Dibrani rivesh kështu sërish fanellën e kuqe, ku shpreson të rifitojë formën e dikurshme. Lojtari te “Demat” tashmë do të mbajë veshur fanellën me numrin 10-të, me klubin që i ka besuar kështu një numër me “peshe”.

Pas rikthimit në kryeqytet ka ardhur edhe reagimi nga Skuka. Ky i fundit ka postuar një foto në “Insta – Story”, ku duket fanella me numrin 10-të dhe emri i tij. Ndërkohë këtë foto e ka shoqëruar me 2 emoi në formë zemre, si për të treguar kështu dashurinë për këtë klub, ku mban edhe kujtimet më të mira në karrierë.

The post U rikthye te Partizani dhe mori numrin 10-të, Xhuliano Skuka reagon për herë të parë appeared first on Albeu.com.

Fatmirësisht, pas ekzaminimeve mjekësore alarmi është ulur dhe Skuka do të mungojë vetëm 2-3 javë. Bomberi ka një tërheqje të gradës së parë, sipas shtypit të shkruar, një dëmtim jo i lehtë, por te Partizani gëzojnë pasi u shmang rreziku më i madh.

Skuka do të qëndrojë minimumi 14 ditë jashtë fushës dhe do të rikthehet në sfidën me Erzenin më 10 mars nëse gjithçka shkon mirë.

The post Frikë për mbyllje të sezonit, zbulohet dëmtimi i Xhuliano Skukës appeared first on Albeu.com.

Xhuliano Skuka u desh të linte fushën e lojës pas vetëm 20 minutash në fushë.

Skuka u desh të linte fushën duke u transportuar me barrelë. Padyshim dëmtimi i tij në këtë fazë të sezonit i dëmton të kuqtë.

Mbrëmjen e djeshme, sulmuesit i është dashur thjesht të pushojë dhe sot do t’i nënshtrohet ekzaminimeve për të mësuar shkallën e dëmtimit. Fakti është se Skuka ka ende dhimbje të forta, duke krijuar dyshime për këputje të fijeve muskulore, çka do të ishte një goditje e madhe. Dëmtime të tilla kërkojnë rreth 4 muaj kohë për tu rikuperuar.

Në rastin më të mirë Skuka do të kishte tërheqje të gradës së dytë apo të tretë, që kërkon rreth dy muaj kohë rikuperimi.

Humbja e Skukës është një goditje e rëndë për Partizanin, pasi në javët e fundit dibrani ishte kthyer në formë dhe po tregohej vendimtar. /abcnews.al

The post Partizani në ankth, Skuka rrezikon të mbetet jashtë fushave për 4 muaj appeared first on Albeu.com.

Pas fitores, dibrani foli për “Panorama Sport” rreth rrjetës së parë, ndeshjes së ardhshme ndaj Vllaznisë, por edhe rivalëve direkt. Dibrani shprehet se po punon fort për t’u kthyer në formën maksimale dhe për të qenë në dispozicion të Shehit me kapacitet maksimal.

Ndeshja e parë si titullar dhe shënoni në këtë rikthim. Nga ana tjetër kualifikoheni në çerekfinale. Sa i kënaqur jeni?
Kur futesh nga minuta e parë merr një ritëm krejt tjetër në krahasim me rastin kur aktivizohesh në pjesën e dytë. Më bëri shumë mirë ky gol, më lehtësoi për vazhdimësinë. Ishte një ndeshje e vështirë. Siç e patë nuk ka më ekipe të lehta, çdo ekip mund të të vërë në vështirësi. Çdo vit ekipet e Kategorisë së Parë kanë imponuar respekt dhe i kanë prishur punë shumë ekipeve. E dinim se duhej të bënim shumë kujdes. Jam i lumtur për golat, për penalltinë e fituar gjithashtu. Besoj se do të vazhdoj me këtë ritëm.

Në pjesën e parë e patët të vështirë të rrezikonit portën kundërshtare. Ku çaloi loja?
Po, e vërtetë që patëm një ngërç. Unë dhe Keko nuk u kuptuam në 2-3 raste në detyrat që na dha profesori, por besoj se në pjesën e dytë rikuperuam mirë.

Sa problem i shihni rastet e shumta të humbura nga Partizani?

