Gérald Darmanin i tha gazetës Le Journal du Dimanche (JDD) se burgu do të shënjestrojë krimin e organizuar “në të gjitha nivelet” e zinxhirit të furnizimit me drogë.

Objekti prej 400 milionë eurosh, i cili mund të hapet që në vitin 2028, do të ndërtohet në një vendndodhje të izoluar thellë në xhunglën e Amazonës në rajonin veriperëndimor të Saint-Laurent-du-Maroni.

Plani u njoftua pas një sërë incidentesh të dhunshme të lidhura me bandat kriminale, të cilat panë burgjet dhe stafin e tyre të ishin në shënjestër në të gjithë Francën në muajt e fundit.

Burgu do të mbajë deri në 500 persona, me një krah të veçantë të projektuar për të strehuar kriminelët më të rrezikshëm.

Në një intervistë me JDD, ministri tha se burgu i ri do të qeveriset nga një “regjim burgimi jashtëzakonisht i rreptë” i projektuar për të “paaftësuar trafikantët më të rrezikshëm të drogës”.

Darmanin tha se objekti do të përdoret për të ndaluar njerëzit “në fillim të gjurmëve të drogës”, si dhe do të shërbejë si një “mjet i qëndrueshëm për largimin e krerëve të rrjeteve të trafikimit të drogës” në Francën kontinentale.

Guiana Franceze është një rajon i Francës në bregdetin verilindor të Amerikës së Jugut. Banorët e saj kanë të drejtë të votojnë në zgjedhjet franceze dhe kanë qasje në sistemin francez të sigurimeve shoqërore, si dhe në subvencione të tjera.

Distanca e saj nga kontinenti francez do të thotë që baronët e drogës “nuk do të jenë më në gjendje të kenë asnjë kontakt me rrjetet e tyre kriminale”, tha Darmanin për JDD, raporton BBC.

The post Franca po ndërton burg të sigurisë së lartë në xhunglën e Amazonës appeared first on Albeu.com.

Dang Tien Lam, i cili jeton në provincën veriperëndimore Yen Bai, po luante në një lumë me nëntë vëllezërit e motrat e tij, kur humbi.

Ai u gjet të mërkurën nga fermerët vendas të cilët dëgjuan të qarat e një fëmije ndërsa po pastronin një fushë kanelle afër pyllit.

Lam u gjet rreth 6 km nga vendi ku u zhduk dhe ishte dobësuar shumë, por prapë gjendja e tij ishte e qëndrueshme.

Djali tregoi se gjatë këtyre ditëve kishte ngrenë gjethe dhe fruta të egra dhe kishte pirë ujë nga lumenjtë.

Autoritetet lokale kishin mobilizuar më shumë se 150 njerëz, duke përfshirë oficerë policie, ushtarë dhe vullnetarë lokalë, në kërkim të Lamit.

The post 5 ditë në mes të xhunglës, gjendet shëndoshë e mirë 6 vjeçari appeared first on Albeu.com.