Presidenti Joe Biden dhe kandidati republikan për president Donald Trump do të bëjnë fushatë në Xhorxhia.

Dy kandidatët kanë akuzuar njëri-tjetrin prej javësh se përbëjnë rrezik për demokracinë, por të shtunën, për herë të parë këtët vit, ata do të ndodhen njëkohësisht në këtë shtet të rëndësishëm për betejën zgjedhore.

Ndoshta nuk mund të ketë një shtet tjetër ku do të ketë konkurencë më të fortë se sa në Xhorxhia për zgjedhjet e përgjithshme të 5 nëntorit.

Xhorxhia favorizoi zotin Biden në zgjedhjet e vitit 2020 dhe ishte në qendër të pretendimeve të pavërtetuara të zotit Trump se pati manipulime të gjera.

Ai përballet me akuza penale në këtë shtet për përpjekjet për të ndërhyrë në procesin e numërimit të votave.

Zoti Trump pritet të sigurojë emërimin si kandidat zyrtar i partisë së tij të martën, kur Xhorxhia, së bashku me Havajin, Misisipin dhe Uashingtonin do të mbajnë zgjedhjet e tyre paraprake.

Të enjten, Presidenti Biden mbajti në Kongres fjalimin për gjendjen e vendit, ku kritikoi gjerësisht ish Presidentin Trump, duke e akuzuar atë se po rrezikon demokracinë, se po sillet me servilizëm ndaj Rusisë dhe se po saboton reformën dypartiake për emigracionin.

Sidoqoftë, Presidenti Biden vazhdon të përballet me reagime kundër ndër radhët e demokratëve për mbështetjen e vendosur që i dha Izraelit në luftën kundër Hamasit në Gazë.

Kjo pakënaqësi mund të reflektohet tek votimet në Xhorxhia të martën.

Një sërë grupesh në Xhorxhia kanë filluar një fushatë përmes së cilës u bëjnë thirrje votuesve që t’i hedhin fletëvotimet bosh të martën, në vend që të votojnë për zotin Biden, duke shpresuar se mund t’i dërgojnë kështu një mesazh Shtëpisë së Bardhë që të rishqyrtojë mbështetjen e saj për Izraelin.

Ish Presidenti Trump mban të shtunën në mbrëmje një tubim në qytetin Rome, të Xhorxhias, një bastion konservator në këtë shtet, në zemër të distriktit të ligjvënëses republikane Marjorie Taylor Greene, një aleate e vendosur e ish Presidentit Trump.

Presidenti Biden do të ketë një aktivitet në mbrëmje në zonën e Atlantas, në Xhorxhia, ku pjesët urbane që po zgjerohen me shpejtësi, shihen si një element thelbësor për shpresat e demokratëve në këtë shtet./VOA

The post Fillon në Xhorxhia beteja mes Biden dhe Trump appeared first on Albeu.com.

Fati i Senatit varet nga rezultati në disa gara të ngushta. Republikanët kanë fituar 49 nga 100 vende që ka Senati ndërsa demokratët 48. Aktualisht pritet rezultati për Nevadën dhe Arizonën ndërsa Xhorxhia ka kaluar në balotazh, i cili do të mbahet më 6 dhjetor. Secila parti mund të marrë kontrollin e Senatit nëse i fiton të dyja garat, atë në Nevada dhe në Arizona.

Por ekziston një mundësi e madhe, që për herë të dytë në dy vjet, kontrolli i Senatit të varet nga rezultati i balotazhit në Xhorxhia. Në garë është senatori demokrat në detyrë Raphael Warnock i cili sfidohet nga republikani Herschel Walker.

Sipas ligjit të këtij shteti një kandidat shpallet fitues kur merr të paktën 50 % të votave, gjë që nuk ndodhi në raundin e parë.

Kontrolli i Kongresit do të jetë përcaktues edhe për fatin e axhendës së Presidentit Biden për dy vitet e ardhshme. Një shumicë republikane mund t’ia vështirësonte përmbushjen e shumë prej prioriteteve të tij.

