Në një konferencë për shtyp, në nisje të përgatitjeve për sezonin e ri, mesfushori ofensiv u shpreh se nuk është në gjendje të premtojë se do të mbetet pjesë e klubit zviceran edhe pas kësaj vere.

“Është e mundur që të largohem nga Baseli gjatë këtij afati kalimtar”, deklaroi Shaqiri para mediave.

Sidoqoftë, 34-vjeçari sqaroi se një transferim nuk është përparësia e tij kryesore, ndërsa nënvizoi se ndihet mirë te klubi me të cilin ka edhe një vit kontratë.

“Në futboll, ashtu si në jetë, gjithçka është e mundur. Nuk ka kurrë siguri”.

Ai tha se do të vëzhgojë me kujdes zhvillimet te Baseli dhe mënyrën se si po formohet skuadra, duke theksuar se dëshiron një ekip cilësor që ta udhëheqë.

“Do të shoh me kujdes se çfarë po ndodh te Baseli. Do t’i kushtoj vëmendje mënyrës se si po ndërtohet ekipi. Dua një skuadër të mirë për ta udhëhequr”.

Fjalët e tij po interpretohen si një sinjal i qartë për drejtuesit e klubit, pas një edicioni zhgënjyes në krahasim me sezonin e kaluar, kur Baseli fitoi dy trofe.

“Po përpiqem të arrij rezultatet më të mira të mundshme. Edhe unë duhet të performoj, por për këtë më duhen edhe bashkëlojtarët”.

Në fund, Shaqiri tha se aktualisht është i qetë, i kënaqur te Baseli dhe se kontrata e tij me klubin vazhdon edhe për një vit.

“Jam shumë i relaksuar për momentin. Jam shumë i lumtur te Baseli dhe kam ende një vit kontratë këtu”, përfundoi ai.

Këto deklarata pritet të rrisin vëmendjen ndaj të ardhmes së tij, ndërsa mbetet për t’u parë nëse drejtuesit e Baselit do t’i përgjigjen kërkesës për një skuadër më konkurruese, apo nëse veterani do të vendosë të nisë një aventurë të re.

The post “Mund të ndodhë”, Xherdan Shaqiri lë të hapur mundësinë e largimit nga Baseli appeared first on Albeu.com.

Sipas ish-yllit të përfaqësueses, kjo skuadër i ka cilësitë e nevojshme për të avancuar nga faza e grupeve dhe pikërisht ky duhet të konsiderohet objektivi minimal i Zvicrës në këtë Botëror.

“Çdo gjë tjetër do të ishte me siguri një zhgënjim”, ka thënë Shaqiri.

Për herë të parë që prej vitit 2010, Zvicra po luan në një turne të madh pa Shaqirin, i cili u tërhoq nga kombëtarja pas Kampionatit Evropian 2024. Në karrierën e tij me përfaqësuesen, ai shënoi 32 gola me fanellën e Zvicrës.

Shaqiri foli edhe për ndjesinë e të ndjekurit të ndeshjes nga distanca, duke pranuar se për të ishte e pazakonshme të mos ishte pjesë e ekipit.

“Ishte sigurisht e çuditshme për mua, sepse zakonisht jam gjithmonë aty. Nga ana tjetër, isha në gjendje të shikoja gjithçka në qetësi dhe paqe, në rehatinë e shtëpisë sime, dhe ta analizoja të gjithën. Ishte gjithashtu mirë që kisha më pak presion përnjëherë dhe munda ta shikoja ndeshjen në divan. Dhe sigurisht, ishte shumë mirë t’i mbështesja”, thotë Shaqiri.

Ai bëri të ditur gjithashtu se FIFA e kishte ftuar për të qenë pjesë e ceremonisë hapëse të Kupës së Botës në SHBA, Kanada dhe Meksikë, por nuk kishte arritur të merrte pjesë.