Ky është një problem për të gjithë ekipet në fakt, jo vetëm për ne. Gjithë lufta bëhet që të shkojë topi në rrjetë, por besoj se me punë do të arrijmë t’ia dalim.

Besoni se do ta zgjidhni ju këtë problemin e finalizimit, sepse ndaj Apolonisë ia dolët mjaft mirë?

Të them të drejtën, normalisht që unë jam një forcë e shtuar për ekipin, por me sa kemi parë në ndeshjet e fundit, Mensah është në formën e tij më të mirë dhe duhet që edhe ai të vazhdojë të shënojë rregullisht dhe të na ndihmojë të ecim përpara.

Gjuajtjet nga çdo pozicion i mundshëm i keni instiktive, apo ka qenë ndonjë trajner që ka këmbëngulur t’i kryeni?

Besoj se kjo është detyrë e çdo sulmuesi. Çdo lojtar i këtij roli duhet ta ketë një aftësi të tillë, sepse çdo gjë bëhet për të tundur rrjetën. Çdo përpjekje atë ka si synimin final.

Me atë që treguat ndaj Apolonisë treguat se jeni kthyer në formën tuaj të zakonshme. Jeni gati ta nisni nga minuta e parë në Shkodër?

Stafi po punon shumë fort me mua, me nga dy seanca në ditë. Ndaj Apolonisë u ndjeva shumë mirë dhe besoj se sa më shpejt do të jem në formën time më të mirë fizike.

Kaloni në çerekfinale të Kupës. Sa i rëndësishëm është ky trofe për Partizanin?

Kupa është një prej objektivave të Partizanit. Ne futemi në fushë për të fituar çdo trofe. Kupa është një trofe më shumë për tifozët dhe klubin, njësoj si edhe kampionati.

Golin në Kupë e gjetët që me provën e parë. Besoni se do ta bëni “sefte” ndaj Vllaznisë të dielën?

Besoj se po. Shpresojmë!

Cilët besoni se janë rivalët e Partizanit në garën për titullin kampion?

Siç e thashë, nuk ka asnjë rival të dobët dhe të fortë. Por besoj se katërshja e parë është pak më e dukshme. Them për ne, Egnatian, Vllazninë dhe Tiranën.

“Loro Boriçi” ka qëlluar shpesh një stadium problematik për të marrë tri pikët. Do ta ndryshoni këtë traditë?

Ne futemi në fushë për të fituar çdo ndeshje besoj se do të arrijmë t’ia dalim. /panoramasport/

The post Skuka: Më bëri mirë goli i parë, është ndryshe kur luan titullar. Me Kekon nuk u kuptuam appeared first on Albeu.com.

Ndërkohë ekipi i tretë është i Superiores, Tirana. Bardheblutë dëshirojnë kthimin në shtëpi të Xhixhës në formë huazimi, çka do të thoshte një betejë të lënë përgjysmë me Xhuliano Skukën që tanimë është pjesë e Partizanit. Sipas mediave azere, vetë futbollisti është pozitiv sa i përket një huazimi të mundshëm me dëshirën për të kapur Kombëtaren, por te Qarabag duan që lojtari të jetë në konkurrencë dhe të luftojë për vendin në formacion. /Sport Ekspres/

The post 3 ekipet që duan në huazim Redon Xhixhën, një prej tyre mund të kthente “betejën” e lënë përgjysmë me Skukën appeared first on Albeu.com.

Skuka ka “thumbuar” Tiranën se nuk do e zgjidhte atë këtë merkato, duke i dhënë përparësi dhe stërvitjes individuale për 6 muaj. Këtë e bëri pas një pyetje nga gazetari i emisionit “Zona 30” në RTSH.

Në këtë merkato të janarit nuk do të thërriste presidenti Gaz Demi, por presidenti Refik Halili, do të shkoje te Tirana?

“Jo. S’ka gjë, më mirë 6 muaj stërvitje individuale, pastaj kthehem te Metz”, u përgjigj Skuka.

Kujtojmë se sulmuesi 25-vjeçar mori vendin e Rrapajt në minutën e 80’ të ndeshjes Partizani – Teuta(1-0). Një debutim për herë të dytë, që u mbyll me fitoren e të kuqve në javën e 19 të Superiores. /newsport.al/

The post Skuka “thumbon” bardheblutë: Të luaja për Tiranën? Më mirë 6 muaj stërvitje individuale appeared first on Albeu.com.

