Mesfushori i Kombëtares së Shqipërisë, Ylber Ramadani, i ka dhënë fund qëndrimit te Lecce dhe ka hapur një faqe të re në karrierë, duke firmosur me klubin turk ARCA Çorum FK.

Tashmë është zyrtare që Ramadani do të luajë në Superligën e Turqisë, pasi ka kompletuar transferimin te ARCA Çorum FK.

Lajmi është konfirmuar nga vetë klubi turk nëpërmjet kanaleve të tij zyrtare, ku bëhet e ditur se është arritur marrëveshja me US Lecce për kalimin përfundimtar të mesfushorit shqiptar.

“Klubi ynë ka arritur një marrëveshje me US Lecce në lidhje me transferimin përfundimtar të futbollistit profesionist Ylber Ramadani dhe është nënshkruar një kontratë 2+1-vjeçare me lojtarin”.

“Me besimin se ai do të ketë një karrierë të suksesshme nën fanellën e ARCA Çorum FK, e mirëpresim Ylber Ramadanin dhe i urojmë suksese të shkëlqyera në udhëtimin e tij të ri”, thuhet në njoftimin e klubit.

Ky transferim shënon një etapë të re për Ramadanin, i cili pas përvojës në futbollin italian me Leccen, do të vazhdojë rrugëtimin e tij në elitën e futbollit turk, aty ku pritet të ketë rol të rëndësishëm në repartin e mesfushës te skuadra e re.

Sipas raportimeve, klubi turk ka paguar 1 milion euro për transferimin e mesfushorit ferizajas.

The post Ylber Ramadani zyrtarizohet te ARCA Çorum FK në Superligën e Turqisë appeared first on Albeu.com.

Ylber Ramadani duket se do të jetë futbollisti i radhës shqiptar që do të vazhdojë karrierën në Superligën turke. Sipas raportimit të gazetarit italian Gianluca Di Marzio, mesfushori i Kombëtares është drejt kalimit te Corum FK, skuadër që siguroi ngjitjen në elitë për sezonin e ardhshëm.

Klubi që mban kartonin e lojtarit, Lecce, mësohet se ka dhënë pëlqimin për ofertën e ardhur nga ekipi turk. Kështu, pas tre sezonesh në Serie A, Ramadani është gati të nisë një eksperiencë të re në karrierën e tij.

Në kampionatin turk, futbollisti kuqezi do të bëhet pjesë e një grupi të njohur lojtarësh shqiptarë. Aktualisht aty aktivizohen edhe Qazim Laçi te Rizespor, Ernest Muçi te Trabzonspor, Rey Manaj te Sivasspor (mund të largohet), Taulant Seferi dhe Arlind Ajeti te Bodrum FK, si dhe Arbnor Muja te Samsunspor.

The post Ylber Ramadani ndahet nga Serie A, mesfushori kuqezi pritet të transferohet te Corum FK në Turqi appeared first on Albeu.com.

I pranishëm në emisionin “Kampionët” në TV Klan, ish-trajneri i Partizanit, Skënder Gega, foli edhe për Ylber Ramadanin. Meqë të dy ndodheshin në panel, Gega shprehu hapur vlerësimin e tij për mesfushorin e Kombëtares shqiptare, duke nënvizuar se nuk pati mundësinë të punonte me të te Partizani.

“Për Ramadanin, fjalët janë të pakta. Ky është një person dhe një lojtar që gjithmonë ka folur pak. E kanë paragjykuar. Ka ardhur nga pjesa tjetër e Shqipërisë që është Kosova, se nuk themi dot kosovar, por shqiptar i Kosovës. Ka ardhur në Tiranë me përpjekje, me sakrifica. Ka gjetur rrugën e tij, falë punës. Edhe me Kombëtaren, sidomos në elimintoret, ka qenë i jashtëzakonshëm.

Për çdo trajner, mënyra se si luan, është i domosdoshëm, pasi është njeri që mban balancat brenda fushës, me aq sa njoh edhe jashtë fushe. I vuri vulën në Itali, sepse atje nuk ka mik. Unë nuk kam pasur fatin që të jem me të, pasi vitin që shkova unë, Ramadani u largua nga Partizani. Por, kam dëgjuar fjalët më të mira, kam qenë gjithmonë mbështetës i tij”, ka thënë Skënder Gega.

