“I shpreh afërsi kësaj gruaje që u plagos në mënyrë aksidentale nga një plumb pistolete përgjatë fazave të vrasjes së mjekut Xhuvani ndërkohë që ushtronte detyrën e saj”, tha avokatja Rezarta Tahiraj, që përfaqëson familjarët e viktimës.

Policja ka deklaruar se ishte aty për të ushtruar detyrën e saj.

Ajo deklaroi shpesh se nuk kujtonte shumë, por se ishte një turmë personash kur ajo u plagos.

Tahiraj e pyeti: Përgjatë viteve të punës tuaj sa herë ju ka ndodhur që të jeni e pranishme në një vrasje? Dhe sa herë ju ka ndodhur që të mbeteni e plagosur nga një plumb, mendoni se është e mundur se hera e vetme që ju ka ndodhur kjo nuk kujtoni asgjë?

“Megjithatë nuk mund të injorohet stresi edhe tani që kjo grua është ndjerë në rrezik për jetën në atë rrethanë dhe për këtë i shpreh mirëkuptimin tim njerëzor përtej atyre që do të jenë për të rezultatet proçeduriale”, komenton avokate Tahiraj.

The post “Nuk mbaj mend shumë …”, merret në pyetje efektivja që u plagos ditën që u vra Pjerin Xhuvani appeared first on Albeu.com.

Xhuvani mbeti i vrarë në Elbasan pasi u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazmend Bardhi.

Ndërkohë Prokuroria ka dërguar për gjykim Arbër Paplekën për akuzën e vrasjes dhe dy zv.drejtorët e policisë Nikollaq Pallën, Albert Nushin dhe 6 policët e forcave ‘Shqiponja’ për shpërdorim detyre.

Hetimet vijojnë edhe për Kelmend Xhaferin për akuzën e vrasjes për policin Riza Mujaj për shpërdorim detyre.

The post Vrasja e Xhuvanit, prokuroria çon për gjykim Arbër Paplekaj, dy zv.drejtorët e policisë dhe 6 efektivët e “Shqiponjave” appeared first on Albeu.com.

Nga dosja e siguruar nga Abc, lidhur me ngjarjen e 21 prillit të vitit të kaluar, vërehet se në ekspertizën mjekoligjore të spitalit të Elbasanit, ndaj mjekut Pjerin Xhuvani është qëlluar vetëm një plumb, i cili i ka kapur pjesën e kokës.

Ndërkohë që tek një nga të plagosurit, Elton Bodinaku, janë konstatuar dy plagë në bark, të cilat janë konsideruar si mjaft të rënda.

Ndërsa efektivja e policisë Xhensila Sota, ka marrë dy plagë në këmbën e majtë, pa rrezik për jetën.

Gjithashtu plagë në trup i janë konstatuar edhe Paolo Vuksanit si dhe Emiljano Prengës.

Kujtojmë që pak ditë më parë gazetari investigativ, Artan Hoxha paralajmëroi nisjen e arrestimeve për vrasjen e Pjerin Xhuvanit, i cili u qëllua nga një badigard i PD-së, ndërsa patrullonin nëpër rrugët e qytetit të Elbasanit.

Gjithashtu në vendngjarje janë gjetur 20 gëzhoja. Lidhur me këtë ngjarje dy ditë më parë Gjykata e Elbasanit dhe masën arrest shtëpie për dy drejtuesit e lartë të policisë Albert Nushin dhe Nikollaq Pallën si dhe pezulloi nga detyra 6 efektivë, me akuzën e shpërdorimit të detyrës dhe deklarimit të rremë.

Në dosje theksohet gjithashtu se policia ka qenë e pranishme në vendngjarje por nuk ka bërë asnjë veprim për të parandaluar përplasjen me armë, që solli një të vdekur dhe katër të plagosur.

The post DOSJA/ Elbasani u “përgjak”, sa të shtëna pati në vendngjarje dhe çfarë nxjerrin kamerat e sigurisë ditën që u vra Xhuvani appeared first on Albeu.com.

Bëhet me dije se 2 policë Albert Nushi dhe Nikollaq Palla janë lënë me arrest shtëpie, ndërsa  Dedjon Duraku, Pëllumb Bicaku, Erjon Balla, Erjon Meçja, Donald Dedja dhe Besmir Kadiu janë pezulluar nga detyra.

Akuza e ngritur mbi të akuzuarit është “shpërdorimit të detyrës”, pasi dyshohet se kanë dhënë deklarim të rremë.

Ende pritet një njoftim zyrtar nga AMP lidhur me rastin.

Si ndodhi vrasja e Pjerin Xhuvanit:

Pjerin Xhuvani, 56 vjeç, ka mbetur i vrarë më 21 prill të vitit 2021 pas një përplasje me armë ku u përfshinë disa persona.

Xhuvani ka mbetur i vrarë në Elbasan pasi është qëlluar me armë nga Arbër Paplekaj, shoqëruesi i kreut të listës së Partisë Demorkatike, Gazmend Bardhi. Paplekaj ka pranuar krimin duke thënë se ka qëlluar për vetëmbrojtje pasi u qëllua më parë nga persona që po blinin vota.

Sekretari i PD-së Gazment Bardhi tha se ngjarja kishte ndodhur si përshkallëzim i një përpjekje për të ndaluar “një rast shit-blerjeje votash” ku përfshihej “një grup kriminal të mbështetura nga PS”. Bardhi tha se struktura e PD-së për “Mbrojtjen e Votës” kishte marrë sinjalizime se një person i quajtur Met Dafllaku po mblidhte karta identiteti dhe po shpërndante para./albeu.com

The post Vrasja e Pjerin Xhuvanit në Elbasan, jepen vendimet për 8 policët që ishin të pranishëm në vendngjarje appeared first on Albeu.com.

