Fjalën e hapjes e mbajti Rektori i Universitetit Western Balkans, Prof. Dr. Ferdinand Gjana, i cili në fjalimin e tij theksoi rëndësinë e këtij momenti për institucionin, si dhe përkushtimin e universitetit ndaj cilësisë akademike, inovacionit dhe përgatitjes së profesionistëve të së ardhmes.

Më tej, fjalën përshëndetëse e mbajti Dr. Klodian Allajbeu, themelues i Universitetit Western Balkans dhe Spitalit Amerikan, njëkohësisht President i Dhomës së Tregtisë Britaniko-Shqiptare, i cili ndau vizionin që qëndron pas krijimit të këtij institucioni dhe rolin e tij strategjik në zhvillimin e arsimit të lartë në Shqipëri dhe më gjerë.

Ceremonia u nderua gjithashtu nga Shkëlqesia e Tij, Ambasadori i Mbretërisë së Bashkuar në Shqipëri, Z. Nicholas Abbott, i cili tha se bashkëpunimi që Universiteti Western Balkans ka me universitetet britanike, është një dëshmi e orientimit ndërkombëtar dhe standardeve të larta akademike të institucionit.

Pas fjalimeve zyrtare, u zhvillua ceremonia e ndarjes së diplomave, një moment kulmor dhe simbolik që shënoi zyrtarisht diplomimin e studentëve të parë të universitetit. Ngjarja u përmbyll me hedhjen tradicionale të kapeleve, një akt i mbushur me emocion, gëzim dhe krenari për përpjekjet, sakrificat dhe sukseset e secilit prej të diplomuarve.

The post VIDEO/ WBU diplomon brezin e parë të studentëve appeared first on Albeu.com.

Në këtë takim të rëndësishëm, morën pjesë Prof. Dr. Evis Sala, Rektor i Universitetit Western Balkans, Prof. Dr. Ferdinand Gjana, President i Universiteti Western Balkans, Assoc, Prof. Dr. Albana Halili, Zëvendës Rektore, profesorë dhe akademikë të tjerë.

Gjatë fjalës së saj, Rektorja e Universiteti Western Balkans, Prof. Dr. Evis Sala, vlerësoi punën që po bëhet në këtë universitet dhe investimin për të ofruar një edukim serioz të njëjtë me universitetet më të mira perëndimore.

Prof. Dr. Ferdinand Gjana, President i Universiteti Western Balkans tha se WBU ofron programe të hartuara në Bashkëpunim me Universitetin e Cambridge dhe universitete të tjera perëndimore, duke i përgatitur studentët për tregun e punës…

Me studentë nga mbi 15 vende të ndryshme të botës, Universiteti Western Balkans ofron një infrastrukturë moderne, laboratorë të fjalës së fundit, një staf të kualifikuar ndërkombëtar, praktika të paguara që në vitin e parë të studimeve në Spitalin Amerikan, Hygeia dhe kompani të tjera, dhe duke shpërblyer ekselencën me bursa deri në 100%.

The post Universiteti Western Balkans mban Asamblenë e Përgjithshme Akademike; Gati për vitin akademik 2024-2025 appeared first on Albeu.com.

Një prej këtyre studentëve është edhe Vjosana Demiraj, e cila tashmë është pjesë e ekipit të Spitalit Amerikan. Ajo ndan me ne përvojën e saj dhe rëndësinë e kësaj mundësie të hershme për integrim në tregun e punës.

“Kurrikula e Inferimerisë në WBU ka një përpjekje të vazhdueshme për të aplikuar teorinë në situata reale, dhe kjo ishte shumë e rëndësishme për zhvillimin tim professional”, tregon Vjosana.

Ajo thotë se “puna në Spitalin Amerikan ka qenë një mundësi e jashtëzakonshme për mua. Kam mësuar të menaxhoj situata të ndryshme dhe të marr vendime të shpejta dhe të sakta, gjë që është esenciale në profesionin tonë”.

Universiteti Western Balkans është i vetmi Universitet në Shqipëri i cili ofron praktika të paguara që në vitin e pare të studimeve, kurrikula të përshtatura me tregun e punës dhe punësim të sigurtë pas studimeve.

View this post on Instagram

A post shared by Western Balkans University (@westernbalkansuniversity)

The post VIDEO / Ky është universiteti i vetëm në Shqipëri që punëson studentët që në vitet e para të studimeve appeared first on Albeu.com.