The post Skënder Gega vlerëson Ylber Ramadanin: Kam dëgjuar vetëm fjalë të mira për të appeared first on Albeu.com.

Kjo bëri që Leçe të mos hezitonte që të rinovonte kontratën e mesfushorit kuqezi duke aktivizuar klauzolën e zgjatjes së saj për një tjetër sezon. Por vazhdimësia e tij në klub tashmë është në dyshim.

“Tuttosport” bën të ditur se një klub me mjaft emër si Torino ka kthyer sytë nga Ramadani dhe po projekton një transferim të mundshëm të tij gjatë verës. Megjithatë, pengesë mund të bëhet edhe oferta që ka marrë ai nga Bundesliga gjermane dhe që mund të bëhet tunduese nëse Ramadani vendos të ndërrojë kampionat.

The post Futbollisti i Kombëtares merr ofertë nga Bundesliga dhe klubi i njohur në Serinë A appeared first on Albeu.com.

Në përfundim të ndeshjes së fituar ndaj Xhenoas, ishte pikërisht Ramadani ai i cili foli para mediave, duke shprehur besimin ë kishte pasur se me këtë grup ekipi do të kishte arritur këto rezultate.

“Ky sezon ka qenë një përvojë e veçantë, edhe djemtë që nuk luajtën ishin aty. E merituam të ishim këtu. Nuk dëgjuam asgjë për ndeshjen tjetër. E thashë që nuk ishte një shëtitje. Luajtëm ndeshje të shkëlqyera. Pas golit? E dija, kam përvojë nga viti i kaluar dhe vitet e tjera. Ne donim ta mbanim ekipin të qetë, çdo gjë mund të ndodhte në ndeshje. Nuk na interesonte rezultati i Komo-Kremoneze. Në fund? Isha zëvendëstrajner në fushë. Nuk dua të jem trajner. E falënderoj trajnerin, ai më ka përmirësuar në shumë aspekte të ndryshme.

Jam shumë i lidhur me këtë tokë, më kujton Shqipërinë time. Çdo ditë që e kam të lirë, shkoj në shtëpi dhe kthehem menjëherë. Këtë javë pata disa probleme me gjurin, shtrëngova dhëmbët për të luajtur sot, doja të isha në fushë.

Vitin e kaluar nuk u zhduka, kishte zgjedhje nga trajneri që donte të luante në mënyrë të ndryshme, unë gjithmonë kam qenë profesionist. Goli kundër Torinos shleu gjithë sezonin, këtë vit ndihem më shumë në qendër të gjërave, isha zëvendëskapiten. Ne dinim çfarë të bënim dhe bëmë gjithçka me shokët, ishin vërtet grupi më i mirë që kam pasur që kur kam qenë këtu. I falënderoj ata, tifozët dhe qytetin.

Kur humbnim, i thosha unë drejtorit që të flisja para mediave, e dinim se do të ringriheshim. Kur humbasim, unë jam gjithmonë i pari; nuk i braktis lojtarët e rinj, në këtë qytet vuhet shumë presioni. Isha i pari që flisja kur humbnim ose barazonim. I thosha drejtorit ‘nuk ka problem’.

Kur luajtëm katër ndeshje të forta: Napoli, Roma, Bolonja dhe Inter. Atje mendonim për keq dhe pas gabimit tim, në fund thashë se duhej të bënim pak më shumë për të qëndruar lart. Të gjithë na kritikuan, por në fund mbijetuam edhe falë pikës që morëm në Verona. Kjo bëri diferencën ndaj Kremonezes. Verona na krijoi vështirësi. Kjo bëri diferencën. Dedikimi është për Gracianon. E pashë gruan e tij me fëmijët dhe i thashë: ‘Po e bëjmë këtë për Gracianon, për njerëzit tanë’. Ai është një nga ne”, ishin fjalët e Ramadanit pas ndeshjes historike.

The post Protagonist i sezonit historik në Serinë A/ Ylber Ramadani: Nuk dua të bëhem trajner, ky vend më kujton Shqipërinë appeared first on Albeu.com.

