Redion Hysa bashkë me kushëririn e tij Sokol Hysa u arrestuan më 28-dhjetor të vitit 2020, pasi sipas policisë kishin qëlluar në drejtim të karburantit. Kamerat e këtij të fundit kishin filmuar vrasjen e policit.

Pozita e Redion Hysës përballë drejtësisë, u rëndua në muajt në vijim, pasi njëra nga armët, pistoleta e gjetur në depozitën e ujit që ndodhej mbi tarracën e shtëpisë së tij, ka rezultuar se ishte përdorur në ngjarjen e 5 dhjetorit 2020, ku mbeti i vrarë efektivi i FNSH-së, Xhuliano Prela.

Ekspertiza balistike, ka provuar shkencërisht se pistoleta që mbahej e fshehur në depozitën e ujit, ka kryer 3 qitje në fshatin Gajush të Lezhës, vend i cili u gjend i pajetë, efektivi i policisë. Madje ekspertët, shtojnë se edhe predha, që i ka marrë jetën punonjësit të policisë, është qitur pikërisht nga arma e gjendur në banesën e Redion Hysës.

Për këtë fakt, Hysa është njohur me rezultatin e ekspertimit balistik dhe gjetjen e armës në depozitën e ujit tek shtëpia e tij, por ai ka preferuar të mos flasë dhe mos japë asnjë shpjegim rreth provave të siguruara nga policia dhe prokuroria. Aktualisht çështja është në gjykim paraprak dhe do të jetë gjykata që tashmë do të vendose kalimin për gjykim themeli apo rikthimin në prokurori për plotësim hetimesh.

Konflikti dyshohet të ketë nisur pas një sherri momental, pasi palët janë konfliktuar për dritat e makinës së njërës prej tyre që rrezatonin mbi palën tjetër.

26-vjeçari po kthehej nga Shkodra, nga ku kishte dërguar më herët një mikun e tij që ishte kthyer nga Anglia. Vrasja ndodhi në afërsi të fshatit Gajush në orën 03:00 të mëngjesit teksa dyshohet se Xhulio Prela është qëlluar nga afër me tre plumba, ndërsa njëri prej tyre ka qenë në zemër duke i shkaktuar vdekjen. /abcnews.al

The post Vrau policin pas sherrit për dritat e gjata, çfarë zbuloi ekspertiza për armën e krimit appeared first on Albeu.com.

Sipas rrëfimeve të familjarëve të viktimës, natën e ngjarjes, Xhulio, siç ata e thërrisnin, ndodhej në banesën e prindërve të tij në qytetin e Lezhës. Aty, ku konsumoi edhe darkën e fundit me ta.

Vetëm pak pas mesnate, ai kërkoi të ngrihej nga tryeza pasi do të shkonte të merrte një mikun e tij në Aeroportin e Rinasit.

Sipas dosjes hetimore dhe dinamikës së zbardhur të ngjarjes, Xhuliano Prela, u gjet i ekzekutuar brenda makinës së tij në orën 3.00 të mëngjesit, në aksin rrugor Shkodër-Lezhë. Por ky nuk do të ishte orari i vërtetë i krimit.

Çka do të zbulohej më pas nga vëzhgimi i të gjithë kamerave të sigurisë së autostradës Lezhë-Shkodër.

Sipas dëshmisë së mikut të tij emigrant, që mbërriti atë mëngjes në Aeroportin e Rinasit, Xhulio kishte dalë për ta pritur ashtu siç ata edhe e kishin lënë më herët.

Ata u takuan së bashku në aeroport në orën 12.10, pak pas mesnate.

Pasi lanë aeroportin të dy u drejtuan për në Shkodër, për në banesën e mikut të tij.

Ku edhe pse ky i fundit iu lut të qëndronte aty natë, Xhulio vendosi të kthehej sërish në Tiranë. Por rrugës së kthimit në kryeqytet, në autostradën Lezhë-Tiranë diçka duket se ndodhi.

Por çfarë tha për mediat, miku i tij Pjetër Gavoçci, ai që e pa dhe e takoi i fundit në të gjallë, Xhuliano Prelën.

“Unë pata marrë motrën në telefon dhe i thashë a mundesh me më dalë para. Më tha nuk mundem Pjetër pas orës 10 të natës, se është kjo koha e pandemisë, por do të vijë Xhulio të të marrë në Rinas.

Unë i thashë, lene mos e nxirr djalin hiç se po marr taksi edhe vij. Por ajo më tha mu se Xhulio ka qef me të taku. Kam ardh në orën 12.10 edhe kam shku te makina me ta. Prej te makina më dha një çakmak se desha me ndez cigare e ma la kujtim për tanë jetën. Ka shku, ka pagu biletën e parkingut. Kena ndejt duke ba muhabet në makinë. Na ka shku rruga si me kenë t’u hyp në makinë e duke u ul direkt. Kena ardh te shpia edhe ju luta katër – pesë herë që të rrijë këndej, sepse edhe motra më pati thënë që të mos e leja të lëvizte natën. Nuk mundem me fjetë kund më ka thënë. I thashë motrës së nuk dëgjoj me ndejt. Nuk ma dha Zoti që t’i thoja ta merrte rrugës dhe të dinim ku ishte. Ka ardh motra në mëngjes dhe më ka thënë hajde se ka bërë aksident Xhulio. Kam shku në Lezhë. Kur kena shku te spitali, thotë oficeri i policisë “rrofshi vetë”. Pastaj më mori 5 metra më andej e më tha se nuk është çështje aksidenti, por e kanë vra”./bw

The post Vrasja e efektivit Xhuliano Prela, dëshmia e mikut: E luta të qëndronte në Shkodër, kujtimi që ruaj nga ai appeared first on Albeu.com.