Xhuliano Skuka është ende në kërkim të golit të parë në këtë sezon të Abissnet Superiore. Sulmuesi dibran ka luajtur si titullar në dy javët e para me Partizanin, por nuk ka arritur të lërë shenjë.

“Demat e Kuq” do të përballen sot me Vllazninë në stadiumin “Loro Boriçi”. Takimi i javës së 3-të të kampionatit nis në orën 18:30.

Pak orë përpara ndeshjes, Skuka publikoi në “story”-n e tij në Instagram një moment ku shihet në aksion me topin në këmbë, ndërsa në sfond ndodhen tifozët e zjarrtë të Partizanit.

Në këtë imazh bie në sy edhe shiriti i kapitenit, një detaj që tregon se lojtarit ofensiv i është besuar roli i liderit të skuadrës.

The post Me shiritin e kapitenit para tifozëve të flaktë, Xhuliano Skuka dërgon sinjal për Vllazninë appeared first on Albeu.com.

Partizani ka përfunduar përgatitjet për miqësoren e nesërme ndaj Besës së Kavajës, siç bëri të ditur klubi përmes publikimit të fundit në rrjetet sociale.

Në seancën stërvitore u panë disa prej lojtarëve të rëndësishëm të skuadrës, mes tyre Rrok Toma, i rikthyer pas pjesëmarrjes me Vllazninë në Kupat e Europës, si edhe Albers Keko, Sidibe dhe Human.

Megjithatë, në fotot e publikuara nga klubi i kuq nuk shfaqet Xhuliano Skuka. Mungesa e qendërsulmuesit kryesor të ekipit bie në sy, ndërsa ende nuk dihet nëse sulmuesi dibran ka ndonjë shqetësim fizik apo bëhet fjalë për një arsye tjetër.

Përballja ndaj Besës do të përbëjë testin e parë për trajnerin e ri të “Demave të Kuq”, Florin Bratu.

The post Skuka nuk shihet në stërvitjen e Partizanit, Bratu pa qendërsulmuesin para provës me Besën appeared first on Albeu.com.