Durim Kola, është i vetmi i mbijetuar nga ngjarja. Në përpjekje për të ndihmuar vëllanë Arti Kola dhe familjen e tij, ai humbi ndjenjat brenda banesës dhe, duke u rrëzuar, pësoi një goditje në kokë.

Sipas mediave të huaja, ai u transportua në repartin e urgjencës (OBI) të spitalit Cisanello, ku qëndroi nën vëzhgim gjatë natës dhe u lirua mëngjesin e së nesërmes.

Gjendja e tij shëndetësore është jashtë rrezikut.

Pasi u kthye në banesën e tij në Porcari, pak metra larg shtëpisë ku ndodhi tragjedia, Durim Kola, u detyrua t’i komunikojë nënës së moshuar humbjen e djalit dhe nipërve.

Pas marrjes së lajmit, gruaja pësoi një përkeqësim të gjendjes shëndetësore dhe iu dha ndihma mjekësore në shtëpi, pa qenë e nevojshme shtrimi në spital.

Sipas rindërtimit të ngjarjes, alarmi u dha rreth orës 21:30, kur Durim Kola, i shqetësuar sepse nuk po arrinte të kontaktonte familjarët, mbërriti në rrugën Galgani së bashku me karabinierët.

Pas thyerjes së derës së banesës, në katin e dytë u gjetën të shtrirë në tokë bashkëshortët Kola dhe dy fëmijët e tyre, pa ndjenja.

Në ato momente, ndërsa po kërkohej ndihma e urgjencës, Durim Kola humbi ndjenjat. Prania e monoksidit të karbonit u kuptua menjëherë dhe të gjithë personat e pranishëm dolën nga banesa për arsye sigurie.

Zjarrfikësit, të pajisur me maska dhe detektorë, konstatuan përqendrime të larta gazi dhe nxorën nga banesa pesë persona.

Shërbimi i urgjencës 118 mundi të ndërhynte vetëm për Durim Kolën, ndërsa për katër anëtarët e familjes Kola u konstatua vdekja.

Hetimet për shkaqet e sakta të rrjedhjes së monoksidit të karbonit janë në vijim. Familja Kola njihej në zonë si e integruar dhe e respektuar në komunitetin lokal.

The post Tragjedia e familjes Kola në Itali/ Xhaxhai tregon momentet e fundit të ngjarjes appeared first on Albeu.com.

Festim Ramadani, zyrtar policor qëlloi me armë drejt një 89 vjeçari që dyshohet se është familjar i oragnizatorit të dasmës.

Viktima ështe Sadri Sadriu, 89-vjeçar, i cili u qëllua me armë zjarri jashtë oborri të një restoranti. Mediat në Kosova raportojnë se viktima është Sadri Sadriu nga Lugina e Preshevës dhe mësohet se është xhaxhai i Prindon Sadriut, burrit të presidentes së Kosovës, Vjosa Osmani.

Pas krimit, të cilin e kreu gjatë kohës që nuk ishte në detyrë zyrtare ai u dorëzua më pas në Polici.

Viktima u qëllua në parkingun e lokalit ku mbahej dasma.

“Polici nuk ka qenë në detyrë zyrtarë, jashtë detyrës zyrtare, ka qenë me rroba civile dhe me veturë civile ka kryer veprën në vendin e ngjarjes këtu para këtij lokali. Vrasja është kryer me armë zyrtare. Zyrtari policor është Festim Ramadani dhe viktima është Sadri Sadriu. Motivet nuk dihen ende. Nuk ka qenë pjesë e ahengut familjar”, tha policia.

The post Dasma që u kthye në mort/ FOTO e policit që ekzekutoi me armë xhaxhain e bashkëshortit të Vjosa Osmanit appeared first on Albeu.com.

Ai ka zbuluar detaje nga dëshmia e tij, ndërsa edhe një herë ka përsëritur kërkesën për hetimin e zinxhirit komandues, nga Garda tek ish- kryeministri Berisha dhe ish-ministri Basha.

“Kasetën e ka Artan Hoxha e do ta dorëzojë në SPAK.

Pame se SPAK rinisi hetimet dhe premtimi është që do respektohen procedurat.
Ne kemi dhënë fakte të tjera më parë në Prokurorinë e Tiranës.

Unë them se siç ka nisur hetimit, çështjen do ta çojë deri ën fund. Nuk ka ndikime politike dhe do ta zbardhë çështjen deri në fund.