Padyshim, goditja më e bujshme deri tani me Partizanin që fiton një futbollist cilësor, të dashur për tifozët e mbi të gjitha, ajo që vlen më shumë në fushën e lojës, Partizani fiton një goleador.

Trajneri Shehi po punon për të konsoliduar formacionin dhe ka disa dilema në mendje, por ajo e 9-shit të skuadrës është ‘hipotekuar’ tashmë. Skuka do të jetë bomberi i të kuqve, ndërsa në balotazh janë krahët e sulmit dhe ai i majtë i mbrojtjes.

Cara është titullari absolut këtë sezon, por mbetet të shihet e ardhmja e tij në merkato. Albers Keko ka besimin e drejtuesve dhe duhet të bindë trajnerin për të fituar pozicionin e titullarit, pozitë që ia dha në miqësoren me holandezët.

Buxhelaj dhe Atanaskoski janë në balotazh për krahun e majtë të mbrojtjes me të parin që e nisi titullar gjithashtu në miqësore, por maqedonasi ka ofruar gjithmonë siguri dhe eksperiencë në Superiore ndaj mbetet të shihet.

Krah Sotës, në qendër të mbrojtjes do të rreshtohet Preka i cili është shumë pranë rikthimit nga dëmtimi në shpatull, ndërkohë që Bytyçi është ende larg. /newsport.al/

The post Orges Shehi ‘blindon’ formacionin, ja si ndryshon Partizani me Skukën appeared first on Albeu.com.

Akordi është arritur dje mes klubeve dhe sot, lojtari ka udhëtuar drejt Turqisë për t’iu bashkuar në Antalia pjesës tjetër të ekipit që po kryen një minifazë përgatitore para rifillimit të kampionatit.

Në pamjet e publikuara nga klubi shihet sulmuesi i cili takohet fillimisht me trajnerin Shehi, me një shtrëngim duarsh e shkëmbim batutash. Më pas, sigurisht edhe përqafimet me shokët e skuadrës, shumë prej të cilëve janë të pandryshuar që nga periudha kur ai i dha lamtumirën ekipit në janarin e vitit të kaluar. /panoramasport/

View this post on Instagram

A post shared by FK PARTIZANI (@fkpartizani)

The post VIDEO / Shtrëngim duarsh me Shehin dhe përqafime me shokët, Skuka zbarkon në stërvitjen e Partizanit appeared first on Albeu.com.

Skuka rikthehet në shtëpinë e kuqe fiks pas një viti ku u transferua për shifrën rekord prej 1.4 milionë euro te Metz. Sulmuesi provoi edhe një aventurë së fundmi te Maribor, ndërsa tani rikthehet me fanellën që dashuron më së shumti.

Transferim bombë i Partizanit që bëhet i frikshëm me një nga sulmuesit më të mirë të viteve të fundit në Superiore.

“Partizani me kënaqësi zyrtarizon rikthimin e Xhuliano Skukës. Klubi dhe Metz kanë arritur marrëveshjen mes tyre për huazimin e sulmuesit 25 vjeçar te kampionët. Skuka do të jetë pjesë e të kuqve deri në përfundim të sezonit 2023-2024 duke konfirmuar se Partizani mbetet zgjedhja e parë në Shqipëri.”-shkruan klubi i kuq.

The post ZYRTARE / Xhuliano Skuka rikthehet në shtëpi, Partizani bëhet i frikshëm appeared first on Albeu.com.

25-vjeçari është në pronësi të Metz në Francë, teksa te Maribo është i huazuar, por në merkaton e janarit pritet të largohet nga skuadra sllovene. Në këto kushte rikthimi në Shqipëri është mëse i mundshëm.

Partizani është skuadra që e pret krahëhapur një nga ish-liderat e kuq, i cili është idhull i tifozerisë së kuqe. Kryeqytetasit janë të gatshëm ta huazojnë sulmuesin deri në fund të sexzonit dhe në këtë mënyrë do të zgjidhin një nga “hallet” e skuadrës në majën e sulmit. Mbetet të shihet nesë ky operacioin do të konktretizohet apo jo. /Newsport.al/

The post Skuka drejt rikthimit në Superiore, klubi kryeqytetas gati ta “rrëmbejë” appeared first on Albeu.com.