Ka qenë ish-ministri i Drejtësisë Ylli Manjani, i cili përmes një postimi ngacmues në rrjetet sociale, ka dhënë lajmin e shumëpritur, i cili u konfirmua më pas edhe nga vetë aktori i mirënjohur.

“Sapo mësova që nesër do të arrestohet Julian Deda”,- shkruan Manjani, koment ky që nënkupton izolimin total në të cilin vendosen banorët e këtij formati.

“Shërbimet e Policisë gjyqësore të Big Brother pritet ta ekzekutojnë vendimin menjëherë nesër ose maksimumi pasnesër”,- përfundon ai.

Në kundërpërgjigje, aktori i mirënjohur shkruan me nota humoristike “mos harro më sill cigaret…!”, koment të cilit Manjani i është përgjigjur me një shprehje të avokatit Maks Haxhia, pas dhënies së vendimit burg nga GJKKO për ish- ministrin Saimir Tahiri: “Viso, dy paketa atje”, togfjalësh që do të bëhej meme në rrjet.

“Ka pas punë Visi këto kohë, por do gjejë pak kohë edhe për ty”,- shkruan Manjani.

“Big Brother VIP3” do të ndezë dritat një nga një mbrëmjen e 13 Janarit.

Drita që do të fiken siç e do tradita nga fituesi i këtij edicioni.

Por deri atëherë është një rrugë e gjatë para, dhe patjetër një spektakël për t’u mos u humbur.

The post Ylli Manjani: Sapo mësova se nesër do arrestohet, ia kthen Jul Deda: Mos harro të më sjellësh cigare appeared first on Albeu.com.

Tifozët në stadium e kanë bërë traditë këndimin e vargjeve të këngës kushtuar heroit të UÇK-së Adem Jasharit.

Por Ylli Manjani, ish-ministër i Drejtësisë, ka rezerva në lidhje me këndimin e kësaj këngë në stadiume, pasi sipas tij nuk ka qenë futbollist dhe nuk ka lidhje me futbollin.

“Mund të më shpjegojë dikush se çfarë pune ka kënga e Adem Jasharit te Kombëtarja e Futbollit?

Pa lidhje. Ajo është përdhosje e figurës së Adem Jasharit. Adem Jashari nuk ka qenë futbollist. Po të kishte qenë Panajot Pano. Dakord. Hajde, do e pranonim.

Po ajo është një këngë e tmerrshme, çohu Adem. Pa lidhje. S’ka lidhje. Zero. Por ama po ta thuash këtë publikisht, do thotë që ti ke përdhosur [simbolet, të shkuarën, historinë]”, u shpreh Manjani në një intervistë me GogoCast.

Disa prej komentuesve në rrjetet sociale bien dakord me qëndrimin e Manjanit, ndërsa të tjerë e kundërshtojnë.

“Më në fund e tha dikush,” shkruan një person. “Shumë mirë e ke. Futbolli s’ka lidhje me luftën,” komenton një tjetër. “Të drejtë ke; është bërë himn futbolli dhe nuk e kuptoj arsyen,” shkruan një i radhës.

Nga ana tjetër, ka edhe shumë të tjerë që kritikojnë deklaratën e tij. “Është një këngë patriotike që motivon çdo shqiptar,” thekson dikush. “Ne, si popull, e ndiejmë në gen ndarjen, shtypjen, pushtimin shumëshekullor dhe jemi në kërkim të bashkimit, me të gjitha mënyrat, figurat e heronjtë,” shton një tjetër person.

“Është thjesht një këngë që nxit dashurinë për kombin dhe na mbledh të gjithë bashkë,” lexohet në një tjetër koment.

The post “Është një këngë e tmerrshme, s’ka lidhje me futbollin”, Ylli Manjani revoltohet me “himnin” Adem Jashari në stadium appeared first on Albeu.com.

