Wojciech Szczesny ka ndarë një dëshmi tronditëse, teksa ka bërë të ditur se prej më shumë se dhjetë vitesh vazhdon të luajë nën dhimbje të pandërprera, pas një dëmtimi të rëndë që e pësoi kur ishte pjesë e Arsenalit.

Gardiani i Barcelonës shpjegoi se çdo ndërhyrje që bën i shkakton dhimbje, duke treguar njëherazi se kjo ishte arsyeja kryesore pse kishte vendosur të mbyllte karrierën, para se ta telefononte klubi katalanas.

Kalimi i Szczesnyt te Barcelona në sezonin 2024/25 u pa si një rikthim i jashtëzakonshëm pas pensionimit, por portieri polak ka treguar tashmë anën e vështirë fizike që, sipas tij, e ka shoqëruar gjatë gjithë rrugëtimit në futboll.

Ai bëri të ditur se kishte thyer të dy krahët gjatë një seance stërvitore në palestër, në periudhën kur luante te Arsenali në Londër, ndërsa pasojat e atij dëmtimi i kanë mbetur edhe gjatë periudhave te Roma, Juventus dhe tani në ‘Camp Nou’.

Dhimbjet kronike, sipas tij, ishin faktori kryesor që e shtyu të tërhiqej nga futbolli pas Euro 2024, pasi pesha e futbollit profesionist ishte bërë gjithnjë e më e vështirë për t’u përballuar.

Në një intervistë në YouTube me ish-shokun e kombëtares polake, Grzegorz Krychowiak, portieri me përvojë tregoi se dëmtimi i rëndë i pësuar te Arsenali në vitin 2008 ia ndryshoi përgjithmonë karrierën.

Ai foli edhe për shkallën e dhimbjeve që përjeton çdo ditë, si gjatë ndeshjeve, ashtu edhe në stërvitjet që zhvillon nën drejtimin e trajnerit Hansi Flick.

“Nuk mund ta kap topin pa ndjerë dhimbje. Nuk ka pasur asnjë gjuajtje që kam pritur pa ndjerë dhimbje. Thjesht jam mësuar me të, por është një ndjesi shumë e pakëndshme”, tha Szczesny.

“Ndonjëherë më duhet ndihma e dikujt tjetër vetëm për t’i hequr dorezat. Nuk mund ta mbaj as një shishe uji pa më rënë nga dora dhe as ta hap kapakun e saj. Zakonisht më duhen rreth një orë që duart të më rikthehen në gjendje normale”, përfundoi ai.//

The post Szczesny rrëfen dhimbjen që e shoqëron prej vitesh: As një pritje nuk e bëj pa vuajtur, s’mund të mbaj dot as një shishe uji appeared first on Albeu.com.

Polaku, siç raportohet nga edicioni i sotëm i Marca, u zhyt menjëherë në realitetin blaugrana, aq sa çoi klubin të propozonte një rinovim për një sezon të mëtejshëm: një situatë për t’u vlerësuar, por hapja nga ana e katalanasve është e qartë, nëse ish-portieri i Juventusit dëshiron mund të qëndrojë edhe një vit.

Ende zero paraqitje për Szczesny, megjithatë klubi vlerësoi shpirtin me të cilin ai mbërriti, një arsye më shumë për të blinduar një lojtar ekspert, i aftë për të qenë menjëherë i disponueshëm në rast nevoje.

The post Asnjë minutë në fushë, por Barça planifikon të rinovojë kontratën me Szczesny appeared first on Albeu.com.

Ish-portieri polak i Juventusit ka hequr dorë kështu nga ideja për t’i thënë lamtumirë futbollit, të cilin e kishte deklaruar vetëm një muaj më parë. Sipas Fabrizio Romano, ai do t’i nënshtrohet ekzaminimeve mjekësore në orët e ardhshme, ndërsa në Spanjë shkruajnë se firma e kontratës mund të arrijë që në javën e ardhshme.

