Luis de la Fuente njihet sot si trajneri i Spanjës dhe kampion evropian, por përtej këtij profili publik, pak veta kanë ditur shumë për të. Ai përshkruhet si një njeri konservator, që nuk e pëlqen futbollin e klubeve dhe që jeton i përqendruar te sporti.

I ardhur thuajse pa bujë, ai i dha fund stilit të Spanjës të bazuar te qarkullimi steril i topit, ndërsa jo shumë njerëz e kishin ndjekur me vëmendje punën e tij te përfaqësueset e moshave. Megjithatë, një pjesë e rëndësishme e rrugëtimit të De la Fuentes përmendet rrallë.

Për një kohë të gjatë, ai ka qenë lektor në kurset e UEFA-s dhe ka zhvilluar mësimdhënie edhe për federatën spanjolle, duke lënë gjurmë te shumë trajnerë, ish-futbollistë dhe madje edhe te një president klubi.

Emrat më të njohur: Scaloni, Alonso dhe Xavi

Mes figurave më të spikatura që kanë kaluar nga mësimet e tij është Lionel Scaloni, i cili vetë ka folur për marrëdhënien që ka me trajnerin e Spanjës.

“Luis ishte mësuesi im i parë në shkollën e trajnerëve. Ai më ndikoi mua, sigurisht. Ai është një person i mirë që më ndihmoi në fazat e hershme. Kontributi i tij është i madh, me të vërtetë. Ne ende i shkëmbejmë mesazhe njëri-tjetrit ndonjëherë”, ka thënë Scaloni.

Sipas vetë Scalonit, kontakti i parë me De la Fuenten ndodhi kur ky i fundit po merrej me stërvitjen e fëmijëve në Mallorca. Pikërisht atëherë trajneri i ardhshëm i Argjentinës vendosi se donte të mësonte prej tij. Në fund, ai përvetësoi një nga bindjet bazë të De la Fuentes: lojtari ka gjithmonë përparësi ndaj trajnerit. “Ashtu si unë, Luis nuk dikton kushtet. Ai i vlerëson lojtarët. Kjo është ajo që na bashkon”.

Edhe përgjigjja e De la Fuentes për Scalonin ishte plot vlerësim: “Jam i lumtur që e njoh Scalonin. Kemi një marrëdhënie të jashtëzakonshme. Ai është kampion bote. Jo, nuk është vetëm fat, siç thonë shumë, për ndonjë arsye. Nuk e kuptoj këtë. Lionel është një person fantastik. Tashmë një trajner i shkëlqyer, i cili po ngjitet në lartësi të reja”.

Xabi Alonso dhe Xavi nuk janë shprehur me të njëjtin zjarr për De la Fuenten, ndërsa vetë trajneri spanjoll thotë se, në rastin e tyre, ka qenë ai që ka përfituar shumë nga kontaktet me ta.

“Alonso erdhi tek unë kur fillonte në akademinë e Real Madridit. Xavi – para se të përfundonte karrierën e tij në Katar. Të them të drejtën, nuk është e lehtë t’u mësosh lojtarëve të tillë diçka të re, por përvoja e tyre, e cila rridhte përmes çdo bisede, më ndihmoi”.

Në Spanjë, De la Fuente konsiderohet si një njeri modest. Alonso, për shembull, e pyeti për mendim përpara se të pranonte drejtimin e Real Sociedad B, ndërsa Xavi i shkruante herë pas here kur nisi punën si trajner i Al-Sadd.

Vetë Luis e minimizon ndikimin e tij: “Nuk i ndihmova të bëheshin ata që janë, por jam i lumtur nëse këshilla ime i ka ndihmuar në ndonjë mënyrë”.

Nxënës të dalluar: Iraola, Raul dhe edhe Valdes

Si çdo mësues, edhe De la Fuente ka pasur figura që i kanë mbetur më shumë në mendje. Scaloni, Alonso dhe Xavi janë shembuj të qartë të trajnerëve që kanë arritur lart, me Lionelin që vazhdon të jetë afër tij. Megjithatë, Luis ka pranuar se studenti i tij i preferuar, ai që konsideron më të mirin absolut, është Andoni Iraola.