Përmes një statusi në rrjetin social Facebook, Manjani thekson se familja e tij ishte mbajtur peng për orë të tëra në aeroport duke shtyrë fluturimin dy herë dhe më pas avioni nuk u nis fare.

Manjani shkruan pasi u nxorën nga avioni, udhëtarëve nuk iu dha mundësia e hotelit por iu tha se duhej të flinin ku të mundenin.

“Asnjë mirkuptim nuk mund të tregojmë ndaj kësaj kompanie që ofron shërbim ç’njerzor. Na janë shtyrë e madje edhe anuluar fluturime edhe të linjave të tjera, por na kanë trajtuar njerëzisht. Na është prishur terezia, por kemi thënë “ndodhin këto gjëra”.

Wizzair jo! Trajtimi ç’njerzor është krim jo shërbim.

E sigurtë është që nuk do ti blejmë më shërbim këtyre palaçove të papërgjegjshëm!

Ptu!”, shkruan Manjani në Facebook!

Statusi i plotë

Wizzair?

Never ever again!

Kurrë më! Asnjëherë!

Mbrëmë, avioni i linjës Athinë-Tiranë nuk u nis. Që fluturimet anulohen kjo ndodh, por që pasagjerët të trajtohen ç’njerzisht, kjo është e papranueshme!

Pasi kishin njoftuar dy herë shtyrjen e orarit të fluturimit, që do të thotë pritje në aeroport te gate, diku rreth orës 12:00 të natës avioni imbarkohet, por nuk niset, megjithse me pasagjerë në bord. Për më shumë se 2 orë kështu… Tmerr. As në qiell e as në tokë. Pengmarrje.

Pas 2 orë e kacafiu kujtohen të thonë se avioni nuk niset. Pasagjerët dalin nga avioni, rihyjnë në aeroport dhe lihen aty praktikisht në mes të katër rrugëve. Asnjë mundësi akomodimi!!! “Flini ku të mundeni”.

Nuk dihet do niset apo jo sot një avion tjetër!!!

Kjo i ka ndodhur familjes time mbrëmë.

Disa muaj më parë na ndodhi thuajse e njëjta gjë në linjën Eindhoven-Tiranë. Im bir pati të një përvojë shumë të keqe prej 6 orësh pritje dhe pa informacion..

Asnjë mirkuptim nuk mund të tregojmë ndaj kësaj kompanie që ofron shërbim ç’njerzor. Na janë shtyrë e madje edhe anuluar fluturime edhe të linjave të tjera, por na kanë trajtuar njerëzisht. Na është prishur terezia, por kemi thënë “ndodhin këto gjëra”.

Ëizzair jo! Trajtimi ç’njerzor është krim jo shërbim.

E sigurtë është që nuk do ti blejmë më shërbim këtyre palaçove të papërgjegjshëm!

Ptu!

The post “Kurrë më WizzAir”! Ish-ministri denoncon: Orë të tëra peng në aeroport, avioni nuk u nis appeared first on Albeu.com.

Manjani është shprehur se shqiptarët nuk kanë pse grinden për një flamur të huaj.

Ai e ka cilësuar të paligjshëm shoqërimin e të riut që hoqi flamurin turk dje nga kulla e vrojtimit në Gjirin e Lalzit.

Sipas tij, vendosja e flamujve pa protokoll vend e pavend, i bën ata një leckë të pavlerë.

Postimi i plotë:

E pabesueshme!

Policia shoqëron dhe kërkon fillim të ndjekjes penale për dikë, i cili në mes të plazhit hoqi një flamur turk nga kulla e vrojtuesit të plazhit!?

E akuzojnë se me këtë gjest nxiti urretje dhe grindje. Madje edhe prishës i rendit publik…

Seriozisht?!

Uau!

E kam sqaruar edhe për parë këtë çështjen e flamujve të huaj, që kur nuk vendosen në mënyrë protokollare, janë thjesht leckë pa asnjë vlerë.

