Turespaña, Wizz Air dhe Aeroporti Ndërkombëtar i Tiranës (TIA) organizuan sot në Tiranë një aktivitet prezantues për destinacionet spanjolle, duke mbledhur së bashku përfaqësues të medias, operatorë turistikë, aktorë të industrisë së turizmit dhe partnerë institucionalë për të festuar destinacionet e reja mes Shqipërisë dhe Spanjës, si dhe për të eksploruar mundësi të reja për forcimin e turizmit dhe shkëmbimit kulturor mes dy vendeve.

“Falë zgjerimit të lidhjeve ajrore, po shohim një rritje të ndjeshme të shkëmbimeve turistike mes dy vendeve tona. Aktualisht, kemi rreth 100 mijë vizitorë spanjollë që zgjedhin Shqipërinë si destinacion, ndërsa rreth 40 mijë shqiptarë udhëtojnë drejt Spanjës.
Jam shumë i lumtur për këtë lidhje gjithnjë e më të ngushtë, pasi ajo kontribuon jo vetëm në zhvillimin e turizmit, por edhe në forcimin e marrëdhënieve mes dy vendeve tona.” – u shpreh Gabriel Cremade, Ambasadori I Spanjës në Shqipëri.

“Spanja ofron një eksperiencë turistike jashtëzakonisht të larmishme, nga kultura dhe gastronomia deri te plazhet, natyra dhe arratisjet urbane”, u shpreh Blanca Perez-Sauquillo, Këshilltare për Turizmin pranë Ambasadës së Spanjës në Shqipëri. “Përmes këtij aktiviteti prezantues, jemi të lumtur të prezantojmë disa nga destinacionet më tërheqëse të Spanjës për tregun shqiptar dhe të forcojmë më tej marrëdhëniet turistike mes Spanjës dhe Shqipërisë.”

“Spanja mbetet një nga destinacionet më të preferuara për udhëtarët shqiptarë dhe jemi shumë të lumtur që mundësojmë eksplorimin e disa prej vendeve më të bukura të Spanjës”, deklaroi Vera Jardan, Menaxhere e Komunikimit Korporativ në Wizz Air. “Përmes fluturimeve tona direkte dhe me tarifa të përballueshme, synojmë ta bëjmë udhëtimin më të aksesueshëm, duke kontribuar njëkohësisht në rritjen e turizmit dhe shkëmbimit kulturor mes dy vendeve.”

Piervittorio Farabbi, Drejtor Operacional në Aeroportin Ndërkombëtar të Tiranës, shtoi: “Zgjerimi i vazhdueshëm i lidhjeve ajrore mes Tiranës dhe Spanjës reflekton kërkesën në rritje për udhëtime mes vendeve tona dhe nxjerr në pah rolin strategjik të aviacionit në zhvillimin ekonomik dhe turistik. Jemi të kënaqur të mbështesim iniciativa që bashkojnë partnerët e industrisë dhe promovojnë integrimin gjithnjë e më të madh të Shqipërisë me destinacionet kryesore europiane.”

Së fundmi në listën e destinacioneve të Wizz Air nga Tirana, janë shtuar Palma de Mallorca dhe Santander, të cilat ofrojnë alternativa të reja për pushime verore dhe eksplorim gjatë gjithë vitit.

Zhvillimi i vazhdueshëm i Aeroportit Ndërkombëtar të Tiranës është mbështetur edhe nga investimet strategjike të grupit Kastrati, të cilat kanë kontribuar ndjeshëm në zgjerimin e infrastrukturës aeroportuale, rritjen e kapaciteteve operacionale dhe shtimin e destinacioneve të reja ndërkombëtare. Ky transformim ka forcuar rolin e TIA-s si një nyje kyçe rajonale për turizmin dhe lidhjet ajrore në Europë.

Rreth Wizz Air
Wizz Air operon me një flotë prej 262 avionësh Airbus A320 dhe A321. Një ekip profesionistësh të dedikuar në aviacion ofron shërbim superior dhe tarifa shumë të ulëta, duke e bërë Wizz Air zgjedhjen e preferuar të 63.4 milionë pasagjerëve gjatë vitit financiar 2025. Wizz Air është e listuar në Bursën e Londrës nën simbolin WIZZ. Kompania është vlerësuar gjithashtu si “Linja Ajrore më e Qëndrueshme me Koston më të Ulët” gjatë viteve 2021–2025 nga World Finance Sustainability Awards. Në vitin 2025, Wizz Air kryesoi renditjen e emetimeve ndër linjat ajrore kryesore, siç u prezantua nga Cirium, një kompani analitike e aviacionit, falë punës së saj në uljen e intensitetit të emetimeve. Së fundmi, në shtator 2025, Wizz Air u vlerësua me çmimin “Linja Ajrore e Qëndrueshme e Vitit 2025” në gala-mbrëmjen e Airline Economics Sustainability Awards. /albeu.com/

The post TIA dhe Wizz Air prezantojnë destinacionet e reja drejt Spanjës appeared first on Albeu.com.

Lista e avionëve që priteshin mbrëmë në Rinas:

Pas më shumë se një ore, dy avionët e WizzAir, u devijuan në Shkup, Maqedoni.