“Andoni bënte gjithmonë pyetje”, kujton De la Fuente. “Ai dallohej nga të tjerët me radikalitetin e tij dhe dëshirën për të bërë presion, i pavullnetshëm për t’u larguar nga idetë e ngulitura tek ai nga trajnerë të shkëlqyer si Marcelo Bielsa dhe Ernesto Valverde. Ai më bombardonte vazhdimisht me pyetje rreth psikologjisë. Si e menaxhon dhomën e zhveshjes? Si i përcjell idetë e tua? Rrallë kam parë një uri të tillë!. Ai më bënte nervoz para leksioneve!”.

Iraola nuk ka deklaruar se është formuar prej De la Fuentes, por ka nënvizuar se gjithmonë ka dashur të këshillohej me të dhe të përthithte çdo risi me etje të madhe.

Edhe Alessio Lisci ka vlerësuar anën njerëzore të De la Fuentes. Victor Valdes madje bëri humor duke thënë se dështoi në akademinë e Barcelonës vetëm sepse nuk ndoqi leksionet e mentorit të tij. Ndërkohë, Albert Riera, që sot mund të kritikojë Bundesligën pas periudhës së vështirë te Eintracht, asokohe shqetësohej se një “numër i frikshëm detajesh të vogla” mund ta mbingarkonte në një kampionat të nivelit të lartë, gjëra që i kishte mësuar nga mësuesi i tij.

Lisci ka theksuar gjithashtu se emërimi në krye të ekipit kombëtar nuk e ndryshoi De la Fuenten. Sipas tij, ai mbetet i gatshëm të japë këshilla sa herë që dikush i kërkon ndihmë.

Raul nuk ka bërë komente për De la Fuenten, por Luis ka folur me fjalë shumë pozitive për të, duke e përfshirë mes trajnerëve më premtues në botë.

Julio Baptista nuk arriti sukses në akademinë e Valladolidit dhe tani merret me stërvitjen e të rinjve në shtëpi. Walter Pandiani punoi si trajner i parë dhe kaloi në disa skuadra modeste spanjolle, derisa vendosi të bëjë një pushim. Pablo Amo, ish-ndihmësi i De la Fuentes te Spanja, u largua për të marrë mundësinë si trajner kryesor në Emiratet e Bashkuara Arabe me një kontratë fitimprurëse, ndërsa Manuel Pablo vlerësohet shumë në akademinë e Deportivos dhe drejton ekipin B.

Mes emrave që kaluan në kurset e De la Fuente është edhe Montse Tome, një nga gratë e para që ndoqi mësimet e tij. Në vjeshtën e vitit 2023, ajo hyri në histori si gruaja e parë që drejtoi ekipin kombëtar të femrave të Spanjës dhe shumë shpejt fitoi Ligën e Kombeve.

Studentët mesatarë: mes tyre edhe një president

Për De la Fuenten nuk ekzistojnë nxënës të këqij. Disa spikasin më shumë, disa të tjerë kanë më pak dhunti dhe kanë nevojë vetëm për një këndvështrim të ri. Për të, kjo nuk përbën asnjë problem. Natyrisht, ai do të dëshironte t’i shihte studentët e tij pranë vijës anësore, idealisht edhe me trofe në duar.

Megjithatë, jo të gjithë kanë arritur objektivat që synonin. Javier Saviola punoi si ndihmës te Barca B, por u lodh pas një viti. Juan Carlos Valeron kaloi një periudhë si asistent në akademinë e Las Palmas, më pas mori shansin për të drejtuar ekipin B të Deportivos dhe nuk pati sukses.

Esteban Cambiasso aplikoi për licencën e trajnerit me kërkesën e Jose Pekerman, pasi ky i fundit e ftoi në stafin e Kolumbisë. Licencën e mori, por vetëm një muaj më pas u nda nga trajneri.

Fernando Redondo nuk tentoi asnjëherë të bëhej trajner, edhe pse De la Fuente kishte vlerësim të madh për aftësitë e tij, njësoj si për ato të ish-sulmuesit Riki. Alberto Lopo u bë trajner kryesor, por nuk pati sukses te Cornella dhe më pas iu përkushtua biznesit të tij.

Një histori më e veçantë është ajo e Gheorghe Craioveanu. Ai mori licencën me idenë për të stërvitur fëmijë, por më vonë u përqendrua në një rol administrativ te Universitatea Craiova. Menaxhimi i pëlqeu aq shumë, sa vazhdoi në këtë rrugë dhe u bë president i CSM Slatina, klub ku kishte nisur edhe si futbollist.