Edhe në këtë rast flamuri i një shteti të huaj i vendosur në koliben e rojes së plazhit, në një hapësirë publike shqiptare është jo protokollar.

Tani të ndjekim pak llogjikën idiote të policisë. Mirë ky që e hoqi flamurin paska nxitur urrejtje, të cilën nuk dihet se si e mati policia, po ata që e vunë atë flamur nuk nxitën ndasi e urrejtje?!

Pse të vësh një leckë si flamur në një vend që sduhet vënë quhet rregull dhe heqja e tij quhet krim?!

Ajo kolibe nuk ishte as ambasada turke, as në territorin Turk, as në anije turke e as pjesë e ndonjë protokolli shtetëror pritje. Atëherë pse një shqiptar spaska të drejtë të heqë flamurin e këtij shteti nga një vend publik shqiptar, të vendosur pa asnjë protokoll?!

Pastaj cili shqiptar u grind me kë për shkak të heqjes së flamurit turk nga ai vend?!

Pse do zihen shqiptarët se u hoq flamuri turk?! Po të kishte hequr flamurin shqiptar, ndoshta… .

Rendi e qetësia publike përse u prish nga heqja e asaj lecke?! Pse vënia e saj e paska qetësuar rendin publik?!

Qartësisht vendosja e flamurit paska nxitur urrejtje dhe ka prishur qetësinë e njerëzve. Heqja ishte thjesht reagimi.

Tani, kush po nxit urretje se spo marrim vesh, shqiptari që ndoshta i ndjerë i fyer, bëri atë gjest apo policia që nuk mbron flamurin e territorin shqiptar por atë Turk?!

Ç’janë këto pislliqe mor aman se na hapën barkun!

Shkoni more kapni kriminelët e trafikantët që na nxorën bojën në gjithë botën.

Lerini flamujt e shteteve tjera se i mbrojnë vetë ata.

Bah, ç’ma nxitën urretjen megjithmend!/albeu.com/

The post “Një leckë pa vlerë…”, Manjani për heqjen e flamurit turk në Gjirin e Lalzit: Se kuptoj pse duhet të grinden shqiptarët appeared first on Albeu.com.

Manjani ngarkon me përgjegjësi Kryeministri Edi Rama, Ministrin e Brendshëm Bledi Çuçi si dhe Ministren e Turizmit Mirela Kumbaro për vrasjen e 7-vjeçares në Himarë.

Postimi i Manjanit:

Ja ku e keni edhe nenin që ngarkon me përgjegjësi Edi Ramën dhe ministrat e Tij të Turizmit dhe të Brendshëm. Ligji me numër 43 i vitit 2020, ka rregulluar lundrimin detar për qëllime turistike. Që ky ligj të zbatohet,duhej që Edi Rama dhe ministrat e Tij të bënin disa akte nënligjore, brenda 6 muajve i ka urdhëruar Parlamenti!!!

Me këto akte sigurohet regjistrimi i mjeteve, pronësia e tyre, përdorimi, rregullat e përdorimit e çdo gjë që i bën ato të sigurta. Por hiç! As 6,as 12,as 24 e as hiç muaj. As Edi e as ministrat përgjegjës nuk e qethën fare. Ah po, kanë bërë vetëm një udhëzim për të dhënë lejet e drejtimit, po ato kryesoret hiç. Po meqë janë “dashnorët” e përgjegjësisë individuale, ja ku e kanë ligjin e shkelur. Ja se si e kanë shpërdoruar detyrën duke krijuar pasojë të rëndë, humbjen e jetëve njerëzore!

