Burnely ka barazuar 1-1 në transfertë përballë Wrexham, në ndeshjen e vlefshme për javën e gjashtë të Championship, kategoria e dytë për nga rëndësia në Angli.

Amdouni shënoi për miqtë në minutën e 26-të, ndërsa vendësit rikthyen ekuilibrat në të 55-tën. Me këto dy gola u vendos dhe kjo përballje, ndërsa për Armando Brojën nuk pati minuta.

Sulmuesi i Shqipërisë nuk u preferua nga trajneri Nick Hayen, me shkodranin i cili mbeti në stol përreeth 90 minuta. Një situatë e paqartë për shkodranin, pasi 3 ditë më parë u pa në fushë për 45 minuta përballë Bristol City, ndeshje e humbur 1-2, ku Broja mori dhe karton të verdhë.

The post Vazhdojnë luhatjet e Burnleyt në Angli, trajneri “djeg” sërish në stol Armando Brojën appeared first on Albeu.com.

Anis Mehmeti ka refuzuar një tjetër ofertë për të luajtur në Championship, pasi synimi i sulmuesit shqiptar është transferimi në elitën e futbollit anglez, Ligën Premier.

Gazetari Ben Jacobs raporton se 25-vjeçari nuk ka pranuar propozimin e Wrexhamit, edhe pse klubi uellsian kishte gjetur gjuhën e përbashkët me Ipswich Town për transferimin e tij.

“Për momentin, Anis Mehmeti nuk ka dashur të luajë në Championship. Mehmeti ka refuzuar gjithashtu Wrexhamin, pasi ata kishin arritur marrëveshje me Ipswich Town”, ka deklaruar Jacobs.

Futbollisti, aktualisht pjesë e Ipswich Town, është spikatur vitet e fundit për paraqitjet e tij në futbollin anglez dhe tashmë duket se kërkon të provojë veten në nivelin më të lartë të këtij kampionati.

Vendimi për të mos kaluar te Wrexhami e mban ende të paqartë të ardhmen e Mehmetit, i cili mund të marrë në shqyrtim alternativa të tjera deri në përfundimin e afatit kalimtar.

Nëse objektivi i tij mbetet Liga Premier, ditët e fundit të merkatos mund të sjellin lëvizje të reja për të ardhmen e sulmuesit shqiptar.

The post Anis Mehmeti i thotë jo Wrexhamit, shqiptari synon kalimin në Ligën Premier appeared first on Albeu.com.