Gjithçka u prish nga dalja me karton të kuq e Embolo, i cili kishte një karton të verdhë dhe më pas mori të dytin duke simuluar.

Xhaka foli pas përfundimit të ndeshjes. Mesfushori shqiptar mendon se gjyqtari e vrau ndeshjen me vendimin në fjalë, ndërsa Embolo nuk e kuptonte përse u përjashtua.

Është e vështirë të gjesh fjalët e duhura menjëherë pas ndeshjes. Është shumë e hidhur për ne. Mendoj se ishim shumë mirë në lojë, madje kisha ndjesinë se mund të bënim edhe më shumë. Por, fatkeqësisht, ky është futbolli. Ishte një vendim shumë i madh, që e ndryshoi plotësisht ndeshjen. Kjo dhemb shumë.

Fakti që ky rregull zbatohet vetëm që prej këtij Botërori e bën edhe më të hidhur situatën, apo jo?

Rregullat janë rregulla. Ne nuk mund t’i ndryshojmë. Por me këtë vendim ai e vrau ndeshjen. Ky është mendimi im. Nuk e di se çfarë tjetër mund të bënte arbitri, por mos e vrit ndeshjen.

A keni folur tashmë me Embolon?

Ai është shumë i rëndësishëm për skuadrën, si brenda ashtu edhe jashtë fushës. Natyrisht, ishte shumë i zhgënjyer dhe kishte edhe lot në sy, sepse as ai vetë nuk e kupton pse u përjashtua.

Si ishte atmosfera në dhomat e zhveshjes?

Në dhomat e zhveshjes mbretëronte heshtja. Të gjithë ishin shumë të zhgënjyer. Fakti që pas një ndeshjeje kundër Argjentinës atmosfera ishte e tillë, tregon shumë për mentalitetin e kësaj skuadre.

Pavarësisht se luajtët me një lojtar më pak, Zvicra i bëri kampionëve të botës një ndeshje të barabartë.

Të thuash “e barabartë” është madje pak. Mendoj se pas një ndeshjeje të tillë meritojmë më shumë vlerësime. Por me këtë jemi mësuar.

Sidomos në pjesën e dytë, Zvicra ishte dukshëm më e mirë. Jeni dakord?

Mendoj se e nisëm mirë ndeshjen. Sigurisht që pësuam gol nga një goditje nga këndi. Por më pas në fushë u pa vetëm Zvicra. Ata nuk krijuan më raste në pjesën e parë. Në pjesën e dytë ishte ndeshja jonë. Morëm më shumë rreziqe dhe shënuam. Në fushë ndiheshim shumë mirë. Kishim më shumë energji, kishim më shumë besim.

Zvicra ishte shumë pranë që, me kualifikimin në gjysmëfinale, të shkruante një tjetër kapitull në historinë e futbollit zviceran. Sa shumë dhemb kjo?

Mendoj se mund të jemi krenarë për veten tonë. Edhe nëse jo të gjithë e shohin kështu, ne luajtëm futboll të shkëlqyer. Treguam karakter të madh dhe një mentalitet të jashtëzakonshëm.

A dhemb edhe më shumë, pasi për disa lojtarë ky mund të ketë qenë Botërori i fundit?

Sigurisht që kemi lojtarë më të vjetër në skuadër. Edhe unë do të mbush 34 vjeç. Por ky Botëror tregoi se edhe futbollistë 39-vjeçarë mund të luajnë në një turne të tillë. Ne thjesht duhet të vazhdojmë të punojmë me veten, edhe kur të rikthehemi te klubet tona. Pastaj do të shohim se çfarë do të ndodhë. Por tani nuk mendoj më larg se dita e nesërme. Tani le të shkojmë pranë familjeve tona dhe më pas të shijojmë pushimet.

The post Xhaka shpërthen pas humbjes ndaj Argjentinës: Gjyqtari e vrau ndeshjen me këtë vendim! Embolo nuk… appeared first on Albeu.com.

Xhaka është baba i tre vajzave, Ayana, Laneya dhe Neyana, të cilat i ka me bashkëshorten Leonita Lekaj.