Kujtoj se në paraburgim ka sot zyrtarë që s’i kanë bërë asgjë detyrës, por janë në burg. Ndërsa Edi &co tallen me detyrën sipas qejfit, duke marrë jetë njerëzish e s’u hyn gjëmb në këmbë!!! Dakord, nuk do politikë, po ligj do?! Ja ku e ka! E ka shkelur me të gjitha këmbët. Kjo papërgjegjshmëri i bën përdoruesit e mjeteve lundruese të sillen si të duan. Ndoshta rasti i policit kriminel,nuk do kishte kuptim as ligji, por së paku do dallohej edhe mëqartë përgjegjegjësia individuale e tij. Sot këtë përgjegjësi e mban Edi Rama dhe të paktën 2 ministra përgjegjës. Jo për gjë po e kishin përgatitur më së miri këtë sezon…! E kanë qa.

Ngjarja e rëndë ndodhi më 2 gusht në Plazhin e Potamit në Himarë, ku 7-vjeçarja Jonada Avdia, u godit për vdekje nga gomonia teksa po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Fëmija, me origjinë nga Tropoja jetonte me familjen e saj në Angli, por ishte kthyer në atdhe për pushime. Drejtuesi i gomones është shefi i policimit në komunitet në Elbasan, Arjan Tase u shoqërua në polici, ndërsa drejtuesi i Policisë së Shtetit, Gledis Nano e përjashtoi Arjan Tasen përfundimisht nga policia./albeu.com/

The post Manjani zbulon nenin e shkelur nga Rama: Përgjegjës për vrasjen e të miturës appeared first on Albeu.com.

E përsëris: Autoriteti i Dosjeve, ashtu siç është, duhet marrë nën përgjegjësi penale për shpërdorim të pastër të detyrës publike.

Me veprime aktive ata kanë shpërdoruar detyrën me qëllim cenimin e dinjitetit të një personi tjetër. Ata e dinin se I.M nuk është Ilir Meta, por qëllimisht e prodhuan si informacion të rremë për të denigruar figurën e tij.

Me sjelljen e Tij politike nuk është e thënë të jesh dakord, por denigrimi me sajesa të qëllimshme, ku autoriteti ligjor i shtetit përdoret për politikë, është i papranueshëm!

Më rëndë akoma, me veprimet e tij, palo Autoriteti keqorientoi edhe Kryetaren e Parlamentit, e cila në daljen e saj publike u bazua tërësisht në informacionin e manipuluar nga ata.

I njëjti informacion është prodhuar edhe për të devijuar Gjykatën Kushtetuese nga dhënia e drejtësisë kur gjykoi shkarkimin e Ilir Metës si President. Pra ata duhen vënë nën akuzë edhe për kallëzim të rremë ose pengim të drejtësisë në dhënien e vendimeve të drejta.

Autoriteti i Dosjeve kishte e ka detyrë ligjore të zbulojë të vërteta të së shkuarës e jo të manipulojë publikun, institucionet kushtetuese në vend dhe aq më pak të cënojë liritë dhe të drejtat themelore të individëve.

Nëse ky Autoritet nuk merret në përgjegjësi penale, atëherë e gjithë kjo vorbull e sajuar keq, trashë fare madje, atëherë kemi të bëjmë me veprime të një shteti të përfshirë fund e krye në veprimtari mafioze.

Marrja e atij Autoriteti, të degjeneruar në publik tashmë, në përgjegjësi penale është një shans që shteti të distancohet nga barra e veprimtarisë mafioze që kryen pushteti politik monist.

Bashkë me drogimin dhe damkosjen botërore të vendit, pastrimin e parave dhe vjedhjet mafioze të pasurisë publike, përdorimi i institucioneve publike për denigrim të individëve e vulosin shtetin si mafioz.

Duam apo nuk duam, kjo është logjika që lexon këtë realitet.

Post scriptum: Ilir Metës i mjaftojnë “gjynahet” që ka nga sjellja e Tij publike në vite. Sajesat e kësaj natyre vetëm e ndihmojnë të rimëkëmbet.

Dobët, shumë dobët luajtën Rama dhe Erioni këtë radhë.

The post Nëse Autoriteti i Dosjeve nuk vihet nën përgjegjësi penale, Shqipërisë i vihet “vula” si shtet mafioz appeared first on Albeu.com.

