Kalimi i De Jong nga Ajaxi te Barcelona, me vlerë 86 milionë euro, e vendos mesfushorin në krye të listës historike.

Vetëm 500 mijë euro më pak kushtoi transferimi i Matthijs de Ligt nga Ajaxi te Juventusi, që e pozicionon atë të dytin me 85.5 milionë euro. Në vendin e tretë është Virgil van Dijk, për të cilin Liverpooli i pagoi Southamptonit 84.7 milionë euro.

Renditja vijon me një tjetër lëvizje të De Ligt, këtë herë nga Juventusi te Bayern Munich. Mbrojtësi kaloi te klubi gjerman për 67 milionë euro dhe zë vendin e katërt.

Xavi Simons është i pesti, pas transferimit nga RB Leipzig te Tottenham Hotspur për 65 milionë euro. Në gjashtëshen e parë përfshihet edhe Crysencio Summerville, i cili u largua nga Ëest Ham drejt Al Hilal për 64.5 milionë euro.

Tijjani Reijnders renditet i shtati falë kalimit nga Milan te Manchester City, një marrëveshje e vlerësuar në 61 milionë euro.

Tre pozicionet e fundit plotësohen nga Jan Paul van Hecke me 60 milionë euro, Teun Koopmeiners me 58.4 milionë euro dhe sërish Tijjani Reijnders, transferimi i mëparshëm i të cilit nga AZ te Milani kushtoi 54.9 milionë euro.

Në total, katër prej dhjetë transferimeve kryesore lidhen me futbollistë që u larguan nga klubet holandeze. Megjithatë, rekordi vazhdon t’i përkasë Frenkie de Jong.

The post De Jong në krye: Dhjetë transferimet rekord të futbollistëve holandezë appeared first on Albeu.com.

RB Leipzig, një klub gjerman me origjinë modeste i themeluar në vitin 2009, kur Yan Diomande ishte veçse tre vjeç, sot krenohet me një rekord që asnjë skuadër tjetër në kontinent nuk e ka arritur në tre sezonet e fundit për sa i përket të ardhurave nga transferimet.

Që nga ngjitja e tyre në Bundesligë në vitin 2016, klubi ka grumbulluar mbi 500 milionë euro nga shitja e futbollistëve të vet, por pa e ndalur asnjëherë linjën e prodhimit të “diamanteve” të rinj.

Gjigantë si Manchester United, Chelsea, Liverpool, Manchester City, Barcelona dhe së fundi Real Madrid kanë derdhur shifra astronomike për të siguruar shërbimet e lojtarëve nga radhët e Leipzigut.

Ja një përmbledhje se si RB Leipzig ka përfituar financiarisht nga elita europiane:

Yan Diomande te Real Madrid – 125 milionë euroTalenti 19-vjeçar nga Bregu i Fildishtë theu të gjithë parametrat e klubit duke kaluar te Real Madrid për shumën marramendëse prej 125 milionë eurosh, duke u bërë kështu shitja më e shtrenjtë në historinë e Leipzigut.

Josko Gvardiol te Manchester City – 90 milionë euroPërpara fillimit të sezonit 2023/24, mbrojtësi kroat Josko Gvardiol, në moshën 21-vjeçare dhe i konsideruar ndër më të mirët në rolin e tij në Evropë, iu bashkua skuadrës së Pep Guardiolës për 90 milionë euro.

Benjamin Sesko te Manchester United – 76 milionë euroTalenti slloven Benjamin Sesko kaloi te Manchester United për 76 milionë euro, një investim i rëndësishëm nga ana e klubit anglez për të adresuar nevojat e vazhdueshme në repartin e avancuar.

Dominik Szoboszlai te Liverpool – 70 milionë euroGjatë verës së vitit 2023, mesfushori hungarez Dominik Szoboszlai finalizoi një kalim prej 70 milionë eurosh te Liverpool, ku u shndërrua shpejt në një motor energjie për mesfushën e rindërtuar të “Anfield”-it.

Xavi Simons te Tottenham Hotspur – 65 milionë euroPas një periudhe të shkëlqyer në Bundesligë, ish-ylli i akademisë së Barcelonës, Xavi Simons, bëri që Tottenham Hotspur të paguante 65 milionë euro për të çuar në Londër lojtarin e gjithanshëm holandez.

Dani Olmo te Barcelona – 61 milionë euroNdërkombëtari spanjoll Dani Olmo iu rikthye Barcelonës në sezonin 2024/25 për 61 milionë euro, pas pesë vitesh tejet të suksesshme në Leipzig, të cilat e profilizuan atë si një prej sulmuesve më të rrezikshëm në Evropë.