Pavarësisht karrierës së suksesshme në futboll dhe presionit të madh që sjell ajo, ai thotë se familja mbetet mbështetja e tij kryesore dhe një pikë orientimi në çdo vendim të rëndësishëm.

Futbollisti zviceran ka treguar se edhe sot, pavarësisht se është baba dhe afër moshës 34-vjeçare, kërkon këshilla nga prindërit dhe vëllai i tij Taulanti.

Sipas tij, me kalimin e viteve ka mësuar të jetë më i duruar dhe të mos kërkojë gjithçka menjëherë, siç bënte kur ishte më i ri.

Në shtëpi, Xhaka përshkruhet si një njeri familjar.

Ka treguar se një nga gjërat më të çmuara në ambientin e tij është një pikturë ku shfaqen gruaja dhe fëmija i parë, një dhuratë nga një artist në Dubai.

Kur flet për vajzat e tij, Xhaka thotë se dëshiron t’u trashëgojë mbi të gjitha ambicien dhe vullnetin për të arritur qëllimet, edhe kur ato duken të vështira.

Ndërsa një tipar që nuk do të donte t’ua kalonte është padurimi, një cilësi që ai pranon se e ka pasur gjatë gjithë jetës.

Historia e Xhakës është ndërtuar mbi këmbënguljen.

Nga fëmijëria e tij, kur familja u largua nga Kosova dhe u vendos në Zvicër, deri te vështirësitë në karrierë, ka mësuar të luftojë për çdo sukses.

Pikërisht këtë mentalitet dhe forcë karakteri dëshiron t’ua përcjellë edhe fëmijëve të tij.

Për Xhakën, futbolli është një pjesë e madhe e jetës, por familja mbetet arsyeja kryesore që i jep stabilitet dhe motivim për të vazhduar të shkruajë histori në fushë.

The post Granit Xhaka: Shpresoj që vajzat e mia të trashëgojnë ambicien dhe vullnetin tim appeared first on Albeu.com.

Ai u transferua te Sunderland rreth gjashtë muaj më parë dhe me skuadrën e sapongjitur në elitë, po bën jehonë të madhe në futbollin britanik. Në një intervistë për “Suddeutsche Zeitung”, 33-vjeçari ka folur për transferimin, futbollin dhe jetën e tij.

“Kam ndjesinë se unë dhe njerëzit këtu jemi rritur në mënyrë të ngjashme: punëtorë dhe me një vullnet të fortë për të arritur diçka”.

“Prindërit e mi dikur shkuan në Basel dhe jemi me prejardhje shqiptare, nuk dinte asnjë pjestarë gjuhën, nuk kishim miq, as të afërm”.

Xhaka rrëfen më pas për ambientin ku është rritur.

“Lagjja jonë kishte arkitektë dhe këshilltarë tatimorë, por edhe alkoolistë dhe përdorues droge. Gjithçka mund të kishte shkuar në çdo drejtim për mua. Kam përfituar nga edukimi i prindërve të mi dhe nga vëllai im i madh, Taulanti”.

Sa i përket transferimit te Sunderland, mesfushori ka qenë shumë i hapur.

“Disa vendime kërkojnë kohë, por këtë e mora menjëherë”.

Xhaka ka zbuluar se pronari e telefonoi diku në muajin qershor, rreth orës 23:00.

“Në Shqipëri thonë se një telefonatë në atë orë do të thotë ose diçka e keqe, ose diçka shumë e madhe. Në fillim mendova se ishte shaka dhe nuk besoja se ishte pronari”.

“Çelësi ishte se presidenti nuk më kishte kontaktuar personalisht në asnjë nga transferimet e mia të mëparshme. Kjo më bëri shumë përshtypje”.

Kyril Louis-Dreyfus, në moshën 28-vjeçare presidenti më i ri i ligës, ishte i vendosur ta merrte Xhakën tek Sunderland.

“Unë jam një lojtar që kam nevojë të nidhem i vlerësuar dhe ai ma dha këtë ndjenjë”.

Që nga kalimi tek Sunderland, Granit Xhaka ka qenë një sukses i madh. Ai konsiderohet ndër lojtarët më të mirë të ligës, është boshti i skuadrës dhe një nga arsyet kryesore për sezonin fantastik që po zhvillon ekipi deri më tani.