Universiteti Western Balkans ka sjellë një model të ri në arsimin e lartë në Shqipëri, duke integruar teorinë me praktikën dhe duke i integruar studentët me tregun e punës duke nisur nga vitet e studimit.

WBU është ngritur si një universitet i gjeneratës së katërt, me vizionin për të patur një ndikim pozitiv transformues në shoqëri dhe zhvillimin e qëndrueshëm të vendeve nëpërmjet ekselencës dhe inovacionit të vazhdueshëm në kërkim shkencor, arsim, kujdes shëndetësor, kreativitet dhe sipërmarrje.

Me profil ndërkombëtar dhe me programe studimi nga më të kërkuarat në tregun global të punës në fushat e mjekësisë ekonomisë, teknologjisë dhe inovacionit, Universiteti Western Balkans synon të promovojë zhvillimin e qëndrueshëm, duke nxitur progres, mirëqenie dhe inovacion në të gjitha fushat, në Ballkanin Perëndimor dhe më gjerë.

The post Universiteti Western Balkans akreditohet me vlerësimin maksimal 6-vjeçar nga ASCAL appeared first on Albeu.com.

Në këtë konferencë fjalën hyrëse të të cilës e mbajti Presidenti i Universiteti Western Balkans Prof. Dr. Ferdinand Gjana, morën pjesë, Prof. Skënder Gjinushi, President i Akademisë së Shkencave në Shqipëri, em. O. Univ. Dr. Rainer Reinmuller, Kryetar i Bordit Ndërkombëtar në Universitetin Western Balkans, Prof. John Austin, Drejtor i Qendrës Ekonomike të Michiganit, rektorë dhe shumë akademikë të fushave të ndryshme nga brenda dhe jashtë vendit.

Në fjalën e tij Prof. Dr. Ferdinand Gjana theksoi se arsimi i lartë është themeli i zhvillimit të qëndrueshëm dhe progresit shoqëror, duke përshkruar evoluimin e universitetit nga një model tradicional drejt një modeli të katërt të quajtur “Universiteti i Gjeneratës së Katërt”.

Kjo gjeneratë e universitetit është përgjigje ndaj sfidave mjedisore dhe ekonomike të kohës së sotme, duke pasur një qasje strategjike që e bën atë të formojë aktivisht mjedisin e saj.
Prof. Rainer Reinmuller tha se edukimi, kërkimi dhe inovacioni janë konceptet kryesore që i shoqërojnë Universitetet e Gjeneratës së 4-t, fokusi i të cilave është në impaktin social dhe zhvillimin rajonal.

Folësi kryesor i konferencës, Prof. John Austin, Drejtor i Qendrës Ekonomike të Miçiganit, theksoi në fjalën e tij se: “Universitetet si WBU duhet të kujdesen thellësisht, të kontribuojnë në të mësuarit dhe të kontribuojnë për individin dhe shëndetin familjar, mundësitë ekonomike dhe sigurinë.

Ju jeni njerëzit që do të zgjidhni problemet e botës rreth të jetuarit në mënyrë të qëndrueshme, rreth krizës se si ne lehtësojmë ndryshimet klimatike dhe se si ne i trajtojmë pozitivisht sfidat e ndryshme që paraqet bota e sotme.”

Konferenca eksploroi mundësitë dhe sfidat e universiteteve të gjeneratës së katërt në fushën e arsimit të lartë, kërkimit shkencor, inovacionit, revolucionit të AI, zhvillimit rajonal dhe sipërmarrja dhe kërkimi i kontributeve të mundshme të universiteteve përmes angazhimit aktiv për zhvillimin e qëndrueshëm dhe për të forcuar konkurrencën rajonale.

Konferenca vendosi një fokus të veçantë në përcaktimin dhe modelimin e Universiteteve të “Gjeneratës së Katërt” dhe shqyrtoi rolet dhe lidhjet e tyre me zhvillimin rajonal.

The post “Universiteti i Gjeneratës së katërt dhe Zhvillimit rajonal”, konferencë ndërkombëtare për Arsimin e Lartë në Universitetin “Western Balkans” appeared first on Albeu.com.

Të ftuar në këtë event ishin përfaqësues të lartë të institucioneve shtetërore, të bizneseve, akademikë dhe profesionistë të fushave të ndryshme.

