Xhixho deklaroi se nga pagat e mësuesve janë mbajtur shuma për një periudhë 1 vit e gjysmë dhe se këto nuk janë rimbursuar, duke e lidhur këtë me situatën ekonomike dhe rritjen e çmimeve.

“Janë prej 11172 punonjës mësimorë. Vendimi i qeverisë datë 26 qershor 2024 i hoqi padrejtësisht mësuesve nga 20-60 mijë lekë të vjetra në mua, duke ua mbajtur nga paga për 1 vit e gjysmë jo vetëm që nuk rritën pagat, po u ka marrë në mënyrë flagrante deri në 1 mln. Jo vetëm që nuk u kërkuar ndjesë, por edhe projektligji që u synua të korrigjonte këtë padrejtësi, ishte gjysmak. Sot mësuesit përballen dhe me njëherë krizë ekonomike, çmimet janë rritur me 50%. Është rritur dhe çmimi i naftës, po flasim për gjëra mbijetese. A keni ndërmend t’i ktheni mësuesve paratë që u keni marrë për turpin tuaj? Sot duhet t’i ktheni 1 mln të vjetra çdo mësuesi”, tha Xhixho.

Ministrja Kumbaro u përgjigj duke iu referuar ndryshimeve ligjore të miratuara në mars, që sipas saj kanë adresuar këtë problematikë dhe kanë vendosur trajtim të barabartë për një kategori të caktuar punonjësish.

“Nga kjo sallë jam përgjigjur pyetjeve që ishin pjesë kësaj sekuence parlamentare. Si ministre dhe ne si mazhorancë, nuk i jemi përgjigjur çështjeve me retorikë, por me vendime konkrete. Këto janë zgjidhur që në fillim të muajit mars kur miratuam ndryshimet në ligjin për armimin parauniversitar. Ndryshimet lidheshin me trajtimin financiar për në kategori mësuesish. Bëhet fjalë për ato që janë punësuar përpara datës 1 mars 2017 me kohë të plotë dhe pa afat, që për shkak të kohëzgjatjes së prog studimit nuk ekuivalentoheshin me 8 semestra sipas kuadrit ligjor në fuqi. Vetë organizimi ka qenë i ndryshëm. Dua të them se përmes ndryshimit ligjor, janë 6761 punonjës arsimor që përfitojnë sot trajtim të barabartë duke i dhënë fund një hendeku të padrejtë. Jo vetëm që rritëm pagat, por më pas morëm dhe përgjegjësinë që kjo rritje nxori në pah. Nuk u bë më herët se zgjidhet nuk bëhen me deklarata, por me procese ligjore të qëndrueshme”, tha Kumbaro.

Në replikë, Xhixho ngriti edhe çështjen e vlefshmërisë së diplomave për mësuesit e diplomuar para vitit 2011, duke e lidhur këtë me kërkesat për licencim dhe kosto shtesë.

“Vini këtu e thoni sikur keni bërë heroizëm. Jen ministrja e nuk mban përgjegjësi se urdhrat i jep Edi Rama. Mësuesit po përballen me një tjetër problem, çfarë ndodh me mësuesit sot, pas 15 vitesh në sistem, sot qeveria u thotë që të diplomuar para 2011, duhet të pajisen me licencë. U mohohet përvoja 15 vjeçare, e u rriten dhe kostot. Vetëm regjistrimi për këtë provim 100 mijë lekë të vjetra. Për të marrë kartonin do paguajnë dhe 200 mijë lekë. U kërkohet dhe master me qëllim mbushjen e universiteteve që po zbrazen. Nëse sipas jush janë të paaftë, a nuk jeni ju në shkelje të ligjit që i keni mbajtur? Në vend që të gjeni zgjidhje, krijoni artifice për tua vështirësuar jetën. Në vend që të rrisni pagat, nuk bëni gjë tjetër veçse rrisni kostot e tyre”, tha Xhixho.

