Vetëm ditën e sotme policia mundi të jepte përgjigje se kujt i përkiste dhe bëhet fjalë për 53-vjeçarin Adnant Jaupi nga Elbasani.

Ky i fundit jetonte në Konispol ku dhe punonte dhe sipas policisë vdekja ka ardhur për shkaqe natyrale e trupi është copëtuar nga kafshët e egra.

Banorët e zonës kanë folur jashtë kamerave dhe kanë treguar se 53-vjeçari kishte kohë që nuk punonte më si bari. Kohët e fundit punonte ku të gjente pagesa ditore.

Sipas banorëve ai nuk kishte familjar në Konispol, dhe ishte beqar. Andant Jaupi flinte në bodrumin e xhamisë së Kllogerit, aty dhe ku trupi u gjet i copëtuar. Gjatë kërkimeve për materiale kockore nga grupi hetimor, u gjendën dhe sende vetjake si veshmbathje dhe batanije, ç’ka vërteton se bodrumin e kishte kthyer në vend strehimi.

Po jashtë kamerave banorët e Xarrës thonë se viktima në të shumtën e kohës ishte në gjendje të dehur, dhe të hollat që fitonte duke punuar i shpenzonte për raki.

Trupi i 51-vjecarit u gjet një ditë më parë në bodrumin e Xhamisë së Kllogjerit i ndarë në dy pjesë. Ishte analiza e ADN-së që vërtetoi se e materiali kockor  i përkiste Andant Jaupit, nga Elbasani.

Sakaq, e motra, ka thënë se nuk e kishin denoncuar të zhdukur pasi ndodhte shpesh që i shkëpusnin lidhjet për 2 ose 3 muaj dhe riflisnin sërish./albeu.com

The post “Rrinte i dehur”, jeta e trishtë e 53-vjeçarit që u gjet i copëtuar: Jetonte në bodrumin e xhamisë appeared first on Albeu.com.

Blutë thonë se trupi është copëtuar nga kafshët e egra.

Siç u raportua më parë, trupi i pajetë i përket 53-vjeçarit Adnant Jaupi nga Elbasani, i cili punonte si çoban në fshatin Xarrë.

Njoftimi i plotë 

Në vijim të informacionit paraprak të dhënë ditën e djeshme, për gjetjen e mbetjeve kockore humane, në proces dekompozimi, pranë varrezave të fshatit Xarrë, informojmë se specialistët për Hetimin e Krimeve të Komisariatit të Policisë Sarandë kanë vijuar kontrollet në zonë dhe veprimet hetimore për këtë rast. Si rezultat, është bërë e mundur gjetja e trupit të cilit i përkisnin mbetjet kockore dhe identifikimi i kufomës, shtetasit Adnant Jaupi, banues në Elbasan.

Nga hetimet e deritanishme të kryera nga grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, dyshohet se ky shtetas (i punësuar çoban në fshatin Xarrë) ka humbur jetën për shkaqe natyrale dhe se trupi i tij i pajetë është copëtuar nga kafshët e egra.    Materialet iu referuan Prokurorisë, për veprime të mëtejshme.

Koka u gjet mbrëmjen e 14 nëntorit nga banorë të fshatit të cilët lajmëruan policinë.

Menjëherë pasi policia mbërriti në vendin e ngjarjes, konstatoi se koka kishte ende inde të buta çka shtoi dyshimet se ngjarja ishte e ditëve të fundit.

Sakaq, pas kontrolleve të shtuara në zonë, ditën e djeshme, 15 nëntor, u gjet edhe trupi.

Fillimisht u dyshua se mbetjet njerëzore ishin të njërit prej personave të zhdukur në Sarandë, më 7 prill 2023, Leonard Thodhori dhe Fatmir Sulovari.

Familjarë të Sulovarit përgjatë gjithë ditës së djeshme ndodheshin në vendin e ngjarjes për tu njohur me përgjigjet e ekspertizës mjeko-ligjore.

Sulovari dhe Thodhori janë zhdukur në prill dhe fat ii tyre vijon të mbetet mister edhe pas 8 muajsh.

/albeu.com

The post “Trupi është copëtuar nga kafshët e egra”, policia jep detaje për eshtrat e gjetura në Sarandë appeared first on Albeu.com.

Sakaq, policia vijoi kontrollet dhe ditën e sotme ka gjetur edhe një trup pranë vendit ku u gjet koka, e cila kishte ende inde të buta dhe ngjarja kriminale dyshohet se ka ndodhur kohët e fundit.

Policia dërgoi mbetjet ditën e djeshme në morg për t’iu nënshtruar ekspertizës mjeko-ligjore por ende nuk ka një përgjigje se kujt i përkasin.

Hetuesit kanë dyshime se bëhet fjalë për Leonard Thodhorin dhe Fatmir Sulovarin, dy personat e zhdukur në Sarandë në mënyrë misterioze në prill të vitit 2023.

Sakaq, ditën e sotme policia ka shtuar forcat në vendin e ngjarjes. Ekspertët dhe mjeku ligjor po kryejnë veprimet e para./albeu.com

The post Pas kokës gjendet trupi i dekompozuar në Sarandë appeared first on Albeu.com.

ABC News takoi një familje nga Lushnja në Xarrë të Konispolit. Prej dy muajsh ata mbledhin mandarina dhe fitojnë 2 mijë lekë në ditë.

Ata janë Agimi dhe Violeta dhe me dy fëmijët e tyre kanë lënë Lushnjën për t’u punësuar nga fermeri Areti Thoma.

“Punojmë me fushata, kur gjejnë punë punojmë. Në Lushnjë s’ka shumë punë është dobët. Këtu marrim 2 mijë lekë. Në Lushnjë të japin 1500 lekë dhe punojmë dy herë a tre here më muaj“, thotë Agimi.

Vjoleta tregon se kjo nuk është një punë aq e lehte. Duart e saj që janë prerë nga gërshëra skanë nevojë për koment.

“Mbushim nga 40-50 arka për njëri në ditë. Që në mëngjes deri në orën 2. Nga mesi i janarit mbarojnë mandarinat dhe do kthehemi në Lushnjë“, tregon Violeta.

Familja Thoma që i ka punësuar, uu ka siguruar edhe një banesë. Nuk paguajnë qira po vetëm faturat e ujit dhe energjisë.

Rubia dhe Areti Thoma jetojnë në Greqi po herë pas herë kthehen për tu kujdesur, vjelë dhe tregëtuar mandarinat.

“Është punë shumë e vështirë. Spërkatim, bëjmë vaditje natën se korrenti është i dobët. Edhe puna e vjeljes është e vështirë. Ngrihemi në 5 të mëngjesit shkojmë në grumbullim dhe marrim arkat për t’i mbledhur. Sjellim punëtorët në fushë dhe më pas i rregullojmë mandarinat siç i do tregu”, sqaron Rubia Thoma.

Ankohen për vështirësitë e gjetjes së tregut dhe çmimin 50 apo 40 lekë për kg të cilin se vendosin dot vetë, por tregtarët që u blejnë mandarinat.

Fermerët e Xarrës, por dhe fshatrave të tjerë të Konispolit të ardhurat gjatë dimrit i sigurojnë nga shitja e mandarinave dhe ullinjve. Vitet e fundit kanë pasur më pak fitime për shkak se janë zona të largëta.

The post Agimi dhe Violeta lenë Lushnjen dhe punësohen në Xarrë: Çifti vjel mandarina për 2 000 lekë në ditë appeared first on Albeu.com.