Kryetarja e Kuvendit të Shqipërisë, Znj. Lindita Nikolla i dorëzoi çmimin Presidentit të WBU Prof. Dr. Ferdinand Gjana, i cili në fjalën e tij përshëndetëse theksoi se Universiteti Western Balkans po sjell përvojën më të mirë perëndimore në Shqipëri për të siguruar një arsim cilësor në vend dhe për pregatitjen e të rinjve për tregun global të punës.

Ky event ka si qëllim nderimin dhe vlerësimin e sipërmarrjeve për standardin, cilësinë pa kompromis, besueshmërinë dhe përgjegjshmërinë që ata kanë në treg.

The post Universiteti Western Balkans vlerësohet me “Çmimin e Ekselencës” nga Dhoma e Tregtisë dhe Industrisë appeared first on Albeu.com.

Bursat mundësohen nga Dhoma e Tregtisë së Mbretërisë së Bashkuar në Tiranë në kuadër të projektit “Perspektiva të Reja” në bashkëpunim me Ambasadën e Mbretërisë së Bashkuar në Shqipëri.

Në ceremoninë e firmosjes së memorandumit ditën e sotme, morën pjesë ambasadori i Britanisë së Madhe, lastair King-Smith, Kryetari i Dhomës së Tregtisë të Mbretërisë së Bashkuar në Tiranë Dr. Klodjan Allajbeu, Presidenti i Universiteti “Western Balkans”, Prof. Dr. Ferdinand Gjana, menaxheri i projektit “Perspektiva të Reja” z. Edval Zoto si dhe të ftuar të tjerë.

Në faqen e Universitetit sqarohen edhe hapat që maturantët duhet të ndjekin për të aplikuar.

Aplikimi bëhet në U-Albania, ku maturantët duhet të zgjedhin njërin nga programet bachelor të ofruara nga Universiteti “Western Balkans” në raundin e dytë të aplikimeve në datat 15 – 17 Shtator 2023 dhe të paraqiten sa më parë pranë universitetit për të kryer procedurat paraprake të aplikimit.

Bursat e studimit të ofruara nga #WBU për të gjitha programet Bachelor synojnë tu vijnë në ndihmë të rinjve nga këto zona.

The post Lajm i mirë për maturantët, “Western Balkans University” ofron bursa studimi për programet “Bachelor” appeared first on Albeu.com.

Dekania e Western Balkans University, Irma Gjana, ka treguar në Abc live pse të rinjtë duhet të zgjedhin ta vijojnë rrugëtimin e tyre në këtë universitet.

Western Balkans ofron shumë risi, por mbi të gjitha ofron praktikën për studentët, në disa nga institucionet shëndetësore më të mira në vend, siç janë spitalet Amerikane apo spitali Hygeia.

“Regjistrimet vazhdojnë. Jemi akoma në raundin e parë. Duhet të sqarojmë disa gjëra edhe në lidhje me përzgjedhjet që studentët duhet të bëjnë.

Në Western Balkans University ka shumë risi dhe për shkak të gjithë këtyre risive studentët duhet ta zgjedhin. Ne kemi në krahun tonë disa Spitali Amerikan, Spitali Hygeia, rrjetin e laboratorëve Alnet, laboratorët Canbridge. Mund të quhemi institucion i ri sa i përket arsimit, por kemi eksperiencë në lidhje me këto institucione.

Operojmë në tre fakultete. Kemi fakultetin e mjekësisë dentare, të shkencave ekonomike, kemi bioteknologjinë, inxhinierinë biomjekësore, menaxhimin e kujdesit shëndetësor, që na duhet edhe për sa i përket hapave për integrimin në BE. Kemi edhe fakultetin e mjekësisë, dhe këtu futen disa degë, infermieria, mamia, imazheria.

Në jemi konsultuar ngushtë me partnerët tanë. Në Western Balkans University shkon dhe merr leksionet në auditor, ndjek punë laboratroike në laboratorët me teknologjinë më të fundit.

Që në vitin e parë studentët kanë mundësi të bëjnë prakritka profesionale që kur të mbarojnë universitetin, të jenë direkt të gatshëm të merren me pacientin.

Duke qenë se kemi bashkëpunim me spitalet amerikane, kemi mundësi reale që të bëjnë praktikë. Të mos kenë diferenca me asnjë që ka mbaruar në Francë, Angli apo diku tjetër”, ka thënë Gjana.