Gheorghe e kujton me mall Luisin dhe thotë se leksionet e De la Fuentes e ndihmuan të kuptonte më mirë trajnerët në detyrën e tij si drejtues: “Një periudhë e rëndësishme, e cila shpesh më kujton: një trajner është po aq shumë një person”.

“Kllouni” i klasës: Capdevila, kampioni i botës që donte të argëtohej

Asnjë klasë nuk është e plotë pa dikë që bën humor, dhe edhe De la Fuente kishte figurën e tij të tillë. Sipas Scalonit, Joan Capdevila dikur “bëri diçka qesharake”. Shpeshherë ai qeshte me batutat e veta dhe, si kampion bote, nuk ishte tamam modeli i disiplinës në zbatim.

Natyrisht, Scaloni po tallej me dashamirësi. “Ishte njësoj si në shkollë: nxënësit më të mirë ulen përpara dhe Capdevila prapa. Gjithmonë gati për një koment. Ai ishte shpirti i klasës, por për të qenë i sinqertë, ndonjëherë të vinte të telefonoje prindërit e tij”, kujton De la Fuente.

Capdevila e mbylli karrierën si lojtar në vitin 2015. Arsyeja ishte tragjike: ai këputi ligamentet e gjurit gjatë një seance stërvitore në Liersen, ku po i jepte fund në heshtje karrierës së tij. Pas rikuperimit, kuptoi se nuk ishte ende gati të ndalej. Një vit më vonë u kthye sërish në Andorra. Ajo energji zgjati vetëm një sezon dhe pikërisht atëherë ndjeu se donte të hynte në trajnim.

Ai aplikoi për licencën e tij. De la Fuente thotë se Joan u përpoq, por “na u desh të gjenim një qasje individuale”, sepse ish-mbrojtësi “ndonjëherë bëhej dembel”. Gjithsesi, ai arriti deri te diplomimi dhe u shoqërua në hapat e parë drejt profesionit të trajnerit. Por sapo po mendonte të niste dërgimin e CV-ve, Espanyol i ofroi një post si ambasador. Dhe kështu, rruga si trajner u shty.

Të punosh si komentator televiziv? Të mbash fjalime për skuadrën e artë të Kupës së Botës 2010? Këto për Joanin ishin gjëra të thjeshta. Edhe sot ai ende nuk është bërë trajner, ndoshta një ditë do të ndodhë. De la Fuente e pranon me një psherëtimë: “Planifikoja të merrja pjesë në, seancat e tij stërvitore. Doja ta shihja atë!”.

Një herë, De la Fuenten e pyetën se çfarë i mungonte më shumë: mësimdhënia apo flokët. Ai reagoi me humor: “Flokët e mi! Oh, sa më mungon ajo krifë e trashë… gruaja ime i donte shumë!”.

Më pas u kthye te përgjigjja serioze: “Duke dhënë mësim, sigurisht. Një përvojë e paçmuar që më dha kaq shumë njohuri. Më ndihmoi të bëhesha trajner i Spanjës. Të bëhem ai që jam tani. E mrekullueshme, apo jo? Unë u jepja leksione, por ishin ata që më mësonin”.

De la Fuente beson se një ditë do të rikthehet te tabela e zezë, këtë herë si kampion evropian me përvojë të vlefshme nga Kupa e Botës. “Më pëlqen t’i ndihmoj njerëzit të formojnë veten. Besoj se kjo është thirrja ime”.

The post Luis de la Fuente dhe brezi i trajnerëve që kaluan në klasën e tij, nga Scaloni te Iraola appeared first on Albeu.com.

“Nuk jam me nxitim, por do të doja një projekt serioz, ku të më thonë: ‘Ke katër vjet për të punuar dhe për të zhvilluar një ide’ – shpjegoi ai -. Do të doja të isha trajner në Premier League, atje ka një pasion të vërtetë. Në Spanjë ka rëndësi vetëm rezultati”.

Xavi drejtoi Barçën nga nëntori 2021 deri në maj 2024, duke fituar një titull në La Liga dhe një Superkupë të Spanjës. Para se të kthehej në Camp Nou, ai kishte fituar edhe disa trofe në krye të Al-Sadd, në Katar.

