Nga vajza vetëm 14-vjeçare që u bë e njohur për publikun përmes “X Factor”, deri tek artistja që sot thotë se ka arritur në “versionin e saj ultimat”, Xhesika ka kaluar nëpër një rrugëtim me suksese, sfida dhe momente të vështira personale.

Në një intervistë për “Bordo”, këngëtarja ka folur hapur për karrierën, familjen, humbjen e prindërve, transformimin e saj fizik, por edhe për dashurinë dhe partnerin që ka në krah.

Duke folur për fillimet në muzikë, Xhesika tregon se pasioni i saj është ushqyer që në fëmijëri nga familja. Prindërit besuan tek talenti i saj dhe e mbështetën që në momentin kur, në moshën 12-vjeçare, nisi kursin e kitarës. Më pas erdhi pjesëmarrja në “X Factor”, ku ajo arriti të renditej e treta mes mijëra konkurrentëve.

Sot, pas rreth 15 vitesh eksperiencë, Xhesika pranon se ka ndryshuar shumë.

“Sidomos dy vitet e fundit kam pësuar një katarsis. Ndihem në më të mirën time, në versionin tim ultimat”, shprehet ajo, duke shtuar se Xhesika 14-vjeçare e kohës së “X Factor” do të ishte krenare për gruan që është sot.

Një ndryshim që ka tërhequr vëmendjen është edhe transformimi i saj fizik. Këngëtarja tregon se edhe kur peshonte 96 kilogramë ndihej e lumtur me veten dhe nuk e kishte konsideruar pamjen si problem. Vendimi për të ndryshuar stilin e jetesës, sipas saj, lidhej më shumë me shëndetin dhe kujdesin ndaj vetes sesa me aspektin estetik.

Ajo tregon se një rol të rëndësishëm në këtë proces ka pasur edhe partneri i saj, i cili kujdeset shumë për veten dhe e motivon edhe atë të bëjë të njëjtën gjë.

Por pikërisht kur flet për partnerin, Xhesika zbulon edhe një detaj që nuk e kishte treguar më parë publikisht. Dyshja janë njohur në rrjetet sociale.

“U njohëm në rrjetet sociale dhe është hera e parë që e them. Ai ishte mashkulli i parë që i ktheva përgjigje sportivisht në Instagram”, rrëfen këngëtarja.

Madje, që në takimet e para, ajo kishte ndier se kishte gjetur personin e duhur.

“Për herën e parë që e kam përqafuar, kam shkuar te babi dhe i thashë: Kam gjetur njeriun e jetës”, tregon Xhesika.

Këngëtarja nuk i kursen fjalët e dashurisë për partnerin, duke treguar se marrëdhënia e tyre është një nga gjërat që e bën më të lumtur sot. Dyshja kanë folur gjithashtu për të ardhmen dhe ëndërrojnë krijimin e një familjeje së bashku.

“Duam të ndërtojmë atë folenë tonë të bukur me maçokët tanë, me qenusha, me beba”, shprehet ajo, duke treguar se të dy janë shumë familjarë dhe e presin me entuziazëm atë që do t’u sjellë e ardhmja.

Mes momenteve më të bukura të jetës, Xhesika veçon pikërisht njohjen me partnerin. Ndërsa periudhat më të dhimbshme kanë qenë humbjet e prindërve të saj: të nënës gjashtë vite më parë dhe të babait në shkurt.

Pavarësisht dhimbjeve dhe sfidave, artistja thotë se sot është në një fazë të mirë të jetës, si personalisht ashtu edhe profesionalisht.

Për verën, Xhesika nuk ka ndërmend të pushojë. Ajo dëshiron të jetë sa më pranë publikut përmes koncerteve dhe muzikës së saj, ndërsa zbulon se në të ardhmen mund të vijë edhe një projekt i veçantë i realizuar së bashku me partnerin, i cili gjithashtu shkruan.

“Shkruajmë të dy, çdo gjë e kemi në sintoni edhe në muzikë”, përfundon ajo.

The post Xhesika Polo zbulon historinë e dashurisë: Kam gjetur njeriun e jetës, e njoha në Instagram appeared first on Albeu.com.