Dekania shpjegoi më tej se mësimi ofrohet si në shqip, ashtu edhe në anglisht. Po ashtu, për studentët ofrohen bursa ekselence, ndërsa disa nga më të mirët e Shqipërisë janë regjistruar tashmë në Western Balkans University.

“Partnerët tanë na ndihmojnë të krijojmë kurrikulën që i përshtatet më mirë. Kemi stafin akademik shumë të dedikuar. Mësimi është edhe ne anglisht, edhe në shqip.

Për shkencat mjekësore teknike, janë në të dyja gjuhët. Sa i përket dy fakulteteve të tjera, janë tërësisht në anglisht, që studentët të jenë të gatshëm për tregun ndërkombëtar.

Western Balkans University është një institucion shumë ambicioz, ne synojmë të bëhemi i më mirët dhe për këtë shkak kemi hedhur hapa për studentët e ekselencës. Një pjesë e më të mirëve të Shqipërisë janë regjistruar tek ne. Kemi bursa ekselence me 100 % të tarifave për studentët me mesatare mbi 9.

Nga ana tjetër, institucionet që ne na mbështesin kanë dhënë bursat e tyre. Konsistojnë në bursa që fillojnë nga 25 deri në 100%.

Jo vetëm është e garantuar bursa, por është edhe punësimi. Sa i përket fakultetit të shkencave mjekësore, institucionet tona partnere kanë dhënë bursa dhe ofrojnë mundësi punësimi për këta studentë që janë të suksesshëm.

Jemi universiteti i vetëm në rajon që ofron teknologjitë më të fundit. Nuk duam që studentët tanë  t’i mësojnë gjërat në teori, të mos mësojnë dot detajet”, tha Gjana.

Pa dyshim, të mirëpritur janë edhe studentët nga rajoni, për të cilët po ashtu ofrohen bursa.

“Edhe studentët nga rajoni janë të mirëpritur, madje edhe me bursa. Për ta kemi programet e bursave njëlloj si për studentët shqiptarë. Kemi studentët e parë nga Kosova që po regjistrohen. Dëshirojmë vërtet të bëhemi ndërkombëtar. Western Balkans University të jetë një markë në botë për Shqipërinë dhe rajonin.

Universiteti është hapur pasi është bërë një studim i mirëfilltë tregu. Ata që do mbarojnë universitetin në Western Balkans University punën e kanë të garantuar. I kemi menduar mirë të gjitha se nuk duam të kemi një numër të madh që mbaron dhe nuk punon gjëkundi”, tha dekania.

Gjana shpjegoi edhe rëndësinë e programit “Epic” që ofron Western Balkans University. Ajo tha se praktikat që studentët do kryejnë në institucionet partnere, do të jenë të paguara.

“Programi “Epic” është një projekt shumë i bukur, ndoshta më i rëndësishmi i Western Balkans University. Ka dy lloje praktikash, ajo kurrikulare dhe ajo ekstrakurrikulare. Kjo e fundit është ajo praktika që do jetë e paguar për studentët. Është praktika në një nga institucionet që ne na mbështet, atje do bëjë praktikën dhe do paguhet”, tha Gjana.

The post “Western Balkans University” zgjedhja e duhur për marturantët, Gjana: Ofrojmë bursa për ekselentët dhe praktikë të paguar appeared first on Albeu.com.

Nisja e vitit të ri akademik është pranë dhe Evis Sala po ndanë detyrat e fundit me stafin e universitetit më të ri në vend.

Profesorja shqiptare me një karrierë të spikatur në Mbretërinë e Bashkuar dhe Shtetet e Bashkuara të Amerikës është Rektore themeluese e Western Balkans University.

Vjen në Atdhe ku përfundoi fakultetin e Mjekësisë dhe më pas u specializua në Institutin Onkologjik për të kontribuar në formimin e brezave të rinj.

“Karriera tamam akademike ka filluar në Angli në vitin 1996 në Universitetin e Kembrixhit në Biostatistikë dhe Epidemiologji. Pastaj vijoi me një Doktoratë dhe më vonë filloi specializimin në Radiologji për pesë vjet. Vitin e fundit siç është rregulli në Mbretërinë e Bashkuar krijohet mundësia për të bërë një trajnim në një fushë më të ngushtë dhe unë e kam bërë këtë në Shtetet e Bashkuara të Amerikës në Imazheri Pelvike Onkologjike”, tha Sala.

Prej shumë vitesh Doktoreshë Sala është Profesoreshë e Imazherisë Onkologjike në Universitetin e Kembrixhit në Mbretërinë e Bashkuar.

