Shërbimi rus i sigurisë hapi dje një hetim spiunazhi ndaj gazetarit të Wall Street Journal, Evan Gershkovich, 31 vjeç – një krim që mbart një dënim deri në 20 vjet burg në Rusi – dhe një gjykatë vendosi shpejt se ai do të mbahej pas hekurave në pritje të rezultateve të tij.

WSJ i mohoi me forcë akuzat, të cilat sekretarja e shtypit e Shtëpisë së Bardhë i quajti “qesharake” dhe “të papranueshme”.

Karine Jean-Pierre tha në një konferencë shtypi: “Këto akuza për spiunazh janë qesharake. Trajtimi i qytetarëve amerikanë nga qeveria ruse është i papranueshëm. Ne dënojmë ndalimin e z. Gershkovich.”

Antony Blinken, Sekretari i Shtetit, shtoi: “Me termat më të fortë të mundshëm, ne dënojmë përpjekjet e vazhdueshme të Kremlinit për të frikësuar, shtypur dhe ndëshkuar gazetarët dhe zërat e shoqërisë civile.”

Kjo është hera e parë që një korrespondent i SHBA-së është arrestuar me akuza për spiunazh që nga Lufta e Ftohtë.

Analistët politikë perëndimorë spekuluan se Moska mund të kërkojë të shkëmbejë zotin Gershkovich në një shkëmbim të burgosurish me Uashingtonin ose ta përdorë atë si levë diplomatike.

Shërbimi rus i sigurisë pretendoi se ai “po vepronte sipas udhëzimeve nga pala amerikane për të mbledhur informacion në lidhje me aktivitetet e një prej ndërmarrjeve të kompleksit ushtarak-industrial rus që përbën një sekret shtetëror”.

“WSJ mohon me forcë akuzat nga FSB dhe kërkon lirimin e menjëhershëm të reporterit tonë të besuar dhe të përkushtuar, Evan Gershkovich”, tha gazeta. /albeu.com

The post Arrestimi i gazetarit amerikan në Moskë, reagon Shtëpia e Bardhë: E papranueshme! appeared first on Albeu.com.

Këtë raport, ish-presidenti i SHBA-ve Donald Trump, nuk e ka lënë t’i kalojë pa komentuar.

Ai ka thënë se, fjala e tij doli, pasi më herët, në fillim të prandemisë është shprehur se koronavirusi ka dalë nga një laborator kinez.

“Kam pasur të drejtë që nga fillimi, ishte mëse e qartë që virusi kishte dalë nga një laborator kinez. U kritikova ashpër si zakonisht, por tani të gjithë thonë se kisha të drejtë”, tha Trump në një deklaratë.

Në debatin mbi origjinën e koronavirusit, raportet e medias, siç është Wall Street Journal i kohëve të fundit , lë të kuptohet se virusi mund të ketë dalë nga një laborator, pasi tre studiues në Uhan kanë pasur simptoma që nga nëntori 2019 .

Shtëpia e Bardhë nuk e konfirmon raportin, por bën thirrje për transparencë në hulumtimet nga Organizata Botërore e Shëndetësisë./albeu.com

The post Trump bëhet “i gjallë”: Fjala ime doli, kjo është origjina e COVID-19 appeared first on Albeu.com.