Sinjalin e parë në këtë sfidë e lëshoi Rolando Mandragora, i cili shkaktoi jo pak drithërima në tribuna me një goditje nga distanca.

Pas gjysmë ore lojë, një incident bëri që takimi të ndalej. Teksa po merrte përsipër ekzekutimin e një goditje këndë, Biraghi gjakoset në kokë, pasi tifozët e ekipit anglez e kishin goditur me gota plastike dhe çakmakë.

Episodi më i rëndësishëm i pjesës së parë i takoi minutës së 45-të, kur Jovic realizoi gol me kokë, por festa e skuadrës vjollcë zgjati vetëm pak sekonda, pasi u anulua nga VAR për pozicion jashtë loje. Për vendimin u nevojit përdorimi i sistemit VAR, me teknologjinë që tha fjalën e vet pas disa sekondash.

West Ham fitoi penallti në minutën e 60-të pas një prekje të topit me dorë nga Biraghi. “Hammers” kaluan në epërsi falë një ekzekutimi perfekt të Benrahma nga pika e bardhë.

Të besuarit e Italianos reaguan shumë shpejt dhe vendosën ekuilibrat falë një gjuajtje të bukur të Bonaventura. Atëherë kur u mendua se skuadrat do t’i drejtohen shtesës, Bowen i dha trofeun West Hamit.

The post West Ham fiton Conference League, Fiorentina “kopjon” Romën appeared first on Albeu.com.

Ylli me famë botërore, Kanye West, është zyrtarisht personi më i pasur me ngjyrë në historinë e Shteteve të Bashkuara të Amerikës.

Ish-bashkëshorti i Kim Kardashian ka fituar shifra marramendëse nga bizneset e tij. Sipas “Bloomberg”, reperi tashmë ka një pasuri që ka kapur vlerën 6.6 miliard dollarë. Vitin e kaluar, reperi i famshëm u bë një miliarder pas lancimit të markës së tij të suksesshme të veshjeve dhe atleteve, Yeezy dhe kontratës së re shumëvjeçare me Gap.

“Business of Fashion” shkruan se marka Yeezy vlerësohet në 3.2 miliardë dollarë deri në 4.7 miliardë dollarë. Një bilanc i pa audituar i financave të West ka zbuluar gjithashtu se reperi ka 122 milionë dollarë stok, ndërsa i gjithë katalogu i tij i muzikës vlen 110.5 milionë dollarë. /albeu.com/

The post Kanye West, personi me ngjyrë më i pasur në historinë e Amerikës. appeared first on Albeu.com.