Lista e gjatë e transferimeve të tjera spektakolarePërtej këtyre shitjeve rekord, RB Leipzig ka arkëtuar më parë shuma të konsiderueshme edhe për emra të tjerë të mëdhenj sulmues. Christopher Nkunku përfundoi një kalim të bujshëm te Chelsea për 60 milionë euro, pikërisht pas sezonit ku u zgjodh lojtari më i mirë në Bundesligë. Kjo shifër barazoi 60 milionë eurot që Liverpool pagoi për mesfushorin Naby Keita në vitin 2018.

Po Chelsea derdhi gjithashtu 53 milionë euro për të blerë sulmuesin gjerman Timo Werner në vitin 2020, ndërkohë që rivalët e Bundesligës, Bayern Munich, siguruan shërbimet e mbrojtësit Dayot Upamecano për 42 milionë euro. Aftësia fitimprurëse e klubit është përhapur në të gjitha ligat kryesore: sulmuesi belg Lois Openda kaloi te Juventus për 42 milionë euro, ndërsa qendërmbrojtësi francez Ibrahima Konate iu bashkua Liverpoolit për 40 milionë euro.

Për më tepër, sukseset e mëparshme në zhvillimin e lojtarëve sollën përfitime të shkëlqyera, siç janë kalimi i sulmuesit brazilian Matheus Cunha te Hertha Berlin për 18 milionë euro dhe ai i nigerianit Ademola Lookman te Atalanta në Serie A për 16 milionë euro. Duke mbledhur vetëm këto katërmbëdhjetë shitje të lojtarëve esencialë, një shumë totale marramendëse prej 818 milionë eurosh ka hyrë në arkën e RB Leipzig, duke përforcuar statusin e tyre të padiskutueshëm si linja më fitimprurëse e prodhimit të talenteve të nivelit elitar në futboll.

The post Leipzig, makina gjermane e parave: Mbi 800 milionë euro të arkëtuara nga shitja e talenteve te gjigantët e Evropës appeared first on Albeu.com.

Kalimi i Kerim Alajbegovic te Juventusi mund të konsiderohet një prej transferimeve më të nënvlerësuara të kësaj vere.

Për talentin 18-vjeçar boshnjak, klubi torinez pagoi 32 milionë euro. Alajbegovic vinte pas një sezoni të shkëlqyer me RB Salzburgun, ndërsa la gjurmë edhe në Kupën e Botës, ku realizoi një gol mbresëlënës ndaj Katarit.

Megjithatë, kontrata e sulmuesit anësor nuk u ble drejtpërdrejt nga klubi austriak. Juventusi e siguroi atë nga Bayer i Leverkusenit, që pak më parë e kishte rikthyer lojtarin e dalë nga akademia e vet përmes një opsioni riblerjeje.

Rasti i tij shërben për të shpjeguar se çfarë është një klauzolë riblerjeje, si zbatohet ajo dhe cilat janë përfitimet apo rreziqet që sjell.

Brenda vitit të fundit, Kerim Alajbegovic ka qenë pjesë e tri skuadrave të ndryshme.

Në verën e vitit 2025, ai u largua nga Bayer pa pasur asnjë paraqitje zyrtare me ekipin e parë. Megjithatë, statistikat e tij me skuadrën U-19 ishin të jashtëzakonshme: 28 kontribute në gola gjatë 29 ndeshjeve. Salzburgu pagoi 2 milionë euro për transferimin, por Leverkuseni ruajti mundësinë për ta marrë sërish boshnjakun në një nga afatet pasuese kalimtare.

Në thelb, klauzola e riblerjes përdoret kur një klub me fuqi të madhe financiare, zakonisht një prej skuadrave kryesore, shet një futbollist të ri që është vlerësuar lart në kategoritë e moshave. Përmes kësaj marrëveshjeje, klubi shitës vazhdon të ketë njëfarë kontrolli mbi të ardhmen e lojtarit, në rast se ai përparon ndjeshëm.

Një klauzolë e tillë i jep klubit të mëparshëm të drejtën që, brenda një periudhe të përcaktuar, ta rikthejë futbollistin për një shumë të vendosur paraprakisht ose sipas një mekanizmi të parashikuar në kontratë. Pas kësaj, klubi mund ta mbajë lojtarin ose ta shesë menjëherë te një skuadër tjetër me çmim më të lartë.

