“Ai është vrarë dhe është zhdukur kufoma. Kundërshtarët politikë e kanë eliminuar. Hasmi nuk të zhduk xhenazen”, tha ai.

Faik Martinaj po ashtu ka deklaruar se pasojat për Ervis Martinajn kanë ardhur pas dëshmisë së Nuredin Dumanit. Ky i fundit tha se Ervis Martinaj i kishte ofruar 500 mijë euro për të eliminuar ish-anëtarin e bandës së Durrësit, Endrit Doklen.

“Ervisi më dërgoi mesazh më 9 gusht, rreth orës 19:23, na përshëndeti, s’na tha ku ishte” shtoi Faik Martinaj.

Kujtojmë se Ervis Martinaj është zhdukur që prej muajit gusht dhe deri më tani nuk ka asnjë gjurmë për fatin e tij. Aludimet janë të shumta, duke filluar nga dyshimet për vrasje te largimi i tij nga vendi.

Nga ana tjetër, pas emërimit të Muhamet Rrumbullakut si drejtor i Përgjithshëm i Policisë së Shtetit, Rama i dha ultimatum 100 ditë për të zbardhur se çfarë ka ndodhur me mbretin e lojërave të fatit.

Deri më tani, Rama dhe Rrumbullaku kanë folur pak për rezultatin e hetimit, duke thënë se e kanë një përgjigje, por po presin prova të plota, për ta zyrtarizuar. Sakaq, Rrumbullakut i kanë mbetur dhe 8 ditë për të dhënë një përgjigje./albeu.com

The post Xhaxhai i Ervis Martinajt bën deklaratën e fortë: Nipin ma kanë vrarë dhe kufomën e kanë zhdukur appeared first on Albeu.com.