The post Erisa Xhixho i drejtohet Mirela Kumbaros: U keni vjedhur 1 milionë lekë nga pagat mësuesve, sot duhet t’i ktheni appeared first on Albeu.com.

REAGIMI I XHIXHOS

Jam këtu në zonën e Astirit, ku fëmijët u detyruan edhe këtë vit të ri shkollor të shpërndahen në shkollat e tjera të Tiranës. Kjo lagje me 70 mijë banorë nuk ka kopsht dhe shkollë publike.

Premtime çdo vit dhe përsëri çdo fillim shtatori nisin vuajtjet e përditshme të prindërve të Astirit për t’i çuar fëmijët në shkollat larg shtëpive të tyre, duke humbur orë të tëra në trafikun e tmerrshëm të Tiranës.

Këta prindër paguajnë rregullisht taksën e infrastrukturës arsimore, por nuk marrin shërbimin.

Kostos që rëndon në xhepat e tyre i shtohet fatura e shkollave private, after school-eve apo transportit.

‘Vetëm pak minuta larg Hasit’, reportazh i ‘The Sun’: Fshati shqiptar që po zbrazet nga emigracioni
Edhe ky vit shkollor e gjeti Tiranën me dy turne në afro 30 shkolla dhe me një tjetër premtim të pa mbajtur, atë të ushqimit në shkolla.

Sepse arsimi nuk ka qenë kurrë prioritet i kësaj qeverie dhe as nuk do të jetë në vitet që vijnë.

The post VIDEO/ Kaosi në zonën e Astirit, Xhixho: Kjo lagje me 70 mijë banorë s’ka kopsht dhe shkollë publike appeared first on Albeu.com.

Postimi:
Produktet shqiptare që kthehen mbrapsht nga tregjet europiane, fatkeqësisht shiten lirshëm në Shqipëri.

Speca me pesticide, mandarina të kontaminuara, luleshtrydhe me kimikate të ndaluara, peshk me parazitë, mish i infektuar me salmonelë, akullore me substanca kancerogjene, pjeshkë me përmbajtje të lartë nikeli… këto janë vetëm disa raste të bëra publike.
Shumë të tjera nuk raportohen kurrë.

Ndërsa jashtë vendit bllokohen, tek ne shërbehen në tryezën e qytetarëve shqiptarë.
Kjo qeveri po helmon qytetaret kur duhet ta garantoj shëndetin e tyre.

Siguria ushqimore është siguri kombëtare.

Shëndeti i fëmijëve tanë nuk mund të sakrifikohet për papërgjegjshmërinë e qeverisë.

The post Xhixho: Produktet shqiptare që kthehen mbrapsht nga tregjet europiane, shiten lirshëm në Shqipëri appeared first on Albeu.com.

Postimi i plotë:
Siguria ushqimore në Shqipëri është zero. Produktet shqiptare që bllokohen, kthehen ose asgjësohen në vendet ku eksportohen, janë prova më e qartë se shqiptarët nuk e dinë çfarë u vënë në tryezë fëmijëve të tyre.

Shqipëria europiane që Rama u premtoi shqiptarëve jo vetëm që nuk garanton dot sigurinë e ushqimit që ata konsumojnë përditë, por po bëhet rrezik edhe për të tjerët.

Specat e bllokuar në Slloveni janë vetëm një tregues i papërgjegjshmërisë institucionale që kërcënon shëndetin e qytetarëve sa herë ulen në tryezë.

AKU mund të dalë prapë me deklarata për të “qetësuar” konsumatorin shqiptar, duke i thënë se “i kanë ngrënë të tjerët, mos u shqetësoni”, por e vërteta e hidhur është se raste të tilla tregojnë dështimin e tij si institucion.