U thirra për kasetën. Kasetën e Artan Hoxha dhe është i gatshëm ta dorëzojë.

Pamjet do të grupohen dhe do t’i jepen SPAK-ut.

Sot trajtuam edhe anën teorike sepse ka probleme në procedurën penale, lidhur me parashkrimet. E ngrita si shqetësim. Kërkojmë hetim për zinxhirin komandues.

Nuk kishte vullnet politik, ishte një krim shtetëror.

Kërkojmë hetimin e komandës së Gardës, kryeministri i kohës dhe ministri”, tha ai.

The post 21 janari në SPAK/ Xhaxhai i Aleks Nikës zbardh detaje nga dëshmia para Prokurorëve të Posaçëm: U thirra për kasetën, të hetohet zinxhiri komandues appeared first on Albeu.com.

Ndërkohë, në cilësinë e provës materiale, policia ka sekuestruar pistoletën, metadonin dhe kanabisin.

Njoftimi i Policisë:

“Vijojnë kontrollet për të goditur veprimtaritë kriminale që janë fokus i megaoperacioneve “Tempulli” dhe “Sundimi i ligjit”.

Bazuar në inteligjencën policore, goditet një tjetër rast i armëmbajtjes pa leje dhe një rast i shitjes së lëndëve narkotike.

Sekuestrohen 1 armë zjarri pistoletë, një sasi metadoni dhe një sasi kanabisi në formë çokollate.

Vihet në pranga 55-vjeçari që dyshohet se posedonte armën e zjarrit dhe metadonin, procedohet penalisht 26-vjeçari (nipi i tij) që dyshohet se shpërndante doza lëndësh narkotike.

Si rezultat i kontrolleve të kryera në kuadër të megaoperacioneve “Tempulli” dhe “Sundimi i ligjit”, bazuar në inteligjencën policore, specialistët për Hetimin e Krimeve kundër Personit, në bashkëpunim me shërbimet e Forcës së Posaçme Operacionale dhe të Forcës së Posaçme “Shqiponja”, kanë goditur një rast të armëmbajtjes pa leje dhe një rast të shitjes së lëndëve narkotike.

Në vijim të veprimeve për këto raste u vu në pranga shtetasi 55 vjeç dhe nisi procedimi në gjendje të lirë për shtetasin  26 vjeç (nipi i 55-vjeçarit), banues në të njëjtën banesë, në Elbasan.

Gjatë kontrollit në banesën e këtyre shtetasve, shërbimet e Policisë kanë gjetur 1 armë zjarri pistoletë dhe një sasi metadoni, të cilat dyshohet se i posedonte 55-vjeçari. Gjithashtu, 26-vjeçarit, gjatë kontrollit fizik, iu gjet një sasi lënde e dyshuar narkotike kanabis në formë çokollate”, njofton policia.

The post Elbasan/ Xhaxhai kapet me armë zjarri, ndërsa nipi shpërndante kanabis në formë çokollate appeared first on Albeu.com.

The post “4 mijë euro metri katror. Një politikan do vërë në dispozicion makinën dhe…”/ Si përdori Ndragheta Shqipërinë dhe “Xhaxhain” për të pastruar paratë e krimit appeared first on Albeu.com.

53 vjeçari Mohammed Taroos Khan, vrau 20 vjeçaren Somaiya Begum, në shtëpinë e saj në Bradford verën e shkuar në atë që autoritetet dyshojnë si një “vrasje nderi”.

Asokohe studentja kishte përftuar një urdhër mbrojtjeje nga gjykata pas tentativave të babait të saj për ta martuar me një kushëri nga fisi i tyre.

Khan u burgos përjetë me një minimum prej 25 pasi u shpall fajtor për vrasjen.

Më parë ai kishte pranuar akuzën e ndryshimit të kursit të drejtësisë duke larguar trupin e viktimës dhe duke shkatërruar celularin e saj, që u gjet i djegur në një kosh mbeturinash.

Pamjet e publikuara tregojnë Khan që mbërrin në një zonë industriale ku hedh trupin e Somaiya.

Studentja e universitetit Beckett në Leeds, në veri të Britanisë, ishte parë herën e fundit që kthehej nga puna e pjesshme më 25 qershor.

Disa ditë më vonë trupi i saj u gjet në dekompozim, me shufrën e hekurit që e kishte vrarë, ende në gjoks.

