Juljan Shehu ka zgjedhur të vijojë karrierën te Widzew Lodz dhe nuk do të largohet gjatë merkatos së verës. Mesfushori i Kombëtares shqiptare ka vendosur të qëndrojë në Poloni, pavarësisht ofertës së Olympiacos dhe këmbënguljes së klubit grek.

Widzew Lodz ka bërë të ditur se 27-vjeçari do të mbajë shiritin e kapitenit në sezonin e ardhshëm. Ky vendim përbën një vlerësim të rëndësishëm për mesfushorin, i cili ka spikatur edhe me Kombëtaren shqiptare dhe është shndërruar në një titullar të padiskutueshëm.

Shehu rinovoi kontratën me skuadrën polake në tetor të vitit 2025. Marrëveshja e tij është e vlefshme deri në verën e vitit 2028, ndaj një transferim në një klub tjetër paraqitet i vështirë, pasi për kartonin e tij duhen paguar miliona.

The post Juljan Shehu refuzon interesimin e Olympiacos, Widzew Lodz i beson shiritin e kapitenit appeared first on Albeu.com.