* Kroacia ka refuzuar eksportin e specave shqiptarë për shkak të niveleve të larta të pesticideve

* Mandarinat e kontaminuara që nuk u lejuan të hyjnë në BE, përfunduan në tregun vendas

* Luleshtrydhet u gjetën me pesticide të ndaluara

* Mishi i derrit dhe i pulës rezultoi i kontaminuar me salmonelë

* Akulloret rezultuan me oksid etileni kancerogjen

* Kroacia bllokoi pjeshkët shqiptare për shkak të përmbajtjes së lartë të nikelit

The post Specat e bllokuar në Slloveni, Xhixho: Shqipëria rrezik edhe për të tjerët appeared first on Albeu.com.

Xhixho: Të nderuar qytetarë, Qeveria e Edi Ramës e mbyll mandatin e tretë me shumë premtime të pambajtura dhe një sistem arsimor të rrënuar. Më lejoni të ndalem në disa prej tyre:

Buxheti – Në vitin 2013, kur mori pushtetin, Edi Rama premtoi buxhetimin e arsimit në masën 5% e PBB. Ky është mashtrimi më i madh që mund t’u bëhej prindërve, mësuesve, pedagogëve dhe të rinjve shqiptarë. Dymbëdhjetë vjet më pas, buxheti është në nivelin 2.4%, më i ulëti në rajon. Renditemi të fundit pas Kosovës, Malit të Zi, Maqedonisë së Veriut dhe Serbisë.

Arsimi profesional – Në vitin 2017, qeveria premtoi shkolla profesionale në çdo bashki. Mashtrim! Nga 61 bashki që ka vendi, sot shkolla profesionale kanë vetëm 19 prej tyre.

Shkolla qendër komunitare – Në vitin 2015, Edi Rama prezantoi projektin “Shkolla qendër komunitare”. Tjetër mashtrim. Nuk ia dolën kurrë të bëjnë të funksionojë trekëndëshin shkollë-familje-komunitet dhe rastet e rënda të ndodhura në shkollat e vendit vitet e fundit e provojnë se ky projekt ka dështuar.

Kampusi universitar i Tiranës – Në vitin 2019, Edi Rama premtoi përfundimin e kampusit universitar brenda mandatit të dytë të Lalit. Mashtrim tjetër. Vijojmë të jemi i vetmi vend ende pa kampus universitar.

Mësimi me turne – Prej vitit 2017 është premtuar se do t’i jepet fund mësimit me turne. Mashtrim! Ende sot pas 8 vitesh, shkollat e Tiranës janë të mbingarkuara dhe mësimi zhvillohet me turne.

Arsimi është rrënuar sepse qeveria nuk e ka pasur kurrë prioritet. Qindra shkolla të mbyllura e mijëra të rinj që kanë emigruar në kërkim të shpresës janë prova më e qartë e këtij rrënimi.

Programi ynë për nxitjen e arsimit, i integruar në programin qeverisës të Aleancës për Shqipërinë Madhështore do t’i japë zgjidhje kësaj situate.

Ne sot jemi një hap përpara. Sepse kemi zgjidhjen, por kemi edhe besimin e shqiptarëve. Ne do ta ringremë arsimin në Shqipëri:

Duke dyfishuar buxhetin e arsimit në 5%, sa mesatarja europiane, duke dyfishuar pagat e mësuesve, për t’i çuar në 1500 euro. Duke financuar inovacionin mbi mesataren e Bashkimit Europian.

Duke dhënë kuponin 250 euro për çdo fëmijë në lagjet ku mungon shkolla derisa qeveria të hapë aty shkollën e re. Qytetarët paguajnë taksa dhe shërbimin duhet ta marrin ose të kompensohen në mënyrë që ta përdorin në arsim privat.

Mësuesia dhe shkenca do të konsiderohen degë prioritare dhe do të mbështeten financiarisht.

Investime prioritare në degët e teknologjisë së informacionit.

Arsimi Profesional do të jetë në varësi të Ministrisë së Arsimit.

Kurrikulat do t’i nënshtrohen një reformimi të thellë nga ekspertë të pavarur, larg çdo ndikimi politik, për të formuar të rinj me mendim kritik.

Do të implementojmë sistemin e kateringut në kopshte dhe shkolla, sipas modelit europian.