Por pavarësisht sukseseve, trajneri spanjoll nënvizoi se sa e vështirë është të përballosh presionin në shtëpi, veçanërisht në vende si Barcelona apo Madridi. “Vetëm shikoni se çfarë ndodh me Ancelottin, i kritikuar pavarësisht se ka fituar 30 tituj në dhjetë vjet. Siç tha Valverde: nëse e kritikojnë atë, çfarë shprese kemi ne të tjerët?”, deklaroi ai.

Jo vetëm klubet, ish-mesfushori i kombëtares spanjolle, kampion bote në vitin 2010 dhe dy herë kampion evropian (2008 dhe 2012), nuk përjashton një punë si trajner i një ekipi kombëtar në të ardhmen. “Do të doja të isha trajner i një ekipi kombëtar. Kur ëndërroja të bëhesha trajner, imagjinoja të fitoja një Botëror apo një kampionat evropian. Spanja? Pse jo? Por nuk kam obsesione. Tani për tani jam mirë kështu, shikoj shumë futboll dhe jam me familjen time”.

The post Xavi dhe rikthimi në pankinë: Do doja të drejtoja në Premier League appeared first on Albeu.com.

Tashmë është edhe zyrtare. Xavi Herandez nuk do të jetë më trajner i Barcelonës.

Është vet faqja zyrtare e Barcelonë, e cila ka konfirmuar me anë të një komunikate ndarjen me Xavin dhe stafin e tij.

“FC Barcelona dhe Xavi Hernandez Creus kanë arritur një marrëveshje për lirimin e kontratës që trajneri dhe stafi i tij kishin me klubin deri në fund të sezonit 2024/25”.

“Klubi shpreh publikisht mirënjohjen e tij për Xavin dhe pjesën tjetër të stafit teknik për angazhimin, përkushtimin dhe bujarinë e tyre dhe për lehtësitë e dhëna për t’u shkëputur kontraktualisht”.

“Në të njëjtën mënyrë i urojme fat dhe suksese në të ardhmen, si në aspektin personal ashtu edhe në atë profesional”, thuhet në komunikatë. /Telegrafi/

FC Barcelona official statement
🔗 https://t.co/AURmBywckQ

— FC Barcelona (@FCBarcelona) May 29, 2024

The post Barcelona konfirmon marrëveshjen për shkëputje të kontratës me Xavin appeared first on Albeu.com.

Trajneri spanjoll nuk do ta marrë kompensimin për pjesën e mbetur të marrëveshjes dhe klubi katalunas do të pranojë kërkesën e tij për t’i kthyer paratë që ka paguar në 2021 për t’i ndarë rrugët me Al-Sadd. Në orët në vijim pakti do të zyrtarizohet.

Në shumë raste gjatë kohës së tij në bankinën e Barcelonës, Xavi e bëri të qartë se ai kurrë nuk do të ishte problem për klubin e jetës së tij.

Edhe pse metodat e shkarkimit të tij nuk kanë qenë në asnjë mënyrë më të mirat, trajneri spanjoll nuk e ka vështirësuar përfundimin e marrëdhënies kontraktuale me klubin.

Ai ka falur vitin e mbetur të kontratës dhe ka kërkuar vetëm që stafi i tij të kompensohet për ndërprerjen e parakohshme.

Për më tepër, përfaqësuesit ligjorë të Xavit i kanë kërkuar edhe Barcelonës që t’i kthejë 2.5 milionë eurot që ai pagoi në vjeshtën e vitit 2021 për të qenë në gjendje të largohet nga Al-Sadd.

Trajneri kishte një klauzolë gati pesë milionëshe dhe duhej të nxirrte para nga xhepi i tij për të nënshkruar me skuadrën katalunase. Klubi ka rënë dakord me këtë kërkesë dhe negociatat kanë arritur një pikë marrëveshjeje totale. /Telegrafi/

The post Jo vetëm fjalë, por vepra: Sakrifica që ka bërë Xavi në prag të largimit nga Barcelona appeared first on Albeu.com.

Ish-trajneri i skuadrës katalunase donte që klubi të hiqte qafe ata lojtarë.

Këto ide të Xavit thuhet se janë një nga arsyet e kthesës së Joan Laportas për të ardhmen e tij.