Performanca e tij ishte e jashtëzakonshme në sfidën që u mbyll në barazimin 1-1.

Por jo vetëm kaq, 30-vjeçari është zgjedhur edhe në formacionin e javës së 33-të në Serinë A.

Ramadani është vlerësuar me notën 8.0 nga SofaScore.

The post FOTO/ Më i miri kundër Fiorentinës, Ylber Ramadani zgjidhet në formacionin e javës në Serinë A appeared first on Albeu.com.

Ramadani luajt der në minutën e 68-të për tu zëvendësuar më pas nga Lassana Coulibaly.

Ndërkohë, tre minuta më vonë nga fusha e lojës u largua edhe Gjimshiti, i cili u ndëshkua dhe me karton të verdhë në këtë sfidë, në vendin e tij u aktivizua Kossonou.

Golat për zikaltërit u shënuan nga Scalvini 29’, Krstovic 59’ dhe Raspadori 73’. Leçe mbetet e parafundit me 27 pikë, e barabartë me Cremonesen. Atalanta buzëqesh, ngjitet në kuotën e 53 pikëve.

The post Gjimshiti fiton duelin me Ramadanin në Serinë A appeared first on Albeu.com.

Ramadani ka fituar 156 herë posedimin e topit, ndërsa Modriç plot 171 herë. Lista vijon më tej me Matiç, Kristanten, Vlasiç, Adopo, Pongraçiç, Lokateli, De Kunja dhe Doda. Statistika në fjalë mbledh rastet, kur lojtari ka rikuperuar topin nga kundërshtari, ka ndërprerë një aksion, ka bërë presion të suksesshëm për të fituar topin apo ka fituar drejtpërdrejt duele si në tokë dhe ajër.

Kjo statistikë vlen pikërisht për lojtarë si Ramadani, që janë mesfushorë para mbrojtjes. Ndikimi i mesfushorit shqiptar për rikthimin e topit në favor të Leçes dhe prishja e lojës së kundërshtarit është e dukshme.

Me kilometrat e përshkuara në 30 javë të Seria A, Ramadani është edhe maratonamaku i skuadrës. Si titullar i padiskutueshëm ka luajtur në 29 javë. Interesant është fakti se në Poloni nuk mori asnjë minutë nga trajneri Silvinjo.

EMANUEL LOCI-PANORAMASPORT.AL

The post Çuditë e Kombëtares! Silvinjo nuk i besoi asnjë minutë, vetëm Modriç bën më mirë se mesfushori shqiptar në Seria A appeared first on Albeu.com.

Lojtari kishte udhëtuar për t’iu bashkuar ekipit edhe pse kishte gruan e tij shtatzënë, ndërsa në ndeshjen e të enjtes e ndoqi ndeshjen nga pankina.

Pas sfidës ku mbaruan ëndrrat për Botërorin, atij iu dha leje të kthehej pranë gruas së tij e cila ishte në pritje të fëmijës së tretë. Mbrëmjen e djeshme, Ramadani dha lajmin e lumtur në rrjetet sociale.

Ai ka bërë të ditur se kishte ardhur në jetë djali të cilit i kishte vënë emrin Amar, duke ndarë foton e parë të tij në rrjetet sociale.

The post La grumbullimin e Kombëtares pas Polonisë, futbollisti kuqezi jep lajmin e mirë appeared first on Albeu.com.

Dy nga lojtarët e skuadrës nuk do të udhëtojnë drejt Valencias: Arlind Ajeti dhe Ylber Ramadani.

Arlind Ajeti u zëvendësua gjatë pjesës së parë të ndeshjes Poloni – Shqipëri dhe, sipas vlerësimeve të para, ka pësuar një luksacion të shpatullës së majtë (scapolo-humerale). Për këtë arsye, ai nuk do të jetë i disponueshëm për ndeshjen e ardhshme dhe do të kthehet në klub për vlerësimet përkatëse.

Ndërkohë, Ylber Ramadani do të kthehet në shtëpi, pasi gruaja e tij është shtatzënë dhe është gati për të lindur.

The post Ndryshime në listën e Kombëtares, largohen Arlind Ajeti dhe Ylber Ramadani appeared first on Albeu.com.