Mbështetje e fortë e arsimit profesional dhe ekselencave në bizneset start-up.

Për t’u rikthyer dinjitetin mësuesve dhe për të motivuar të rinjtë të ndjekin degët e mësuesisë, duhet vepruar sot urgjentisht!

Vota më 11 maj është votë për të ndëshkuar ata që nuk mbajtën premtimet dhe mbështetje për programin tonë për të ringritur arsimin, për të ulur taksat, për të rritur mirëqenien dhe për ta shndërruar Shqipërinë në vend prodhues dhe fuqi eksportuese.

The post Erisa Xhixho: Rama po e mbyll mandatin me arsimin e rrënuar, PL do të rrisë buxhetin në 5% appeared first on Albeu.com.

Sipas saj, eksportet për kategorinë tekstile dhe këpucë kanë rënë me 20%. Kjo do të thotë mbyllje e dhjetëra bizneseve fason dhe humbje e vendeve të punës për mijëra familjarë.

REAGIMI I ERISA XHIXHOS:

Zhvlerësimi i qëllimshëm i euros po rrënon eksportet.

Sipas të dhënave të INSTAT, eksportet ranë me 15.4% në 2024-n, duke shënuar të dytin vit radhazi me ecuri negative.

Në mënyrë të veçantë, eksportet për kategorinë tekstile dhe këpucë kanë rënë me 20%. Kjo do të thotë mbyllje e dhjetëra bizneseve fason dhe humbje e vendeve të punës për mijëra familjarë.

Përgjatë vitit 2024 janë mbi 10 mijë vende pune të shkurtuara dhe rreth 50 biznese që kanë mbyllur aktivitetin.

Kriza në të cilën e ka zhytur zhvlerësimi i euros këtë sektor që punëson me mijëra qytetarë nuk është gjë e re. Fasonët kanë kërkuar mbështetje, por qeveria është tallur me mijëra sipërmarrës të ndershëm dhe punonjës që nuk kanë me çfarë të mbajnë sot familjet.

????Indeksi i punësimit në industrinë e fabrikave të tekstilit ka rënë më 20.8%

????Indeksi i pagave ka rënë me 21%

????Eksportet e veshjeve dhe këpucëve kanë rënë me 16.5%

Ajo që është rritur është vetëm fluksi i parasë së pisët që financon betonizimin e vendit. Qeveria është përfituesja direkte e shndërrimit të Shqipërisë në lavatriçe të parasë së pisët. Kjo qeveri që nuk e ka pasur kurrë prioritet as rritjen e ekonomisë dhe as qytetarin e thjeshtë.

The post Erisa Xhixho: Zhvlerësimi i qëllimshëm i euros, po rrënon eksportet appeared first on Albeu.com.

Xhixho: Shqiptarët janë më të shqetësuarit në Rajon për kostot e larta të shërbimeve shëndetësore. Anketa e “Security Metër”, kryer nga Këshilli i Bashkëpunimit Rajonal (RCC), tregon se një e katërta e shqiptarëve nuk përballojnë dot kostot financiare për kujdes mjekësor rutinë dhe mjekim.

Shqipëria 24%

Bosnja 16%

Kosova 9%

Maqedonia e Veriut 16%

Mali i 20%

Serbia 20%

Shëndetësia falas është mashtrimi më i madh që u është bërë shqiptarëve.

Skandalet si ai i Onkologjikut treguan qartë se çfarë shëndetësie u ofron qytetarëve taksapagues qeveria e Edi Ramës.

Shkurtimi i buxhetit të shëndetësisë me 2.5 miliardë lekë është prova më e qartë se edhe për vitin 2025, të sëmurët do të vuajnë mungesën e ilaçeve dhe të aksesit në shërbimet spitalore.

Pjesa më e madhe e buxhetit do të shkojë në xhepat e klientëve të qeverisë. Ndërsa mijëra të sëmurë dhe familjarët e tyre do të enden në përpjekje për të shpëtuar jetën e tyre.

