Yllka Mujo debutoi për herë të parë në botën e artit në moshën 8-vjeçare, moment kur u pranua Tonin Harapi, si soliste dhe këngëtare në Pallatin e Pionerëve.

Shtysa e saj më e madhe për t’u bërë aktore ishte babai i saj, i cili e kishte si ëndërr që nuk arriti ta realizonte. Kjo bëri që ai të nxiste të bijën, të bëhet jo vetëm aktore por një nga më të suksesshmet në Shqipëri.

Rolet e saj në filmat shqiptarë janë të shumta si: Lule të kuqe, lule të zeza, Shpella e piratëve, Kush e solli Doruntinën, Rikonstruksioni, Taulanti kërkon një motër, Kur hidheshin themelet, Zonja nga qyteti, Beni ecën vetë, Rrugicat që kërkonin diell, Malet me blerim mbuluar, I teti në bronz.

Edhe dy fëmijët e saj kanë ndjekur rrugën e Yllkës dhe tashmë emrat e tyre janë mjaft të njohur në skenën shqiptare, Elia Zaharia dhe Amos Zaharia.

E në këtë ditë të veçantë nuk mungojnë edhe urimet e shumta. Urimin më të bukur e ka marrë nga vajza e saj Elia Zaharia e cila ndër të tjera shkruan: ” Faleminderit që na ndriçon me dashurinë, mirësinë dhe mençurinë tënde!!! “

The post Yllka Mujo feston ditëlindjen, ja sa vjeç mbush sot aktorja e njohur appeared first on Albeu.com.

Kontakti i parë me skenën për Yllka Mujon ka nisur që në moshën 8-vjeçare, moment kur ajo thotë se u pranua nga Tonin Harapi, si soliste dhe këngëtare në Pallatin e Pionierëve.

Ëndrra e saj për t’u bërë aktore u nxit dhe nga babai saj, i cili në rininë e hershme kishte dashur edhe vetë që të bëhej aktor, por nuk mundi. Ëndrrën e parealizuar, babai e nxiti tek e bija, e cila e realizoi duke u bërë jo vetëm një aktore, por një nga më të suksesshmet në Shqipëri.

Edhe dy fëmijët e saj kanë ndjekur rrugën e Yllkës dhe tashmë emrat e tyre janë mjaft të njohur në Teatrin tonë, Elia Zaharia dhe Amos Zaharia.

Yllka Mujo dhe Gjergj Zaharia janë ndarë në fillim të viteve ’90, kur divorcet në Shqipëri ishin ende të rralla. E pikërisht ngaqë ishin të rralla, ndarjet përgjithësisht ishin nga ato të përhershmet, me lamtumirën e përjetshme. Aspak ky rasti i Yllka Mujos dhe Gjergj Zaharisë që mbetën familje edhe pse jo më burrë e grua./albeu.com/

The post Feston ditëlindjen, sa vjeç mbush sot aktorja e mirënjohur Yllka Mujo (FOTO LAJM) appeared first on Albeu.com.

Ajo tregoi se kanë pasur një lidhje 6-vjeçare, dhe asaj marrëdhënie i dhanë shumë mundësi të dy, por nuk zgjati. Këngëtarja tregoi se mban marrëdhënie të mira dhe se gëzon shumë respekt për Amosin dhe familjen e tij.

“Amos ka një tip që nuk është shumë i dhënë, është natyra e tij introverte mund të them. Tashmë kemi dy vite që jemi ndarë. Patëm një marrëdhënie shumë të bukur bashkë, patëm një lidhje 6-vjeçare.

Ishim karaktere shumë të ndryshme. Ne që në fillim kemi bashkëjetuar me njëri-tjetrin. Yllka Mujo ishte shoqe, vetëm vjehrrë nuk ishte për mua, ajo ishte brilante.

Për Amosin, nuk kam dashur të shprehem gjatë kohës së Big-ut për shkak të respektit që ruaj për të dhe familjen e tij”, u shpreh këngëtarja.

The post “Yllka Mujo vetëm vjehrrë nuk ishte …”, këngëtarja rrëfen lidhjen 6-vjeçare që pati me Amosin appeared first on Albeu.com.

Në arkivin e filmit si operator mbajnë firmën e Terpinit 27 filma artistikë dhe mbi 150 dokumentarë. Operatori i njohur ishte “Artist i merituar”, dhe nderuar me një serë çmimesh. Si “Medaljen e punës”, “Çmimin e Republikës”.

Ilia Terpini filmoi filmat e njohur “Dimri i fundit”, “Ballë për ballë”, “Mësonjëtorja”, “Flutura në kabinën time”, “I teti në bronx”.
Për këtë të fundit ai tregon se një prej vajzave që u fotografua për të luajtur ketë rol ishte edhe Pranvera Hoxha, vajza e Enver Hoxhës, por në fund u përzgjodh Yllka Mujo.