“Kisha bërë të gjitha planet e mia. Do të kishte qenë vërtet interesante dhe fantastike të isha atje me të gjitha legjendat e FIFA-s dhe të shihja ceremoninë e hapjes. U thashë se mund të vija për finalen”, deklaroi ai.

Në përmbyllje, Shaqiri nënvizoi se arma kryesore e Zvicrës duhet të jetë fryma e grupit dhe loja si një ekip i bashkuar.

Sipas tij, vetëm nëse Zvicra paraqitet në fushë si një grup i unifikuar, mund të arrijë sukses.

The post Shaqiri: Kalimi i grupit është synimi më i ulët për Zvicrën në Botërorin 2026 appeared first on Albeu.com.

Pas rikthimit nga SHBA, ai e udhëhoqi skuadrën drejt fitimit të titullit të kampionit dhe triumfit në Kupën e Zvicrës.

Së fundmi, ish-trajneri i Baselit, Fabio Celestini, mori drejtimin e CSKA Moskës dhe gazeta Blick, e pyeti Shaqirin dhe drejtuesit e klubit për këtë zhvillim.

Shaqiri ka thënë se nuk e ka ndërmend të largohet nga ekipi ku është kapiten dhe lider.

“Për momentin nuk ka para që më largojnë nga Baseli. Ndihem komod këtu, ashtu si e kemi parë në edicionin e kaluar”, ka thënë Shaqiri.

Por, ai nuk ka kritikuar Celestinin për kalimin në Rusi.

“Fabio me vetëdije zgjodhi rrugën e tij dhe duhet të respektohet kjo. Kalimi në Moskë me gjasë është zgjedhje e duhur për të. Qartë se do të bëj punë të mirë atje”, ka theksuar  Shaqiri. /Telegrafi

The post Xherdan Shaqiri i premton besnikëri klubit të tij: Nuk ka para që më largojnë nga Baseli appeared first on Albeu.com.

Me 66 për qind të votave të tifozëve, ylli i Baselit u shpall më i miri në një edicion të suksesshëm ku klubi fitoi dy trofetë e mundshëm: kampionatin dhe Kupën e Zvicrës.

Për të festuar këtë sukses dhe për të falënderuar tifozët pjesëmarrës në sondazh, klubi ka dhuruar 25 fanella të veçanta të vendosura në kornizë, me ngjyrë ari dhe të nënshkruara nga vetë Shaqiri.

👑 𝑪𝒂𝒑𝒕𝒊𝒐𝒏❓𝑪𝑨𝑷𝑻𝑨𝑰𝑵❗️❤️💙

Die unglaubliche Saison von unserem Top Scorer, Xherdan Shaqiri, in Zahlen 📊#FCBasel1893 #AlliZämme #BrennefürdrFCB #rotblaulive @XS_11official pic.twitter.com/eXfeIyabwX

— FC Basel 1893 (@FCBasel1893) June 11, 2025

Këto fanella ishin krijuar për të shënuar 131-vjetorin e themelimit të klubit dhe u shitën menjëherë.

Shaqiri, i cili u rikthye te Baseli në gusht të vitit 2024, udhëhoqi skuadrën drejt një sezoni historik. Ai e përfundoi edicionin me statistika mbresëlënëse: 21 gola dhe 22 asistime në 39 ndeshje në Superligë dhe Kupë.

Lojtari 33-vjeçar ka kontratë me klubin deri në qershor të vitit 2027, dhe është tashmë një ikonë.

🔴🏆 𝙐𝙣𝙨𝙚𝙧 𝙁𝘾𝘽-𝙎𝙥𝙞𝙚𝙡𝙚𝙧 𝙙𝙚𝙧 𝙎𝙖𝙞𝙨𝙤𝙣 𝟮𝟬𝟮𝟰/𝟮𝟱 𝙞𝙨𝙩 … 𝗫𝗛𝗘𝗥𝗗𝗔𝗡 𝗦𝗛𝗔𝗤𝗜𝗥𝗜 🏆🔵

Ihr habt gewählt! Xherdan Shaqiri ist mit 66% aller Stimmen unser Spieler der vergangenen Saison. Um seine Wahl gebührend zu feiern, haben wir etwas ganz… pic.twitter.com/3cheB2grvA

— FC Basel 1893 (@FCBasel1893) June 19, 2025

The post Nuk kishte dyshime, Xherdan Shaqiri më i miri i Baselit, klubi befason 25 tifozë dhe dhuratë speciale appeared first on Albeu.com.