Presidenti Blaugranas beson se Lewandowski dhe Roque meritojnë të jenë pjesë e ekipit, ndërsa as qëndrimi i Felix nuk përjashtohet.

Në këtë drejtim, ardhja e Hans-Dieter Flick ka kuptim të plotë për bordin. Gjermani thuhet se konsideron t’u japë shanse si Lewandowskit ashtu edhe Roques, ndërkohë që ai ende nuk ka marrë vendimin për të ardhmen e Felix.

Më herët u raportua se përfaqësuesit e Lewandowskit dhe Roques nuk ishin impresionuar me mënyrën se si Xavi i trajtonte lojtarët përkatës.

Kohët e fundit, trajneri i Barçës i ka dhënë pak kohë Roques dhe ka larguar Lewandowskin në pjesët e dyta. /Telegrafi/

The post Xavi donte që Barcelona t’i hiqte qafe Lewandowskin dhe katër lojtarë të tjerë appeared first on Albeu.com.

Sipas gazetarit Pedro Almeida, Chelsa po planifikon që të mbajë bisedime me Xavin, mes kërkimeve të tyre për një trajner të ri.

Gjiganti anglez kishte njoftuar largimin e Mauricio Pochettinos më herët gjatë kësaj jave, dhe tani po eksplorojnë mundësinë për të ulur në stol ish-trajnerin e Barcelonës.

Ani pse sezoni që lamë pas nuk ishte më i miri për Barcelonën, Xavi megjithatë i udhëhoqi ata drejt fitimit të La Ligas dhe Superkupës së Spanjës gjatë seoznit 2022/2023, por që dështoi ta mbajë këtë nivel.

Mbetet të shihet nëse Xavi do të shfaqet si një kandidat serioz për Chelsean, por do të jetë interesante për të parë se cili do të jetë hapi i tij i ardhshëm.

Përveç Xavit, emra të tjerë që po konsiderohen nga “Blutë” janë edhe Kieran McKenna, Roberto De Zerbi, Enzo Maresca dhe Thomas Frank./Telegrafi/

🚨🔵 Breaking: Chelsea will meet with Xavi Hernandez to evaluate the possibility of him becoming new head coach of English club. #Chelsea pic.twitter.com/6COajF65hf

— Pedro Almeida (@pedrogva6) May 26, 2024

The post Pas largimit nga Barcelona, Xavi mund të nis një aventurë të re tek gjiganti anglez appeared first on Albeu.com.

Xavi në një konferencë për shtyp të shtunën ka four për periudhën e tij në krye të ekipit dhe sfidat që ka përballuar.

“Nuk ka qenë një kohë e lehtë për shkak të gjendjes së klubit. Jam i lumtur sepse kam bërë një punë të mirë, kemi fituar dy tituj, duke fituar ndeshje të rëndësishme dhe duke pasur sukses”, ka thënë Xavi.

“Jam munduar të bëj më të mirën. Ne kemi punuar me shumë dashuri për këtë klub. Unë jam një tifoz i Barçës për gjithë jetën.

E kam ndërgjegjen të pastër, jam krenar për veten dhe i qetë”.

Xavi mori drejtimin e Barcelonës duke nënshkruar një marrëveshje trivjeçare pas largimit të holandezit Ronald Koeman në fund të vitit 2021.

Ai arriti të fitojë La Liga-n në sezonin e tij të parë si trajner.

Në janar të këtij viti, Xavi kishte deklaruar se do të largohej në fund të sezonit, por forma e mirë e skuadrës në prill bëri që ai dhe presidenti Joan Laporta të bien dakord për vazhdimin e qëndrimit të tij për sezonin e ardhshëm, me kontratën që do të përfundonte në qershor 2025.

Megjithatë, situata ka ndryshuar shpejt. Sipas mediave spanjolle, presidenti Laporta është zemëruar nga komentet e Xavit, i cili tha se ishte e vështirë për klubin të konkurronte me Real Madridin dhe skuadrat e tjera elitare evropiane për shkak të kufizimeve financiare.

Këto komente kanë çuar në një ndryshim të papritur në marrëdhëniet mes trajnerit dhe drejtuesve të klubit, duke çuar në largimin e parakohshëm të Xavit.

The post Xavi thotë se ndihet krenar me arritjet e Barcelonës nën drejtimin e tij appeared first on Albeu.com.