Pikërisht ky mekanizëm u zbatua për Alajbegovic. Vetëm një vit pas largimit të tij, Bayer e bleu sërish për 8 milionë euro dhe më pas e transferoi menjëherë te Juventusi për 32 milionë euro.

Përfituesi kryesor i operacionit ishte Leverkuseni. Në dy afate kalimtare verore, klubi siguroi të paktën 26 milionë euro: 2 milionë euro nga shitja e verës së kaluar dhe 32 milionë euro nga transferimi i kësaj vere, duke zbritur 8 milionë eurot e paguara për riblerjen. Gjatë kësaj periudhe, Bayer nuk pati shpenzime për pagën e lojtarit apo për tarifat e agjentëve. Të paktën, këto janë shifrat e bëra të ditura.

Ekzistojnë edhe raste në të cilat klubi që aktivizon opsionin e riblerjes nuk financon asnjë pjesë të operacionit. Rikthimi i lojtarit dhe shitja e tij e mëpasshme mund të mbulohen tërësisht nga skuadra që e blen në fund.

Në rastin e Alajbegovic, vlera e kombinuar e dy transaksioneve arriti në 40 milionë euro. Nëse Juventusi do të kishte qenë plotësisht i vendosur për ta marrë futbollistin e ri, teorikisht mund t’i kishte financuar edhe 8 milionë eurot që Bayer ia pagoi Salzburgut. Sipas këtij skenari, fitimi i Leverkusenit do të arrinte në 34 milionë euro.

Nga kjo mënyrë organizimi e marrëveshjes, Salzburgu mbetet në pozitën më pak të favorshme. Teorikisht, klubi austriak mund ta kishte shitur vetë Alajbegovic, nëse jo për 40 milionë euro, të paktën për 30 milionë euro. Megjithatë, Bayer dhe Juventus, në vija të përgjithshme, e dakordësuan transferimin pa përfshirjen e austriakëve.

Duhet kujtuar gjithsesi se Red Bull i pranoi këto kushte në verën e vitit 2025 dhe mund ta kishte parashikuar një zhvillim të tillë.

Kjo tregon edhe rrezikun që përbën klauzola e riblerjes për klubin që merr një futbollist të ri. Për të njëjtën arsye, ky mekanizëm nuk përdoret në tregun e transferimeve aq shpesh sa huazimi standard, përqindja nga një shitje e ardhshme apo klauzola e lirimit.

Sipas juristëve sportivë dhe analistëve të tregut të transferimeve, në praktikë aktivizohen vetëm 5–15% e opsioneve të riblerjes. Në pjesën tjetër të rasteve, ato mbeten thjesht një element i marrëveshjes së mëparshme, qoftë sepse lojtari nuk ka përparuar mjaftueshëm, qoftë sepse klubi ka ndryshuar planet për transferimet.

Klauzola e riblerjes nuk mbështetet në një formulë të pandryshueshme. Pothuajse në çdo rast, klubet negociojnë veçmas kushtet e marrëveshjes.

Një shembull është Xavi Simons. Pasi nuk i përmbushi pritshmëritë te PSG, ai iu bashkua PSV-së si lojtar i lirë në verën e vitit 2022, pas një marrëveshjeje ndërmjet klubeve. Vetëm një vit më vonë, u rikthye në Paris për 4 milionë euro, ndërsa më pas u transferua te RB Leipzig për 50 milionë euro.

Ka edhe disa raste të profilit të lartë, ndërsa Real Madridi është ndër klubet që e përdor shpesh këtë skemë për futbollistët e dalë nga akademia e tij.

Në vitin 2013, Dani Carvajal u rikthye nga Leverkusen për 6.5 milionë euro përmes këtij mekanizmi dhe më pas u shndërrua në një legjendë të klubit. Alvaro Morata fillimisht iu shit Juventusit për 20 milionë euro, u ribler për 30 milionë euro dhe më pas kaloi te Chelsea për 66 milionë euro. Edhe Fran Garcia u kthye në Madrid nga Rayo Vallecano në vitin 2023, për shumën modeste prej 5 milionë eurosh.

Thuhet se Gonzalo Garcia dhe Cesar Palacios, të transferuar së fundmi te Fulham përkatësisht për 40 dhe 10 milionë euro, mund të rikthehen në kryeqytetin spanjoll që verën e ardhshme, nëse zhvillimi i tyre vazhdon me ritme të shpejta.

