Haxhiu tha se ata që e kanë bërë këtë kërkesë kanë qenë “Ibrahim Rugova, Pajazit Nushi, Bujar Bukushi, Veton Surroi, Fehmi Agani”.

Surroi ka mohuar të jetë bërë një kërkesë e tillë nga delegacioni i Kosovës, duke thënë se kjo akuzë nuk qëndron. Madje, ka thënë se Rugova, Agani dhe Bukoshi kanë zhvilluar përpjekje që të unifikohet përfaqësimi i Kosovës, me përfshirjen e UÇK-së brenda këtij përfaqësimi, raporton Express.

“Qëndrimi im edhe privat , edhe publik ka qenë nevoja e përfshirjes së UÇK në proces negociator. Disa herë kam deklaruar publikisht se pa pjesëmarrjen e UÇK-së në ekipin negociator nuk është e mundshme marrëveshja për Kosovën. Dr.Rugova, dr,Agani dhe dr.Bukoshi kanë zhvilluar përpjekje që të unifikohet përfaqësimi i Kosovës, me përfshirjen e UÇK-së brenda këtij përfaqësimi.

Akuza ndaj delegacionit të Kosovës nuk qëndron. Sqarimin po e bëj për hir të historisë, e cila duhet të shkruhet nga burimi e jo nga spekulimi i përnatshëm debatues. E bëj edhe për dy anëtarët e vdekur që kanë mundur të japin shpjegime në të gjallë, por një akuzë e këtillë po ngrihet me dhjetëvjetësh pas vdekjes së tyre”, ka shkruar Surroi.

Ndryshe, deputeti i Partisë Demokratike të Kosovës, që ka qenë akter i lartë në Ushtrinë Çlirimtare të Kosovës, Xhavit Haliti, ka thënë në “Pressing” se një delegacion i Lidhjes Demokratike të Kosovës, kishte shkuar në Uashington duke i kërkuar presidentit amerikan Bill Clinton që mos ta njohin UÇK-në.

“Ka pasur përpjekje shumë të mbrapshta të institucioneve të Kosovës që kanë shku në Uashington te presidenti Clinton i kanë kërku që të mos e njohin UÇK-në”, tha Haliti.

Më pas, në studio gazetari Dukagjin Gorani pyeti se kush kanë qenë ata.

Emrat e tyre i tregoi gazetari Baton Haxhiu.

“Kanë qenë Ibrahim Rugova, Pajazit Nushi, Bujar Bukushi, Veton Surroi, Fehmi Agani”, ka thënë Haxhiu.

The post Surroi i reagon Xhavit Halitit: Krejtësisht të pavërteta akuzat se “Pesëshja e LDK-së i kërkoi Clintonit të mos e njoh UÇK-në” appeared first on Albeu.com.

Institucionet e Sigurisë në Kosovë, kishin marrë vitin e kaluar një informatë të rëndësishme. Një plan ishte thurur për eleminimin etri figurave të rëndësishme në Kosovë.

Planifikohej të vritej Kryeminsitri Albin Kurti, deputeti Xhavit Haliti dhe ish-komandanti nga Mitrovica Ismet Haxha. Për këtë plan njoftoi shot televizioni shqiptar A2Cnn.

Por kush është Ismet Haxha?

Ismet Haxha, është një nga figurat e njohura të luftës së Ushtrisë Çlirimtare të Kosovës. Ai ishte komandant i njohur nga Mitrovica.

Haxha është edhe familjar i afërt ish-kryetarit të Partisë Demokratike të Kosovës dhe ish-kryeparlamentarit, Kadri Veseli.

Ish-komandaniti Haxha, pas luftës ka qenë edhe anëtar i Shërbimit Informativ të Kosovës, që drejtohet nga Veseli.

Ish-eprori i UÇK-së ishte akuzuar nga Gjykata në lidhje me krime të luftës, dhe ishte në grupin e njohur si “Drenica”, së bashku me Sylejman Selimin, ish-komandantin e përgjithshëm të UÇK-së. Ai ishte shpallur i pafajshëm në akuzën për keqtrajtim në luftë dhe arratisjen nga QKUK.

Si i shpëtoi Haxha 3 shqiptarë që ishin zënë robër nga paramilitarët serbë?

Një prej aksioneve të suksesshme të luftës së UÇĶ në Vaganicë, të Mitrovicës që atë kohë drejtohej nga komandanti Ismet Haxha kundër paramilitarëve serbë, ndodhi më 6 prill të vitit 1999, rreth orës 11 të paraditës.

Atë ditë paramilitarët serbë që operonin në ktë fshat, i kishin nxjerrë para pushkatimit 3 qytetarë civilë.

Por ata shpëtuan, falë Ismet Haxha. Haxha përmes një breshërie kallashnikovi jo vetëm që shpëtoi robërit shqiptarë, por edhe vrau paramilitarët serbë. Numri i të plagosurve ishte shumë më i lartë nga luftimet që pasuan aksionin.

Për këtë ngjarje, kishte rrëfyer para pak kohësh, Argjent Zeqiri, ish ushtar i UÇK-së.

“Komandanti Ismet Haxha ishte veç në pozicionin e duhur në drejtim me ne, në anën jashtë murit (në sokak), në një largësi ajrore 4-5 metra është ngritur në këmbë dhe shkrepi një breshëri plumbash në drejtim të këtyre dy paramilitarëve serbë te cilit na mbanin peng”.

“Filluan gjuajtje edhe nga ana tjetër e ushtarëve serbë që ju vinin në ndihmë paralimitarvëe, mirëpo në vendin tjetër kyç ishte edhe një ushtar i joni Besnik Bilalli i cili gjuajti me granatë dorë dhe ndali hovin e paramilitarëve derisa ne u terhoqëm nga aty”.

“Ismet Haxha vazhdoi të përballet me ta derisa i la që të tre paramilitarët të vdekur në vend dhe disa tjerë të plagosur që vinin çdo moment në mbrojtje të shokëve të tyre. Pas pak, në ndihmë erdhën edhe disa ushtarë tjerë të Vaganicës dhe rrethinës që luftuan pandërprerë deri me hyrjen e NATO-s në Kosovë”, përfundon rrëfimin Zeqiri.

The post Kush është Ismet Haxha, njeriu i tretë që planifikohej të vritej pas Kurtit e Halitit? appeared first on Albeu.com.

Këtë e ka bërë të ditur vetë deputeti, përmes një shkrimi në Facebook teksa ka ftuar qytetarët të mos të lëvizin pa maska mbrojtëse ndaj koronavirusit.

“Sot, derisa po kaloja në sheshin “Nënë Tereza” në Prishtinë, kisha harruar të vendosë maskën, dhe si rrjedhojë mora një xhobë nga Policia e Kosovës. I ftoj të gjithë qytetarët që, në mbrojtje të shëndetit të tyre dhe të tjerëve, të bëjnë kujdes dhe mos të lëvizin pa maska mbrojtëse”, ka shkruar Haliti.

The post Gjobitet deputeti i PDK-së appeared first on Albeu.com.