Derisa i pari luajti për ekipet si Basel, Bayern Munich, Inter, Stoke City, Liverpool, Lyon e Chicago Fire, i dyti luajti në Basel, Borussia Monchengladbach, Arsenal dhe Bayer Leverkusen.

E sigurisht, paraqitjet në këto klube ua kanë mundësuar dy yjeve kosovare të Kombëtares zvicerane që t’i mbushin kontot e tyre bankare me para.

Por, ku i kanë shpenzuar Shaqiri e Xhaka milionat e fituara nga futbolli?

Mediumi i njohur zviceran “Blick” i ka hyrë më thellë kësaj teme duke zbuluar detaje rreth investimeve të dy prej futbollistëve më të mirë shqiptarë ndonjëherë, përcjell “Gazeta Express”.

Sa i përket Xhakës, ai së bashku me vëllain e tij Taulantin dhe babanë e tij, Ragipin, ka investuar në ndërtimtari, ndërsa është bashkëpronar i Generation Immobilien AG me seli në Basel të Zvicrës.

Edhe para themelimit të kompanisë, futbollisti i Leverkusenit e bleu një pallat apartamentesh në vitin 2018 në lagjen jo dhe aq luksoze Grenchen SO.

Portofoli i tij i pasurive të patundshme përfshin gjithashtu prona në Basel dhe në Kosovë, atdheun e prindërve të tij.

Që nga viti 2020, ylli i mesfushës ka qenë gjithashtu një stilist mode.

Së bashku me partnerët e biznesit, ai e themeloi markën e tij të veshjeve. Nën markën “Grajo”, Xhaka shet veshëmbathje të zakonshme për meshkuj.

Sa i përket Shaqirit, futbollisti i Baselit, i cili u tërhoq nga Kombëtarja helvetike në vitin 2024, po i riinveston milionat e tij të fituara nga futbolli në futboll.

Në fillim të vitit, 33 vjeçari u bë aksionar minoritar i klubit FC Rapperswil-Jona, i cili në atë kohë po ngjitej në një kategori më të lartë garash.

“Rappi është klubi perfekt për ta parë nga afër menaxhimin”, thoshte Shaqiri në atë kohë për “Blick”.

Klubi nga St. Gallen është ngjitur në divizionin e dytë të futbollit zviceran, Challenge League.

The post Ku po i shpenzojnë Shaqiri e Xhaka milionat e fituara nga futbolli? appeared first on Albeu.com.

Vendimtar në këtë triumf të madh të gjigantit zviceran ishte ylli shqiptar Xherdan Shaqiri.

Shaqiri kontribuoi në këtë takim duke shënuar golin që i dha epërsinë Baselit në minutën e 67-të për 2-1.

Për golin e shënuar dhe paraqitjen e tij në këtë sfidë, Shaqiri u vlerësua si lojtari më i mirë i ndeshjes nga Sofascore me notën 8.7.

33-vjeçari pati dy goditje në drejtim të portës, dy driblime të suksesshme si dhe një shans të madh për gol të krijuar.

Ai gjithashtu kompletoi 45 pasime si dhe pati tre topa të gjatë të kompletuar.

❤️🏆 𝑪𝑼𝑷𝑺𝑰𝑬𝑮𝑬𝑹 𝟐𝟎𝟐𝟒/𝟐𝟎𝟐𝟓 🏆💙#FCBasel1893 #AlliZämme #BrennefürdrFCB #rotblaulive pic.twitter.com/6vQtYD246t

— FC Basel 1893 (@FCBasel1893) June 1, 2025

Kjo ishte hera e parë për Baselin që shpallet kampion i Kupës pas plotë gjashtë vitesh, teksa për herë të fundit e kishin fituar gjatë sezonit 2018/2019.

