrin Rama se po pengon procesin e integrimit europian dhe se e ka shndërruar Shqipërinë “në një autokraci elektorale apo diktaturë autoritare”.

Ai e cilësoi vendin si “narko-shtetin e parë dhe të vetëm në Evropë”, ndërtimi i të cilit ka sjellë dëme të rënda për ekonominë. Akuza më shqetësuese ishte çështja që lidhej me sigurinë kibernetike.

“Po, ky është forumi i IDU-së, Bashkimit Demokrat Ndërkombëtar, organizatës që grupon partitë e qendrës së djathtë dhe të djathta të të gjithë botës. Organizatë e cila ka si parti kryesore udhëheqëse, Partinë Republikane të Shteteve të Bashkuara të Amerikës, si partia më influente. Ndërkohë, presidenti i saj është një nga ish-kryeministrat më të shkëlqyer të Kanadasë, Stephen Harper, një mik i çmuar i opozitës shqiptare dhe i Shqipërisë.

Ne vijmë këtu në këtë forum botëror për të paraqitur problematikat e mëdha të Shqipërisë dhe rajonit në këndvështrimin tonë, për t’i debatuar dhe diskutuar këto probleme me aleatët tanë. Probleme madhore që kanë të bëjnë me sigurinë në rajon, probleme madhore që kanë të bëjnë me procesin e integrimit të Shqipërisë në Bashkimin Europian, pengesat shumë serioze që Edi Rama me shtrirjen e Shqipërisë në një autokraci elektorale apo diktaturë autoritare, i ka bërë dhe i bën procesit të integrimit, me ndërtimin e narko-shtetit të parë dhe të vetëm në Evropë, shkatërrimin ose dëmtimin e rëndë të ekonomisë shqiptare për shkak të zhvlerësimit dramatik të euros dhe dollarit, goditjes shumë të rëndë të eksporteve, prodhimit industrial, prodhimit bujqësor.

Pra, kemi, përveç faktit që dihet që klanet e drogës janë sot vendimmarrësit kryesorë dhe më të rëndësishëm, por ato siç kanë faktuar zbulimet e fundit, ato arritën të kontrollojnë të gjithë internetin e Shqipërisë me të gjithë të dhënat e shqiptarëve. Kështu që, në këtë aspekt përbëjnë një rrezik dhe kërcënim serioz për sigurinë jo vetëm të Shqipërisë, por dhe të rajonit dhe më gjerë. Këtu ishte një pritje kjo që regjistruat, pritja para fillimit të punimeve.

Patëm rastin të takojmë personalitetet më kryesore, zëvendëskryeministrin e Kroacisë, nga vendi organizator, mikpritës, presidentin e IDU-së, ish-kryeministrin e Kanadasë z. Stephen Harper, sekretaren e përgjithshme të IDU-së, miq të tjerë, Elmar Brok, një mik gjithmonë i Shqipërisë dhe i Partisë Demokratike, opozitës shqiptare, Kenny Endo, ish-kryeministrin e Irlandës, një nga kryeministrat më të suksesshëm në historinë e atij vendi, dhe shumë personalitete të tjera, të shkëmbejmë mendime shkurtimisht, të debatojmë, diskutojmë për zhvillimet në Shqipëri.

Mendoj se kjo pritje, ky koktejl që u dha nga presidenti i IDU-së, ishte një rast shumë i mirë për ne për shkëmbim mendimesh me miqtë tanë, me partnerët tanë. Nesër vazhdon seanca, nesër seancat. Nesër kemi një panel që i kushtohet tërësisht Ballkanit, problematikave të mëdha të Ballkanit, qoftë në rrafshin e sigurisë, ashtu dhe në rrafshin e integrimit europian, ku janë disa pjesëmarrës nga vendet e Ballkanit dhe natyrisht aty do paraqesim rastin e Shqipërisë dhe problematikat e mëdha.

Por nesër, nesër ka gjithashtu debate në për çështje të tjera të sigurisë, kibër-sigurisë dhe pasnesër është mbledhja, është konferenca, është samiti i byrosë ekzekutive në të cilën janë të pranishëm kryetarët e të gjitha partive të anëtare të IDU-së dhe sigurisht edhe aty Shqipëria, siç mund ta keni marrë vesh, është në rend dite nga çështjet më të rëndësishme,” tha Berisha.

The post Berisha në Zagreb për forumin e IDU: Do paraqesim para partnerëve ndërkombëtarë shqetësimet për ‘autokracinë elektorale’ dhe pengesat në rrugën drejt BE-së appeared first on Albeu.com.

I dyshuari për kryerjen e sulmit është një djalë 19-vjeçar dhe është nën mbikëqyrjen e policisë, kanë bërë të ditur zyrtarët.

Ushtruesja e detyrës së drejtoreshës së spitalit “Klaiçeva”, Iva Hojsak, tha se në spitalin e tyre janë sjellë dy djem, njëri 11 dhe tjetri 7 vjeç, me plagë të shumta të shkaktuara nga thika, por për fat të mirë të dy janë jashtë rrezikut për jetën.

