Në këtë ceremoni morën pjesë Presidenti i Federatës së Futbollit, Armand Duka, Sekretari i Përgjithshëm i FSHF-së, Ilir Shulku, familjarë, shokë, miq e dhjetëra anëtarë të komunitetit të futbollit, të cilët shprehën ngushëllimet për largimin e parakohshëm nga jeta të Ylli Mihalit.

Presidenti Duka, i prekur nga kjo ngjarje që ka trishtuar të gjithë botën e futbollit shqiptar shprehu ngushëllimet për familjen Mihali, duke theksuar se Ylli nuk ishte vetëm një profesionist i mirë, por mbi të gjitha një djalë i shkëlqyer. “Sot është një ditë e trishtë, për mua dhe futbollin shqiptar. Kemi humbur një nga njerëzit më të mirë dhe më të dashur, i cili ka kontribuar për 27 vite në futbollin shqiptar. Mbase pak e kanë njohur në ndeshjet, por ata që kanë luajtur dhe ju mediat që keni qenë pranë ekipit Kombëtar e kanë ndjerë shumë. Një djalë i shkëlqyer dhe fizioterapist padyshim shumë i mirë, një njeri i pakursyer për të ndihmuar të tjerët. Më vjen keq që nuk arritëm që të gjithë ta ndihmonim, ta mbanim në jetë Yllin, por ishte e pamundur. Ky COVID-19 i mallkuar na ka dhënë shumë dhimbje të tjera gjithashtu dhe sot shumë dhimbje për futbollin shqiptar. Doja të ngushëlloja familjen, miqtë e Yllit, futbollistët të cilët kanë qenë të trishtuar jo vetëm ata që kanë luajtur për ekipin Kombëtar, por edhe ata që kanë kaluar nëpër ekipet Kombëtare. Nuk kam fjalë, u prehtë në paqe! Ai e ka shkruar historinë vërtetë, të paktën për ne që e kemi njohur nga afër nuk do ta harrojmë kurrë! Ashtu siç e kishte emrin, Yll ashtu ishte dhe në të vërtetë.”

The post Nuk e fitoi dot betejën me Covid-19, i jepet lamtumira e fundit fizioterapistit të Kombëtares appeared first on Albeu.com.

Pas këtij lajmi kanë qenë të shumtë ata që kanë shprehur ngushëllimet për humbjen e madhe, ndër të cilët edhe futbollisti Eros Grezda.

“U prehsh në paqe Yll. Njeriu me shpirtin më të pastër që kam njohur”, ka shkruar Grezda krahas fotos së mjekut të Kombëtares.

Po ashtu, mes dhimbjes së madhe ai ka publikuar dhe fjalët e bisedës së fundit me të ndjerin.

Ylli Mihali: Të marrsha të keqen, kështu të dua. Do t’i shkelësh me këmbë

Eros Grezda: Kismet zemra ime, të dua shumë dhe më mungon.

Ylli Mihali: Kam besim te ty vllai. Edhe mua më mungon, po jam i bindur se do të takohemi shpejt.

Lajmin e trishtë të humbjes së Mihalit e ka konfirmuar presidenti i Federatës Shqiptare të Futbollit Armando Duka nëpërmjet një postimi në Facebook.

The post Covid-19 i mori jetën, Eros Grezda publikon mesazhet e fundit me mjekun e ndjerë të Kombëtares appeared first on Albeu.com.

Ngushëllimet nuk kanë munguar nga shumë figura të sportit dhe jo vetëm.

Së fundi në rrjetin social “Facebook” me një postim në 3 gjuhë përfshirë dhe shqip, ish-trajneri i Kombëtares, Gianni de Biasi ka shprehur ngushëllimet për mikun e tij.

Ky është njoftimi i tij:

Jam vërtet i trishtuar për zhdukjen e mikut tim Ylli.  Personi që e vlerësova shumë, njerëzisht dhe profesionalisht.  Fiziku i tij i bëshëm fshehu një shpirt të mirë dhe bujar, një person autentik që e donte punën e tij dhe Kombëtaren tonë.

Fatkeqësisht do të kem një mik më pak në Shqipëri, por unë do të mbaj praninë tënde të dashur Ylli në zemrën time.  Faleminderit per gjithcka.  PREHU NE PAQE MIKU IM. /albeu.com/

The post Covidi i mori jetën fizioterapistit të Kombëtares, De Biasi në shqip: Jam i trishtuar për vdekjen e Yllit appeared first on Albeu.com.

Kryeministri Edi Rama, përmes një postimi në Facebook, ka shprehur ngullëshimet dhe shkruan se e sotmja ka qenë një ditë e zymtë për familjen e tij, e për kuqezinjtë që ishin familja e dytë e këtij njeriu të mirë e profesionist.

Postimi i Ramës:

YLLI MIHALI, mjeku fizioterapist i kuqezinjve, njeriu kyç që për vite të tëra u kujdes për fizikun e djemve të Kombëtares, nuk ia doli betejës së tij më të rëndësishme, asaj për jetën kundër Armikut të Padukshëm Covid-19.

Bashkohem me dhimbjen e miqve të Yllit dhe të krejt komunitetit sportiv, në këtë ditë kaq të zymtë për familjen e tij, e për kuqezinjtë që ishin familja e dytë e këtij njeriu të mirë e profesionist, që prej 30 vjetësh shërbeu me përkushtim, duke lënë pas një kujtim të pashlyeshëm për të gjithë ata që e njohën./albeu.com

The post Vdekja e fizioterapistit të Kombëtares, Rama: Ditë e zymtë për kuqezinjtë! appeared first on Albeu.com.

Koronavirusi ka fituar betejën me fizioterapistin e Kombëtares tonë, Ylli Mihali.

Lajmin e trishtë e ka konfirmuar presidenti  i Federatës Shqiptare të Futbollit , Armando Duka nëpërmjet një postimi në Facebook.

Postimi i Dukës:

“Të dashur miq,

Pak minuta më parë u njoha me lajmin e kobshëm se Ylli Mihali, njeriu i mirë, fjalëpak, u nda nga jeta pas një betejë të gjatë e stërmunduese me Covid-19.

Ky është një moment i vështirë për të gjithë futbollin shqiptar, që e njohu dhe e dashuroi aq shumë Yllin, që emrin e reflektonte në ҫdo hap dhe moment të jetës së tij. Një fizioterapist dhe një njeri i jashtëzakonshëm që shërbeu për 27 vite pranë ekipit tonë Kombëtar, pranë klubit të tij Tiranës, pranë sportistëve në vështirësi, duke qenë pranë tyre në ҫdo situatë.

Humori, dashuria për njerëzit, dhembshuria e Yllit do të na mungojnë. Në këtë moment të vështirë për familjen e tij, miqtë e tij të shumtë, lutemi që shpirti i tij të prehet në paqe. 

Lamtumirë Yll, do të të kujtojmë gjithmonë me dashuri! /

The post Lajm i trishtë për sportin shqiptar, humb betejën me koronavirusin fizioterapisti i Kombëtares appeared first on Albeu.com.