The post Xhixho: Shqiptarët janë më të shqetësuarit në Rajon për kostot e larta të shërbimeve shëndetësore appeared first on Albeu.com.

“Të gjithë bashkë në protestë, kundër:

Korrupsionit të shtrirë në çdo degë të qeverisjes

Bashkëpunimit të qeverisë me krimin
Talljes me pensionistët
Pasigurisë në shkolla
Secili prej nesh ka 1 arsye për të protestuar!

Asgjë nuk mund të na ndalë në misionin për të sjellë ndryshimin!
Mosbindje civile deri në qeveri teknike.
Nesër në orën 17:00 tek “Sheshi Wilson”!”,shprehet Xhixho.

The post Mosbindje civile, Xhixho apel qytetarëve: Të gjithë bashkë kundër korrupsionit appeared first on Albeu.com.

Duke argumentuar amendamentet e paraqitura, Xhixho tha një nga amendamentet ka të bëjë me pensionistët që janë kategoria më e diskriminuar që jeton në mjerim.

“Rritja e pandalshme e çmimeve përfshirë edhe e barnave kanë bërë në jo pak raste që trajtimi mjekësor bazë të jetë pothuajse i pamundur. Si forcë e majtë që presupozoni të jeni, këtë kategori të nderuar që kanë kontribuar me vite për këtë vend do të duhet t’i kishit dhënë dinjitetin e merituar me buxhet dhe pension dinjitoz”, tha Xhixho.
Sipas saj, “në 12 vite ka zero rritje të pensioneve edhe pse këta pensionistë janë në fakt njerëzit më besnikë, pro nuk kanë qenë kurrë prioritet”.

“Edhe në vitin 2025 pensionistët duhet ta kenë të qartë që edhe pse jepet një bonus sa herë ka zgjedhje, një lëmoshë, përsëri nuk do të ketë rritje të buxhetit për pensionet. Ne propozojmë që shifra qesharake që jepni ju të dhjetëfishohet në masën 16.2 miliardë lekë për pensionistët”, tha Xhixho.

Duke paraqitur amendamentet për arsimin, Xhixho tha se për arsimin bazë propozohet  shtesë 1.5 miliardë lekë, për arsimin e mesëm 1.2 miliardë lekë, për arsimin e lartë 1 miliard lekë shtesë, 2 miliard lekë shtesë për kërkimin shkencor”.

The post Xhixho: Rritje e buxhetit për pensionistët dhe arsimin appeared first on Albeu.com.

Xhixho tha se edhe kryetari i Partisë së Lirisë Ilir Meta u rrëmbye në mes të dytës pa pasur akuzë ndaj tij. Sipas Xhixhos, Meta dhe Berisha kanë pasur masa sigurie, për shkak se shikohen si rrezik elektoral.

“Lirimi i Berishës është një fitore e demokracisë. Masa ndaj Berishës ishte antikushtetuese. Lirimi i Sali Berishës është pranuar edhe nga Gjykata Europiane e Drejtësisë. Në SHBA, Trump ka pasur 94 akuza penale dhe kjo nuk e ka penguar atë që të zgjidhet president. Gjyqësori në SHBA ka thënë se nuk jep vendime, për sa kohë mund të ketë vendime elektorale.

Në Shqipëri, afër zgjedhjeve, Meta rrëmbehet në mënyrë antikushtetuese. Meta nuk ka rrezik sepse gjithmonë është përgjigjur para drejtësisë, por rreziku i tij dhe Berishës është elektoral.

Meta u rrëmbye në mes të ditës pa asnjë akuzë. Te rasti i z Meta, ka pasur shumë shkelje dhe procesi do ndiqet edhe në Strasburg. Shqipëria është në situatë dramatike dhe duhet ndërgjegjësim i gjithë shoqërisë”, tha Erisa Xhixho.

The post Xhixho: Lirimi i Berishës, fitore e demokracisë! Meta u rrëmbye pa akuzë. Liderët opozitarë konsiderohen “rrezik” appeared first on Albeu.com.