Manjani shkruan se mafia e inceneratorëve nuk ndodhet jashtë vendit, në SHBA e Britani, por në Shqipëri dhe shkruan se nuk duhet të lodhemi duke përmendur e dëgjuar këtë fjalë, pasi qëllimi i tyre ky është, të harrohen.

Ndër të tjera ai shkruan se  inceneratorët janë prova publike të mafias në pushtet.

Postimi i Ylli Manjanit:

Ore prapë po them: IN-CE-NE-RA-TO-RËT!

Aty fle lepuri!

Kontratat për 3 incenerarorë, ku vetëm njëri u bë edhe ai nuk punon, janë vjedhje.

Fshehja e tatimeve dhe taksave me paratë e përfituar nga vjedhja e parë, është vjedhja e dytë që i bëhet këtij shteti e këtij mileti!!! Ky i fundit ftohet të harrojë mendjen me nongratëllëqe….

Më tej akoma, futën në skemë pleq nga azili dhe të vdekur të cilët kanë blerë beton, hekur e naftë tek firmat e njohura si “oligarkët”. Kanë blerë edhe vaj, sheqer e ushqime për inceneratorët…

Pleqëria e përfshirë në skemë as që e ka idenë!!!

Mafie e pastër!

E ulur këmbëkryq në Shqipëri. Jo në Uashingon, as Bruksel e as në Londër. Këtu ore këtu, në Shqipëri.

Inceneratorët. S’ka temë tjetër.

U bezdisët nga përsëritja e kësaj fjale?!

Nëse po, ju kujtoj se qëllimi i mafies në pushtet është ta harroni këtë temë!

Ai ofron teatër me ambasada e nongratëllëqe. Ju ofron lojra e divertimente që të harroni mafien. Mafien që po vret shqiptarët çdo ditë.

Unë do ta përsëris.

Do insistoj deri në dhimbje.

Inceneratorët janë prova publike e mafies në pushtet!

Vrasjet për larje hesapesh janë pasoja më e dhimbshme e politikës mafioze.

The post Policia i ka shpallur në kërkim, Ylli Manjani: Mafiozët e inceneratorëve janë këtu, jo në Uashington e Londër appeared first on Albeu.com.

Manjani ka bërë një deklaratë të fortë gjatë fjalës së tij. Ai tha se nuk ishte dakord me përmendjen e emrave gjatë diskutimit, pasi Berisha përmendi gjyqtarin Sokol Sadushi, ndërsa vetë përmendi Saimir Tahirin. Sipas tij, ai u prangos për t’u përdorur më pas si mjet presioni për gjithë të tjerët.

“Nuk i dal në mbrojtje njeriu. Për interesin publik përdor edhe emra konkret. Kam përdour edhe emrin e Saimir Tahirit. Po nuk ka shpërdoruar detyrën Saimir Tahiri, për të qenë të drejtë. Kjo nuk është drejtësi. Është maskaradë për t’ju thënë njërëzve që ne kur fusim Saimirin tonë, nuk pyesim për ju. Kjo nuk është drejtësi, është hakmarrje,”-tha ai. Ndëra propozoi edhe ndryshimin e të gjithë Kushtetutës së Shqipërisë, me pretendimin se e ka përmbushur ciklin e saj./albeu.com

The post Manjani ndaj Berishës: S’ka shpërdoruar detyrën Saimir Tahiri, e gjitha maskaradë appeared first on Albeu.com.

Nuk mirkuptoj askënd që përdor “bukën e kalamajve” si argument për të legjitimuar atë që bën.

Askënd, po askënd fare!

Çdo me thënë kjo?!

Hajde të të rrah, dhunoj, shoqëroj në polici me dhunë, helmoj me gaz e të të dynd në gjoba dhe mos ma merr për ters se e bëj “për bukën e kalamajve”!!!

