Pas ekspertizës mjekësore gjykata ka vendosur për Laçin masën mjekim i detyrueshëm në spital, pasi rezulton se me probleme dhe çrregullim të shëndetit mendor.

Kujtojmë se ai kishte ngujuar bashkëshorten e tij për 6 vite me radhë në zonën e ‘5 Majit’ në Tiranë.  Elena Laçi ka dëshmuar në 6 muaj e fundit, ishte dhunuar sistematikisht që të mos dilte në asnjë moment nga pragu i shtëpisë.

Prej 5 vitesh, 50-vjeçari kishte ngujuar edhe dy fëmijët e tij, të cilët nuk i kishte lënë të vazhdonin gjimnazin pasi kishin përfunduar shkollën 9-vjeçare.

Vetë Laçi dilte nga shtëpia vetëm ditën e premte, pasi shkonte në xhami për t’u falur.

Nga kontrollet e zhvilluara, në banesë u gjetën dy thika, shkopinj druri dhe 700 fishekë të cilët i kishte groposur në oborrin e shtëpisë.

Xherxh Laçi, i njohur edhe me emrin Gjergji, nuk është krejtësisht emër i panjohur për policinë.

Ai është arrestuar në vitin 2013 pasi në të njëjtën zonë ku banon edhe sot qëlloi me breshëri kallashnikovi duke terrorizuar banorët përreth.

The post Mbante familjen të ngujuar, gjykata liron Xherxh Laçin nga burgu: Ka nevojë për mjekim të shëndetit mendor appeared first on Albeu.com.

“Kam ndjekur parimet e mia fetare. Fëmijë dhe bashkëshorten nuk i kam lënë të dalin për t’i ruajtur nga e keqja. Nuk doja që ata të nisnin drogën apo të infektoheshin. Unë jam njeri i shenjtë dhe do i mbroja nga çdo e keqe”.

Por krahas dëshmisë së tij, dy djemtë dhe nëna e tyre kanë treguar në prani të psikologëve se ata dhunoheshin sistematikisht.

Bashkëshortja Elena Laçi ka dëshmuar se prej 6 vitesh qëndronte e mbyllur, pasi bashkëshorti nuk e lejonte të dilte për shkak të bindjeve të tij fetare. Madje sipas saj, në 6 muaj e fundit, ishte dhunuar sistematikisht që të mos dilte në asnjë moment nga pragu i shtëpisë.

Tashmë, Elena dhe dy djemtë e saj janë dërguar në një qendër rehabilitimi.
Banesa e tyre në zonën e 5 Majit në kryeqytet qëndron e kyçur. Aty erdhi babai dhe motra e 50 vjeçarit. Nazif Laçi mohon që i biri të ketë ushtruar dhunë ndaj bashkëshortes.

Motra e 50-vjeçarit, Rita Kaca u shpreh se nuk ka pasur dijeni se familja e të vëllait kishte probleme.

Banorë të zonës thonë se përreth kanë parë vetëm 50 vjeçarin dhe asnjëherë gruan e fëmijët e tij.

Xherxh Laçi, i njohur edhe me emrin Gjergj Laçi pritet të dalë të martën në Gjykatën e Tiranës për t’u njohur me masën e sigurisë. Ai akuzohet për dhunë në familje, keqtrajtim të miturish dhe armëmbajtje pa leje.

Për të policia u njoftua nga banorë të zonës se për 6 vite me radhë mbante të ngujuar bashkëshorten dhe fëmijët duke mos i lejuar të shkonin as në shkollë. Pas arrestimit në banesë u gjëten dy thika, një sasi municioni prej 700 fishekësh si dhe 2 krehër automatiku./abcnews.al/

The post Mbante prej 6 vitesh fëmijët dhe gruan të ngujuar, Laçi: Jam njeri i shenjtë, i mbroja nga e keqja appeared first on Albeu.com.