Edicioni i freskët i Ligës së Kampionëve nis të martën, me një format të ri që përfshin 36 klube në fazën e ligës, teksa pesë ekipe nga Premier League synojnë ta sjellin sërish trofeun në Angli.

Skuadra e fundit angleze që ka ngritur lart këtë kupë mbetet Manchester City, triumfues në vitin 2023, por gara sivjet pritet të jetë edhe më e ashpër pas një merkatoje vere me investime të jashtëzakonshme.

Të martën, City do të përballet me Porton në ndeshjen hapëse, ndërsa kampionët e Anglisë kanë derdhur fonde të konsiderueshme për të forcuar repartin e mesfushës.

Një ditë më vonë, Liverpooli mirëpret Atletico Madridin në një takim që premton emocione të forta që në xhiron e parë.

Paris Saint-Germain hyn në kompeticion me synime të mëdha – kampioni aktual i Evropës kërkon të bëhet formacioni i dytë në historinë moderne të Champions-it, pas Real Madridit të Zinedine Zidane, që arrin tripletën e titujve radhazi. Megjithatë, ecuria në Ligue 1 nuk ka qenë pozitive për parisienët, të cilët ende nuk kanë shijuar fitoren në katër javët e para.

Yaya Toure shkruan historinë

Një rrëfim i veçantë mbërrin nga kampioni i Sllovakisë, Slovan Bratislava. Ky klub rikthehet në fazën e ligës nën drejtimin e Yaya Toure, ish-mesfushorit të Barcelonës dhe fituesit të Champions-it në 2009-ën. Në përvojën e tij të parë si trajner kryesor, Toure regjistroi një arritje historike duke u bërë tekniku i parë afrikan që udhëheq një skuadër në fazën kryesore të këtij turneu.

Dueli Mourinho – Inter dhe debutuesit

Real Madridi do të startojë në shtëpi përballë Interit, një sfidë e mbushur me histori. Jose Mourinho, i cili fitoi Champions-in me zikaltrit në vitin 2010 dhe më vonë mori frenat e Realit, rikthehet në këtë kompeticion me madrilenët.

Ky edicion shënon gjithashtu debutimin e disa ekipeve në fazën e ligës: Sabah i Azerbajxhanit, Como i Italisë, LASK-u i Austrisë dhe Viking i Norvegjisë do të luajnë për herë të parë në këtë nivel. Norvegjia prezantohet me dy përfaqësuese, Bodo/Glimt, që sfidon Bayern Munichun, dhe Viking, që ndeshet me Stuttgartin.

Formati i ri

Secila prej 36 skuadrave do të zhvillojë tetë ndeshje kundër kundërshtarëve të ndryshëm – katër në fushën e vet dhe katër jashtë. Tetë ekipet e para sigurojnë biletën direkt për në të tetën e finales, kurse ato të renditura nga pozita e nëntë deri në të 24-ën do të përballen në play-off për një vend në fazën me eliminim direkt. Klubet që përfundojnë nga vendi i 25-të deri në të 36-in i japin fund aventurës evropiane.

Spektakli nis menjëherë me duele të zjarrta si Real Madrid – Inter, Porto – Manchester City, Dortmund – Villarreal si dhe Lille – Betis.

The post Nis edicioni i ri i Champions-it, përballje të forta që në start appeared first on Albeu.com.

Slovan Bratislava siguroi një vend në fazën e ligës së Ligës së Kampionëve, ndërsa trajneri i tij, Yaya Toure, vendosi një rekord historik në këtë kompeticion.

Ekipi sllovak kaloi Celjen me rezultatin e përgjithshëm 3-2, pas barazimit 1-1 në ndeshjen e parë dhe fitores 2-1 në të dytën. Ky sukses e bëri Toure trajnerin e parë afrikan që drejton një skuadër në fazën e ligës së turneut.

Emmanuel Egbo kishte qenë më parë afrikani i parë që drejtoi një klub në Ligën e Kampionëve. Në vitin 2020, ai ishte trajner i Tiranës, por skuadra shqiptare u eliminua përpara se të arrinte fazën e grupeve.

Toure, 43 vjeç, mori drejtimin e Slovan Bratislavës në qershor. Për ish-futbollistin nga Bregu i Fildishtë, kjo është eksperienca e parë në postin e trajnerit kryesor.

Para kësaj detyre, ai ishte pjesë e akademisë së Tottenham Hotspur dhe shërbeu si ndihmës i Roberto Mancinit te kombëtarja e Arabisë Saudite.

The post Yaya Toure hyn në histori, bëhet afrikani i parë në fazën e ligës së Champions-it appeared first on Albeu.com.

Ylli i Fildishtë nuk do të luajë futboll pasi tani është 39 vjeç, por do të marrë një pozicion si trajner në akademinë e Tottenham.

Të dyja palët kanë arritur një marrëveshje dhe pritet vetëm njoftimi zyrtar. Toure ka punuar në vitin 2021 si ndihmës trajner në Olimpik Doetsk dhe Akhmat Grozny.

Kujtojmë se Toure ka veshur fanellën e Olympiakos në sezonin 2005-2006 dhe po ashtu edhe në vitin 2018 teksa ka luajtur për Barcelonën dhe Manchester City./h.ll/albeu.com

The post Yaya Toure i rikthehet futbollit, por si trajner i klubit të njohur appeared first on Albeu.com.

Kjo është sipas një raporti të fundit nga Evening Standard, i cili pretendon se ish-mesfushori i Manchester City është afër përfundimit të licencës UEFA A.

Toure filloi karrierën e tij si trajner në Ukrainë dhe Rusi përpara se të kthehej në Angli në fillim të këtij viti.

Metodat stërvitore të Toure besohet se u kanë impresionuar anëtarëve të grupit të Spurs, kështu mos u habitni të shihni më shumë nga ish-mesfushori i cili është gati për një aventurë të madhe në karrierën e tij. /albeu.com/

The post E BUJSHME/ Yaya Toure trajner i Tottenham? appeared first on Albeu.com.