Rrëfimi i Ilia Terpinit:

Kishte nisur kërkimi për një rol të vogël, atë të Anës, vajzës së doktorit te filmi ‘I teti në bronz’. Shëtita nëpër disa gjimnaze të Tiranës dhe fotografova 60 vajza të reja për të përzgjedhur. Atë vit, në mos gaboj, 1963, organizohej edhe spartakiada e parë shqiptare në stadium. Aty kishte mundësi ti vlerësoje vajzat më mirë sepse ishin edhe të zhveshura. Ende pa gjetur Yllkën, një ndër vajzat që fotografova në spartakiadë ishte Pranvera Hoxha. Unë natyrisht që nuk e njihja dhe e pyes për emrin. Pasi ma thotë, e pyes sërish se e kujt ishte. Kur më thotë edhe për të atin, unë stepem, megjithatë i shpjegoj arsyet pse po bëheshin këto foto dhe i them se do ta njoftoja më vonë nëse do të përzgjidhej. Në fillim nuk e mendova kaq prerazi se nuk mund ta merrnim.

Lava fotografitë dhe ja tregova regjisorit, Viktor Gjikës. Njësoj si unë, edhe atij i ngelën sytë te Pranvera, por kur i thashë se si ishte puna, ishte ai që e preu pa e diskutuar fare. Deri në atë kohë, as ai nuk dinte gjë, por hamendësoi se nëse marrim Pranverën për rolin, gjatë xhirimeve, që na duhet të rrinim për një kohë të gjatë në Korçë, ajo, edhe prej moshës së re, 17 vjeçe, mund të dashurohej me ndonjë atje.

Nëse kjo ndodhte, burgu ishte masa më e lehtë që ne të gjithë parafytyruam. Kështu që, tha, as mos e zër më gojë këtë punë. E takoj sërish pak ditë më vonë dhe gjithë entuziazëm, e kishte me shumë qejf atëherë këtë përvojë. Më thotë se kishte folur me babin dhe se ai i kishte dhënë leje. Priste vetëm përgjigjen tonë. Viktori as që e diskutonte. Leja ishte për t’i bërë qejfin të bijës, sepse ai e dinte që s’do guxonte njeri ta përfshinte në këtë film. Pas saj gjetëm Yllkën. 3 ditë përpara se të nisnim xhirimet, shkova në një aktivitet në Teatrin e Operës dhe aty pashë Yllkën. Duhet të ketë qenë 15 vjeçe. I them sime shoqe ‘kjo është Alma’, duke përmendur emrin e personazhit. Afrohem, i shpjegoj rastin dhe e ftoj të vijë të nesërmen në Kinostudio. Viktori në fillim tha se tashmë ishte gjithçka gati e nuk mund të ktheheshim pas, por pasi e pa Yllkën, nuk bëri asnjë fjalë. Na u desh të ndryshonim edhe kostumin, ta qepnim sërish, sepse ishte vajzë e imët, ndryshe nga ajo që kishim përzgjedhur më parë. Kështu, me atë rol, Yllka Mujo nisi të bënte aktoren.

The post Roli që e bëri aktore, si “triumfoi” Yllka Mujo në audicione mbi vajzën e Enver Hoxhës (FOTO LAJM) appeared first on Albeu.com.

Me këtë rast u mblodhën mbrëmjen e djeshme në një ceremoni festive aktorë, regjisorë, skenaristë, piktorë, inxhinierë e teknikë, që bënë historinë e filmit shqiptar.

Emra të njohur të kinematografisë si Tinka Kurti, Margarita Xhepa, Yllka Mujo, Luiza Xhuvani, Piro Milkani, Iliri Butka ishin te pranishmen dhe si rrallehere te mbledhur bashke.

Filmi “Tana” është filmi i parë shqiptar me metrazh të gjatë, prodhim i vitit 1958 nga “Shqipëria Film”, e transformuar më pas në Kinostudio “Shqipëria e Re”. Premiera e tij u shfaq më 17 gusht 1958. Filmi ishte me regji të Kristaq Dhamos, skenar të Fatmir Gjatës e Nasho Jorgaqit dhe muzika nga Çesk Zadeja.

Në rolet kryesore ishin aktorët Tinka Kurti, Naim Frashëri, Pjetër Gjoka e Kadri Roshi. Ngjarjet zhvillohen në vitet ‘50. Në qendër të filmit është Tana, një vajzë e zgjuar dhe me mendime të përparuara. Ajo dashuron Stefanin, i cili banon në një fshat të varfër malor. Tana përballet me mentalitetin e vjetër të gjyshit të saj si dhe xhelozinë e Lefterit. Këtu është realizuar puthja e parë në filmat shqiptarë.

The post Nga Luiza Xhuvani te Margarita Xhepa, 70-vjetori i Kinostudios “Shqipëria e Re” ribashkon yjet e kinematografisë shqiptare (FOTO LAJM) appeared first on Albeu.com.