“Para së gjithash, duam të sigurojmë qëndrimin në ligë; gjithçka tjetër është bonus. Deri tani nuk e kemi diskutuar asnjëherë renditjen në dhomat e zhveshjes. E di nga përvoja se gjysma e dytë e sezonit mund të jetë më e vështirë. Kemi potencial dhe duhet të vazhdojmë të besojmë tek vetja, atëherë mund të kemi një sezon të suksesshëm. Për sa kohë jam i shëndetshëm, në formë dhe i uritur. Shumë trajnerë më kanë këshilluar: luaj sa më gjatë të jetë e mundur. Gjithçka tjetër mund të bëhet më vonë”.

Sa i përket së ardhmes pas futbollit, gjithçka mbetet e hapur, por Xhaka ka zbuluar se po investon seriozisht edhe në një karrierë të mundshme si trajner.

“Katër ose pesë vjet më parë, kur isha te Arsenali, fillova të punoja për licencën e trajnerit. Tani e kam licencën A. Kjo më ndihmon, bashkë me moshën dhe përvojën, ta shoh futbollin nga një këndvështrim tjetër. Tani dua t’i bëj lojtarët e tjerë më të mirë: përmes paraqitjeve, motivimit dhe lidershipit”.

The post Xhaka rrëfen historinë e tij, nga rritja mes të droguarëve, tek e ardhmja si trajner, zbulon që ka marrë edhe licencën appeared first on Albeu.com.

Ai fillimisht u ndal te kapiteni Granit Xhaka, për të cilin tha se është lider i padiskutueshëm dhe një lojtar që kërkon fitoren në çdo moment.

“Xhaka dëshiron ta fitojë çdo ndeshje, madje edhe ato në stërvitje.

Ai është tepër i rëndësishëm për ne dhe kështu do të jetë edhe nesër, pasi po zhvillon paraqitje të jashtëzakonshme”, u shpreh Yakin.

Trajneri zviceran foli edhe për mundësinë e rikthimit të Xherdan Shaqirit në kombëtare.

“Shaqiri është lojtar i jashtëzakonshëm, ndaj nuk mund të them se e ka derën e mbyllur.

Por aktualisht kemi lojtarë shumë të fortë dhe po shohim drejt së ardhmes”, theksoi ai.

Yakin komentoi edhe ekipin e Kosovës, duke vlerësuar ndryshimet në stilin e lojës.

“Kosova ka pasur ndryshime në sistem dhe me lojtarët e rinj ka bërë hapa përpara.

E kanë siguruar ‘play-off’-in dhe këtë e kanë merituar plotësisht”.

Ai shtoi se Zvicra do të jetë e përqendruar maksimalisht në të dy fazat e lojës.

“Nesër do të jemi të fokusuar në mbrojtje, por njëkohësisht do të kërkojmë të shënojmë gola kundër Kosovës,” përfundoi Yakin.

The post Trajneri i Zvicrës: Xhaka kërkon të fitojë çdo ndeshje, kështu do të bëjë edhe ndaj Kosovës appeared first on Albeu.com.

“Para së gjithash, projekti. Ata më donin këtu për përvojën time, lidershipin tim dhe atë që mund t’i sjell ekipit. Po përpiqem ditë pas dite, javë pas jave, t’u tregoj djemve se sa profesional duhet të jesh në këtë nivel. Ata ma bëjnë jetën më të lehtë.

Edhe në moshën time, ata vrapojnë, luftojnë, mentaliteti që ka kjo skuadër është i pabesueshëm. Ka ende shumë për të bërë, por para së gjithash, jam i lumtur që jam këtu, me këtë ekip dhe këtë klub”.

The post Zgjedhja për të kaluar te Sunderland, Granit Xhaka zbulon motivin appeared first on Albeu.com.

Kontrata e tij me klubin e ri do të zgjasë deri në vitin 2028, ndërsa anglezët do të derdhin në arkat e Bajern Leverkusenit 15 milionë euro plus deri në 5 milionë euro të tjera si bonuse të mundshme.