Ajo gjithashtu bashkë-drejton Programin e Avancuar të Imazhimit të Kancerit në Qendrën e Kembrixhit për Kërkimin e Kancerit dhe Programin e Integruar të Mjekësisë së Tumoreve.

“Jam kthyer pastaj në Kembrixh si staf, si lektore, sot pozicionet kanë ndryshuar në asistent profesor ku kam punuar deri në vitin 2012. Më pas jam kthyer në Amerikë si profesore e Radiologjisë dhe si mjeke për të drejtuar një staf kliniko- akademik prej 35 vetash dhe më pas brenda gjashtë vitesh 55 veta duke bërë një zhvillim si akademik dhe mjekësor për trajtimin e kancerit në një qendër shumë të njohur. Jam kthyer në Kembrixh si profesore e Imazherisë Onkologjike në 2012 dhe kam drejtuar një ekip si nga ana shkencore dhe ajo mjekësore duke pasur përvojë në të dy kontinentet. Ka qenë një kënaqësi e madhe t’i shpërbesh pacientit, por dhe si edukatore është kënaqesi shumë e madhe të frymëzosh dhe të rrisësh brezin e ri të kërkuesve në këtë rast në fushën e mjekësisë dhe imazherisë që ne këtë rast imazheria me inteligjencën artificiale dhe bumin e digjitalizimit është një nga degët që ndryshon, avancon në mënyrë të paparë”, tha Sala.

Profesoreshë Sala bashkë me një ekip të përzgjedhur studiuesish vendas dhe të huaj synojnë të të sjellin në Shqipëri, praktikat dhe metodat më të avancuar botërore në fushat e mjekësisë, teknologjisë dhe inovacionit në universitetin Western Balkans.

“Çdo rresht i programit do të jetë i ndërtuar në bazë të grupeve të punës së dy vendeve me ardhjen këtu dhe të ekspertëve anglezë nga Kembrixh dhe për të punuar në mënyrë të ngushtë. Jo vetëm ndërtimi i kurrikulës që është fazë e parë, por dhe aplikimi ndërthurja me praktikën në spital. Kjo do bëjë që kur ajo diplomë të merret në fund të programit mjekësor, ata studentë që mbarojnë të jenë të përgatitur të japin provimin e njohjes në Angli sepse janë mësuar me të njëjtin projekt. Nuk mbaron këtu se pas kësaj është viti intershipit. Kemi krijuar mundësira që një pjesë e studentëve, ata që dalin më mirë sigurisht, kanë një iniciativë që të bëjnë intership në Kembrixh apo universitete të tjera si ai Gracit apo të tjerë qe jemi ende në marrëveshje. Përtej kësaj është specializimi që varion nga 3 në 5 vjet. Do të nisin marrëveshjet për ta bërë në spitale në Mbretërinë e Bashkuar. Më vone është tregu i punës. Ne e duam Shqipërinë dhe të vijojmë të punojmë në Shqipëri nuk ka nevojë që truri të dalë i gjithi. Mund të dalë për një periudhë të caktuar të bëjë eksperiencën dhe të kthehet për t’i shërbyer pacientëve shqiptar”, shtoi Sala.

Dijet e marra në klasa pa u aplikuar në praktikë thotë doktoresha nuk i shërbejnë qëllimit për ti ardhur në ndihmë sa më mirë pacientit. Western Balkans University zgjidhjen e ka gjetur falë bashkëpunimit me Spitalin Amerikan dhe atë Hygeia.

” Është gjëja më e bukur që njeriu duhet të bëjë, të lësh diçka për brezat që vijnë. Kam ardhur në Shqipëri herë pas here për të dhënë leksione por tani është krijuar mundësia nëpërmjet Western Balkans University për të ndihmuar në krijimin e një strukture të mirëfilltë të një fakulteti mjekësie që të jetë i standardeve europiane botërore. Laboratorët paraklinikë deri tek pjesa e aplikuar. Mundësia është unike se jo vetëm ofrohet kualiteti akademik përmes mësimdhënies, por mos harrojmë që flasim për një degë mjekësore dhe mësimdhënia e pa lidhur me anën praktike është një mësimdhënie që nuk i shërben mirë pacientit. WBU ka bazën spitalore përmes Spitalit Amerikan dhe Hygeias për të bërë praktikën. Do të bëhet një lidhje organike siç ndodh dhe në vende të tjera të botës praktikisht dhe në universitetin e Kembrixh”, tha Sala.