Video-pamjet e publikuara nga mediat kroate tregojnë fëmijët duke vrapuar jashtë ndërtesës së shkollës, shkruan AP-ja.

Kryeministri i Kroacisë, Andrej Plenkoviq, deklaroi se e gjithë Qeveria dhe publiku kroat janë të tronditur nga tragjedia që ndodhi në Zagreb.

“Policia dhe të gjitha shërbimet e tjera, po përpiqen të përcaktojnë saktësisht se çfarë ka ndodhur në këtë incident të madh”, tha Plenkoviq gjatë hapjes së mbledhjes së Qeverisë./REL

The post E rëndë në Zagreb, vritet një fëmijë në sulm me thikë në një shkollë fillore appeared first on Albeu.com.

Dy persona kanë vdekur në Zagreb të Kroacisë, një në Bled të Sllovenisë dhe një në Bërçko të Bosnje-Hercegovinës.

Stuhia e përcjellë me shi të rrëmbyeshëm dhe erëra të fuqishme i ka shkulur pemët, dhe e ka vështirësuar qarkullimin e makinave.

Stuhia i ka përfshirë edhe qytetet serbe, Novi Sad dhe Beograd, por atje është raportuar vetëm për dëme materiale.

Në Bosnje është raportuar se 20 persona kanë kërkuar ndihmë mjekësore, ndërsa në Zagreb është raportuar për tetë persona të plagosur.

Në zonën e Samaçit, në veri të Bosnje – Hercegovinës, Shtabi i Situatave Emergjente, e ka shpallur gjendjen e katastrofës natyrore, pasi era ka shkaktuar dëme të mëdha, ka raportuar Radiotelevizioni i Republikës Sërpska.

Në të njëjtën kohë, Aeroporti në Banja Llukë është mbyllur për qarkullim, pasi stuhia e ka dëmtuar çatinë e objektit.

Lajmi për stuhinë vjen teksa bota po përballet me temperatura ekstreme në ditët e fundit.

Temperatura mesatare globale e ka prekur një rekord të ri në javën e parë të korrikut.

Me temperatura të larta është përballur edhe rajoni i Ballkanit.

Ministria e Shëndetësisë në Kosovë u ka bërë thirrje qytetarëve që të kenë kujdes nga temperaturat e larta për t’iu shmangur komplikimeve të mundshme shëndetësore.

Agjencia evropiane e Statistikave, EUROSTAT, ka vlerësuar se mbi 61.000 persona kanë vdekur në Evropë gjatë valës së nxehtësisë vitin e kaluar.

Këto kushte klimatike po konsiderohen vetëm një prej shembujve se si po rrezikohet bota nga ngrohja globale.

The post Katër persona të vdekur nga stuhitë në Kroaci, Bosnje dhe Slloveni appeared first on Albeu.com.

Sipas medive vendase bëhet fjalë për Tomislav Sabljo.

Sipas informacioneve të deritanishme, fillimisht disa persona janë përleshur në klub dhe pas përleshjes, 41-vjeçari ka mbetur i vrarë pas të shtënave me armë.

Sablja u arrestua në vitin 2019 në kuadër të operacionit Tebra. Ai akuzohej si kreu i një grupi kriminal që kontrabandoi 15.7 ton marijuanë në Kroaci.

Bashkë me Sabljo, gjatë operacionit Tebra u arrestuan edhe Tomislav Suçiq, Gjorgje Vuletiç dhe 17 persona të tjerë që janë të lidhur me zinxhirin e kontrabandës së drogës nga Shqipëria dhe Mali i Zi, përmes Bosnjës dhe Hercegovinës në Kroaci.

Marijuana fillimisht u fsheh afër Ljubuški-t në Bosnje dhe Hercegovinë dhe më pas u transportua në Kroaci me ndihmën e një oficeri të policisë kufitare.

Droga më pas shitej me pakicë dhe në këtë mënyrë, sipas policisë, të paktën 15.7 ton marijuanë u kontrabanduan në Kroaci, raportojnë mediat kroate./Albeu.com/

The post Drejtues i kartelit që kontrabandoi drogë nga Shqipëria dhe Mali i Zi, ekzekutohet në Zagreb 41-vjeçari appeared first on Albeu.com.

Këtë mëngjes, Pavle Kalinic, ish-shefi i Zyrës së Situatave Emergjente të Zagrebit, e komentoi rastin, shkruan Index.hr.

“Unë nuk kam qenë aty, por sipas informacioneve që kam, është një dron i kohës sovjetike Tu-141, por nuk mund ta marrësh me siguri absolute. Shumë fat në këtë aksident është që nuk kemi të vdekur apo të lënduar”, tha ai.

“Është dëm material, por ne ishim me fat që nuk ndodhi kur kishte njerëz në Jarun, mund të kishte goditur një ndërtesë ose një shkollë. Duhet të jemi të gëzuar që kështu ndodhi,” tha Kaliniç.

“Unë shoh që mbrojtja jonë ajrore është e ngrirë”

Kalinic pyet gjithashtu se sa e papërgatitur është ushtria kroate kur diçka e tillë mund të kishte ndodhur.