Sipas të dhënave të gazetës “Blick”, Xhaka do të përfitojë rreth 4.5 milionë euro neto në vit, ndërsa do të jetë jo vetëm një nga udhëheqësit në fushë, por edhe kapiteni dhe lideri i skuadrës së re.

The post Zbulohen detaje nga kontrata e Xhakës me Sunderland, ja sa do të paguhet mesfushori shqiptar appeared first on Albeu.com.

Ylli shqiptar, i cili është bërë një nga figurat më të dalluara në botën e futbollit, është takuar papritmas me aktorin e famshëm britanik, Jason Statham.

Ky takim është bërë publik nga vetë Xhaka, i cili ka ndarë me ndjekësit në Instagram një fotografi ku shfaqet pranë yllit të Hollivudit.

Në InstaStory-n e tij, Xhaka ka postuar këtë imazh që ka marrë menjëherë vëmendje nga ndjekësit.

Fotografia tregon dy figura të njohura në botën e sportit dhe kinemasë, duke krijuar një ndërthurje interesante mes dy fushave të ndryshme të argëtimit dhe famës.

Futbollisti i Bayer Leverkusen po shijon pushimet me bashkëshorten e tij, Leonitën dhe fëmijët.

Duhet theksuar që kapiteni i Zvicrës do të vazhdojë në ‘BayArena’ pas spekulimeve për një kalim të tij te Milani.

The post Xhaka takohet me aktorin e famshëm britanik, Jason Statham appeared first on Albeu.com.

Ky lajm u bë i ditur nga klubi i Basel-it, përmes një postimi në rrjetet sociale.

“Gjithmonë ka qenë e rëndësishme për mua që të vendosja vetë, kur do të ndaloja së luajturi futboll. Në fund të muajit Mars do të jem 34 vjeç. Mendoj se e është e duhur që të tërhiqem në këtë moshë, siç kam edhe numrin 34 në fanellë, që nga rinia ime”, tha Xhaka.

Mesfushori ia kushtoi të gjithë karrierën e tij Basel-it në Zvicër, përveç dy sezoneve si i huazuar te Grasshoper.

Pas më shumë se 400 ndeshje, Xhaka do të varë këpucët në gozhdë në fund të sezonit, duke i dhënë fund një karriere spektakolare.

Xhaka luajti për fanellën e Shqipërisë për 31 ndeshje, ku shënoi një gol, atë ndaj Izraelit në Shtator 2018. Mesfushori njoftoi tërheqjen nga Kombëtarja në vitin 2021.

The post Taulant Xhaka merr vendimin, do të tërhiqet nga futbolli në fund të sezonit appeared first on Albeu.com.

E gjithë kjo ngjarje ka ndodhur për shkak se shtetasit nga Zvicra bënë me duar shqiponjën dykrenare, gjest të cilin serbët e kanë marrë si provokim. Sipas prokurorëve të çështjes, simboli i shqiponjës lidhet me “Shqipërinë e Madhe” ose “Shqipërinë Etnike”.

Kjo është marrë si provokim nacionalist nga autoritetet serbe.

Kujtojmë që të njëjtën gjë e bënë dhe Granit Xhaka dhe Xherdan Shaqiri në një ndeshje botërori mes Zvicrës dhe Serbisë. Teksa duket se këta të fundit kanë ngelur akoma me pasojat e futbollistëve shqiptarë.

The post Xhaka dhe Shaqiri i lanë me pasoja, Serbia dëbon dy zviceranë që bënë simbolin e shqiponjës appeared first on Albeu.com.

Zvicra humbi 2-0, në një ndeshje që kishte raste dhe penallti që humbi dhe mund të kishte përfunduar ndryshe.
“Do të isha befasuar po të ishte ndryshe”, ka thënë Xhaka kur është pyetur për fishkëllimat nga tifozët serbë. 

Tutje ai ka thënë se lojtarët e Serbisë ishin shumë korrekt gjatë ndeshjes.

The post Granit Xhaka flet për ndeshjen në Serbi dhe pensionimin e Xherdan Shaqirit appeared first on Albeu.com.