Ndërsa pak ditë na ndajnë nga nisja e vitit të ri akademikë Rektorja themeluese e Western Balkans University i drejton këtë mesazh të rinjve.

“Është një moment shumë i veçantë në jetën tuaj të dashur student pasi është një moment pak i frikshëm mbase, por në të njejtën kohë shumë eksitues. Është ai moment që keni luftuar, keni punuar vite të tëra për të arritur këtu dhe ky është momenti të zgjedhësh çfarë do të bësh në etapën tjetër. Unë ju uroj të zgjidhni Western Balkans University sepse do ta ndjeni që në momentin që do të hyni në ambjenët e universitetit do që jeni në një institucion bashkëkohorë, që ka vision, që e ndjenë të ardhmen sepse pa patur një ide ku do ta shohësh veten pas 5 vjetësh është e veshtirë të jetosh të tashmen. Prandaj iu uroj të aplikoni. Nuk do ngeleni të zhgënjyer.”

Western Balkans University mirëpret këtë vit studentët e parë në fushat e mjekësisë, teknologjisë dhe inovacionit në 3 fakultete dhe 12 programe studimi, të ciklit të parë Bachelor dhe atij të dytë Master.

The post “WBU” pret studentët e parë, shkencëtarja e imazherisë mjekësore në Kembrixh: Sjellim metodat më të avancuara botërore appeared first on Albeu.com.

Gentiana Marku nga WBU në studion e ABC tregoi se të rinjtë kanë treguar një interes të madh për degët e universitetit, ndërsa aplikimet vazhdojnë.

Marku tha se të gjitha programet e “Western Balkans University”, vijnë si nevojë urgjente e tregut të punës, ndikuar nga largimet e shumta të të rinjve që përfundojnë degët e mjekësisë.

“Të gjitha programet vijnën si nevojë urgjente e tregut për të punësuar brezin e parë të studentëve. Kemi një hemorragji shumë të madhe të largimeve në vend. Kemi mungesë tregu, kjo është e evidentuar tashmë. Prandaj nisëm me këto degë të mira dhe të kërkuara.

Sipas vendimet të ministrisë mesatarja është 6.5, por kërkesat që kanë qenë në “Western Balkans University”, ne kemi pasur mesatare mbi 8. Kemi kërkesë të jashtëzakonshme të degës së stomatologjisë”, tha ajo.

Janë të shumta degët që plotësojnë kërkesat e tregut, si infermieria, fizioterapia, ndërsa Marku evidentoi stomatologjinë, që duket se ka një interes të shtuar. Plot 100 studentë do të përfitojnë bursa në WBU gjatë këtij viti akademik.

“Ecuria është mirë. Faza ka nisur tashmë. Telefoni i punës është gjithmonë aktiv. Pas stomatologjisë, rendisim shkencat kompjuterike, inxhinierinë bio-mjekësore, infermieria, mamia, fizioterapia, bie-teknologji, fizioterapi.

Të gjithë ata studentë që janë të interesuar në këto degë duhet të bëjnë aplikimin në U-Albania më pas në faqen tonë të web-it dhe do ti nënshtrohen më pas procesit të dosjeve të tyre”, tha ajo.

Një mundësi tjetër që ofron WBU është se 250 studentë me rezultate të mira do të përzgjidhen për të ndjekur nga afër në ambientet spitalore punën dhe do të ketë një pagesë për ta. Marku theksoi se WBU sjell nivelin e universiteteve ndërkombëtare ne Shqipëri.

“Deri në 250 studentë do të jenë gati 20 orë në javë në ambientet spitalore të kompanive tona partnere për të parë nga afër dhe do të jenë të paguar. Kjo praktikë i çon ata shumë pranë tregut të punës. Pse të mos jenë ata të punësuarit e para. Ne po rritemi në fazat e një të sapolinduri. Është e rëndësishme për ne të krijojmë një zinxhirë të shëndetshëm, nga bankat e shkollës tek punësimi.

Ne po sjellim të gjitha nivelet e një universiteti ndërkombëtar këtu në Shqipëri, pse jo që edhe rinia të mos ikë”, theksoi Marku.

The post Nisin aplikimet në “Western Balkans University”, Marku: Ofrojmë 100 bursa studimi, programet sipas kërkesës së tregut appeared first on Albeu.com.