“Dje mësova se shërbimi ushtarak në Kroaci nuk është hequr, por është ngrirë, dhe shoh që edhe mbrojtja ajrore jonë është e ngrirë. Kështu që droni u largua, erdhi në Zagreb, askush nuk e pa”, tha ai.

Ndërsa pushtimi rus i Ukrainës po vazhdon, ai paralajmëron për gjendjen e strehimoreve.

Me fjalët e kryetarit të komunës së Zagrebit, Tomislav Tomašević se në Zagreb janë 1062 të tilla dhe se ato mbahen periodikisht, Kalinić tha se do të ishte më mirë që të gjithë ata që “nuk dinë asgjë për asgjë të heshtnin”.

“Gjithçka mund të ndodhë sepse e keni parë tani, kur kanë filluar të bëhen pyetje për strehimoret, as ne nuk kemi strehimore, të vjetrat nuk mirëmbahen, të rejat nuk po ndërtohen, kush është përgjegjës për këtë, sigurisht, askush nuk do ta hetojë”, shtoi ai.

The post Dalin detaje të reja nga shpërthimi në Zagreb, droni ishte i kohës sovjetike appeared first on Albeu.com.

Bëhet me dije nga mediat e huaja se ky i fundit u arrestua dhe është dërguar në Zagreb pas bastisjes së shtëpisë së tij në Megjimurje.

Sipas avokatit të tij, ai do të merret në pyetje në USKOK. Avokati Vladimir Teresak konfirmoi për HTV me telefon se ishte kryer një kontroll në shtëpinë e ministrit ndërsa qeveritari është arrestuar edhe zyrtarisht dhe do të merrej në pyetje në kryeqytetin kroat, Zagreb.

“Unë do të vij në Uskok, ku do të merret ai në pyetje”, pohoi shkurt avokati. I pyetur se për çfarë akuzohet ministri, avokati tha se bëhet fjalë për shpërdorim detyre, por se nuk di detaje.

Kujtojmë se policia po hetonte rolin e Horvatit në abuzimet tashmë të lidhura me ish-asistenten e tij, Ana Mandac.

USKOK dyshon se me kërkesë të Josip Rimacit ka pranuar të mbështesë zejtarët nga Ministria e Ekonomisë në kohën kur drejtohej nga Horvati.

Mandac ishte arrestuar në vitin 2020 me Josip Rimac dhe 11 persona të tjerë. Ana Mandac u kap teksa komunikonte në telefon me Josip Rimacin, i cili i kërkoi asaj t’i jepte ndihmë shtetërore tre sipërmarrësve.

Njëri prej tyre në vitin 2019 ka marrë 185 mijë kuna (24 mijë euro), ndërsa dy nga 200 mijë kuna (27 mijë euro) ndihmë financiare.

Mediat kroate kanë raportuar se kjo është hera e parë që një ministër arrestohet gjersa është pjesëtar i qeverisë pasi që në të kaluarën janë arrestuar pas shkarkimit ose kur kishin poste qeveritare.

The post Policia i rrethon shtëpinë, prangoset ministri appeared first on Albeu.com.

Në Zagreb këto ditë ishte një mot i nxehtë ku temperaturat ishin 38 gradë Celsius.

Ishte gjithashtu e nxehtë për oficerët e policisë që ofruan siguri në Katedralen e Zagrebit, e cila u vizitua sot nga kryeministri Andrej Plenkoviq dhe presidentja e Komisionit Evropian Ursula von der Leyen.

Vëmendja e fotografit u tërhoq nga një grua e re policie e cila u fotografua duke biseduar me kolegët e saj.

‘Luftimi’ i nxehtësisë sigurisht që nuk u bë më i lehtë nga rrobat e tyre zyrtare, të cilat përfshinin çizme të zeza, të thella.

Sigurisht fotot e saj janë bërë virale në internet, sidomos në Kroaci, sepse siç shihet në foto ajo është vërtetë shumë e pashme. /Telegrafi/

The post Forma perfekte, policja e pashme kroate tërhoqi vëmendjen e një fotografi në Zagreb (FOTO LAJM) appeared first on Albeu.com.

Sipas mediave të huaja i mituri fillimisht u rrëzua, teksa po vraponte rreth një ndërtese në lagjen e tij, në kryeqytetin kroat. Pas kësaj, ai u dërgua në spital, por mjekët nuk arritën ta shpëtonin.

Dëshmitarët kanë thënë se 13 vjeçari, para se të rrëzohej, kishte pirë shumë pije enegjike, gjatë një ndeje me shokë. Ngjarja e hidhur ndodhi ditë më parë.

“Dozat e tepërta të këtyre substancave (pijeve energjike) mund të nxisin reagime të padëshiruara, respektivisht, mund të jenë toksike për organizmin e ri”, ka thënë Filip Rubiç, pediatër.

The post E rëndë: Konsumoi shumë pije energjike, humb jetën 13 vjeçari appeared first on Albeu.com.