Këngëtarja ndau momentet e trishta me të tjerët, duke thënë se në varrimin e të ëmës së ndjerë, zgjodhi të këndonte.

Ajo tha se në këtë mënyrë bëri atë që e ëma do donte, duke kënduar këngën e saj të preferuar.

“E kam përcjell me këngë, i kam kënduar këngën e saj të preferuara, sepse ajo vetë nuk donte në asnjë moment që ne ta përcillnim me dhimbje, pavarësisht se dhimbja është e paevitueshme. Ama unë në varrin e mamit tim kam kënduar këngën e saj të preferuar, ishte gjëja më e vështirë që kam bërë në jetën time, ama e bëra”-u shpreh Xhesika.

The post Xhesika Polo flet për vdekjen e të ëmës: Kam kënduar te varri i saj… appeared first on Albeu.com.

Këngëtarja theksoi se ka nisur të punojë që 16 vjeç për të mbajtur familjen.

“Do t’ua them unë pse nuk kam përjetuar adoleshencë? Sepse unë që 16-vjeç kam mbajtur familjen, sepse kështu erdhi jeta”, u shpreh Xhesika.

The post Xhesika Polo flet për fëmijërinë e vështirë! appeared first on Albeu.com.

I eliminuari tjetër ishte Egzon Berisha, i cili pas largimit të tij nga ferma mbërriti në studio ku foli për rrugëtimin e tij në formatin ‘Ferma VIP’ dhe u shpreh se fitues shikon Albanon.

Më tej ai shprehet se ishte lidhur tepër shumë me fermerët.

“Unë shkova t’a provoja si eksperiencë, por jam lidh shumë me gjithë fermerët. Për besë nuk ka snjë fermë që nuk më pëlqen. Kështu jam dhe në jetë. Nuk do bëja asgjë ndryshe. Jam pak i mërzitur sepse do më mungojnë shumë fermerët”, u shpreh Egzoni.

The post Pas largimit, rrëfehet Egzon Berisha, tregon kush do t’a fitojë “Ferma VIP” appeared first on Albeu.com.

Xhesika është shprehur se në një momentë ajo i ka thënë mamasë së ish-partnerit të saj, se arsyeja përse lidhja nuk funksiononte ishte sepse ajo e trajtonte djalin e saj si të paaftë dhe bënte çdo gjë për të.

Pjesë nga biseda:

Mariana: Çdokush nga mosha jonë krijon atë që ha edhe këtë, bëj edhe këtë.

Xhesika: E di, e di, është ajo ndjesia e mëmësisë. Unë e kam hequr në kurriz vetë. Me çdo partner që kam pasur në krahë, më është dashur t’i mësoj nga e para të përdori durët dhe këmbët, se trurin e përdornin. Është tendenca e mamave shqiptare. Unë i kam thënë mamasë së ish-partnerit tim, se një nga arsyet që ne të dy nuk u bëmë është dot ashtu siç duhet, është fakti që ti tët bir e ke trajtuar si të paaftë.

Mariana: Dhe ai që e kishte të fiksuar në trurin e tij, se ai do të rrinte dhe unë do të laja, do të pastroja. Unë do të bëja magji çdo mëngjes. Nga mëngjesi deri në darkë me të gjithë qenien time.

The post Xhesika Polo rrëfen ndarjen nga partneri: I thashë ish-vjehrrës e ke djalin e paaftë! appeared first on Albeu.com.

Mungesa e ujit për kafshët ka “nxehur gjakrat” mes Elsa Lilës dhe Xhesika Polos, situatë që degradoi edhe në debate personale.

Elsa, në një bisedë me Çiljetën dhe Renisin në dhomën e ndenjes, teksa u shpjegoi situatën e debatit, shprehu bindjen se nuk do të ulej më në një tavolinë me Xhesikën.

“Unë bëra punën time, me auto disiplinë, por të ndihem e atakuar pse i dhashë ujë një kafshe. Unë nuk ulem fare tani në tavolinë me atë person. Unë vazhdoj jetën time këtu. Shkoj në vend tjetër unë, ç’punë kam unë me njerëzit që nuk më duan”, tha Elsa.