Prokurori Jason Pitter KC tha: “Ajo vdiq nga një sulm i dhunshëm në shtëpinë e saj, natyra e të cilit demonstrohet nga metali i gjetur në trupin e saj”.

Somaiya jetonte me gjyshen e saj dhe me një tjetër të afërm, sipas kushteve të urdhrit të mbrojtjes prej martesës së detyruar.

Kur vajza kishte refuzuar martesën me një të afërm nga Pakistani babai saj ishte ndjerë “i turpëruar e i tërbuar” dhe Somaiya njoftoi policinë për planet e tij.

Por megjithë urdhrin, Khan kishte vizituar disa herë shtëpinë ku ajo banonte dhe e kishte kontaktuar në telefon.

Duke folur jashtë gjykatës për llogari të familjes, mikesha e Somaiya, Fatima Patel tha: “Emocione e tyre janë të forta, janë në zi, por kanë njëfarë mbylljeje të cështjes. Ata duan të jetojnë me kujtimin e Somaias dhe të vazhdojnë zinë e tyre”.

The post Ngjarje e rëndë, xhaxhai vret mbesën për çështje “nderi” appeared first on Albeu.com.

Në banesën e saj u vodhën 120 mijë euro, lekë të cilat Klosi tha se i kishte të deklaruara.

Ish-zyrtarja tha se paratë e vjedhura nuk janë të saj, por të xhaxhait dhe nuses së xhaxhait.

Albeu.com ka zbardhur dosjen ku Klosi thotë se këto para ia kanë lënë për të kompletuar shtëpinë e tyre pasi xhaxhain e ka të sëmurë me kancer, ndërsa shton se janë para të mbledhura ndër vite prej tyre pasi të afërmit e saj jetojnë në Amerikë.

Pjesë nga dëshmia e Alda Klosit para hetuesve:

I është marrë deklarim të dëmtuares Alda Klosi e cila në lidhje me sendet e gjetura ka deklaruar se, gjatë kësaj kohe ka menduar me qetësi për sendet që ka patur dhe deklaron se ditën e ngjarjes i jane vjedhur një shumë në valutë të huaj më shumë se 120.000(njëqind e njëzetmije) euro, të cilat kanë qenë në prerje 500(peseqindeshe) dhe 200(dyqindeshe) si dhe një shumë prej 30.000(tridhjetëmije) dollare të cilat kanë qenë prerje 100(njëqindëshe) Deklaron se këto para i kishte të xhaxhait dhe nuses së xhaxhait të saj i cili i’a ka lënë për të kompletuar shtëpinë e tyre dhe për nevoja të tyre pasi xhaxhain e ka të sëmurë me kancer dhe për çdo nevojë që do të kishte, pasi djali i tyre është me probleme dhe këto lekë janë të mbledhura ndër vite nga ana e tyre pasi jetojnë në Amerikë dhe në këtë kohë ai po kurohet në Amerikë.

Deklaron se ka patur një unazë floriri me medalionin e shën mërisë, një unazë floriri të bardhë me gurë të kuq, një unazë me flori të bardhë dhe me tre gurë, vathë të ndryshme me përmasa dhe forma të ndryshme, një palë vëthë me emoi, një varëse floriri me kryq dhe me shën meri, një palë vëthë floriri në formë triangolo, një unazë flori me tre gure diamandi. Një çantë me ngjyre blu dhe të bardhë e markes Valentino, një portofol me ngjyrë bezhë e markës Valentino. /Albeu.com/

The post Nënë e bir i zhvatën më shumë se 120 mijë euro, zbardhet dëshmia e Klosit: Paratë i kishte xhaxhai, vuan nga kanceri appeared first on Albeu.com.

Njoftim policie

Falë ndërhyrjes në kohë nga shërbimet e Policisë së Komisariatit Nr. 6, parandalohet përshkallëzimi i mëtejshëm i një konflikti me sende të forta.

Plagosi një shtetas me sende të forta, në një lokal, vihet menjëherë në pranga 38-vjeçari.

I përfshirë në konflikt edhe xhaxhai i të arrestuarit, i cili u vu në pranga pasi iu gjetën në banesë armë zjarri dhe municion luftarak.

Procedohet në gjendje të lirë pronari i lokalit ku ndodhi konflikti, pasi dëmtoi vendngjarjen dhe nuk kallëzoi krimin.