OSBE thekson se pret nga policia e institucionet gjyqësore të hetojnë plotësisht dhe ta ndjekin penalisht këtë krim të shëmtuar.

Ndërkohë OSBE shprehen se beson që fushata zgjedhore dhe përgatitjet e zgjedhjeve janë një mundësi demokratike e jashtëzakonshme, e cila nuk mund të njolloset me gjak dhe dhunë.

Reagimi i plotë:

Prezenca e OSBE-së në Shqipëri vërejti me shqetësim incidentin e dhunshëm, që çoi në humbjen e jetës në Elbasan. Mendimet tona janë, së pari, për familjen e viktimës. Ne besojmë, fuqimisht, që fushata zgjedhore dhe përgatitjet e zgjedhjeve janë një mundësi demokratike e jashtëzakonshme, e cila nuk mund të njolloset me gjak dhe dhunë. Presim që policia dhe institucionet gjyqësore të Shqipërisë ta hetojnë plotësisht dhe ta ndjekin penalisht këtë krim të shëmtuar.

The post “Nuk mund të njolloset fushata me gjak”, OSBE reagon për vrasjen e Xhuvanit appeared first on Albeu.com.

Artan Hoxha i ftuar në Abc News rrëfeu rrëfeu dinamikën dhe karrierë e Paplekës nga momenti i ekzekutimit të Xhuvanit dhe deri te largimi nga Elbasani për në zyrën e komandantit të RENEA-s në Tiranë duke u dorëzuar vetë.

Artan Hoxha tregoi ede karrierën e pasur të Paplekës nga Afganistani deri edhe pjesë e stafit të sigurisë së ambasadës amerikane në Tiranë, pak muaj më parë.

“Arbër Papleka ka qenë në Afganistan për të trajnuar policinë afgane. Papleka është nga policët më të mirë që mund të ketë pasur RENEA, 36 vjeç, baba i  4 fëmijëve, me origjinë nga Tropoja, ka qenë shef i njësisë së posaçme në policinë e shtetit në Tiranë, dy herë efektiv i RENEA. Përpara se të shkëputej ka qenë për më shumë se dy vite pjesë e grupit të sigurisë, ambasadës amerikane, në 2018 u largua nga RENEA, fitoi konkursin atje, ka pasur përgatitje shumë të mirë, prandaj u përzgjodh nga ambasada amerikane. 3 muaj më parë u largua nga stafi i ambasadës amerikane, ka shërbyer si shoqërues i një biznesmeni në Tiranë.

Para fushatës i është kërkuar të mbështesë këtë grup. Zoti Bardhi nuk ka trupëroja nga garda, por cdo kandidat zgjedh një grup njerëzish. Në Elbasan qarkullonte fjala se Bardhi është ministër i Brendshëm i ardhshëm. Në Elbasan shumica ka mbështetës shumë të fortë dhe ata morën masa, dhe morën këtë ish-pjesëtar policie dhe njerëz si Papleka, pasi janë me armë me leje.

Papleka nuk ka qenë në konfliktin e drejtpërdrejtë, ka pasur një distancë, pak të shkëputur, 1-2 meta, ai qëlloi kur konstatoi një rrezikshmëri të lartë për jetën dhe reagoi në atë formë dhe për shkak të zjarrit të hapur nga Papleka gjeti vdekjen Xhuvani. Në momentin që ka pasur përplasje, nuk rezulton që policia ka qëlluar. Papleka pasi ka qëlluar është larguar në këmbë, pasi e ka ndjekur një makinë edhe në distancë, ka vrapuar. Ai diku 700-800 metra ndaloi një mjet të rastit i drejtoi armën dhe iu mori makinën dhe u largua nga Elbasani.

Kur RENA ka qenë duke shkuar nga Tirana në Elbasan, ai bënte rrugën e kundërt. Papleka ka ardhur nga Elbasani ka shkuar drejt te reparti RENEA ka kërkuar takim me komandantin, ndërkohë nuk dihej që ishte autori. Ka shkuar në zyrën e komandantit të RENEA-s, i ka shkuar në zyrë pa ditur gjë dhe i ka thënë ”unë jam filani, kam qëlluar në kushtet e vetëmbrojtjes, pash rrezikshmëri të lartë, pasi isha i rrezikuar dhe hapa zjarr.

Arma ime është kjo”. Ai dorëzoi armën pistoletë tip Glock. Armën e ka me leje, por autorizimi është që të qëndrojë në shtëpi. Kur deklaroi këtë dhe i dha disa sqarime, menjëherë komandanti njoftoi drejtorinë e policisë dhe i kërkoi të shkonte ta merrte dhe policia i ka thënë më mirë se ju nuk ka njeri që ta sjellë. I është marrë armë, është prangosur dhe është çuar me pranga në Tiranë. Pra autori nuk është arrestuar, por është dorëzuar” tregoi Artan Hoxha.

Sot në ngjarjen e rëndë në Elbasan katër nga gjashtë personat e përfshirë janë ose punonjës ose ish-oficerë policie. Artan Hoxha kishte një apel për efektivët. “Nuk duhet të pranojë të shkojnë mish për top për një klasë të tillë politike”.

The post Vrau Xhuvanin, Hoxha tregon karrierën e pasur të Paplekës: Ishte pjesë e sigurisë së ambasadës amerikane (VIDEO) appeared first on Albeu.com.