Këtë verë, Reali përfitoi edhe 60 milionë euro të tjera nga Nico Paz, ndërsa vlera e përgjithshme e transferimit të tij te Como është 66 milionë euro. Në marrëveshje u përfshi sërish një klauzolë që i jep klubit madrilen mundësinë ta rikthejë brenda një viti për 80 milionë euro.

Në përfundim, opsioni i riblerjes është një tjetër instrument i fuqishëm në duart e klubeve të mëdha, pasi u mundëson atyre të ruajnë kontrollin mbi të ardhmen e futbollistëve të rinj edhe pasi i kanë shitur.

The post Si funksionon klauzola e riblerjes dhe përse përdoret nga klubet appeared first on Albeu.com.

“Thonë që jeta është mizore dhe kështu ndihem në këtë moment. Sezoni im është mbyllur keq dhe po përpiqem ta pranoj. Sinqerisht, e kam zemrën të thyer”, – ka shkruar lojtari 23-vjeçar në rrjetet sociale.

“Gjithçka që doja ishte të luftoja bashkë me skuadrën. Tani nuk mund ta bëj. E njëjta gjë vlen edhe për Botërorin, nuk mund të përfaqësoj vendin tim”, – shkruan më tej Simons, i cili ka luajtur 34 ndeshje me Holandën. Ai ka dëmtuar ligamentin krociat të gjurit në deshjen mes Tottenham dhe Wolverhampton, ku londinezët fituan 1-0.

Po afron fundi i sezonit dhe në këtë periudhë dëmtimet bëhen makth, me jo pak lojtarë të rëndësishëm që humbasin edhe Kupën e Botës.

The post Lajm i keq për Holandën, Xavi Simons humb Botërorin pas dëmtimit të rëndë në gju appeared first on Albeu.com.

Në krahun tjetër, është vetë drejtori i Bayern, Christoph Freund që ka folur mbi futbollistin, kartoni i të cilit është në pronësi të Paris Saint-Germain. Freund nuk kursen elozhet për Simons, duke lënë të kuptohet që është një objektiv për merkaton.

“Ai është një lojtar shumë i mirë. Simons luajti mirë në Europian dhe pati një sezon fantastik me Leipzig. Ai është përmirësuar shumë mirë në vitet e fundit. Unë mendoj se ai do të ketë një karrierë në nivele të larta. Xavi është i jashtëzakonshëm”, është shprehur drejtori i Bayernit.

The post E duan në ekip, drejtori i Bayern për Xavi Simons: Do të luajë në nivele të larta, është i jashtëzakonshëm appeared first on Albeu.com.

Mesfushori ofensivë holandez ka pasur një vit fantastik me RB Leipzig, ku ishte i huazuar nga Paris Saint Germain.

Megjithatë e ardhmja e tij vazhdon të jetë e paqartë, me PSG-në që ka vendosur ta kthej për momentin në Parc de Princes dhe pastaj të vendos nëse do ta mbajë apo do ta largojë.

Barcelona po kërkon me ngulm huazimin e lojtarit me të drejtë blerje, por PSG ende nuk është i bindur për një gjë të tillë.

Kthimi i tij në Leipzig do të pritej mirë si nga tifozët ashtu edhe nga stafi stërvitor, të cilët besojnë në aftësinë e tij për të vazhduar rritjen dhe kontributin për ekipin.

Por klubi gjerman mbetet opsioni i fundit në dëshirën e mesfushorit holandez.

Një tjetër opsion tërheqës për lojtarin është transferimi te Bayern Munich, me rekordmenët gjermanë që e kanë atë në listën e dëshirave.

21-vjeçari në 43 ndeshje zyrtare ka shënuar 10 gola dhe ka asistuar në 15 të tjerë, duke konfirmuar formën fantastike të tij.

PSG në rast se do ta lejoj largimin e tij, atëherë synon që të fitojë rreth 60 milionë euro nga shitja e mesfushorit holandez. /Telegrafi/

The post E ardhmja e paqartë e Xavi Simons, tre opsionet ku mund ta vazhdojë karrierën appeared first on Albeu.com.

Mesfushori 21-vjeçar që aktualisht është pjesë e Leipzig, në huazim nga Paris Saint-Germain ka adhurues të shumtë.

Bayern Munich, Manchester United, Chelsea dhe Barcelona janë 4 ekipet më të interesuara për shërbimet e holandezit.

Ndërsa dëshira e këtij të fundit është rikthimi në Spanjë, pikërisht te Barcelona, një nga klubet e interesuara.

Simons dëshiron që të rikthehet te Barcelona, me të cilët është aktivizuar me ekipet e moshave që nga viti 2010 deri në vitin 2019.

