Mesfushori anësor ka kryer vizitat mjekësore dhe më pas ka firmosur kontratë një vjeçare me klubin e Aston Villa-s, fanellën e të cilëve e ka veshur edhe më herët për 4 sezone në periudhën 2007-2011.

Young u kërkua nga disa klube angleze, duke qenë se ishte futbollist i lirë dhe pavarësisht 35 viteve mbi supe, dëshmoi te Interi se ka ende shumë për të dhënë në fushën e lojës, por në fund zgjodhi t’i bashkohet Aston Villa-s.

“Duket e jashtëzakonshme të rikthehem këtu, duket sikur nuk jam larguar asnjëherë. Ishte një emocion i madh të ritakoja sërish disa fytyra të vjetra dhe të zbrisja në ambientet stërvitore të klubit ku kam kaluar disa sezone, ndaj jam shumë i lumtur që u riktheva këtu”, deklaroi Young.

The post Young largohet nga Milano, rikthehet te Aston Villa pas një dekade appeared first on Albeu.com.