Ushtria izraelite tha se sulmoi infrastrukturën e përdorur nga rebelët në aeroportin ndërkombëtar në Sanaa dhe portet e Hodeidaa, Al-Salifit dhe Ras Qantibit, si edhe disa termocentrale.

Kryeministri izraelit Benjamin Netanyahu tha në një fjalim të mërkurën se “Rebelët Houthi gjithashtu do të mësojnë atë që mësuan Hamasi dhe Hezbollahu dhe regjimi i Asadit dhe të tjerët”.

Media e grupit Houthi e mbështetur nga Irani njoftoi për sulmet në një postim në Telegram, por nuk dha detaje të menjëhershme. Ushtria amerikane gjithashtu ka vënë në shënjestër rebelët Houthi në Jemen ditët e fundit.

Kombet e Bashkuara kanë vënë në dukje se portet janë hyrje të rëndësishme për ndihmën humanitare.

Gjatë fundjavës, 16 persona u plagosën kur një raketë Houthi goditi një shesh lojrash në Tel Aviv.

Javën e kaluar, avionët izraelitë goditën në Sanaa dhe Hodeida, duke vrarë nëntë persona, duke thënë se ishte një përgjigje ndaj sulmeve të mëparshme të Houthive.

Houthi-t gjithashtu kanë vënë gjithashtu në shënjestër transportin detar në korridorin e Detit të Kuq, duke thënë se po vepronin në solidaritet me palestinezët në Gaza.

Ndërkohë, një sulm izraelit vrau pesë gazetarë palestinezë para një spitali në Rripin e Gazës gjatë natës, tha Ministria e Shëndetësisë e territorit. Ushtria izraelite tha se të gjithë ata ishin militantë që po e paraqisnin veten si gazetarë.

Sulmi goditi një makinë jashtë spitalit Al-Awda në kampin e refugjatëve Nuseirat në Gazën qendrore. Gazetarët punonin për median lokale Al-Quds Today, një kanal televiziv i lidhur me grupin militant Xhihadi Islamik./VOA

The post Izraeli njofton për sulme të reja ajrore ndaj rebelëve në Jemen appeared first on Albeu.com.

Zëdhënësi i IDF-së (ushtria izraelite), adm. Daniel Hagari konfirmoi se ndër objektivat e goditura në “goditjet e sakta” ishin “portet dhe infrastruktura energjetike”, të cilat ai i akuzoi Houthi-t se i shfrytëzonin për “veprimet e tyre ushtarake”, duke përfshirë lëshimin e raketave dhe dronëve kundër Izraelit dhe sulmet. në transportin tregtar në Detin e Kuq.

“Kur Izraeli vepron kundër grupit Houthi, ai vepron për të gjithë komunitetin ndërkombëtar,” tha Netanyahu, duke shtuar se SHBA dhe shumë të tjerë “e kuptojnë mirë këtë”.

Teksa theksoi se Houthi është grupi i fundit aktiv iranian pas Hezbollahut, Hamasit dhe regjimit të Assad në Siri, ai shtoi se ky grup po e mëson në mënyrën më të vështirë të mundhsme se të sulmosh Izraelin, do e paguash shtrenjtë.

Grupi Houthi ka ndërmarrë disa sulme kundër Izraelit ku një pjesë e raketave të lëshuara kanë shaktuar dhe viktima në vend. Nga ana tjetër Izraeli nuk i ka kurayer asnjehrë armiqtë e tij dhe në këtë rast as grupin islamik Houthi, ku dhe janë të vendosur për t’i dhënë fund grupeve terroriste.

The post Ushtria izraelite sulmon Yemenin, objektiv kryesor grupi terrorist Houthi appeared first on Albeu.com.