Simons kërkon që të transferohet te Barcelona, për të rivalizuar kështu Kylian Mbappe, me sulmuesin francez që me shumë mundësi do të bashkohet me Real Madrid.

Kontrata e 21-vjeçarit me PSG-në skadon në vitin 2027, por francezët janë kundër dëshirës së Simons dhe dëshirojnë të mbajnë në ekip.

Por në rast se mesfushori ofensiv tregohet i ‘prerë’ në vendimin e tij, parizienët nuk pritet ta shesin për më pak se 70 milionë euro, një shumë e konsiderueshme për Barcelonën, të cilët janë në një situatë të vështirë ekonomike.

Në këtë sezon, Simons ka qenë një nga lojtarët më të mirë jo vetëm në Gjermani, por edhe Europë.

Në 43 ndeshje me fanellën e Leipzig, 21-vjeçari ka shënuar plot 10 gola dhe ka asistuar në 15 të tjerë.

The post E kërkon gjysma e Europës, Xavi Simons dëshiron të rivalizojë Mbappen appeared first on Albeu.com.

Sipas gazetarëve Roger Torello dhe Ferran Martinez të ‘Mundo Deportivo’, Simons ka hapur derën për rikthimin e tij te Barcelona.

Holandezi do të ketë një takim me presidentin e Paris Saint-Germain, Nasser Al-Khelaifi, për t’u siguruar që ai mund të largohet nga klubi në një tjetër huazim këtë verë.

Lojtari është i gatshëm të shtyjë për lëvizjen e tij te Barça pasi një klauzolë në kontratën e tij i lejon atij të zgjedhë destinacionin tjetër.

Më herët u raportua se trajneri Xavi do të ishte i lumtur ta kishte në dispozicion 21-vjeçarin.

Simons mund të luajë si një mesfushor sulmues ose një sulmues anësor i majtë, pikërisht ajo që i nevojitet trajnerit të Barçës.

Holandezi ka shënuar nëntë gola dhe ka dhënë 15 asistime në 42 paraqitje për RB Leipzig këtë sezon.

21-vjeçari ishte pjesë e La Masia nga viti 2010 deri në 2019 para se të largohej falas nga Barcelona te PSG.

The post Dëshiron rikthimin në Katalonjë, Xavi Simons “i shkel syrin” Barcelonës appeared first on Albeu.com.

Mesfushori holandez 19-vjeçar, i cili po i afrohej fundit të kontratës me PSG-në dhe u bind të largohej nga skuadra pariziene, thuhet se u përball me Real Madridin.

Kjo është sipas “L’Equipe”, të cilët raportojnë se Real Madrid kishte planifikuar të nënshkruante me Xavi Simons dhe ta regjistronte atë me Real Madrid Castilla në mënyrë që të lehtësonte përshtatjen e tij dhe të mbështeste qëllimin e Castilla për t’u promovuar në LaLiga SmartBank.

Megjithatë, Xavi Simons refuzoi ofertat fillestare nga Real Madrid dhe vendosi të nënshkruajë me PSV për të luajtur në Eredivisie në vend të kësaj./ h.ll/albeu.com

The post Ish-talenti i Barcelonës refuzoi Real Madrid për PSV, zbulohet arsyeja appeared first on Albeu.com.

Kontrata përfundon në fund të këtij sezoni dhe skuadra pariziene është përpjekur prej kohësh ta rinovojë atë. Me përballjen me Real Madridit, që është afër ndeshja ndaj Rennes ishte një mundësi e mirë për të që të kishte minuta cilësore në një natë në të cilën skuadra ishte mirë.

Xavi Simons ka shkëlqyer me PSG-së dhe i është përgjigjur me një notë të mirë sa herë që Pochettino i ka dhënë alternativë në Kupën e Francës. Megjithatë, holandezi  ishte pjesëmarrës dhe nuk pushoi së guxuari kundër një mbrojtjeje solide të Rennes, e cila i mohoi atij një goditje që do të bënte 1-0 për PSG-në.

Ndaj Real Madridit nuk pritet të jetë në gjendje të luajë një rol kryesor sepse formacioni është i rezervuar për yjet kryesore, por Xavi Simons dëshiron të depërtojë pak nga pak. Lojtari ka disa propozime në tavolinë, një prej tyre nga PSG, të cilët nuk duan të lënë të lirë dikë që besojnë./ h.ll/albeu.com

The post PSG dëshiron rinovimin e Xavi Simons appeared first on Albeu.com.