Në këtë ndeshje për Baselin u aktivizuan gjithashtu edhe dyshja Albian Ajeti dhe Leon Avdullahu, ndërsa Yll Avdyli ishte në bankën rezervë tek ekipi kundërshtar./Telegrafi/

The post Baseli shpallet kampion i Kupës së Zvicrës – Xherdan Shaqiri lojtari i ndeshjes appeared first on Albeu.com.

Pas kësaj arritje, Shaqiri ka folur për 20min.ch duke shfaqur emocionet për titullin e kampionit, derisa tha se për titullin është rikthyer.

“Kjo është arsyeja pse u ktheva. Erdha me ambicie dhe qëllime të qarta. Kur u largova nga Bazeli, klubi gjithmonë luftonte për tituj. Nuk do ta kisha menduar se do të ndodhte që në vitin e parë, por kjo e bën gjithçka edhe më të bukur. Tani kemi ende një shans për të fituar dy trofe”, vazhdoi tutje Shaqiri.

Bazel ka tri ndeshje të mbetura përpara finales së Kupës së Zvicrës më 1 qershor kundër FC Biel. /panoramasport

The post VIDEO/ Tifozët e Bazelit brohorasin emrin e Shaqirit, festë e jashtëzakonshme pas fitimit të titullit kampion appeared first on Albeu.com.

33-vjeçari rrëmbeu sërish skenën mbrëmjen e sotme, duke realizuar dopietë në duelin ndaj Zyrihut, ku skuadra e Bazelit triumfoi bindshëm me rezultatin 0-5.

Shaqiri shënoi golin e dytë dhe të tretë për të tijët, duke u ngjitur në kuotën e 13 golave në 28 ndeshje. Ai gjithashtu ka regjistruar edhe 14 asiste. Falë këtij triumfi Bazeli është duke hedhur hapa të sigurt drejt titullit kampion me 58 pikë në 32 javë, plot 7 më shumë se Servete e vendit të dytë që ka edhe një ndeshje më pak.

GOLI I DYTË I SHAQIRIT: VIDEO 

The post VIDEO/ Xherdan Shaqiri shkëlqen me dopietë, Bazeli hedh hapa të sigurt drejt titullit kampion appeared first on Albeu.com.

“A është ai shpëtimtari? A është ai shpëtimtari që do të sjellë momente të lavdishme në FCB? Kjo mbetet për t’u parë. Por shpresat qëndrojnë tek Xherdan Shaqiri. I madh”, shkruan “Blick”.

Përmasat e një lojtari si Xherdan Shaqiri vihen re qartë nga mënyra si u mirëprit nga mijëra tifozë të Bazelit rreth stadiumit të klubit.

Ai i përshëndeti me dorë tifozëve si një mbret nga ballkoni i zyrave të FCB. “Është gjithmonë mirë të jesh në shtëpi. Ka pasur gjithmonë vetëm një opsion për mua, FC Basel!”, tha Shaqiri.

The post Shaqiri pritet si hero nga tifozët e Bazelit appeared first on Albeu.com.

Shaqiri u largua nga Bazeli në verën e 2012-ën pasi u largua për tu transferuar në Mynih ki fitoi edhe Champions League me Bajenrin.

Më pas djaloshi nga Gjilani luajti për Interin, Stok Sitin, Liverpul, Lion dhe Çikago Fajër.

“Më mbush me krenari dhe jam shumë i lumtur që sot mund të kthehem në vendlindjen time në FCB. Kam pasur një lidhje të thellë me klubin dhe rajonin që nga fëmijëria. Si tifoz dhe sigurisht si lojtar”, tha Shaqiri në një deklaratë për shtyp të premten.

The post Shaqiri rikthehet në Bazel appeared first on Albeu.com.