Elvis Rexhbeçaj nuk do të jetë pjesë e Kombëtares së Kosovës në ndeshjet e ardhshme të Ligës së Kombeve, pasi një dëmtim në këmbë e ka lënë jashtë listës së të gatshmëve.

Mungesa e mesfushorit nga Prizreni është konfirmuar edhe nga klubi i tij, Wolfsburgu, që po garon për rikthimin në elitën e futbollit gjerman.

Përmes një komunikate, skuadra gjermane bëri të ditur se Rexhbeçaj ishte ftuar nga Kosova, por nuk do të mund të udhëtojë për t’iu bashkuar përfaqësueses gjatë pushimit të ri ndërkombëtar, për shkak të problemeve me këmbën.

Si zëvendësues i tij është ftuar mesfushori Dion Kacuri, i cili ka lënë Zvicrën për të përfaqësuar Kosovën.

Lista e plotë e futbollistëve të grumbulluar pritet të publikohet në orët e ardhshme.

The post Wolfsburgu zyrtarizon mungesën e Elvis Rexhbeçajt në grumbullimin e Kosovës appeared first on Albeu.com.

Kosova mund të përballet me mungesën e mesfushorit Elvis Rexhbeçaj në të katër ndeshjet e Ligës së Kombeve.

Futbollisti nga Prizreni pësoi një dëmtim në këmbë të premten, ndërsa ende nuk dihet se sa serioz është problemi. Për këtë arsye, ai do t’i nënshtrohet ekzaminimeve të tjera mjekësore.

Sipas raportimit të “Liga-zwei”, koha e rikuperimit të Rexhbeçajt mbetet e paqartë. Megjithatë, te klubi shpresojnë që gjendja e tij të përmirësohet.

Mesfushori u dëmtua pa pasur kontakt me ndonjë lojtar tjetër dhe ekziston mundësia që të qëndrojë jashtë fushave për një periudhë të gjatë. Testet e para nuk dhanë një rezultat të qartë, ndaj të hënën do t’i kryejë edhe disa kontrolle të tjera, të cilat do të monitorohen nga afër.

Mediumi gjerman raporton se, pavarësisht shpresës për përmirësim, nuk përjashtohet mungesa e tij në takimin ndaj Darmstadt.

Rexhbeçaj ishte në një formë shumë të mirë pas rikthimit te klubi ku është formuar, Wolfsburg, që garon në Bundesliga 2. Ai ka startuar si titullar në pesë ndeshjet e fundit.

Kosova do ta nisë rrugëtimin në Ligën e Kombeve në shtator, me ndeshjen e parë që do ta zhvillojë më 24 ndaj Irlandës.

The post Goditje për Kosovën, Elvis Rexhbeçaj rrezikon të mungojë për shkak të lëndimit appeared first on Albeu.com.

Juventusi ka njoftuar zyrtarisht afrimin e portierit polak Kamil Grabara, i cili vjen nga Wolfsburgu në huazim deri më 30 qershor 2027.

Portieri 27-vjeçar pritet të forcojë repartin e portierëve të klubit italian. Grabara e nisi karrierën në akademinë e Ruch Chorzów, përpara se në vitin 2016 të kalonte te Liverpooli.

Gjatë qëndrimit te skuadra angleze, ai u huazua te Aarhus dhe Huddersfield. Më pas, në vitin 2021, u transferua te FC Copenhagen, ku zhvilloi tri sezone të suksesshme dhe fitoi dy tituj kampionë, si edhe një Kupë.

Në vitin 2024, gardiani polak u bë pjesë e Wolfsburgut. Me klubin gjerman ai regjistroi gjithsej 63 paraqitje në Bundesliga.

Tashmë Grabara do të nisë një etapë të re në Itali, ku gjatë sezonit 2026/27 do të mbrojë ngjyrat bardhezi të Juventusit.

Juventusi e përshëndeti mbërritjen e tij me mesazhin: “Mirë se vjen te Juventusi, Kamil!” /

The post Kamil Grabara transferohet te Juventusi në formë huazimi appeared first on Albeu.com.

Trajneri Ralph Hasenhüttl e njeh shumë mirë sulmuesin kuqezi, pasi e ka stërvitur edhe më herët te Southampton.

Në sezonin 2021-2022, kur Broja ishte te Sauthemptoni pati një shpërthim gjatë kampionatit, duke shënuar 9 gola në 38 ndeshje të Premier Ligës, si i huazuar nga Çelsi, por në drejtimin e Hasenhüttl që tashmë kërkon që ta marrë 22-vjeçarin në Gjermani.

The post Ish-trajneri e kërkon në ekip, klubi i Bundesligës synon Brojën appeared first on Albeu.com.

Pjesa e parë i takoi në tërësi bavarezëve të cilët e dominuan atë gjatë tërë kohës ku dhe arritën që të shënojnë dy gola.

Golin e epërsisë Bayernit ia dha i riu Lovro Zvoranek i cili në minutën e katërt shënoi për rezultatin 1-0 pas asistimit nga Alphonso Davies.

Në minutën e 13-të Bayerni dyfishoi rezultatin, kësaj radhe përmes Leon Goretzkas i cili shënoi një gol të bukur për 2-0 pas asistimit nga Thomas Muller.