Sipas Mundo Deportivo, ideja e Barçës është që të kompensojë mungesën e Ter Stegen deri në qershorin e ardhshëm dhe më pas të tentojë, në afatin kalimtar të verës, të hidhet në sulm për Diogo Costa, portierin e Portos.

I pyetur nga Sport, ish-lojtari i Juventusit në Marbella e bën të qartë se marrëveshja është në të vërtetë e drejtuar mirë: “Unë e respektoj shumë historinë e Barcelonës, është një nga klubet më të mira në botë. Dëmtimi i Ter Stegen përfaqëson një vështirësi të madhe për klubin dhe mendoj se do të ishte mungesë respekti nga ana ime të mos e shqyrtoja këtë opsion”.

The post Szczesny i thotë po Barcelonës appeared first on Albeu.com.

Portieri 34-vjeçar ishte transferuar tek Juventusi nga Arsenali për shifrën e 15 milionë eurove në vitin 2017.

Szczesny deri më tani ka bërë mbi 200 paraqitje për ‘Zonjën e Vjetër’ gjatë shtatë viteve sa ka qenë pjesë e tyre.

Sipas gazetës italiane Calciomercato, Juventusi po shpreson që ta shes Szczesny gjatë muajve në vazhdim, teksa po përgatiten për ardhjen e Michele Di Gregorit.

Një marrëveshje ishte arritur me Monzan për portierin 26-vjeçar, i cili mbajti 12 porta të pastra gjatë sezonit 2023/2024.

Juventusi po paguan rreth 17 milionë për të nënshkruar me Di Gregorin dhe po shpresojnë se me shitjen e Szczesnyt do të rikthejnë pas disa para nga transferimi i tij.

Lojtari po insiston që të mbetet në Turin për shkak se familja e tij është adaptuar me qytetin.

Szczesny gjithashtu thuhet se ka besim që të luftojë për një fanellë titullari tek Juventusi, përkundër ardhjes së pashmangshme të Di Gregorit.

Lojtari më herët ishte lidhur me një kalim në Lindjen e Mesme, por që në çdo dalje publike i kishte mohuar këto zëra.

“E di se jam dhe do të jem një lojtar i Juventusit deri në momentin kur ata nuk më duan këtu. Unë jam i lidhur me këtë ekip dhe i respektoj vendimet e tyre. Ata më duan këtu që të mbrojë portën e Juventusit”, ka thënë portieri polak. /Telegrafi/

The post Ylli i Juventusit refuzon largimin pavarësisht se klubi ka gjetur zëvendësuesin e tij appeared first on Albeu.com.

Përkundër se qëndroi në fushë deri në vërshëllenim e fundit të gjyqtarit, Szczesny do ta mbajë gjatë në mendje sfidën me rivalin lokal.

Pas një përplasje në zonë me Masinën, polaku mbeti i dëmtuar në hundë me mjekët që morën disa minuta për t’i ndalur gjakun në hundë 33-vjeçarit.

Pas sfidës, trajneri Massimiliano Allegri u shpreh se Szczesny mund të kishte pësuar frakturë në hundë.

E në fakt më e keqja u konfirmua vetëm disa orë më pas, me portierin kishte pësuar frakturë në dy vende të hundës.

Polaku iu nënshtrua menjëherë ndërhyrjes kirurgjikale dhe për momentin nuk bëhet ende e ditur koha e rikuperimit.

Te Juventus, shpresojnë që ta kenë gati sa më shpejt të jetë e mundur për këto ndeshje të fund sezonit, ndoshta edhe duke i përshtatur një maskë mbrojtëse.

Gjithsesi, në rast se Szczesny nuk ia del, atëherë i gatshëm është edhe Mattia Perin. /Telegrafi/

The post Frakturë në dy vende, Szczesny përfundon në sallën e operacionit pas derbit me Torinon appeared first on Albeu.com.