Pse vetëm policët paskan kalamaj?!

Ata që protestojnë çkanë?!

Po pse mo kalamaj kanë vetëm ata që punojnë në shtet?! Deputetët, ministrat, drejtorët e nënpunësit paskan kalamaj?!

Vetëm ata që bëjnë presion për vota (patronazhistët e komisionerët) paskan kalamaj dhe, votuesit vetë jo?!

Po ç’llogjikë është kjo?!

“Falja se e bën për bukën e kalamajve”- thonë disa.

Jo or jo, nuk fal askënd!

Dhe jo për “bukën e kalamajve” por për dinjitetin e tyre, për pavarësinë e tyre nga “buka” e fituar në kurriz të të tjerëve.

Burra legena!

Fshiheni pas kalamajve.

U përmendni edhe bukën, pa le!

Mos i ngatërroni kalamajt me këto pisllëqe!

Ptu!

The post “Për bukën e kalamajve”, Ylli Manjani: Pse nuk mirëkuptoj askënd që përdor këtë argument appeared first on Albeu.com.

Manjani shprehet se gjithçka ndodh për faktin se në vendin tonë mungon alternativa dhe prandaj politikanët tanë sillen si mbretër.

Postimi i plotë:

Ajo që mungon është ALTERNATIVA!

Padyshim.

Përse sillen si mbretër këta që sundojnë? Përse fitojnë gjithmonë zgjedhjet?

Përse dhunojnë njerëzit pa iu hyrë gjëmb në këmbë?

Përse shesin pasurinë publike sikur ta kenë të veten?

Përse e kërkojnë dhe e marrin nën kontroll me lehtësi çdo institucion?

Përse e përse e përse…????

Sepse përballë tyre nuk ka një alternativë politike.

Alternativat përballë tyre janë po ato që kanë qenë. Asgjë nuk ka ndyshuar. sundimtarët arroganto ua kanë pirë lëngun. I njohin mirë dhe i neutralizojnë sukseshëm.

Alternativën zyrtare e kanë blerë dhe e ruajnë policë për fasadë politike. Alternativat e tjera i përçajnë e i degdisin në asgjë.

Shoqëria nuk prodhon gjë tjetër. Rregullat janë të mbyllura. Partitë të blinduara. Kush guxon të sfidojë rregullat dhe partitë e hanë të gjallë. Tifozët politikë në radhë të parë, por edhe partitë e rregullat e tyre të mbyllura. Policët e shtetit janë përmbarues të partisë që sundon.

Partia në pushtet i ka të gjitha në dorë.

Ndaj këta sundojnë. Iu është mbushur mendja se i kanë koqet prej hekuri. Ndoshta edhe i kanë!? Duhet ti kenë sepse nuk kanë lidhje me njerëzoren…

Ndërsa ne persihatemi në FB duke u marrë me Erionin, Lulin, Ramën, Metën, Berishën, Monikën. Kush ja futi e kush ja qiti kujt!!!

Gjithçka mbrapsht! Shohim nga e shkuara me mendimin fiks “sa mirë ishim kur ishim keq”… Të rinjtë janë më të tmerrshëm në fakt. Super mashtrues. Shihni Erin dhe Lulin e gjeni dallimin..!

Pfffff merremi me këto emra e me të shkuarën ndërkohë që ata kanë një jetë aty ku janë…

Asgjë e re!

Asnjë Alternativë!

Vetëm tifozllëk.

Ata sundojnë, ne kritikojmë koqet e sundimtarëve…

Ndoshta, kalorsve tanë nuk u duhet qarë halli se si e ku iu varen hallatet./albeu.com/

Duhet menduar ALTERNATIVA.

Përndryshe skemi gjë në terezi..!/albeu.com/

The post “Janë bërë mbretër”, Ylli Manjani bën deklaratën e fortë: Po ju rrëfej çfarë i mungon vendit appeared first on Albeu.com.