Rreth dy milionë persona mbushën rrugët e Madridit, kryeqytetit të Spanjës, për të kremtuar titullin e Kupës së Botës të fituar nga kombëtarja spanjolle.

Futbollistët e “La Rojas” përshëndetën turmën nga pjesa e hapur e një autobusi dykatësh.

Një nga momentet që tërhoqi më shumë vëmendje gjatë paradës së kombëtares spanjolle kishte si protagonistë Yeremy Pinon dhe Unai Simonin.

“Një puthje. Një puthje”, i tha Pino portierit të Spanjës, përpara se ta puthte atë në buzë.

Menjëherë pas momentit që u përhap me shpejtësi, Pino e drejtoi shikimin nga kamera me habi, ndërsa Unai Simon u argëtua gjatë gjithë festimeve.

Pino, sulmuesi i Crystal Palace, u aktivizua nga stoli vetëm në dy raste gjatë Kupës së Botës. Ndërkohë, Simon mbetet i pazëvendësueshëm në portën e Spanjës dhe, në tetë ndeshje të turneut, pësoi vetëm një gol.

Veprimi mes tyre u bë viral në rrjetet sociale, duke u kthyer në një prej episodeve më të diskutuara të festës së Spanjës.

The post Festë pa kufij, dy futbollistë të Spanjës puthen në buzë gjatë paradës së Kupës së Botës appeared first on Albeu.com.

Sipas asaj që raporton Marca, aventura e Pinos në këtë Botëror duket se ka përfunduar, pasi ai ka pësuar frakturë në klavikulë gjatë suksesit 1-0 të Spanjës ndaj Uruguait, takim në të cilin futbollistët spanjollë u vunë vazhdimisht përballë ndërhyrjeve të ashpra fizike.

Anësori i Crystal Palace e nisi ndeshjen nga stoli, por më pas u aktivizua si zëvendësues dhe përjetoi një rrëzim të rëndë. Më vonë, ai u pa duke u larguar nga stadiumi me krahun në rrip.

Problemet nuk mbarojnë këtu për përfaqësuesen spanjolle, pasi raportohet se edhe Nico Williams ka pësuar një tjetër dëmtim muskulor, çka e vë në pikëpyetje edhe vazhdimin e tij në pjesën e mbetur të garës.

Kjo situatë e lë Luis de la Fuenten pa alternativa në krahun e majtë, duke qenë se edhe Victor Munoz po përballet me shqetësime fizike.

The post Dëmtimi ndaj Uruguait i kushton shtrenjtë Spanjës, Yeremy Pino humbet pjesën e mbetur të Botërorit appeared first on Albeu.com.