Në pjesën e dytë ra ritmi i lojës dhe Tuchel pati luksin për të bërë disa ndryshime në formacion duke marrë parasysh epërsinë e krijuar dhe faktin që kampionati tashmë ka përfunduar sa i përket kampionit.

Vendin e Neuerit në pjesën e dytë e zuri Daniel Peretz, ndërsa disa minuta tekniku gjerman ia garantoi edhe të riut Matteo Perez Vinlof.

Me këtë fitore Bayerni shkon në kuotën e 72 pikëve, ndërsa javën e ardhshme do ta luajë ndeshjen e fundit të sezonit ndaj Hoffenheimit në udhëtim. /Telegrafi/

The post Bayern Munich mposht me lehtësi Wolfsburgun në ‘Allianz Stadium’ appeared first on Albeu.com.

Gjegjësisht, gjatë një ndërhyrjeje, futbollisti i Kolnit, Max Finkgrafe, qëlloi brutalisht me top në kokë gjyqtarin anësorë Thorben Siewer.

Siewer nuk mundi të vazhdonte ndeshjen, kështu që ai u zëvendësua nga gjyqtari i katërt Nicolas Winter dhe duke qenë se ndeshja nuk mund të vazhdonte pa gjyqtarin e katërt, spikeri zyrtar mori leje nga delegatët për të bërë një kërkesë në altoparlant për të gjetur një të kualifikuar.

Rolin e gjyqtarit të katërt e mori Tobias Krull, 32-vjeçari që ishte në tribunë dhe që është portieri i MTV Gifhorn, një klub vendas që garon në kategorinë e gjashtë të futbollit gjerman.

Më pas Krull u vesh me uniformën e arbitrit dhe qëndroi pranë vijës së kontaktit dhe kreu funksionin e arbitrit të katërt deri në fund të ndeshjes.

Ai në fund të ndeshjes u përgëzua nga gjyqtarët për punën e bërë, por edhe nga futbollistët dhe stafi teknik i të dyja skuadrave.

Ndeshja mes Wolfsburgut dhe Kolnit përfundoi me rezultat 1:1 pasi zgjati më shumë se dy orë nga fillimi i saj deri në fund. /Telegrafi/

Kto powiedział, że praca arbitra jest bezpieczna? Sędzia meczu Wolfsburg – Kolonia znokautowany. #domBundesligi pic.twitter.com/8OQ10MgxUz

— Viaplay Sport Polska (@viaplaysportpl) January 27, 2024

The post Skena të çuditshme në Bundesliga, një tifoz u bë gjyqtar pas lëndimit të kryesorit appeared first on Albeu.com.

Pas 33 minutash lojë, Jamal Musiala shënoi për 1-0 me një asistim të Thomas Muller.

Muller vazhdoi me asistime, por kësaj here ishte për Harry Kane (43’), që e dyfishoi epërsinë për Bavarezët.

Mirëpo, vendasit nuk u dorëzuan dhe e ngushtuan epërsinë e tyre në 2-1 me golin e Maximilian Arnold (45+1’).

Ishte minuta e 59-të e takimit kur Rogerio nuk arriti të shënonte nga afërsia, pasi Manuel Neuer ishte në vendin e duhur.

Një rast të mirë shënimi e lëshoi edhe Kane, që në minutën e 74-të nuk ia doli ta mposhte portierin e Ujqve për herë të dytë.

Pas javës së 16-të, Bayern Munichu gjendet në vendin e dytë me 38 pikë, katër më pak se Bayer Leverkuseni, ndërsa në xhiron e 17-të do të ketë punë me Hoffenheimin. /Telegrafi/

The post Bayern Munichu mbetet hije e Leverkusenit, fiton përballë Wolfsburgut appeared first on Albeu.com.

Sfida mes Barcelonës dhe Wolfsburgut në ndeshjen e parë gjysmëfinale të Ligës së Kampionëve për femra në Camp Nou ka hyrë në histori si ndeshja më e ndjekur e futbollit për femra ndonjëherë.

Gjithsej 91.648 shikues në tribuna kaluan 91.553 që ishin në stadium për çerekfinalen kundër Real Madridit.

Barcelona i kishte këshilluar tifozët që të shkonin në stadium paraprakisht në mënyrë që të gjithë të mund të uleshin para se të binte bilbili për fillimin e ndeshjes. Një numër i tifozëve shfrytëzuan periudhën para ndeshjes për të shijuar aktivitetet e organizuara nga klubi rreth stadiumit, dhe ata që nuk donin të humbnin kohë dhe hynë në stadium deri në një orë para fillimit.

Para fillimit të ndeshjes kishte muzikë dhe argëtime të tjera. Nga “Ay Mama” e Rigoberta Bandinit deri te himni i Barcelonës. Humori ishte festiv dhe u përmirësua vetëm nga fitorja 5-1 e Barcelonës.

91,648 shikuesit që u shfaqën në Camp Nou (ata pritën deri në minutën e 88-të të ndeshjes për të shpallur shifrën e frekuentimit) tejkaluan 91,533, me 115, që kishin parë çerekfinalen kundër Real Madridit./ h.ll/albeu.com

The post Rekord historik në futbollin e femrave, Barcelona thyen rekordin e tifozëve në stadium appeared first on Albeu.com.