Zgjedhjet e këtij viti për Kongresin i tejkaluan prishmëritë historike për një parti që drejton Shtëpinë e Bardhë. Partia në pushtet pothuajse gjithmonë pëson humbje në zgjedhjet që përkojnë me mesin e mandit të presidentit, por edhe nëse republikanët fitojnë Dhomën, humbja e demokratëve nuk do të jetë aq e madhe sa mendohet para zgjedhjeve, ose siç ndodhi më, ose 2018 në 2010.

Një shumicë e vogël në Dhomën e Përfaqësuesve do të përbënte një sfidë të madhe për republikanët dhe kryesisht kreun aktual të republikanëve në këtë dhomë Kevin McCarthy. Ky i fundi pritet të marrë pozicionin që mban aktualisht Nancy Pelosi, duke u bërë kryetar i Dhomës së Përfaqësuesve. Me një shumicë të brishtë në këtë dhomë zoti McCarthy do të kishte pak hapësirë për gabime për të çuar përpara axhendën republikane./VOA

The post Republikanët edhe më pranë fitores së Dhomës së Përfaqësuesve: Xhorxhia mund të vendosë mbi fatin e Senatit appeared first on Albeu.com.

Në kushtet e gjendjes së jashtëzakonshme, shtetet mund të vendosin burimet emergjente për t’u përgatitur për motin e mundshëm të rëndë në ditët në vijim.

“Uragani Ian është një stuhi e madhe dhe e fuqishme dhe parashikimet aktuale tregojnë se mund të ndikojë në pjesë të Virxhinias nga fundi i kësaj jave deri në fillim të javës së ardhshme,” tha guvernatori i Virxhinias Glenn Youngkin në njoftimin e tij .

“Ne duam të sigurojmë që komunitetet tona të kenë burimet e nevojshme për t’iu përgjigjur dhe rikuperuar nga çdo efekt i mundshëm nga stuhia.

Në Karolinën e Veriut dhe Xhorxhia, në kushtet e jashtëzakonshme është ndaluar edhe rritja e çmimeve,

“Ne ende nuk e dimë saktësisht se si kjo stuhi do të ndikojë në shtetin tonë, por është e qartë se kjo do të jetë një ngjarje e rëndësishme shiu për pjesën më të madhe të Karolinës së Veriut dhe tani është koha që njerëzit të përgatiten”, tha guvernatori i Karolinës së Veriut, Roy Cooper.

Guvernatori i Karolinës së Jugut, Henry McMaster , u bëri thirrje banorëve që të jenë të përgatitur për çdo rast të paparashikuar.

The post Uragani “Ian”, 4 vende në SHBA shpallin gjendjen e jashtëzakonshme appeared first on Albeu.com.

Gjatë një sfide basketbolli në shkollë, arbitri është rrahur nga lojtarët. Gjithçka përfundoi ku arbitri i ndeshjes mori më pas 30 qepje pas grushtave të lojtarëve.

Për fat të mirë ai ja doli të shpëtojë me aq./albeu.com/

A youth basketball game in Georgia turned violent when players attacked a referee at a church athletic facility. Police are investigating the incident, which left the referee with “serious” injuries
The fight took place at Stronghold Christian Church in Lithonia, Ga pic.twitter.com/oJzAoEcjh1

— Desolation vids (@DesolationVids) April 6, 2022

The post Grushta dhe 30 qepje, momenti kur arbitri rrihet barbarisht nga lojtarët (VIDEO) appeared first on Albeu.com.

, SHBA. Sipas policisë, të paktën 6 persona kanë humbur jetën dhe 10 të tjerë janë plagosur.

Kalimtarët i erdhën në ndihmë personave të përfshirë në aksident duke i nxjerrë nga furgoni që kishte marrë flakë.

Përplasja ndodhi rreth 35 milje (56 kilometra) në verilindje të qendrës së Atlantës.

The post Përmbyset dhe merr flakë furgoni, 6 viktima në Xhorxhia appeared first on Albeu.com.