Drejtuesit e Barcelonës morën vendim për të shkarkuar trajnerin Xavi pas përfundimit të këtij sezoni, por kjo nuk i ka penguar trajnerit për të respektuar vendimin.

“Jam mirë. Sigurisht që ishin ditë të vështira, jo të lehta. Por mirë, unë jam këtu me mendje të kthjellët dhe dua të them se jam krenar për dy vitet e gjysmë si trajner. Nuk ishte e lehtë”, ka thënë fillimisht Xavi.

“Më është dashur të marr vendime shumë të rëndësishme. Nuk jam penduar për asgjë. Kam qenë i vërtet tdhe i sinqertë me lojtarët, drejtuesit dhe drejtorët sportivë. Mendoj se kemi punuar me shumë nder dhe shumë dashuri për këtë klub”, përfundoi trajneri spanjoll.

Xavi pritet të zëvendësohet nga Hansi Flick si trajner i ri i Barcelonës pas ndeshjes kundër Sevillas.

Vendimi për të shkarkuar spanjollin u mor pas komenteve të tij të fundit të diskutueshme ku Xavi pretendoi se Barça nuk mund të konkurronte për çmimet kryesore sezonin e ardhshëm pas problemeve financiare. /Telegrafi/

The post Xavi: E respektoj vendimin e presidentit për të më shkarkuar, nuk pendohem për asgjë appeared first on Albeu.com.

Skena nga kampi stërvitor është mjaft e trishtuar sepse legjenda i tha lamtumirë me një shëtitje të gjatë dhe të vetmuar nëpër kamp.

Ndeshja kundër Sevillas do të jetë e 142-ta për Xavi në pankinën e Barcelonës.

Ai mori përsipër klubin në nëntor 2021, dhe aktualisht ka një rekord prej 88 fitoresh, 24 barazime dhe 29 humbje.

Nuk ka dyshim se Xavi me siguri do të dëshirojë të thotë lamtumirë me fitore dhe kështu të mbyllë një periudhë relativisht të suksesshme në stolin e të madhit katalanas.

🎥 – Xavi roaming around the training ground alone. pic.twitter.com/Qgkwegqvhb

— Barça Buzz (@Barca_Buzz) May 25, 2024

The post VIDEO / I humbur në mendime dhe duke ecur i vetëm, Xavi kryen stërvitjen e fundit me Barcelonën appeared first on Albeu.com.

Xavi pritet t’i jep lamtumirë Barcelonës pas ndeshjes së kësaj fundjave në La Liga, pasi lajmi është konfirmuar nga vet klubi katalunas.

Me largimin e Xavit, shumë mendojnë për numrin e titujve që ai solli në Camp Nou gjatë kohës së tij si trajner.

Megjithatë, ka diçka po aq të rëndësishme – talentet e rinj që ai ushqeu gjatë tre sezoneve të tij në klubin Blaugrana.

Ndërsa Lamine Yamal është padyshim më i shquari, ka edhe 14 talentë të tjerë të cilëve Xavi u ka dhënë debutimin me ekipin e parë.

Përveç Yamal, minuta të shumtë kanë marrë edhe talentë tjerë si Pau Cubarsi, Fermin Lopez, Hector Fort, Marc Guiu dhe Inaki Pena.

Talentët e La Masias që debutuan nën urdhrat e Xavit:

Ilias Akhomach – debutoi në nëntor 2021

Ferran Jutgla – debutoi në dhjetor 2021

Estanis Pedrola – debutoi në janar 2022

Mika Marmol – debutoi në maj 2022

Chadi Riad – debutoi në nëntor 2022

Marc Casado – debutoi në nëntor 2022

Alvaro Sanz – debutoi në dhjetor 2022

Angel Alarcon – debutoi në shkurt 2023

Aleix Garrido – debutoi në prill 2023

Lamine Yamal – debutoi në prill 2023

Inaki Pena – debutoi në maj 2023

Fermin Lopez – debutoi në gusht 2023

Marc Guiu – debutoi në tetor 2023

Hector Fort – debutoi në dhjetor 2023

Pau Cubarsi – debutoi në janar 2024

The post Jo vetëm Lamine Yamal, Xavi ka ringjallur akademinë e La Masias, 15 talentë debutuan me Barcelonën appeared first on Albeu.com.