“Flight Radar” ka treguar uljet e dy avionëve WizzAir në Shkup.

Asnjë shpjegim zyrtar për këtë vonesë dhe devijim nuk u dha nga aeroporti dhe kompania e fluturimeve.

Për më tepër, në videot e postimit ju tregojmë “sorollatjen” e dy avionëve WizzAir me pasagjerë, për më shumë se një orë në ajër.

The post WizzAir sorollat 2 avionë në ajër më shumë se 1 orë, i devijon në Shkup appeared first on Albeu.com.

Qytetarë të shumtë kanë raportuar per albeu.com per anullime dhe vonesa te fluturimeve gjate ketyre diteve, por duket se qershia mbi torte eshte fluturimi i mengjesit të sotëm W4 5026, nga Milano Malpensa drejt Tiranes.

Ky fluturim i cili ishte i planifikuar per ne oren 8:40 të mengjesit eshte anulluar, ndersa kompania e ka njoftuar kete anullim permes dy e-maileve te derguar rreth ores 2 dhe 3 te mesnates, duke njoftuar pasagjeret se fluturimi tjeter ishte planifikuar per ne oren 23:00, sic shihet ne fotot e meposhtme.

Megjithate, ne oren 17:55, kompania ka nisur serish nje email pasagjereve ku njoftohen se eshte shtyre edhe fluturimi i ores 23:00, duke u spostuar ne oren 00:00. Nderkohe qe pasagjeret kane arritur ne aeroport dhe pasi kane bere check-in, ne oren 21:22, Wizzair serish ju komunikon shtyrjen e fluturimit per te katerten here, transmeton Albeu.com.

Kete here, shtyrja behet per diten tjeter ne oren 14:00, por deri atehere serish nuk dihet fati i ketij udhetimi.

Nderkohe, qe kompania nis njoftime permes emailit, asnje numer telefoni ose emaili nuk i pergjigjet thirjeve telefonike, ku qytetaret mundohen te marrin me shume sqarime dhe se si duhet te veprojne per me tej.

The post Nga Wizzair asgjë e re/ I njejti fluturim shtyhet 4 herë, pasagjerët flenë aeroporteve appeared first on Albeu.com.

Qytetarë që mbeten në aeroporte duke pritur për orë të tëra apo fluturime që anulohen papritur janë një panoramë thuajse e përditshme e WizzAir, ndërkohë që një qytetar është ankuar sëfundmi në rrjetet sociale se kanë ngecur në Bari prej mbrëmjes së djeshme dhe nuk e dinë ende se kur do të nisen për në Shqipëri.

“As nuk na nisin një tjetër avion e as nuk po rregullohet ky që thonë se ka pësuar defekt. Duhet të ishim nisur dje në orën 18:20 dhe akoma nuk e dimë kur dhe nëse do të nisemi. Ndërkohë ka shumë njerëz që presin ndër të cilët të moshuar e fëmijë. Ju lutem bëjeni publik problemin tonë, pasi orët kalojnë dhe ende nuk ka një zgjidhje për ne”, shkruan ai.

AlbEu verifikoi pretendimin e qytetarit përmes të dhënave të raportuara nga FlightRadar dhe rezulton se avioni në fjalë duhej të nisej në orën 19:15 nga Bari dhe nuk është nisur. Po ashtu, pas interesimit që bën në aeroportin e Rinasit rezulton se ai duhej që të zbriste aty në orën 20:15 dhe nuk ka zbritur ende.

Vetë kompania nuk ka bërë asnjë njoftim në lidhje me këtë fluturim, ndërkohë që autoritetet heshtin. /albeu.com

The post Dhjetëra pasagjerë bllokohen në Bari, avioni i Wizz Air nuk niset prej mbrëmjes së djeshme appeared first on Albeu.com.

Të pranishëm në uljen e avionët ishte edhe kryeministri, Edi Rama së bashku me një pjesë të kabinetit të tij, ndërsa fjalën e para e mori ministrja, Belinda Balluku.

Gjatë fjalës së saj ajo u shpreh se ditën e djeshme kanë marrë një konfirmin nga NATO për sigurinë teknike.

“Aeroporti i Kukësit tashmë është pjesë e certifikuar e logjistikës së NATOS dhe kjo tregon edhe një herë  të gjitha kushtet e sigurisë teknike dhe të gjitha kërkesat e sigurisë të vendosura nga Bashkimi Evropian dhe nga NATO  gjithashtu,” tha Balluku ndër të tjera. /albeu.com

The post WizzAir në aeroportin e Kukësit, Balluku: Dje kemi marrë konfirmimin nga NATO appeared first on Albeu.com.

Pas disa testimeve avioni ka zbritur pasagjerët e parë. Rama ka bërë të ditur po ashtu se destinacionet e para fillimisht do të jenë nga dy herë në javë.

“Kryeministri Edi Rama në aeroportin e Kukësit, ku pas testimeve të suksesshme kompania WizzAir ul avionët e saj me 4 destinacionet e para drejt 3 vendeve Austrisë, Gjermanisë dhe Zvicrës, fillimisht nga dy herë në javë”, shkruan Rama. /albeu.com

The post WizzAir ul avionin e saj në Kukës, këto janë destinacionet e para (VIDEO) appeared first on Albeu.com.