Shërbimet e Komisariatit të Policisë Nr. 6, pas marrjes së njoftimit për një konflikt në një lokal, në Ndroq, ku dy shtetas kishin goditur me sende të forta një shtetas tjetër, menjëherë kanë organizuar punën për kapjen e autorëve të dyshuar.

Brenda një kohe rekord, falë veprimeve profesionale policore nga specialistët për Hetimin e Krimeve në Komisariatin e Policisë Nr. 6, janë shoqëruar në komisariat dhe janë arrestuar në flagrancë shtetasit:

– S. M., për veprën penale “Plagosja e rëndë me dashje”;

– H. M., për veprën penale “Mbajtja pa leje e armëve, armëve shpërthyese dhe i municioneve”.

Gjithashtu është proceduar penalisht në gjendje të lirë shtetasi P. R., pronari i lokalit ku ndodhi konflikti, për veprat penale “Moskallëzimi i krimit” dhe “Veprime që pengojnë zbulimin e së vërtetës”.

Shtetasi S. M., së bashku me xhaxhain e tij, shtetasin H. M., në një lokal në Ndroq, janë konfliktuar me shtetasin P. T., i cili si pasojë e konfliktit është dëmtuar dhe ndodhet në spital, nën kujdesin e mjekëve, ndërsa pronari i lokalit, shtetasi P. R., ka dëmtuar vendngjarjen duke penguar zbulimin e së vërtetës, si dhe nuk ka kallëzuar krimin.

Në vijim të veprimeve, gjatë kontrollit që shërbimet e Policisë ushtruan në banesën e shtetasit H. M., u gjetën dhe u sekuestruan një armë zjarri pushkë, 2 krehëra arme zjarri pistolete dhe sasi e konsiderueshme municioni luftarak.

Materialet i kaluan Prokurorisë, për veprime të mëtejshme procedurale./albeu.com

The post Plas sherri në një lokal në Tiranë, xhaxhai dhe nipi rrahin klientin, arrestohen nga policia appeared first on Albeu.com.

Kështu ka qenë edhe për këngëtaren Orgesa Zaimi, për të  cilën viti i ri ka nisur i trishtë dhe me humbje. Ajo ka rrëfyer se brenda pak ditësh ka humbur dy njerëzit e saj të dashur, xhaxhain dhe dajën nga Covid.

“Janari për mua ka nisur shumë trishtueshëm, sepse kam humbur brenda një afati 8 deri në 9 ditë, edhe dajën edhe xhaxhain. Ishte pak e papritur. Daja im ka qenë njeri që bënte shaka, njeri shumë i ditur… Nuk e di ka qenë një dhimbje shumë e madhe. Por sidomos goditjen më të fortë e mora nga xhaxhai im Behari, i cili u nda nga jeta para një jave. Ishte një komplikacion i Covid-it, ai e kishte kaluar në Dhjetor dhe ishte një komplikacion që i solli… vuante nga një problem. Nuk e prisja kurrë dhe ishte goditja e dytë shumë e fortë. Nëse për dajën e prisja sepse ishte i shtruar në spital, për xhaxhin nuk e prisja kurrë. Kam shkuar në Skrapar aty ku jetonte bashkë me bashkëshorten, i vetëm në ato shtëpitë e vjetra, nuk donte të ikte, të largohej. Mu kthye pas e gjithë fëmijëria ime, koha kur argëtohesha me të… Të dy këta kanë qenë një model shumë i fortë në jetën time”.

Ndër të tjera këngëtarja u bën thirrje qytetarëve që të marrin seriozisht Covidin dhe të vaksinohen.

“Njerëzit mendojnë se nuk ka Covid, apo që nuk është asnjë gjë, por unë në lëkurën, në vuajten e familjes time, sapo e kalova. Them që të bëni kujdes, ta vlerësoni maksimalisht jetën, t’i përqafoni njerëzit sa i keni afër dhe t’u shprehni dashurinë sa jeni afër, sepse nuk e di… pendohem shumë që një përqafim nuk e mora nga të dy në momentin e fundit dhe them që atje ku janë të jenë të paqtë dhe të jenë mirë”, tha ndër të tjera ajo në emisionin “E ardhmja eshte vajze”.

The post Covidi i mori dy njerëzit e dashur brenda pak ditësh, këngëtarja shqiptare: Nuk e prisja kurrë! appeared first on Albeu.com.