Këngëtarja, kur hasi prezencën e Xhesikës, e ftoi që të shkonte dhe tu jepte ujë kafshëve.

“Ç’është kjo kompetenca, se të vje n inat se i dhashë unë ujë lopës. Shko jepi ti”, tha Elsa.

Ndërsa Çiljeta, u mundua që të qetësonte ujrat mes dy kolegeve të saj, të cilat tashmë i ka konkurrente në “Ferma VIP”, që startoi këtë të premte në Vizion Plus.

“Ju do uleni të dyja dhe do flisni bashkë, se nuk jeni të vogla. A doni sherre, ja erdhi për lopën”, tha Çiljeta.

The post Sherri u erdhi nga lopa, nisin përçarjet e para në “Ferma VIP”: Nuk ulem më në tavolinë me njerëz që s’më duan appeared first on Albeu.com.

Duke dalë nga koteci i pulave, ata kanë shkuar edhe tek delet dhe derrkucat, ndërsa kanë pasur edhe një bashkëbisedim mjaft komik mes njëri-tjetrit.

Dijonisi, teksa tenton të provojë aftësinë e Xhesikës në punë fshati, e pyet atë nëse ka mjelë ndonjë herë lopë. Mes humorit që e karakterizon, Biba thotë se ai kur ka qenë më i vogël ka mjelë gjithë lopët e fshatit, pasi gratë kishin frikë dhe i sillnin tek ai.

Pjesë nga diskutimi:

Dijonisi: Hajde të shikojmë se çfarë kemi tjetër, lopët…

Xhesika: Jo, jo, lopët janë aty

Dijonisi: Delet…oj dele

Xhesika: Ku mi goca. Frikacaket e dreqit. Kjo është Panda. Shi si tundet, bën tëerk.

Dijonisi: Po këtu mbrapa çfarë ka? Uuuu janë derkucat më duket. O derkuc. Kuci kuci. Sa qenka

Xhesika: Sa të bukur që janë

Dijonisi: Kështu do zihemi edhe ne për çmimin e madh

Xhesika: Mos shkel ndonjë bajgë aman. Edhe lopët që kemi janë shumë të mëdha.

Dijonisi: Ke mjelë lopë ndonjëherë? Unë kam mjelë gjithë lopët e fshatit, të gjitha gratë i sillnin tek mua se kishin frikë

Dijonisi: Gomari është shumë i zgjuar, të  betohem.

The post Nga koteci i pulave, tek delet dhe derrkucat, Dionisi dhe Xhesika “takojnë” kafshët: Po bëjnë twerk, gomari është shumë i zgjuar appeared first on Albeu.com.

Ajo ka publikuar në Instagram disa foto nga plazhi dhe ndjekësja e fyen për format e saj trupore.

“Pa u kon lop s’del njeriu në këtë gjendje… apo të doket trupi seksi? Më erdhi keq me të shkru në publik po të shkruaj në privat”, shkruan personi në fjalë.

Xhesika i ka parë këto mesazhe dhe i është kthyer keq ndjekëses, duke ju dhënë një mësim gjithë të tjerëve që mund të ofendojnë e të bëjnë komente të tilla bullizuese.

“Duhen bërë publike mesazhet nga njerëz të sëmurë si puna e kësaj që të zënë mend! I duket sikur po më bën nder që po më shan në privat dhe po ma kursen “turpërimin” INJORANCA NUK KA BRIRË! Mjerë fëmijët që rriten nga njerëz si ty që mllefin e jetës së trishtuar ja nxjerrin dikujt si unë që si bëj keq askujt thjesht jetoj si t’më dojë kokrra e qejfit dhe fle rehat!”, shkruan Xhesika Polo.

Kujtojmë se Xhesika Polo konkurroi këtë vit në “Kënga Magjike” me këngën “S’më vret” në bashkëpunim me Klint Çollakun. Ky projekt muzikor u pëlqye shumë si nga publiku, po ashtu dhe nga artistët dhe fatmirësisht dyshja arritën të prekin dhe finalen e festivalit.

The post Pozoi me bikini, Xhesika Polo i kthehet keq ndjekëses që e ofendoi (FOTO LAJM) appeared first on Albeu.com.